Pramāṇa · Search · About · API

Bhavishyapurana 3.74

Bhaviṣyapurāṇa 3.74

Language
Sanskrit

3.74.p1

ādityadvādaśamūrtivarṇanam

3.74.1

śatānīka uvāca
sthāpito yadi sāmbena sūryaścandrasarittaṭe .
tasmānnadyamidaṃ sthānaṃ yathaitadbhāṣate bhavān . . 1

3.74.2

sumanturuvāca
ādyaṃ sthānamidaṃ bhānoḥ paścātsāmbena bhārata .
vistareṇāsya cādyasya kathyamānaṃ nibodha me . . 2

3.74.3

atrādyo lokanātho'sau raśmimālī jagatpatiḥ .
mitratve ca sthito devastapastepe purā nṛpa . . 3

3.74.4

anādinidhano brahmā nityaścākṣaya eva ca .
sṛṣṭvā prajāpatīnbrahmā sṛṣṭvā ca vividhāḥ prajāḥ . . 4

3.74.5

sasarja mukhato devaṃ pūrvamambujasannibham .
kañjajastaṃ tato devaṃ vakṣasto nirmame nṛpa . . 5

3.74.6

lalāṭātkuruśārdūla nīrajākṣaṃ digambaram 1 .
ṛbhavaḥ pādataḥ sarve sṛṣṭāstena mahātmanā . . 6

3.74.7

tataḥ śatasahasrāṃśuravyaktaḥ puruṣaḥ svayam .
kṛtvā dvādaśadhātmānamadityāmudapadyata . . 7

3.74.8

indro dhātā ca parjanyaḥ pūṣā tvaṣṭāryamā bhagaḥ .
vivasvānaṃśurviṣṇuśca varuṇo mitra eva ca . . 8

3.74.9

ebhirdvādaśabhistena ādityena mahātmanā .
kṛtsnaṃ jagadidaṃ vyāptaṃ mūrtibhistu narādhipa . . 9

3.74.11

tasya yā prathamā mūrtirādityasyendrasaṃjñitā .
sthitā sā devarājatve dānavāsuranāśinī . 1.74.10
dvitīyā cāsya yā mūrtirnāmnā dhāteti kīrtitā .
sthitā prajāpatitve sā vidhātrī sṛjate prajāḥ . . 11

3.74.12

tṛtīyā tasya yā mūrtiḥ parjanya iti viśrutā .
kareṣveva sthitā sā tu varṣatyamṛtameva hi . . 12

3.74.13

caturthī tasya yā mūrtirnāmnā pūṣeti viśrutā2 .
mantreṣvavasthitā sā tu prajāḥ puṣṇāti bhārata . . 13

3.74.14

mūrtiryā pañcamī tasya nāmnā tvaṣṭeti viśrutā .
vanaspatiṣu sā nityamoṣadhīṣu ca vai sthitā . . 14

3.74.15

ṣaṣṭhī mūrtistu yā tasya aryameti ca viśrutā .
prajāsamvaraṇārthaṃ sā pureṣveva sthitā sadā . . 15

3.74.16

bhānoryā saptamī mūrtirnāmnā bhaga iti smṛtā .
bhūmau vyavasthitā sā tu kṣmādhareṣu ca bhārata . . 16

3.74.17

aṣṭamī cāsya yā mūrtirvivasvāniti saṃjñitā .
agnau vyavasthitā sā tu 4pacate'nnaṃ śarīriṇām . . 17

3.74.18

navamī citrabhānoryā mūrtirañśuriti smṛtā .
vīra candre sthitā sā tu āpyāyayati vai jagat . 18

3.74.19

mūrtiryā daśamī tasya viṣṇurityabhidhīyate .
prādurbhavati sā nityaṃ gīrvāṇārivināśinī . . 19

3.74.21

mūrtistvekādaśī yā tu bhānorvaruṇasaṃjñitā .
jīvāyayati sā kṛtsnaṃ jagaddhi samupāśritā . . 1.74.20
apāṃ sthānaṃ samudrastu varuṇo'tra pratiṣṭhitaḥ .
tasmādvai procyate vīra sāgaro varuṇālayaḥ . . 21

3.74.22

mūrtiryā dvādaśī bhānornāmato mitrasaṃjñitā .
lokānāṃ sā hitārthaṃ tu sthitā candrasarittaṭe . . 22

3.74.23

vāyubhakṣā tapastepe yuktā maitreṇa cakṣuṣā .
anugṛhṇansadā bhaktānvarairnānāvidhaiḥ sadā . . 23

3.74.24

evamādyamidaṃ sthānaṃ puṇyaṃ mitrapadaṃ smṛtam .
tatra mitraḥ sthito yasmāttasmānmitrapadaṃ smṛtam . . 24

3.74.25

tayārādhya mahābāho sāmbenāmitatejasā .
tatprasādāttadādeśātpratiṣṭhā tasya vai kṛtā . . 25

3.74.26

ābhirdvādaśabhistena bhāskareṇa mahātmanā .
kṛtsnaṃ jagadidaṃ vyāptaṃ mūrtibhistu narādhipa . . 26

3.74.27

tasmādvandyo namasyaśca dvādaśasvapi mūrtiṣu .
ye namasyanti cādityaṃ narā bhaktisamanvitāḥ . . 27

3.74.28

te yāsyanti paraṃ sthāna 1 tiṣṭhedyatrāmbujeśvaraḥ .
ityevaṃ dvādaśātmānamādityaṃ pūjayettu yaḥ . . 28

3.74.29

sa muktaḥ sarvapāpebhyo yāti helisalokatām . . 29

3.74.74

iti śrībhaviṣye mahāpurāṇe śatārddhasāhasryāṃ saṃhitāyāṃ brāhme parvaṇi saptamīkalpe
sūryadvādaśamūrtivarṇanaṃ nāma catuḥsaptatitamo'dhyāyaḥ . 74 .

Linked texts (2)