Kamasutra 21.28

Jayamaṅgalā 21.28

Language: Sanskrit

21.28

evamāliṅ‌ganatāmbūlacumbananālāpairjātaparicayā'nirvadantī, gṛhāṇeti yācitaṃ nāyakena nidadhyātsthāpayet, tathā yuktāmiti | nidadhatīmuttarīye vā nibadhnatīm, ācchuritena pūrvoktena, stanamukulayoriti | mukulagrahaṇamatisparśānivṛttyarthaṃ bālatvād, vāryamāṇaśceti | sparśanasthityā vyavasthayā pariṣvañjayet, sthitimāha-tvamapīti | ānābhipradeśāditi | nābhipradeśaṃ yāvat , prasārya prasārya nivartayediti | vīpsā'tra kṣāntyartham , prasārya prasāryetyarthaḥ, krameṇeti | na sahasotsaṅkamāropayed , adhikamadhikamiti | nakhadaśanapadairapratipadyamānāmadhikopakramaṃ bhīṣayet |

Previous: 21.26
Next: 21.31
Up: 21

Linked texts (1)

Kāmasūtra — Vātsyāyana Mallanāga, Sanskrit