Pramāṇa · Search · About · API

Ashtamaskandha 21

Aṣṭamaskandha 21

Language
Sanskrit

Contents

21.1

vija0 bhāgaśa ekadeśenā'pi uttamaślokasya hareḥ guṇānuvarṇanaṃ samastasaṃsārapariśramavināśana miti
yadyasmāttasmāt nirantarametadanuśṛṇvataḥ kīrtayataḥ puruṣasya samudyamaḥ samīcīnaḥ prayatno jātu na riṣyate na
naśyati | 'rīṅkṣaye' ||41-46
trayodaśo'dhyāyaḥ
śrīśuka uvāca
manurvaivasvataḥ putraḥ śrāddhadeva iti śrutaḥ
saptamo vartamāno yastadapatyāni me śṛṇu

21.2

ikṣvākurnṛbhagaścaiva dhṛṣṭa śaryātireva ca
nariṣyanto'tha nābhāgaḥ saptamo diṣṭa ucyate

21.3

karūṣakaḥ pṛṣadhraśca daśamo vasumān smṛtaḥ
manorvaivasvatasyaite daśa putrāḥ parantapa!

21.4

ādityā vasavo rudrā viśvedevā marudgaṇāḥ
aśvināvṛbhavo rājannindrasteṣāṃ purandaraḥ

21.5

kaśyapo'trirvasiṣṭhaśca viśvāmitro'tha gautamaḥ
jamadagnirbharadvāja iti saptarṣayaḥ smṛtāḥ

21.6

atrā'pi bhagavajjanma kaśyapādaditerabhūt
ādityānāmavarajo viṣṇurvāmanarūpadhṛk

21.7

saṃkṣepato mayoktāni sapta manvantarāṇi te
bhaviṣyāṇyapi vakṣyāmi viṣṇośśaktyanvitāni ca

21.8

vivasvataśca dve jāye viśvakarmasute ubhe
saṃjñā chāyā ca rājendra! ye prāgabhihite tava

21.9

tṛtīyāṃ baḍabāmeke tāsāṃ saṃjñāsutāstrayaḥ
yamo yamī śrāddhadevaśchāyāyāśca sutāñchṛṇu

21.10

sāvarṇi stapatī kanyā bhāryā saṃvaraṇasya yā
śanaiśvarastṛtīyo'bhūdaśvinau baḍabātmajau

21.11

aṣṭame'ntare āyāte sāvarṇirbhavitā manuḥ
nirmohai virajaskādyāḥ sāvarṇestanayā nṛpāḥ

21.12

tatra devāstutapaso virajā amṛtaprabhāḥ
teṣāṃ virocanasuto balirindro bhaviṣyati

21.13

dattvemāṃ yācamānāya viṣṇave yaḥ padatrayam
rāddhamindrapadaṃ hitvā tatassiddhi mavāpsyati

21.14

yo'sau bhagavatā baddhaḥ prītena sutale punaḥ
niveśito'dhike svargādadhunā''ste svarāḍiva

21.15

gālavo dīptimānrāmo droṇaputraḥ kṛpastathā
ṛṣyaśṛṅgaḥ pitā'smākaṃ bhagavānbādarāyaṇaḥ

21.16

ime saptarṣayastasmin bhaviṣyanti svayogataḥ
idānīmāsate rājan! sve sva āśramamaṇḍale

21.17

devaguhyātsarasvatyāṃ sārvabhauma iti prabhuḥ
sthānaṃ purandarāddhṛtvā balaye dāsyatīśvaraḥ

21.18

navamo dakṣasāvarṇirmanu rvaruṇasambhavaḥ
dhṛtaketu rdīptaketu rityādyāstatsutā nṛpāḥ

21.19

pārā marīcigarbhādyā devā indro'dbhutasmṛtaḥ
dyutimatpramukhakhāstatra bhaviṣyantyṛṣayastataḥ

21.20

āyuṣmato'mbudhārāyāmṛṣabho bhagavatkalā
bhavitā yena saṃrāddhāṃ trilokīṃ bhokṣyate'dbhutaḥ

21.21

daśamo brahmasāvarṇirupaślokasuto mahān
tatsutā bhūriṣeṇādyā haviṣmatpramukhā dvijāḥ

21.22

tatrāpi janma bhavitā harerviśvasṛjo gṛhe
aṃmūrtiriti vikhyāto yenāpyāyeta vai jagat
haviṣmānsukṛtissatyo jaṭāmūrtistadā dvijāḥ
suvāsana viruddhādyā devāśśambhussureśvaraḥ

21.23

viṣvakseno viṣūcyāntu śambhossakhyaṃ kariṣyati
jāto'ṃśāṃśena bhagavāngṛhe viśvasṛjo vibhuḥ

21.24

manurvai dharmasāvarṇirekādaśama ātmavān
anāgatā statsutāśca satyadharmādayo daśa

21.25

vihaṅgamāḥ kāmagamā nirvāṇāḥ rucāyassurāḥ
indrastu vaidhṛtasteṣāmṛṣayaścāruṇādayaḥ

21.26

āryakasya sutastatra dharmaseturiti smṛtaḥ
vaidhṛtāyāṃ hareraṃśaḥ trilokīṃ dhārayiṣyati

21.27

bhavitā rudrasāvarṇī rājannādvādaśo manuḥ
devavānupadevaśca devaśreṣṭhādayassutāḥ

21.28

ṛtudhāmā ca tatrendro devāśca haritādayaḥ
ṛṣayaśca tapomūrtistapaśvāgnīdhrakādayaḥ

21.29

svadhāmākhyo hareraṃśassādhayiṣyati tanmanoḥ
antaraṃ satyasahasaḥ sūnṛtāyāssuto vibhuḥ

21.30

manustrayodaśo bhāvyo devasāvarṇirātmavān
citrasena vicitrāndyā devasāvarṇidehajāḥ

21.31

devāssukarmasutrāsasaṃjñā indro divaspatiḥ
nirmokatattvadarśādyā bhaviṣyantyṛṣayastadā

21.32

devahotrasya tanaya upahartā divaspateḥ
yogeśvaro hareraṃśo bṛhatyāṃ sambhaviṣyati

21.33

manurvā indrasāvarṇiñcaturdaśama eṣyati
urugambhīravasvādyā̍ indrasāvarṇiṃvīryajāḥ

21.34

pavitrāścākṣuṣā devāḥ śucirindro bhaviṣyati
agnirbāhu śśuciśukro māgadhādyāstapasvinaḥ

21.35

satrāyaṇasya tanayo bṛhadbhānustadā hariḥ
vitānāyāṃ mahārāja kriyātantūnvitāyitā

21.36

rājaṃścaturdaśaitāni trikālānugatāni te
proktānyebhirmataḥ kalpo yugasāhasraparyayaḥ

21.36.p1

iti śrīmadbhāgavate mahāpurāṇe śrīvaiyāsikyāṃ aṣṭādaśasāhasryāṃ śrīhayagrīvabrahmavidyāyāṃ pāramahaṃsyāṃ saṃhitāyāṃ aṣṭamaskandhe manvantarānuvarṇanaṃ nāma trayodaśo'dhyāyaḥ

Linked texts (11)