Bhagavatapurana 3.40

3.40

vīra | vaṭavo brahmacaryāśramiraṇaḥ, avratāḥ svāśramocitavratahīnāḥ, aśaucāḥ śaucahīnāśca, bhaviṣyanti | kuṭumbino gṛhasthāḥ, bhikṣavaḥ bhikṣāṭanaparā, tapasvino vānaprasthāḥ grāmo vāso yeṣāṃ te| grāmaśabdo'dhikaraṇaghañpratyayantaṃ, nyāsina turyāśramiṇaḥ, arthalolupāḥ vittābhilāṣiṇa ityarthaḥ |
punarapi strīṇāṃ svabhāvamāha - hrasvakāyāḥ alpaparimāṇāḥ, bhūrṇyapatyāni yāsāṃ tāḥ | tyaktalajjāḥ kaṭukabhāṣiṇyaḥ apriyavādinyaḥ cauryaṃ ca māyā kāpaṭyaṃ ca uru sāhasamiti dvandva tato matvarthīyo'c |
kirāṭāḥ vaṇijaḥ saṃhatya vyāpāriṇaḥ paṇayiṣyanti krayavikrayādivyāpāraṃ pravarttayiṣyanti kṣudrāḥ mati vyatyāse kṣudraceṣṭā bhavanti kiñca anāpadyapi jugupsitāṃ ninditāṃ vṛttiṃ sādhu manyante |
akhilottamaṃ sarvottamamapi patiṃ svāminaṃ bhṛtyāstyakṣyanti tathā patayo'pi bhṛtyaṃ vipannaṃ rogādibhirvyāpārākṣamaṃ tyakṣyanti, kaulaṃ kulaparamparāgataṃ mahābhāgavataṃ dharmaṃ gāścāpayasvinīḥ dugdhadohāḥ tyakṣyanti iti sambandhaḥ |