Bhavishyapurana 13.196.2

13.196.2

.. śrīkṛṣṇa uvāca .. ..
athātaḥ saṃpravakṣyāmi lavaṇācalamuttamam ..
yatpradānānnaro lokamāpnoti śivasaṃyutam ..1..
uttamaḥ ṣoḍaśadroṇaḥ kartabyo lavaṇācalaḥ ..
madhyamaḥ syāttadardhena tadarddhenādhamaḥ smṛtaḥ ..2..
vittahīno yathāśaktyā droṇādardhaṃ tu kārayet ..
caturthāṃśena viṣayānparvatānkārayetpṛthak ..3..
vidhānaṃ pūrvavatkuryādbrahmādīnāṃ ca sarvadā ..
tadvaddhematarūnsarvāṃllokapālaniveśanam ..4..
śirāṃsi kāmadevādīṃstadvattatra niveśayet ..
kuryājjāgaramatrāpi dānamaṃtrānnibodha me ..5..
saubhāgyarasasaṃbhūto yato'yaṃ lavaṇorasaḥ ..
dānātmakatvena ca māṃ pāhi pāpānnagottama .. 6 ..
tasmādannarasāḥ sarve notkṛṣṭā lavaṇaṃ vinā ..
priyaṃ ca śivayornityaṃ tasmākchāṃtiprado bhava ..7..
viṣṇudeha samudbhūtaṃ yasmādārogyavardhanam ..
yasmātparvatarūpeṇa pāhi saṃsārasāgarāt .. 8 ..
anena vidhinā yastu dadyāllavaṇaparvatam ..
umāloke vasetkalpaṃ tato yāti parāṃ gatim .. 9 ..
puṇyakṣayādihābhyetya rājā bhavati dhārmikaḥ ..
putrapautraiḥ parivṛto jīvecca śaradāṃ śatam .. 4.196.10 ..
kurvaṃti ye lavaṇa parvatasaṃpradānaṃ saṃprāpnuvaṃti divi te sumahadvimānam ..
tatrāpsarogaṇasurāsurasevyamānāstiṣṭhaṃti hṛṣṭamanaso divi vṛddhamānāḥ .. 11 .. ..
iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde lavaṇaparvatadānavidhivarṇanaṃ nāma ṣaṇṇavatyuttaraśatatamo'dhyāyaḥ .. 196 ..