Pramāṇa · Search · About · API

Bhavishyapurana 13.4

Bhaviṣyapurāṇa 13.4

Language
Sanskrit

13.4.1

saṃsāradoṣavarṇanam

13.4.2

.. yudhiṣṭhira uvāca .. ..

13.4.3

devatvaṃ mānuṣatvaṃ ca tiryaktvaṃ kena karmaṇā ..

13.4.4

prāpnoti puruṣaḥ kena garbhavāsaṃ sudāruṇam .. 1 ..

13.4.5

garbhasthaśca kimaśnāti kathamutpadyate punaḥ ..

13.4.6

dattotthānādikāndoṣānkathaṃ tarati dustarān .. 2 ..

13.4.7

bālabhāve kathaṃ puṣṭiḥ syādyuvā kena karmaṇā ..

13.4.8

kulīnaḥ kena bhavati surūpaḥ sudhanaḥ katham .. 3 ..

13.4.9

kathaṃ dārānavāpnoti gṛhaṃ sarvaguṇairyutam ..

13.4.10

paṃḍitaḥ putravāṃstyāgī syādā mayavivarjitaḥ .. 4 ..

13.4.11

kathaṃ sukhena mriyate kathaṃ bhuṃkte śubhāśubham ..

13.4.12

sarvamevāmalamate gahanaṃ pratibhāti me .. 5 ..

13.4.13

.. śrīkṛṣṇa uvāca .. ..

13.4.14

śubhairdevatvamāpnoti miśrairmānuṣatāṃ vrajet ..

13.4.15

aśubhaiḥ karmabhirjjaṃtustiryagyoniṣu jāyate .. 6 ..

13.4.16

pramāṇaṃ śrutirevātra dharmādharmaviniścaye ..

13.4.17

pāpaṃ pāpena bhavati puṇyaṃ puṇyena karmaṇā .. 7 ..

13.4.18

ṛtukāle tadā bhuktaṃ nirdoṣaṃ yena saṃsthitam ..

13.4.19

tadā tadvāyunā spṛṣṭaṃ strīraktenaikatāṃ vrajet ..8..

13.4.20

visargakāle śukrasya jīvaḥ karaṇasaṃyutaḥ ..

13.4.21

bhṛtyaḥ praviśate yoniṃ karmabhiḥ svairnniyojitaḥ .. 9 ..

13.4.22

tacchukraraktamekasthamekāhātkalalaṃ bhavet ..

13.4.23

pañcarātreṇa kalalaṃ budbudākāratāṃ vrajet .. 4.4.10 ..

13.4.24

budbudaṃ saptarātreṇa māṃsapeśī bhavettataḥ ..

13.4.25

dvisaptāhādbhavetpeśī raktamāṃsadṛḍhāṃcitaḥ .. 11 ..

13.4.26

bījasyevāṃkurāḥ peśyāḥ pañcaviṃśa tirātrataḥ ..

13.4.27

bhavaṃti māsamātreṇa pañcadhā jāyate punaḥ .. 12 ..

13.4.28

grīvā śiraśca skandhaśca pṛṣṭhavaṃśastathodaram ..

13.4.29

māsadvayena sarvāṇi kramaśaḥ saṃbhavaṃti ca .. 13 ..

13.4.30

tribhirmāsaiḥ prajāyaṃte sadravyāṃkurasaṃdhayaḥ ..

13.4.31

māsaiścaturbhiraṃgulyaḥ prajāyaṃte yathākramam .. 14 ..

13.4.32

mukhaṃ nāsā ca karṇau ca jāyante pañca māsakaiḥ ..

13.4.33

daṃtapaṃktistathā guhyaṃ jāyaṃte ca nakhāḥ punaḥ .. 15 ..

13.4.34

karṇau ca raṃdhrasahitau ṣaṇmāsābhyaṃtareṇa tu ..

13.4.35

pāyurmeḍhramupasthaśca nābhiścāpyupa jāyate .. 16 ..

13.4.36

saṃdhayo ye ca gātreṣu māsairjāyaṃti saptabhiḥ ..

13.4.37

aṅgapratyaṃgasaṃpūrṇaḥ śiraḥ keśasamanvitaḥ .. 17 ..

13.4.38

vibhaktāvayavaḥ puṣṭaḥ punarmāsāṣṭakena ca ..

13.4.39

paṃcātmakasamāyuktaḥ paripakvaḥ sa tiṣṭhati .. 18 ..

13.4.40

māturāhāravīryeṇa ṣaḍvidhena sa tiṣṭhati ..

13.4.41

rasena pratyahaṃ bālo vardhate bharatarṣabha .. 19 ..

13.4.42

tatte'haṃ saṃpravakṣyāmi yathāśrutamariṃdama ..

13.4.43

nābhisūtranibandhena varddhate sa dinedine .. 4.4.20 ..

13.4.44

tataḥ smṛtiṃ labhejjīvaḥ saṃpūrṇe'smiñcharīrake ..

13.4.45

sukhaṃ duḥkhaṃ vijānāti nidrāsvapnaṃ purā kṛtam .. 21 ..

13.4.46

mṛtaścāhaṃ punarjāto jātaścāhaṃ punarmṛtaḥ ..

13.4.47

nānāyoni sahasrāṇi mayā dṛṣṭāni tāni vai .. 22 ..

13.4.48

adhunā jātamātro'haṃ prāptasaṃskāra eva ca..

13.4.49

etacchreyaḥ kariṣyāmi yena garbhe na saṃśrayaḥ ..23..

13.4.50

garbhasthaściṃtaye devamahaṃ garbhādviniḥsṛtaḥ ..

13.4.51

adhyeṣye caturo vedānsaṃsāravinivartakān .. 24 ..

13.4.52

evaṃ sa garbhaduḥkhena mahatā paripīḍitaḥ ..

13.4.53

jīvaḥ karmavaśādāste mokṣopāyaṃ viciṃtayan .. 25 ..

13.4.54

yathā girivarākrāṃtaḥ kaścidduḥkhena tiṣṭhati ..

13.4.55

tathā jarāyuṇā dehī duḥkhe tiṣṭhati ceṣṭitaḥ .. 26 ..

13.4.56

patitaḥ sāgare yadvadduḥkhairāste samākula. ..

13.4.57

garbhodakena siktāṃgastathāste vyākulaḥ pumān .. 27 ..

13.4.58

lohakuṃbhe yathā nyastaḥ pacyate kaścidagninā ..

13.4.59

tathā sa pacyate jaṃturgarbhasthaḥ pīḍitodaraḥ .. 28 ..

13.4.60

sūcībhiragnivarṇābhirvibhinnasya niraṃtaram ..

13.4.61

yadduḥkhamupajāyeta tadgarbhe'ṣṭaguṇaṃ bhavet .. 29 ..

13.4.62

garbhavāsātparo vāsaḥ kaṣṭo naivāsti kutracit ..

13.4.63

dehināṃ duḥkhavadrājansughoro hyatisaṅkaṭaḥ .. 4.4.30 ..

13.4.64

ityetadgarbhaduḥkha hi prāṇināṃ parikīrtitam ..

13.4.65

carasthirāṇāṃ sarveṣātmāmagarbhānurūpataḥ .. 34 ..

13.4.66

garbhātkoṭiguṇaṃ duḥkhaṃ yoniyaṃtraprapīḍanāt ..

13.4.67

saṃmūrcchitasya jāyeta jāyamānasya dehinaḥ ..32..

13.4.68

śaravatpīḍyamānasya yaṃtreṇeva samaṃtataḥ ..

13.4.69

śirasi tāḍyamānasya pāpamudgarakeṇa ca .. 33 ..

13.4.70

garbhānniṣkampamāṇasya prabalaiḥ sūtimārutaiḥ ..

13.4.71

jāyate sumahadduḥkhaṃ paritrāṇamaviṃdataḥ .. 34 ..

13.4.72

yaṃtreṇa pīḍitā yadvanniḥsārāḥ syustilekṣavaḥ ..

13.4.73

tathā śarīraṃ niḥsāraṃ yoniyaṃtraprapīḍitam ..35..

13.4.74

asthimajjātvacāmāṃsasnāyubaṃdhena yaṃtritam ..

13.4.75

raktamāṃsamṛdā yuktaṃ viṇmūtradravalepanam .. 36 ..

13.4.76

keśalomatṛṇācchannaṃ rogāyatanamāturam ..

13.4.77

vadanaikamahaddvāraṃ daṃtoṣṭhakavibhūṣitam.. 37 ..

13.4.78

oṣṭhadvayakapāṭaṃ ca dantajihvārgalānvitam ..

13.4.79

nāḍīsvedapravāhaṃ ca kaphapittapariplutam .. 38 ..

13.4.80

jarāśokasamāviṣṭaṃ kālacakrānale sthitam ..

13.4.81

kāmakrodhasamākrāṃtaṃ vyasanaiścopamarditam .. 39 ..

13.4.82

bhogatṛṣṇāturaṃ mūḍhaṃ rāgadveṣavaśānugam ..

13.4.83

saṃvartitāṃgapratyaṃgaṃ jarāyupariveṣṭitam .. 4.4.40 ..

13.4.84

saṃkaṭenāviviktena yonidvāreṇa nirgatam ..

13.4.85

viṇmūtraraktasiktāṃgaṃ patkeśācca samudbhavam .. 41 ..

13.4.86

iti dehagṛhaṃ proktaṃ nityasyānityamā tmanaḥ ..

13.4.87

aviśuddhaṃ viśuddhasya karmabaṃdhavinirmitam .. 42 ..

13.4.88

śukraśoṇitasaṃyogāddehaḥ saṃjāyate yataḥ ..

13.4.89

nityaṃ viṇmūtrapūrṇaśca tenāyamaśuciḥ smṛtaḥ .. 43 ..

13.4.90

yathāṃtarviṣṭhayā pūrṇaḥ śuciḥ syānna bahirghaṭaḥ ..

13.4.91

yatnataḥ śodhyamāno'pi deho'yamaśucistathā .. 44 ..

13.4.92

saṃprāpyātra pavitrāṇi paṃcaga vyahavīṃṣi ca ..

13.4.93

aśucitvaṃ kṣaṇāccāpi kimanyadvastubiṃdavaḥ .. 45 ..

13.4.94

dehaḥ saṃśodhyamāno'pi pañcagavyakuśāṃbubhiḥ ..

13.4.95

ghṛṣyamāṇa ivāṃgāro nirmalatvaṃ na gacchati .. 46 ..

13.4.96

srotāṃsi yasya satataṃ pravahaṃti gireriva ..

13.4.97

kaphamūtrapurīṣādyaiḥ sa dehaḥ śuddhyate katham .. 47 ..

13.4.98

sarvāśucinidhānasya śarīrasya na vidyate ..

13.4.99

śucirekaḥ pradeśo'pi viṭpūrṇaḥ syaṃdate kila .. 48 ..

13.4.100

kāyaḥ sugaṃdhadhūpādyairyatnenāpi tu saṃskṛtaḥ ..

13.4.101

na jahāti svakaṃ bhāvaṃ śvapu cchamiva nāmitam .. 49 ..

13.4.102

yathā jātyaiva kṛṣṇo hi na śuklaḥ syādupāyataḥ ..

13.4.103

saṃśodhyamānā'pi tathā bhavenmūrtirna nirmalā .. 4.4.50 ..

13.4.104

jighrannapi svadurgaṃdhaṃ paśyannapi malaṃ svakam ..

13.4.105

na virajjati loko'yaṃ pīḍayannapi nāsikām .. 51 ..

13.4.106

aho mohasya māhātmyaṃ yena vyāmohitaṃ jagat ..

13.4.107

jighranpaśyansvakaṃ doṣaṃ kāyasya na virajyate .. 52 ..

13.4.108

evametaccharīraṃ hi nisargādaśuci dhruvam ..

13.4.109

tvaṅmātrasāraṃ niḥsāraṃ kadalīsārasaṃnibham ..53..

13.4.110

garbhasthasya smṛtiryāsītsā jātasya praṇaśyati ..

13.4.111

saṃmūrcchitasya duḥkhena yoniyaṃtraprapīḍanāt .. 54 ..

13.4.112

bāhyena vāyunā cāsya mohasaṃjñena dehinaḥ..

13.4.113

spṛṣṭamātreṇa ghoreṇa jvaraḥ samupajāyate .. 55 ..

13.4.114

tena jvareṇa mahatā mahāmohaḥ prajāyate ..

13.4.115

saṃmūḍhasya smṛtibhraṃśaḥ śīghraṃ saṃjāyate punaḥ .. 56 ..

13.4.116

smṛtibhraṃśāttu tasyeha pūrvakarmavaśena ca ..

13.4.117

ratiḥ saṃjāyate tūrṇaṃ jaṃtostatraiva janmani .. 57 ..

13.4.118

rakto mūḍhasya loko'yamakārye saṃpravartate ..

13.4.119

na cātmānaṃ vijānāti na paraṃ vindate ca saḥ .. 58 ..

13.4.120

na śrūyate paraṃ śreyaḥ sati cakṣuṣi nekṣate ..

13.4.121

same pathi śanairgacchanskhalatīva padepade .. 59 ..

13.4.122

satyāṃ buddhau na jānāti bodhyamāno budhairapi ..

13.4.123

saṃsāre kliśyate tena rāgalobhavaśānugaḥ .. 4.4.60 ..

13.4.124

garbhasmṛterabhāvena śāstramuktaṃ maharṣibhiḥ ..

13.4.125

tadduḥkhamathanārthāya svargamokṣaprasādhakam .. 61 ..

13.4.126

ye saṃtyasminpare jñāne sarvakāmārthasādhake ..

13.4.127

na kurvaṃtyātmanaḥ śreyastadatra mahadbhutam .. 62 ..

13.4.128

avyakteṃdriyavṛttitvādbālye duḥkhaṃ mahatpunaḥ ..

13.4.129

icchannapi na śaknoti kartuṃ vaktuṃ ca satkriyām .. 63 ..

13.4.130

daṃtotthāne mahadduḥkhaṃ maulena vyādhinā tathā ..

13.4.131

bālarogaiśca vividhaiḥ pīḍā bālagrahairapi .. 64 ..

13.4.132

tṛḍbubhukṣāparītāṃgaḥ kaścittiṣṭhati rāraṭan ..

13.4.133

viṇmūtrabhakṣaṇamapi mohādbālaḥ samācaret .. 65 ..

13.4.134

kaumāre karṇavedhena mātāpitrośca tāḍanāt ..

13.4.135

akṣarādhyayanātpuṃsāṃ duḥkhaṃ syādguruśāsanāt .. 66 ..

13.4.136

prasanneṃdriyavṛttiśca kāmarāgaprapīḍanāt ..

13.4.137

rogoddhatasya satataṃ kutaḥ saukhyaṃ ca yauvane .. 67 ..

13.4.138

īrṣyayā ca mahadduḥkhaṃ mohādraktasya jāyate ..

13.4.139

netrasya kupitasyaiva rāgo duḥkhāya kevalam ..68..

13.4.140

na rātrau viṃdate nidrāṃ kopāgniparipīḍitaḥ ..

13.4.141

divā vāpi kutaḥ saukhyamarthopārjanaciṃtayā .. 69 ..

13.4.142

strīṣvāyāsitadehasya ye puṃsaḥ śukrabiṃdavaḥ ..

13.4.143

na te sukhāya maṃtavyāḥ svedajā iva biṃdavaḥ .. 4.4.70 ..

13.4.144

krimibhistudyamānasya kuṣṭhinaḥ kāminastathā ..

13.4.145

kaṇḍūyanāgnitāpena yadbhavetstrīṣu taddhi tat .. .. 71 ..

13.4.146

yādṛśaṃ viṃdate saukhyaṃ gaṃḍānvayavinirgame ..

13.4.147

tādṛśaṃ strīṣu maṃtavyaṃ nādhikaṃ tāsu vidyate ..72..

13.4.148

gaṃḍasya vedanā yadvatsphuṭitasya nivartate ..

13.4.149

tadvatstrīṣvapi maṃtavyaṃ na saukhyaṃ paramārthataḥ .. 73 ..

13.4.150

viṇmūtrasya samutsargātsukhaṃ bhavati yādṛśam ..

13.4.151

tādṛśaṃ teṣu vijñeyaṃ mūḍhaiḥ kalpitamanyathā .. ..74..

13.4.152

nārīṣvaśucibhūtāsu sarvadoṣāśrayāsu ca ..

13.4.153

nāṇumātrakamapyevaṃ sukhamasti vicārataḥ ..75..

13.4.154

sanmānamapamānena viyogena susaṃgamaḥ ..

13.4.155

yauvanaṃ jarayā grastaṃ kiṃ saukhyamanupadravam .. 76 ..

13.4.156

valīpalitakhālityaiḥ śithilīkṛtavigraham ..

13.4.157

sarvakriyāsvaśaktaṃ ca jarayā jarjarīkṛtam .. 77 ..

13.4.158

strīpuṃsayornnavaṃ rūpaṃ tadānyonyaṃ priyaṃ purā ..

13.4.159

tadeva jarayā grastamubhayorapi na priyam ..78..

13.4.160

apūrvavatsvamātmānaṃ jarayā parivartitaḥ ..

13.4.161

yaḥ paśyannapi rajyeta ko'nyastasmādacetanaḥ .. 79 ..

13.4.162

jarābhibhūtaḥ puruṣaḥ patnīputrādibāṃdhavaiḥ ..

13.4.163

aśaktatvāddurācārairbhṛtyaiśca paribhūyate .. 4.4.80 ..

13.4.164

dharmamarthaṃ ca kāmaṃ ca mokṣaṃ ca na jarī yataḥ ..

13.4.165

śaktaḥ sādhayituṃ tasmāccharīramidamātmanaḥ .. 81 ..

13.4.166

vātapittakaphādīnāṃ vaiṣamyaṃ vyādhirucyate ..

13.4.167

tasmādvyādhimayaṃ jñeyaṃ śarīramidamātmanaḥ .. 82 ..

13.4.168

vātādyavyatiriktatvādvyādhīnāṃ pañjarasya ca ..

13.4.169

rogairnānāvidhairyāni dehaduḥkhānyanekadhā ..

13.4.170

tāni ca svātmavedyāni kimanyatkathayāmyaham .. 83 ..

13.4.171

ekottaraṃ mṛtyuśatamasmindehe pratiṣṭhitam ..

13.4.172

tatraikaḥ kālasaṃyuktaḥ śeṣāścāgantavaḥ smṛtāḥ .. 84 ..

13.4.173

ye tvihāgaṃtavaḥ proktāste praśāmyaṃti bheṣajaiḥ ..

13.4.174

japahomapradānaiśca kālamṛtyurna śāmyati .. 85 ..

13.4.175

yadi cāpi na mṛtyuḥ syādviṣamadyādaśaṃkitaḥ ..

13.4.176

na saṃti puruṣe tasmādapamṛtyuvibhītayaḥ .. 86 ..

13.4.177

vividhā vyādhayaḥ śastraṃ sarpādyāḥ prāṇinastathā ..

13.4.178

viṣāṇi jaṃgamādyāni mṛtyordvārāṇi dehinām .. .. 87 ..

13.4.179

pīḍitaṃ sarvarogādyairapi dhanvantariḥ svayam ..

13.4.180

svasthīkartuṃ na śaknoti prāptamṛtyuṃ ca dehinam .. 88 ..

13.4.181

nauṣadhaṃ na tapo dānaṃ na maṃtrā na ca bāṃdhavāḥ ..

13.4.182

śaknuvaṃti paritrātuṃ naraṃ kālena pīḍitam .. 89 ..

13.4.183

rasāyanatapojapyairyogasiddhairmahātmabhiḥ ..

13.4.184

kālamṛtyurapi prājñaistīryate nālasairnnaraiḥ .. 4.4.90 ..

13.4.185

nāsti mṛtyusamaṃ duḥkhaṃ nāsti mṛtyusamaṃ bhayam ..

13.4.186

nāsti mṛtyusamastrāsaḥ sarveṣāmeva dehinām .. 91 ..

13.4.187

sadbhāryāputramitrāṇi rājyaiśvaryadha nāni ca ..

13.4.188

abaddhāni ca vairāṇi mṛtyuḥ sarvāṇi kṛntati .. 92 ..

13.4.189

he janāḥ kiṃ na paśyadhvaṃ sahasrasyāpi madhyataḥ ..

13.4.190

janāḥ śatāyuṣaḥ pañca bhavaṃti na bhavaṃti ca .. 93 ..

13.4.191

aśītikā vipadyante kecitsaptatikā narāḥ ..

13.4.192

paramāyuṣaṃ sthitaṃ ṣaṣṭistaccaivāniścitaṃ punaḥ .. 94 ..

13.4.193

yasya yāvadbhavedāyurdehināṃ pūrvakarmabhiḥ ..

13.4.194

tasyārddhamāyuṣo rātrirharate mṛtyurūpiṇī .. 95 ..

13.4.195

bālabhāvena mohena vārddhakye jarayā tathā ..

13.4.196

varṣāṇāṃ viṃśatiryāṃti dharmakāmārthavarjitā .. 96 ..

13.4.197

āgaṃtukerbhayaiḥ puṃsāṃ vyādhiśokairanekadhā ..

13.4.198

bhakṣyate'rddhaṃ ca tatrāpi yaccheṣaṃ tacca jīvati .. 97 ..

13.4.199

jīvitāṃte ca maraṇaṃ mahāghoramavāpnuyāt ..

13.4.200

jāyate janmakoṭīṣu mṛtaḥ karmavaśātpunaḥ .. 98 ..

First 200 of 276 passages. Read on

Linked texts (10)