Pramāṇa · Search · About · API

Anvitarthaprakashika 67

Anvitārthaprakāśikā 67

Language
Sanskrit

Contents

67.1

śrībhagavānuvāca || yogasya lakṣaṇaṃ vakṣye sabījasya nṛpātmaje || mano yenaiva vidhinā prasannaṃ yāti satpatham

67.2

svadharmācaraṇaṃ śaktyā
vidharmācca nivartanam || daivāllabdhena saṃtoṣa ātmaviccaraṇārcanam

67.3

grāmyadharmanivṛttiśca mokṣadharmaratistathā || mitamedhyādanaṃ śaśvadviviktecemasevanam

67.4

ahiṃsā satyamasteyaṃ yāvadarthaparigrahaḥ || brahmacaryaṃ tapaḥ śaucaṃ svādhyāyaḥ puruṣārcanam

67.5

maunaṃ sahāsanajayaḥ sthairyaṃ prāṇajayaḥ
śanaiḥ || pratyāhāraścendriyāṇāṃ viṣayānmanasā hṛdi

67.6

svadhiṣṇyānāmekadeśe manasā prāṇadhāraṇam || vaikuṇṭhalīlā'bhidhyānaṃ samādhānaṃ tathātmanaḥ

67.7

etairanyaiśca pathibhirmano duṣṭamasatpatham || buddhyā yuñjīta śanakairjitaprāṇo hyatandritaḥ

67.8

śucau deśe pratiṣṭhāpya vijitāsana āsanam
tasmin svasti samāsīna ṛjukāyaḥ samabhyaset

67.9

prāṇasya śodhayenmārgaṃ pūrakakumbhakarecakaiḥ || pratikūlena vā cittaṃ yathā sthiramacañcalam

67.10

mano'cirātsyādvirajaṃ jitaśvāsasya yoginaḥ || vāyvagnibhyāṃ yathālohaṃ dhmātaṃ tyajati vai malam

67.11

prāṇāyāmairdaheddoṣāndhāraṇābhiśca kilbiṣān || pratyāhāreṇa saṃsargāndhyānenānīśvarānguṇān

67.12

yadā manaḥ svaṃ virajaṃ yogena susamāhitam || kāṣṭhāṃ bhagavato dhyāyetsvanāsāgrāvalokanaḥ

67.13

prasannavadanāmbhojaṃ padmagarbhāruṇekṣaṇam || nīlotpaladalaśyāmaṃ śaṅkhacakragadādharam

67.14

lasatpaṅkajakiṃjalkapītakauśeyavāsasam
śrīvatsavakṣasaṃ bhrājatkaustubhāmuktakandharam

67.15

mattadvirephakalayā parītaṃ vanamālayā || parārdhyahāravalayakirīṭāṅgadanūpuram

67.16

kāñcīguṇollasacchroṇiṃ hṛdayāmbhojaviṣṭaram || darśanīyatamaṃ śāntaṃ manonayanavardhanam

67.17

apīcyadarśanaṃ śaśvatsarvalokanamasrkṛtam || santaṃ vayasi kaiśore bhṛtyānugrahakātaram

67.18

kīrtenyatīrthayaśasaṃ puṇyaślokayaśaskaram || dhyāyeddevaṃ samagrāṅgaṃ yāvanna vyavate manaḥ

67.19

sthitaṃ vrajantamāsīnaṃ śayānaṃ
vā guhāśayam || prekṣaṇīyehitaṃ dhyāyecchuddhabhāvena cetasā

67.20

tasmin labdhapadaṃ cittaṃ sarvāvayavasaṃsthitam || vilakṣyaikatra saṃyujyādaṅge bhagavato
muniḥ

67.21

saṃcintayedbhagavataścaraṇāravindaṃ vajrāṅkuśadhvajasaroruhalāñchanāḍhyam || uttuṅgaraktavilasannakhacakravālajyotsnābhirāhatamahaddhṛdayāndhakāram

67.22

yacchaucaniḥsṛtasaritpravarodakena tīrthena mūrdhndhadhikṛtena śivaḥ śivo'bhūt || dhyāturmanaḥśamalaśailanisṛṣṭavajraṃ dhyāyecciraṃ bhagavataścaraṇāravindam

67.23

jānudvayaṃ jalajalocanayā jananyā lakṣmyā'khilasya suravanditayā vidhātuḥ || ūrvornidhāya karapallavarociṣā yatsaṃlālitaṃ hṛdi
vibhorabhavasya kuryāt

67.24

ūrū suparṇabhujayoradhiśobhamānāvojonidhī atasikākusumāvabhāsau || vyālambipītavaravāsasi vartamānakāñcīkalāpaparirambhi nitambabimbam

67.25

nābhihradaṃ bhuvanakośaguhodarasthaṃ yatrātmayonidhiṣaṇākhilalokapadmam || vyūḍhaṃ harinmaṇivṛṣastanayoramuṣya dhyāyeddvayaṃ viśadahāramayūkhagauram

67.26

vakṣo'dhivāsamṛṣabhasya mahāvibhūteḥ puṃsāṃ manonayananirvṛttimādadhānam || kaṇṭhaṃ ca kaustubhamaṇeradhibhūṣaṇārthaṃ
kuryānmanasyakhilalokanamaskṛtasya

67.27

bāhūṃśca mandaragireḥ parivartanena nirṇiktabāhuvalayānadhilokapālān || saṃcintayeddaśaśatāramasahyatejaḥ
śaṅkhaṃ ca tatkarasaroruharājahaṃsam

67.28

kaumodakīṃ bhagavato dayitāṃ smareta digghāmarātibhaṭaśoṇitakardamena || mālāṃ madhuvratavarūthagiropaghuṣṭāṃ
caityasya tattvamamalaṃ maṇimasya kaṇṭhe

67.29

bhṛtyānukampitadhiyeha gṛhītamūrteḥ saṃcintayedbhagavato vadanāravindam || yadvisphuranmakarakuṇḍalavalgitena
vidyotitāmalakapolamudāranāsam

67.30

yacchrīniketamalibhiḥ parisevyamānaṃ ॰ bhūtyā svayā kuṭilakuntalavṛndajuṣṭam || mīnadvayāśrayamavikṣipadmabjanetraṃ dhyāyenmanomayamandrita ullasadbhrū

67.31

tasyāvalokamadhikaṃ kṛpayā'tighoratāpatrayopaśamanāya nisṛṣṭamakṣṇoḥ || snigdhasmitānukaguṇitaṃ vipulaprasādaṃ dhyāyecciraṃ vipulabhāvanayā guhāyām

67.32

hāsaṃ hareravanatākhilalokatīvraśokāśrusāgaraviśoṣaṇamatyudāram || saṃmohanāya
racitaṃ nijamāyayā'sya bhrūmaṇḍalaṃ munikṛte makaradhvajasya

67.33

dhyānāyanaṃ prahasitaṃ bahulādharoṣṭhabhāsā'ru ṇāyitatanu dvijakundapaṅkti || dhyāyetsvadehakuhare'vasitasya viṣṇorbhaktyā''rdrayārpitamanā na pṛthak didṛkṣet

67.34

evaṃ harau bhagavati pratilabdhabhāvo bhaktyā dravahṛdaya utpulakaḥ
pramodāt || autkaṇṭhyabāṣpakalayā muhurhadyamānastaccāpi cittavaḍiśaṃ śanakairviyuṅkte

67.35

muktāśrayaṃ yarhi nirviṣayaṃ viraktaṃ nirvāṇamṛcchati
manaḥ sahasā yathā'rciḥ || ātmānamatra puruṣo'vyavadhānamekamanvīkṣate pratinivṛttaguṇapravāhaḥ

67.36

so'pyetayā caramayā manaso nivṛttyā tasminmahimnyavasitaḥ sukhaduḥkhavāhe || hetutvamapyasati kartari duḥkhayoryatsvātmanvidhatta upalabdhaparātmakāṣṭhaḥ

67.37

dehaṃ ca taṃ na caramaḥ sthitamutthitaṃ
vā siddho vipaśyati yato'dhyagamatsvarūpam || daivādupetamatha daivavaśādapetaṃ vāso yathā parikṛtaṃ madirāmadāndhaḥ

67.38

deho'pi daivavaśagaḥ khalu
karma yāvatsvārambhakaṃ pratisamīkṣata eva sāsuḥ || taṃ saprapañcamadhirūḍhasamādhiyogaḥ svāpnaṃ punarna bhajate pratibuddhavastuḥ

67.39

yathā putrācca vittācca
pṛthaṅ martyaḥ pratīyate || apyātmatvenābhimatāddehādeḥ puruṣastathā

67.40

yatholmukādvisphuliṅgāddhūmādvāpi svasaṃbhavāt || apyātmatvenābhimatāttadagniḥ pṛthagulmukāta

67.41

bhūtendriyāntaḥkaraṇāt pradhānājjīvasaṃjñitāt || ātmā tathā pṛthagdraṣṭā bhagavān brahmasaṃjñitaḥ

67.42

sarvabhūteṣu
cātmānaṃ sarvabhūtāni cātmani || īkṣetānanyabhāvena bhūteṣviva tadātmatām

67.43

svayoniṣu yathā jyotirekaṃ nānā pratīyate || yonīnāṃ guṇavaiṣamyāttathā''tmā prakṛtau sthitaḥ

67.44

tasmādimāṃ svāṃ prakṛtiṃ daivīṃ sadasadātmikām || durvibhāvyāṃ parābhāvya svarūpeṇāvatiṣṭhate

67.44.p1

iti śrīmadbhāgavate mahāpurāṇe tṛtīyaskandhe kāpileyopākhyāne aṣṭāṅgayoge sādhanānuṣṭhānaṃ nāmāṣṭāviṃśatitamo'dhyāyaḥ

Linked texts (10)