Bhagavatapurana 39.36

39.36

subodhinī-nanu kathamātmavigarhātmani satpadārthānāṃ vidyamānatvādanyathā sadbhirodhe teṣāmaniṣṭameva syādityāśaṅkya svasmin vidyamānānāṃ sattvena pratibhāsamānānāṃ bījābhāvādasattvameveti khyāpayanti dhig janmeti, dhikkāro dahyatāmityarthe prāṇo gate śarīraṃ dahyata eva tathā janmādīnāṃ prāṇabhūtā bhaktistadabhāve dāha evocitaḥ, trivṛj janma śuklasāvitrīyājñikarūpaṃ, vidyāmapi dhik sāpi trivṛd vidyā vedatrayasahitā, vrataṃ 'na deya'mityādi tadapi dhik, bahujñatāmiti dharmasūkṣmaparijñāne ye hi bahujñāste lokaviruddhamapi kurvanti tathaitat kṛtaṃ tāṃ ca bahujñatāṃ dhik, atha kulīnā iti vaṃśe kalaṅkasambandha iti strīṇāṃ nivāraṇaṃ tat kulamapi dhik, kriyādakṣatāmapi dhig yayā bhagavatyavahelā bhavatyanyathā puruṣārthaṃ sādhayiṣyāmośaktaparaiva hi bhaktiriti yathāndhapaṅgvādayaḥ kriyāyāmasamarthā anyatra yujyante tathā bhaktāvapīti, evaṃ yatta kriyādākṣyaṃ tadapi dhik, tatra bījābhāvaṃ hetumāha ye vayamadhokṣaje vimukhāḥ, nanveetadeva kathaṃ yajñopi bhagavānevāto ye yajñaparāḥ kathaṃ bhagavadvimukhā itīmaṃ pakṣaṃ tuśabdo vyāvartayati, tatra heturadhokṣaja iti, adhokṣajaṃ yasmāditi, jñānepyātmasākṣātkāraḥ karmaṇi ca kriyārūpelokike ca rūpe jñānavatāṃ bhaktau tu na sākṣātkāraḥ phalaṃ jāyamānamapyaṅganāmāpadyate kevalarasabhakṣakā ikṣubhakṣakebhyopi sarasā ata etādṛśo bhaktimārgo bhagavatā prakaṭita iti rūpāntarapuraḥsaraṃ ye pakṣāste sarva eva pūrvapakṣāḥ |
ātma sākṣātkāra ho jānā phala hai| isalie jñāna mārga kā phala, kevala mana ke dvārā-ātmā kā pratyakṣa-darśana-