Pramāṇa · Search · About · API

Bhavishyapurana 13.83

Bhaviṣyapurāṇa 13.83

Language
Sanskrit

13.83.1

dharaṇīvratavarṇanam

13.83.2

.. yudhiṣṭhira uvāca .. ..

13.83.3

yadetatparamaṃ guhyaṃ sarvavedeṣu paṭhyate ..

13.83.4

sa devaḥ puṇḍarīkākṣaḥ svayaṃ nārāyaṇo hariḥ .. 1 ..

13.83.5

sa yajñairvividhairiṣṭairvrataiśca yadusattama ..

13.83.6

prāpyate paramo devaḥ sanātanaḥ kathañcana... 2..

13.83.7

bahuvittena bhagavannṛtvigbhirvedapāragaiḥ ..

13.83.8

prāpyante susahāyaiśca kvacittyaktāḥ suduṣkarāḥ .. 3 ..

13.83.9

vittena ca vinā dānaṃ dātuṃ kṛṣṇa na śakyate ..

13.83.10

vidyamāne'pi na matiḥ kuṭuṃbāsaktacetasaḥ .. 4 ..

13.83.11

tasya mokṣaḥ kathaṃ kṛṣṇa sarvathā durllabho hariḥ ..

13.83.12

alpāyāsena labhate yena devaḥ sanātanaḥ ..

13.83.13

tanme sāmānyato brūhi sarvavarṇeṣu yadbhavet ..5..

13.83.14

.. śrīkṛṣṇa uvāca .. ..

13.83.15

kathayāmi paraṃ guhyaṃ rahasyaṃ devanirmitam ..

13.83.16

dharaṇyā yatkṛtaṃ pūrvaṃ majjantyā vasudhātale .. 6 ..

13.83.17

pṛthivyāḥ pārthiva purā saṃjātaḥ saṃgamo'mbubhiḥ ..

13.83.18

tasminsalilasaṃlagne mahī prāyādrasātalam.. 7 ..

13.83.19

sā bhūtadhātrī dharaṇī rasātalagatā śubhā ..

13.83.20

ārādhayāmāsa vibhuṃ devaṃ nārāyaṇaṃ param .. 8 ..

13.83.21

upavāsavratairdevī niyamaiśca pṛthagvidhaiḥ ..

13.83.22

kālena mahatā tasyāḥ prasanno garuḍadhvajaḥ ..

13.83.23

ujjahāra sthitau cemāṃ sthāpayāmāsa cācyutaḥ .. 9 ..

13.83.24

prāpte mārgaśire māse daśamyāṃ niyatātmavān ..

13.83.25

snātvā devārcanaṃ kṛtvā agnikāryaṃ yathāvidhi .. 4.83.10 ..

13.83.26

śucivāsāḥ prasannātmā hyatyalpānna susaṃskṛtam ..

13.83.27

bhuktvā pañcapadaṃ kṛtvā punaḥ śaucaṃ ca pādayoḥ .. 11 ..

13.83.28

kṛtvāṣṭāṃgulamātraṃ tu kṣīravṛkṣasamudbhavam ..

13.83.29

bhakṣayeddantakāṣṭhaṃ tu tataścācamya yatnataḥ .. 12 ..

13.83.30

spṛṣṭvā nyasyānyakarmāṇi ciraṃ dhyātvā janārdanam ...

13.83.31

śaṃkhacakragadāpāṇiṃ pītāmbarasamāvṛtam .. 13 ..

13.83.32

evamuccārayedvācaṃ tasminkāle mahādyute ..

13.83.33

ekādaśyāṃ nirāhāraḥ sthitvāhamaparehani ..

13.83.34

saṃbhokṣye puṇḍarīkākṣa śaraṇaṃ me bhavācyuta .. 14 ..

13.83.35

evamuktvā tato deva devadevasya sannidhau ..

13.83.36

japennārāyaṇāyeti rūpe tatra vidhānataḥ .. 15 ..

13.83.37

tataḥ prabhāte vimale nadīṃ gatvā samudragām ..

13.83.38

itarāṃ vā taḍāgaṃ vā gṛhe vā niyatātmavān .. 16 ..

13.83.39

ānīya mṛttikāṃ śuddhāṃ maṃtreṇānena mānavaḥ ..

13.83.40

dhāraṇaṃ poṣaṇaṃ tvatto bhūtānāṃ devi sarvadā ..

13.83.41

tena sattvena māṃ pāhi pāpānmocaya suvrate .. 17 .. .. iti mṛttikāmantraḥ ..

13.83.42

brahmāṇḍodaratīrthāni karaiḥ spṛṣṭāni te raveḥ ..

13.83.43

bhavaṃti bhūtāni satāṃ mṛttikāmālabhetpunaḥ .. 18 .. ityadityādarśanamantraḥ ..

13.83.44

evaṃ mṛdaṃ raveragre kṛtvāthātmānamā labhet ..

13.83.45

triḥkṛtvāśeṣamṛdayā kuṇḍamālikhya vai jale .. 19 ..

13.83.46

tataḥ snātvā naraḥ samyakcakravartyupacārakaḥ ..

13.83.47

ācamyāvaśyakaṃ kṛtvā punardeva gṛhaṃ vrajet .. 4.83.20 ..

13.83.48

tamārādhya mahāyogaṃ devaṃ nārāyaṇaṃ prabhum ..

13.83.49

keśavāya namaḥ pādau kaṭiṃ dāmodarāya ca .. 21 ..

13.83.50

ūruyugmaṃ nṛsiṃhāya uraḥ śrīvatsadhāriṇe ..

13.83.51

kaṇṭhaṃ kaustubhanāthāya vakṣaḥ śrīpataye tathā .. 22 ..

13.83.52

trailokyavijayāyeti bāhu sarvātmane śiraḥ ..

13.83.53

rathāṃgadhāriṇe cakraṃ śaṃkarāyeti cāṃbujam .. 23 ..

13.83.54

gambhīrāyeti ca gadāmabhayaṃ śāṃtamūrtaye ..

13.83.55

evamabhyarcya deveśaṃ devaṃ nārāyaṇaṃ prabhum .. 24 ..

13.83.56

punastasyāgrataḥ kumbhāṃścaturaḥ sthāpayedbudhaḥ ..

13.83.57

jalapūrṇānsamālyāṃśca sitacandanacarcitān .. 25 ..

13.83.58

caturbhistilapātraiśca sthagitānratnasaṃyutān ..

13.83.59

catvāraste samudrāstu kalaśāḥ parikīrtitāḥ .. 26 ..

13.83.60

teṣāṃ madhye tu saṃpīṭhaṃ sthāpayedvastrasaṃvṛtam ..

13.83.61

tasminsauvarṇaṃ raupyaṃ vā tāmraṃ vā dāravaṃ tathā ..

13.83.62

pātraṃ toyabhṛtaṃ kṛtvā tasya madhye tato nyaset .. 27 ..

13.83.63

sauvarṇaṃ mātsyarūpeṇa kṛtvā devaṃ janārdanam ..

13.83.64

vedavedāṃgasaṃyuktaṃ śrutismṛti vibhūṣitam .. 28 ..

13.83.65

bhakṣyairbahuvidhai rājanphalaiḥ puṣpaiśca śobhitam ..

13.83.66

gandhairdhūpairmaṃtravarairarcayitvā yathāvidhi .. 29 ..

13.83.67

rasātalagatā vedā yathā deva tvayāhṛtāḥ ..

13.83.68

matsyarūpeṇa tadvanmāṃ bhavāduddhara keśava .. 4.83.30 ..

13.83.69

evamuccārya tasyāgre jāgaraṃ tatra kārayet ..

13.83.70

yathāvibhavasāreṇa prabhā te'pi punaḥpunaḥ ..

13.83.71

caturṇāṃ brāhmaṇānāṃ tu caturo dāpayeddhaṭān .. 31 ..

13.83.72

pūrvaṃ tu bahvṛce dayācchaṃdoge dakṣiṇaṃ tathā ..

13.83.73

yajuḥśākhānvite dadyātpaścimaṃ ghaṭamuttamam .. 32 ..

13.83.74

uttaraṃ kāmato dadyāddeśa eva vidhikramāt ..

13.83.75

ṛgvedaḥ prīyatāṃ pūrvaṃ sāmavedaśca dakṣiṇaḥ .. 33 ..

13.83.76

yajuṣaḥ paścimo nāmnā ātharvāyottaraṃ tathā ..

13.83.77

pūrṇapātraistu satilaiḥ sthagitānkārayeddhaṭān .. 34 ..

13.83.78

tatastaṃ jalapātrasthaṃ brāhmaṇāya kuṭuṃbine ..

13.83.79

dadyādevaṃ mahābhāga tataḥ paścāttu bhojayet .. 35 ..

13.83.80

brāhmaṇānpāyasānnena tataḥ paścātsvayaṃ gṛhī ..

13.83.81

bhuñjīta bhṛtyasahito vāgyataḥ saṃyatendriyaḥ .. 36 ..

13.83.82

anena vidhinā yastu dvādaśīṃ kṣapayennaraḥ ..

13.83.83

tasya puṇyaphalaṃ rājañchṛṇu satyavatāṃ vara .. 37 ..

13.83.84

yadi vaktrasahasrāṇi bhavaṃti hi yugeyuge ..

13.83.85

āyuśca brahmaṇastulyaṃ bhavedyadi mahāmate ..

13.83.86

tadasya phalasaṃkhyānaṃ kartuṃ śakyaṃ na dhārayet .. 38 ..

13.83.87

yaḥ kṛṣṇadvādaśīmetāmanena vidhinā nṛpa ..

13.83.88

karoti brahmalokaṃ sa samāpnoti na saṃśayaḥ .. 39 ..

13.83.89

brahmahatyādipāpāni janmāṃtarakṛtānyapi ..

13.83.90

akāmataḥ kāmato vā praṇaśyaṃti na saṃśayaḥ .. 4.83.40 ..

13.83.91

tathaiva pauṣamāsena amṛtaṃ mathitaṃ suraiḥ ..

13.83.92

tacca kūrmobhavaddevaḥ svayameva janārdanaḥ .. 41 ..

13.83.93

tasyeyaṃ tithiruddiṣṭā harervai kūrmarūpiṇaḥ ..

13.83.94

pauṣamāsaṃ samāsādya dvādaśīṃ śuklasaṃyutām .. 42 ..

13.83.95

tasyāṃ prāgvatsaṃkalpaḥ prātaḥsnānādikāḥ kriyāḥ ..

13.83.96

nirvartyārādhayedrātryāmekādaśyāṃ janārdanam ..

13.83.97

prīyamaṃtrairnṛpaśreṣṭha devadevaṃ jagadgurum .. 43 ..

13.83.98

kūrmāya pādau prathamaṃ supūjya nārāṇāyeti kaṭiṃ harestu ..

13.83.99

saṅkarṣaṇāyetyudaraṃ viśodhetpurobhavāyeti ca kaṃṭhapīṭham .. 44 ..

13.83.100

subāhavetyeva bhujau śiraśca sarvātmane pāṃḍava pūjanīyau ..

13.83.101

svanāmamaṃtreṇa ca śaṃkhacakre gadāṃ namaskārapareṇa caiva .. 45 ..

13.83.102

ebhirmantraiḥ puṣpasugandhadhūpairnaive dyadīpairvividhaiḥ phalaiśca ..

13.83.103

abhyarcya devaṃ kalaśaṃ tadagre saṃsthāpayenmālyavilepanādyam .. 46 ..

13.83.104

taṃ ratnagarbhaṃ susugaṃdhatoyaṃ kṛtvā tato hemamayaṃ svaśa ktyā ..

13.83.105

samaṃdaraṃ kūrmatanuṃ sureśaṃ saṃsthāpayeccātra śubhe ca pātre ..47..

13.83.106

ghṛtaiśca pūrṇe kalaśā'grasaṃsthaṃ saṃpūjayejjāgaranṛtyagītaiḥ..

13.83.107

saṃpūjya viprānghṛtapāyasena nivedya pūrvaṃ dvijapuṅgavāya ..

13.83.108

nirvartya sarvaṃ vidhivattataśca bhuñjīta saṃtuṣṭamanāḥ sabhṛtyaḥ .. 48 ..

13.83.109

evaṃ kṛte kalpayugāṃtarāṇi svarge vasetsarvasamṛddhakāmaḥ ..49..

13.83.110

saṃsāracakraṃ sa vihāya śīghramāpnoti loke tu hareḥ purāṇe ..

13.83.111

prayāṃti pāpāni vināśamāśu śriyā yuto jāyati satyadharma ..4.83.50..

13.83.112

anekajanmārjitasaṃyutāni naśyaṃti pāpāni narasya bhaktyā ..

13.83.113

prāguktarūpaṃ ca phalaṃ labheta nārāyaṇaṃ vastumupaiti sadyaḥ .. 51 ..

13.83.114

evaṃ māghe site pakṣe dvādaśīṃ dharaṇīdhara ..

13.83.115

varāhasya śṛṇuṣvānyāṃ rājanparamadhārmika .. 52 ..

13.83.116

prāguktena vidhānena snānaṃ saṃkalpameva ca ..

13.83.117

kṛtvā devaṃ samabhyarcya ekādaśyāṃ samāhitaḥ .. 53 ..

13.83.118

dhūpanaivedyagaṃdhaistu arcayitvā punarnaraḥ ..

13.83.119

paścāttasyāgrataḥ kuṃbhaṃ jalapūrṇaṃ tu vinyaset .. 54 ..

13.83.120

varāhāyeti pādau tu mādhavāyeti vai kaṭim ..

13.83.121

kṣetrajñāyeti jaṭharaṃ viśvarūpetyuro hareḥ ..55..

13.83.122

pūrvatrāyeti kaṃṭhaṃ tu prajānāṃ pataye śiraḥ ..

13.83.123

pradyumnāyeti ca bhujau divyāstrā ya sudarśanam ..56..

13.83.124

amṛtodbhavāya śaṃkhaṃ tu gadine ca gadāṃ tathā ..

13.83.125

evamabhyarcya medhāvī tasminkuṃbhe'pi vinyaset ..57..

13.83.126

sauvarṇaṃ rūpyaṃ tāmraṃ vā pātraṃ vibhavaśaktitaḥ ..

13.83.127

sarvabījaistu saṃpūrṇaṃ sthāpayitvā vicakṣaṇaḥ .. 58 ..

13.83.128

tatra śaktyā ca sauvarṇaṃ vārāhaṃ kārayettataḥ ..

13.83.129

daṃṣṭrāgreṇoddharanpṛthvīṃ saparvatavanadrumām .. 59 ..

13.83.130

mādhavaṃ madhuhaṃtāraṃ vārāhaṃ rūpamāsthitam ..

13.83.131

sarvabījabhṛtaiḥ pātrai ratnagarbhaghaṭopari .. 4.83.60 ..

13.83.132

sthāpayetparamaṃ devaṃ jātarūpamayaṃ harim ..

13.83.133

sitavastrayugacchannaṃ tāmrābhāve tu vaiṇave .. 61 ..

13.83.134

sthāpyārcayedgandhapuṣpairnaivedyairvividhaiḥ phalaiḥ ..

13.83.135

puṣpamaṃḍapikāṃ kṛtvā jāgaraṃ tatra kārayet .. 62 ..

13.83.136

prādurbhāvaṃ harerdivyaṃ vācayedgāpayedbudhaḥ ..

13.83.137

evaṃ saniyamasyāsya prabhāte udite ravau .. 63 ..

13.83.138

vedavedāṅgaviduṣe sādhuvṛttāya dhīmate ..

13.83.139

viṣṇubhaktāya rājendra viśeṣeṇa pradāpayet .. 64 ..

13.83.140

evaṃ sakuṃbhaṃ dattvā ca hariṃ vārāharūpiṇam ..

13.83.141

brāhmaṇāya bhavedyadvatphalaṃ tanme niśāmaya .. 65 ..

13.83.142

iha janmani saubhāgyaṃ śrīkāntī puṣṭimeva ca ..

13.83.143

prāpnoti puruṣo rājanyadyadicchati kiṃcana .. 66 ..

13.83.144

ekā'pi vidhinopāstā dadātyamṛtamuttamam ..

13.83.145

kiṃpunarvarṣamekaṃ ca karoti kurunaṃdana .. 67 ..

13.83.146

eṣā ca phālgune māsi śuklapakṣe tu dvādaśī ..

13.83.147

upoṣyā pūrvavidhinā harimārādhayetsudhīḥ .. 68 ..

13.83.148

narasiṃhāya pādau tu goviṃdāyodaraṃ tathā ..

13.83.149

kaṭiṃ viśvasṛje pūjya aniruddhetyuro hareḥ .. 69 ..

13.83.150

kaṃṭhaṃ tu śitikaṃṭhāya vainateyāya vai śiraḥ ...

13.83.151

asuradhvaṃsanāyeti vaktraṃ toyātmane namaḥ .. 4.83.70 ..

13.83.152

śaṃkhamityeva saṃpūjya gaṃdhapuṣpaiḥ phalaistathā ..

13.83.153

tadagre tu ghaṭaṃ sthāpya sitavastrayugānvitam .. 71 ..

13.83.154

tasyopari nṛsiṃhaṃ tu sauvarṇaṃ tāmrabhājane ..

13.83.155

haime ca śaktitaḥ kṛtvā dāruvaṃśamaye'pi vā .. 72 ..

13.83.156

ratnagarbhamaye sthāpya bhaktyā saṃpūjya mānavaḥ ..

13.83.157

dvādaśyāṃ vedaviduṣe brāhmaṇāya nivedayet .. 73 ..

13.83.158

eṣā vaṃdyā pāpaharā dvādaśī bhavate mayā ..

13.83.159

kathitā ca prayatnena śrutā ca bhavatepsitā .. 74 ..

13.83.160

evamenāṃ naravyāghra caitre saṃkalpya dvādaśīm ..

13.83.161

upoṣyārādhayetpaścāddevadevaṃ janārdanam .. 75 ..

13.83.162

kuṇḍikāṃ sthāpayetpārśve chatrikāṃ pāduke tathā ..

13.83.163

amalaṃ vāmanaṃ sthāpya bṛsīṃ kāṃsaparicchadām .. 76 ..

13.83.164

phalaiḥ puṣpaiḥ sugandhaiśca prabhāte saddvijātaye ..

13.83.165

dāpayetprīyatāṃ viṣṇurhrasvarūpītyudīrayet .. .. 77 ..

13.83.166

māsanāmnātra saṃyuktaṃ prādurbhāvaṃ vidhānataḥ ..

13.83.167

prīyatāmiti sarvatra vidhireva prakīrtitaḥ .. 78 ..

13.83.168

aputro labhate putramadhano dhanamāpnuyāt ..

13.83.169

bhraṣṭarājyo labhedrājyaṃ mṛto viṣṇupuraṃ vrajet .. 79 ..

13.83.170

krīḍitvā suciraṃ kālamiha martyamupāgataḥ ..

13.83.171

cakravartī bhaveddhīmānyayātiriti nāhuṣaḥ..4.83.80..

13.83.172

vaiśākhe'pyevamevaṃ tu saṃkalpya vidhivannaraḥ ..

13.83.173

tadvatsnānaṃ mṛdā tadvattato devālayaṃ vrajet .. 81 ..

13.83.174

tatrārādhya hariṃ bhaktyā ebhirmantrairvicakṣaṇaḥ ..

13.83.175

jāmadagnyāya pādau tu udaraṃ sarvadhāriṇe .. 82 ..

13.83.176

madhusūdanāyeti kaṭimuraḥ śrīvatsadhāriṇe ..

13.83.177

kṣatrāṃtakāya ca bhujau maṇikaṇṭhāya kaṇṭhakam .. 83 ..

13.83.178

pūjayenniyato bhūtvā surūpāyeti vai mukham ..

13.83.179

svanāmnā śaṃkhacakre ca śiro brahmāṃḍadhāriṇe .. 84 ..

13.83.180

evamabhyarcya medhāvī prāgvaṃśasyāgrato ghaṭam ..

13.83.181

vinyasyetpuṣpavastrāḍhyaṃ sitacandanacarcitam .. 85 ..

13.83.182

vaiṇave'bhinave pātre sthāpayenmadhusūdanam ..

13.83.183

jāmadagnyena rūpeṇa kṛtvā sauvarṇamagrataḥ .. 86 ..

13.83.184

dakṣiṇe paraśuṃ haste tasya devasya kārayet ..

13.83.185

sarvagandhaistu saṃpūjya puṣpairnānāvidhaiḥ śubhaiḥ ..87..

13.83.186

tatastasyāgrataḥ kuryājjāgaraṃ bhaktimānnaraḥ ..

13.83.187

prabhāte vimale sūrye brāhmaṇāya nivedayet .. 88 ..

13.83.188

evaṃ niyamayuktasya yatphalaṃ tannibodha me ..

13.83.189

kāśyape brahmaṇo loke coṣitvāpsarasāṃ gaṇaiḥ ..

13.83.190

sthitvā bhaute ca sṛṣṭau ca cakravartī bhaveddhruvam .. 89 ..

13.83.191

jyeṣṭhe māse'pyevameva saṃkalpya vidhivannaraḥ ..

13.83.192

arcayetparamaṃ devaṃ puṣpairnānāvidhaiḥ śubhaiḥ ..4.83.90..

13.83.193

namo dāmodarāyeti pādau pūrvaṃ samarcayet ..

13.83.194

trivikramāyeti kaṭiṃ dhṛtaviśvāya codaram ..91..

13.83.195

uraḥ saṃvartakāyeti kaṇṭhaṃ saṃvatsarāya ca ..

13.83.196

sarvāsudhāriṇe bāhuṃ svanāmnābjarathāṃgake .. 92 ..

13.83.197

sahasraśirase'bhyarcya śirastasya mahātmanaḥ ..

13.83.198

evamabhyarcya vidhivatprāguktavidhivannyaset .. 93 ..

13.83.199

prāgvadvastrasugandhaiśca sauvarṇau rāmalakṣmaṇau ..

13.83.200

arcayitvā vidhānena prabhāte brāhmaṇāya tau ..

First 200 of 322 passages. Read on

Linked texts (9)