Pramāṇa · Search · About · API

Brahmavaivartapurana 2.21: adhyāyaḥ 21

Brahmavaivartapurāṇa 2.21

Language
Sanskrit

adhyāyaḥ 21

2.21.1

nārada uvāca ..

2.21.2

nārāyaṇaśca bhagavānvīryyādhānaṃ cakāra ha ..

2.21.3

tulasyā kena rūpeṇa tanme vyākhyātumarhasi ..1..

2.21.4

nārāyaṇa uvāca ..

2.21.5

nārāyaṇaśca bhagavāndevānāṃ sādhanena ca ..

2.21.6

śaṃkhacūḍasya rūpeṇa reme tadrāmayā saha ..2..

2.21.7

śaṃkhacūḍasya kavacaṃ gṛhītvā māyayā hariḥ ..

2.21.8

punarvidhāya tadrūpaṃ jagāma tulasīgṛham .. 3 ..

2.21.9

dundubhiṃ vādayāmāsa tulasīdvārasannidhau ..

2.21.10

jayaśabdaravadvārā bodhayāmāsa sundarīm .. 4 ..

2.21.11

tacchrutvā sā ca sādhvī ca paramānandasaṃyutā ..

2.21.12

rājamārgagavākṣeṇa dadarśa paramādarāt .. 5 ..

2.21.13

brāhmaṇebhyo dhanaṃ dattvā kārayāmāsa maṅgalam ..

2.21.14

bandibhyo bhikṣukebhyaśca vācikebhyo dhanaṃ dadau .. 6 ..

2.21.15

avaruhya rathāddevo devyāśca bhavanaṃ yayau ..

2.21.16

amūlyaratnasaṃklṛptaṃ sundaraṃ sumanoharam .. 7 ..

2.21.17

dṛṣṭvā ca purataḥ kāntaṃ śāntaṃ kāntā mudā'nvitā ..

2.21.18

tatpādaṃ kṣālayāmāsa nanāma ca ruroda ca .. 8..

2.21.19

ratnasiṃhā sane ramye vāsayāmāsa kāmukī ..

2.21.20

tāmbūlaṃ ca dadau tasmai karpūrādisuvāsitam .. 9 ..

2.21.21

adya me saphalaṃ janma hyadya me saphalāḥ kriyāḥ ..

2.21.22

raṇāgataṃ ca prāṇeśaṃ paśyantyāśca punargṛhe..2.21.10..

2.21.23

sasmitā sakaṭākṣaṃ ca sakāmā pulakāñcitā ..

2.21.24

papraccha raṇavṛttāntaṃ kāntaṃ madhurayā girā .. 11 ..

2.21.25

tulasyuvāca ..

2.21.26

asaṃkhyaviśvasaṃhartrā sārddhamājau tava prabho ..

2.21.27

kathaṃ babhūva vijayastanme brūhi kṛpānidhe ..12..

2.21.28

tulasīvacanaṃ śrutvā prahasya kamalāpatiḥ ..

2.21.29

śaṃkhacūḍasya rūpeṇa tāmuvācānṛtaṃ vacaḥ .. 13 ..

2.21.30

śrīhariruvāca ..

2.21.31

āvayoḥ samaraṃ kānte pūrṇamabdaṃ babhūva ha ..

2.21.32

nāśo babhūva sarveṣāṃ dānavānāṃ ca kāmini .. 14 ..

2.21.33

prītiṃ ca kārayāmāsa brahmā ca svayamāvayoḥ ..

2.21.34

devānāmadhikāraśca pradatto brahmaṇā purā .. 15 ..

2.21.35

mayā''gataṃ svabhavanaṃ śivalokaṃ śivo gataḥ ..

2.21.36

ityuktvā jagatāṃ nāthaḥ śayanaṃ ca cakāra ha ..16..

2.21.37

reme ramāpatistatra rāmayā saha nārada ..

2.21.38

sā sādhvī sukhasambhogādākarṣaṇavyatikramāt ..

2.21.39

sarvaṃ vitarkayāmāsa kastvamevetyuvāca ha .. 17 ..

2.21.40

tulasyuvāca ..

2.21.41

ko vā tvaṃ vada māyeśo bhuktā'haṃ māyayā tvayā..18..

2.21.42

dūrīkṛtaṃ matsatītvamathavā tvāṃ śapāmahe ..

2.21.43

tulasīvacanaṃ śrutvā hariḥ śāpabhayena ca .. 19 ..

2.21.44

dadhāra līlayā brahmansvāṃ mūrtiṃ sumanoharām ..

2.21.45

dadarśa purato devī devadevaṃ sanātanam ..

2.21.46

navīnanīrada śyāmaṃ śaratpaṅkajalocanam .. 2.21.20 ..

2.21.47

koṭikandarpalīlābhaṃ ratnabhūṣaṇabhūṣitam ..

2.21.48

īṣaddhāsyaṃ prasannāsyaṃ śobhitaṃ pītavāsasā .. 21 ..

2.21.49

taṃ dṛṣṭvā kāminī kāmānmūrchāṃ saṃprāpa līlayā ..

2.21.50

punaśca cetanāṃ prāpya punaḥ sā tamuvāca ha .. 22 ..

2.21.51

he nātha te dayā nāsti pāṣāṇa sadṛśasya ca..

2.21.52

chalena dharmabhaṅgena mama svāmī tvayā hataḥ .. 23 ..

2.21.53

pāṣāṇasadṛśastvaṃ ca dayāhīno yataḥ prabho ..

2.21.54

tasmātpāṣāṇarūpa stvaṃ bhuvi deva bhavādhunā .. 24 ..

2.21.55

ye vadanti dayāsindhuṃ tvāṃ te bhrāntā na saṃśayaḥ ..

2.21.56

bhakto vinā'parādhena parārthe ca kathaṃ hataḥ ..25..

2.21.57

durvṛttastvaṃ ca sarvajño na jānāsi paravyathām ..

2.21.58

atastvamekajanuṣi svameva vismariṣyasi .. 26 ..

2.21.59

ityuktvā ca mahāsādhvī nipatya caraṇe hareḥ ..

2.21.60

bhṛśaṃ ruroda śokārttā vilalāpa muhurmuhuḥ .. 27 ..

2.21.61

tasyāśca karuṇāṃ dṛṣṭvā karuṇāmayasāgaraḥ ..

2.21.62

nārāyaṇastāṃ bodhayitumuvāca kamalāpatiḥ .. 28 ..

2.21.63

śrībhagavānuvāca ..

2.21.64

tapastvayā kṛtaṃ sādhvi madarthe bhārate ciram ..

2.21.65

tvadarthe śaṅkhacūḍaśca cakāra suciraṃ tapaḥ .. 29 ..

2.21.66

kṛtvā tvāṃ kāminīṃ kāmī vijahāra ca tatphalāt ..

2.21.67

adhunā dātumucitaṃ tavaiva tapasaḥ phalam .. 2.21.30 ..

2.21.68

idaṃ śarīraṃ tyaktvā ca divyaṃ dehaṃ vidhāya ca ..

2.21.69

rāse me ramayā sārddhaṃ tvaṃ ramāsadṛśī bhava..31..

2.21.70

iyaṃ tanurnadīrūpā gaṇḍakīti ca viśrutā ..

2.21.71

pūtā supuṇyadā nṛṇāṃ puṇyā bhavatu bhārate .. 32 ..

2.21.72

tava keśasamūhāśca puṇyavṛkṣā bhavantviti ..

2.21.73

tulasīkeśasambhūtā tulasīti ca viśrutā .. 33 ..

2.21.74

trilokeṣu ca puṣpāṇāṃ patrāṇāṃ devapūjane ..

2.21.75

pradhānarūpā tulasī bhaviṣyati varānane ..34..

2.21.76

svarge martye ca pātāle vaikuṇṭhe mama sannidhau..

2.21.77

bhavantu tulasīvṛkṣā varāḥ puṣpeṣu sundari .. 35 ..

2.21.78

goloke virajātīre rāse vṛndāvane bhuvi ..

2.21.79

bhāṇḍīre campakavane ramye candanakānane .. 36 ..

2.21.80

mādhavīketakīkundamallikāmālatīvane ..

2.21.81

bhavantu taravastatra puṣpasthāneṣu puṇyadā .. 37 ..

2.21.82

tulasītarumūle ca puṇyadeśe supuṇyade ..

2.21.83

adhiṣṭhānaṃ tu tīrthānāṃ sarveṣāṃ ca bhaviṣyati .. 38 ..

2.21.84

tatraiva sarvadevānāṃ samadhiṣṭhānameva ca ..

2.21.85

tulasīpatrapatanaṃ prāyo yatra varānane.. 39 ..

2.21.86

sa snātaḥ sarvatīrtheṣu sarvayajñeṣu dīkṣitaḥ ..

2.21.87

tulasīpatratoyena yo'bhiṣekaṃ samācaret ..2.21.40..

2.21.88

sudhāghaṭasahasreṇa sā tuṣṭirna bhaveddhareḥ ..

2.21.89

yā ca tuṣṭirbhavennṝṇāṃ tulasīpatradānataḥ .. 41 ..

2.21.90

gavāmayutadānena yatphalaṃ labhate naraḥ ..

2.21.91

tulasīpatradānena tatphalaṃ labhate sati .. 42 ..

2.21.92

tulasīpatratoyaṃ ca mṛtyukāle ca yo labhet ..

2.21.93

sa mucyate sarvapāpādviṣṇulokaṃ sa gacchati .. 43 ..

2.21.94

nityaṃ yastulasī toyaṃ bhuṅkte bhaktyā ca yo naraḥ ..

2.21.95

sa eva jīvanmuktaśca gaṃgāsnānaphalaṃ labhet..44..

2.21.96

nityaṃ yastulasīṃ dattvā pūjayenmāṃ ca mānavaḥ..

2.21.97

lakṣāśvamedhajaṃ puṇyaṃ labhate nātra saṃśayaḥ .. 45 ..

2.21.98

tulasīṃ svakare dhṛtvā dehe dhṛtvā ca mānavaḥ ..

2.21.99

prāṇāṃstyajati tīrtheṣu viṣṇu lokaṃ sa gacchati .. 46 ..

2.21.100

tulasīkāṣṭhanirmāṇamālāṃ gṛhṇāti yo naraḥ ..

2.21.101

pade pade'śvamedhasya labhate niścitaṃ phalam .. 47 ..

2.21.102

tulasīṃ svakare dhṛtvā svīkāraṃ yo na rakṣati ..

2.21.103

sa yāti kālasūtraṃ ca yāvaccandradivākarau .. 48 ..

2.21.104

karoti mithyāśapathaṃ tulasyā yo hi mānavaḥ ..

2.21.105

sa yāti kumbhīpākaṃ ca yāvadindrāścaturdaśa .. 49 ..

2.21.106

tulasītoyakaṇikāṃ mṛtyukāle ca yo labhet ..

2.21.107

ratnayānaṃ samāruhya vaikuṇṭhaṃ sa prayāti ca..2.21.50.
pūrṇimāyāmamāyāṃ ca dvādaśyāṃ ravisaṃkrame ..

2.21.108

tailābhyaṃge cāsnāte ca madhyāhne niśi sandhyayoḥ .. 51 ..

2.21.109

āśauce'śucikāle vā rātrivāsānvite narāḥ ..

2.21.110

tulasīṃ ye ca chindanti te chindanti hareḥ śiraḥ .. 52 ..

2.21.111

trirātraṃ tulasīpatraṃ śuddhaṃ paryuṣitaṃ sati ..

2.21.112

śrāddhe vrate vā dāne vā pratiṣṭhāyāṃ surārcane .. 53 ..

2.21.113

bhūgataṃ toyapatitaṃ yaddattaṃ viṣṇave sati ..

2.21.114

śuddhaṃ tu tula sīpatraṃ kṣālanādanyakarmaṇi ..54..

2.21.115

vṛkṣādhiṣṭhātrī devī yā goloke ca nirāmaye ..

2.21.116

kṛṣṇena sārddhaṃ rahasi nityaṃ krīḍāṃ kariṣyati.55..

2.21.117

nadyadhiṣṭhātṛdevī yā bhārate ca supuṇyadā ..

2.21.118

lavaṇodasya patnī ca madaṃśasya bhaviṣyati ..56..

2.21.119

tvaṃ ca svayaṃ mahāsādhvī vaikuṇṭhe mama sannidhau ..

2.21.120

ramāsamā ca rāse ca bhaviṣyasi na saṃśayaḥ .. 57 ..

2.21.121

ahaṃ ca śailarūpī ca gaṇḍakītīrasannidhau ..

2.21.122

adhiṣṭhānaṃ kari ṣyāmi bhārate tava śāpataḥ .. 58 ..

2.21.123

vajrakīṭāśca kṛmayo vajradaṃṣṭrāśca tatra vai ..

2.21.124

tacchilākuhare cakraṃ kariṣyanti madīyakama..59..

2.21.125

ekadvāre catuścakraṃ vanamālāvibhūṣitam ..

2.21.126

navīnanīradaśyāmaṃ lakṣmīnārāyaṇābhidham ..2.21.60..

2.21.127

ekadvāre catuścakraṃ navīnanīradopamam..

2.21.128

lakṣmījanārdanaṃ jñeyaṃ rahitaṃ vanamālayā .. 61 ..

2.21.129

dvāradvaye catuścakraṃ goṣpadena samanvitam ..

2.21.130

raghunāthābhidhaṃ jñeyaṃ rahitaṃ vanamālayā .. .. 62 ..

2.21.131

atikṣudraṃ dvicakraṃ ca navīnajaladaprabham ..

2.21.132

dadhivāmanābhidhaṃ jñeyaṃ gṛhiṇāṃ ca sukhapradam .. 63 ..

2.21.133

atikṣudraṃ dvicakraṃ ca vanamā lāvibhūṣitam ..

2.21.134

vijñeyaṃ śrīdharaṃ devaṃ śrīpradaṃ gṛhiṇāṃ sadā .. 64 ..

2.21.135

sthūlaṃ ca vartulākāraṃ rahitaṃ vanamālayā ..

2.21.136

dvicakaṃ sphuṭamatyantaṃ jñeyaṃ dāmodarābhidham .. 65 ..

2.21.137

madhyamaṃ vartulākāraṃ dvicakraṃ bāṇavikṣatam ..

2.21.138

raṇarāmābhidhaṃ jñeyaṃ śaratūṇasamanvitam .. 66 ..

2.21.139

madhyamaṃ saptacakraṃ ca chatratūṇasamanvitam ..

2.21.140

rājarājeśvaraṃ jñeyaṃ rājasampatpradaṃ nṛṇām .. 67 ..

2.21.141

dvisaptacakraṃ sthūlaṃ ca navīnajaladaprabham ..

2.21.142

anantākhyaṃ ca vijñeyaṃ caturvargaphalapradam .. 68 ..

2.21.143

cakrākāraṃ dvicakraṃ ca saśrīkaṃ jaladaprabham ..

2.21.144

sagoṣpadaṃ madhyamaṃ ca vijñeyaṃ madhusūda nam..69..

2.21.145

sudarśanaṃ caikacakraṃ guptacakraṃ gadādharam ..

2.21.146

dvicakraṃ hayavaktrābhaṃ hayagrīvaṃ prakīrttitam..2.21.70..

2.21.147

atīva vistṛtāsyaṃ ca dvicakraṃ vikaṭaṃ sati ..

2.21.148

narasiṃhābhidhaṃ jñeyaṃ sadyo vairāgyadaṃ nṛṇām .. 71 ..

2.21.149

dvicakraṃ vistṛtāsyaṃ ca vanamālāsamanvitam ..

2.21.150

lakṣmīnṛsiṃhaṃ vijñeyaṃ gṛhiṇāṃ sukhadaṃ sadā .. 72 ..

2.21.151

dvāradeśe dvicakraṃ ca saśrīkaṃ ca samaṃ sphuṭam ..

2.21.152

vāsudevaṃ ca vijñeyaṃ sarvakāmaphalapradam .. 73 ..

2.21.153

pradyumnaṃ sūkṣmacakraṃ ca navīnanīradaprabham ..

2.21.154

suṣire cchidrabahulaṃ gṛhiṇāṃ ca sukhapradam .. 74 ..

2.21.155

dve cakre caikalagne ca pṛṣṭhe yatra tu puṣkalam ..

2.21.156

saṃkarṣaṇaṃ tu vijñeyaṃ sukhadaṃ gṛhiṇāṃ sadā .. 75 ..

2.21.157

aniruddhaṃ tu pītābhaṃ vartulaṃ cātiśobhanam ..

2.21.158

sukhapradaṃ gṛhasthānāṃ pravadanti manī ṣiṇaḥ .. 76 ..

2.21.159

śālagrāmaśilā yatra tatra sannihito hariḥ ..

2.21.160

tatraiva lakṣmīrvasati sarvatīrthasamanvitā..77..

2.21.161

yāni kāni ca pāpāni brahmahatyādikāni ca ..

2.21.162

tāni sarvāṇi naśyaṃti śālagrāmaśilārccanāt .. 78 ..

2.21.163

chatrākāraṃ bhavedrājyaṃ vartule ca mahāśriyaḥ ..

2.21.164

duḥkhaṃ ca śakaṭākāre śūlāgre maraṇaṃ dhuvam .. 79 ..

2.21.165

vikṛtāsye ca dāridryaṃ piṅgale hānireva ca ..

2.21.166

lagnacakre bhavedvyādhirvidīrṇe maraṇaṃ dhuvam .. 2.21.80 ..

2.21.167

vrataṃ dānaṃ pratiṣṭhā ca śrāddhaṃ ca devapūjanam ..

2.21.168

śālagrāmaśilāyāścaivādhiṣṭhānātpraśastakam .. 81 ..

2.21.169

sa snātaḥ sarvatīrtheṣu sarvayajñeṣu dīkṣitaḥ ..

2.21.170

śālagrāmaśilātoyairyo'bhiṣekaṃ samācaret .. 82 ..

2.21.171

sarvadāneṣu yatpuṇyaṃ prādakṣiṇye bhuvo yathā ..

2.21.172

sarvayajñeṣu tīrtheṣu vrateṣvanaśaneṣu ca .. 83 ..

2.21.173

tasya sparśaṃ ca vāñchanti tīrthāni nikhilāni ca ..

2.21.174

jīvanmukto mahāpūto bhavedeva na saṃśayaḥ ..84..

2.21.175

pāṭhe caturṇāṃ vedānāṃ tapasāṃ karaṇe sati ..

2.21.176

tatpuṇyaṃ labhate nṛnaṃ śālagrāmaśilārcanāt .. 85 ..

2.21.177

śālagrāmaśilātoyaṃ nityaṃ bhuṅkte ca yo naraḥ ..

2.21.178

surepsitaṃ prasādaṃ ca janmamṛtyujarāharam ..86..

2.21.179

tasya sparśaṃ ca vāñchanti tīrthāni nikhi lāni ca ..

2.21.180

jīvanmukto mahāpūto'pyante yāti hareḥ padam .. 87 ..

2.21.181

tatraiva hariṇā sārddhamasaṃkhyaṃ prākṛtaṃ layam ..

2.21.182

paśyatyeva hi dāsye ca nirmukto dāsyakarmaṇi .. 88 ..

2.21.183

yāni kāni ca pāpāni brahmahatyādikāni ca ..

2.21.184

taṃ ca dṛṣṭvā bhiyā yānti vainateyamivo ragāḥ .. 89 ..

2.21.185

tatpādapadmarajasā sadyaḥ pūtā vasundharā ..

2.21.186

puṃsāṃ lakṣaṃ tatpitṝṇāṃ nistārastasya janmanaḥ .. 2.21.90 ..

2.21.187

śālagrāmaśilā toyaṃ mṛtyukāla ca yo labhet ..

2.21.188

sarvapāpādvinirmukto viṣṇulokaṃ sa gacchati .. 91 ..

2.21.189

nirvāṇamuktiṃ labhate karmabhogādvimucyate ..

2.21.190

viṣṇupāde pralīnaśca bhaviṣyati na saṃśayaḥ ..92..

2.21.191

śālagrāmaśilāṃ dhṛtvā mithyāvādaṃ vadettu yaḥ..

2.21.192

sa yāti kūrmadaṃṣṭraṃ ca yāvadvai brahmaṇo vayaḥ .. 93 ..

2.21.193

śālagrāmaśilāṃ spṛṣṭvā svīkāraṃ yo na pālayet ..

2.21.194

sa prayātyasipatraṃ ca lakṣamanvantarādhikam .. 94 ..

2.21.195

tulasīpatra vicchedaṃ śālagrāme karoti yaḥ ..

2.21.196

tasya janmāntare kāle strīvicchedo bhaviṣyati .. 95 ..

2.21.197

tulasīpatravicchedaṃ śaṃkhe yo hi karoti ca ..

2.21.198

bhāryyāhīno bhavetso'pi rogī ca saptajanmasu .. 96 ..

2.21.199

śālagrāmaṃ ca tulasīṃ śaṃkhamekatra eva ca ..

2.21.200

yo rakṣati mahājñānī sa bhave cchrīharipriyaḥ .. 97 ..

First 200 of 218 passages. Read on

Linked texts (1)