Dattakacandrika (Kuberapandita) p39

p39

' śuddhadattakasya tu pratigrahītrā eva mātṛ. pitrādipiṇḍadānaṃ tasya tanmātrasaṃbandhātvāditi | evañca sa hi santānāya pūrveṣā miti hetuvannigadasvarasānnaikaṃ putraṃ dadyāditi niṣedho dvayāmuṣyāyaṇatiriktaviṣaya santānavicchedābhāvādityuktameva | athāsya sāpiṇḍyam | janakakule avayavānvayena pratigrahītṛkule ca piṇḍānvayena tripauruṣa yadāha kārṣṇājiniḥ | yāvantaḥ pitṛvargāḥ syustāvadbhirddattakādayaḥ | pretānāṃ yojanaṃ kuryuḥ svakīyaiḥ pitṛbhiḥ saha | dvābhyāṃ sahātha tatputrāḥ pautrāstvekena tatsamam | caturthe puruṣe chedaṃ tasmādeṣā tripauruṣīti | asyārthaḥ, dattakādayaḥ putrāḥ pretānāṃ pratigrahītrādīnāṃ pitṝṇāmaurasatve dattakatve dvyāmuṣyāyaṇatve vā yāvantaḥ pitṛvargāḥ trayaḥ ṣaṭ vā tāvadbhiḥ saha teṣāṃ yojanaṃ sapiṇḍanaṃ kuryuḥ | tatra pratigrahītrādīnāmaurasatve tatpitṛpitāmahaprapitāmahāstrayaḥ dattakatve tatprati grahītṛpitāmahaprapitāmahāstrayaḥ dvyāmuṣyāyaṇatve tajjanakādyāstrayaḥ tatpratigrahītrādayastraya iti ṣaṭ | evañca dattakasya svakartṛke pārvvaṇe yeṣāṃ devatātvaṃ svaputrakarttṛke sapiṇḍīkaraṇe'pi teṣāmeva tathātvamiti jñāpitam | dattakasya putrāstu dattakasapiṇḍīkaraṇaṃ