Pramāṇa · Search · About · API

Brahmavaivartapurana 2.60: adhyāyaḥ 60

Brahmavaivartapurāṇa 2.60

Language
Sanskrit

adhyāyaḥ 60

2.60.1

nārada uvāca ..

2.60.2

nārāyaṇa mahābhāga vedavedāṅgapāraga ..

2.60.3

nipītaṃ ca mahākhyānaṃ tvanmukhenduvinisṛtam .. 1 ..

2.60.4

adhunā śrotumicchāmi kimuvāca bṛhaspatiḥ ..

2.60.5

śivaṃ ca gatvā kailāsaṃ dātāraṃ sarvasampadām .. 2 ..

2.60.6

jagatkartā vidhātā ca kiṃ vā taṃ pratyuvāca saḥ ..

2.60.7

etatsarvaṃ samālocya vada vedavidāṃ vara .. 3 ..

2.60.8

nārāyaṇa uvāca ..

2.60.9

śīghraṃ gatvā ca kailāsaṃ bhraṣṭaśrīḥ śaṃkaraṃ guruḥ ..

2.60.10

praṇamya tasthau purato lajjāvanatakandharaḥ .. .. 4 ..

2.60.11

dṛṣṭvā gurusutaṃ śambhurudatiṣṭhatkuśāsanāt ..

2.60.12

āliṅganaṃ dadau tasmai śīghraṃ māṃgalikāśiṣaḥ .. 5 ..

2.60.13

svāsane vāsayitvā vai papraccha kuśalaṃ vacaḥ ..

2.60.14

uvāca madhuraṃ vākyaṃ bhītaṃ taṃ lajjitaṃ śivaḥ .. 6 ..

2.60.15

śrīśaṅkara uvāca ..

2.60.16

kathamevaṃvidhastvaṃ ca duḥkhī malina vigrahaḥ ..

2.60.17

sāśrunetro lajjitaśca bhrātastatkāraṇaṃ vada .. 7 ..

2.60.18

kiṃ vā tapasyā hīnā te sandhyā hīnā'thavā mune ..

2.60.19

kiṃ vā śrīkṛṣṇasevā sā vihīnā daivadoṣataḥ .. 8 ..

2.60.20

kiṃ vā gurau bhaktihīno'bhīṣṭadeve'thavā gurau ..

2.60.21

kiṃ vā na rakṣituṃ śaktaḥ prapannaṃ śaraṇāgatam .. 9 ..

2.60.22

kiṃ vā'tithiste vimukhaḥ kiṃ vā poṣyā bubhukṣitāḥ ..

2.60.23

kiṃ vā svatantrā strī vā te kiṃ vā putro'vacaskaraḥ ..2.60.1 0..

2.60.24

suśāsito na śiṣyo vā kiṃ bhṛtyāścottarapradāḥ ..

2.60.25

kiṃ vā te vimukhā lakṣmīḥ kiṃ vā ruṣṭo gurustava .. 11 ..

2.60.26

gariṣṭhaśca variṣṭhaśca śaśvatsantuṣṭa mānasa ..

2.60.27

gurustava vasiṣṭhaśca preṣṭhaḥ śreṣṭhaḥ satāmaho ..12..

2.60.28

kiṃ vā ruṣṭo'bhīṣṭadevaḥ kiṃ vā ruṣṭāśca vāḍavāḥ ..

2.60.29

kiṃ vā ruṣṭā vaiṣṇavāśca kiṃ vā te prabalo ripuḥ .. 13 ..

2.60.30

kiṃ vā te bandhuvicchedo vigraho balinā saha ..

2.60.31

kiṃ vā padaṃ paragrastaṃ kiṃ vā bandhudhanaṃ ca vā ..14..

2.60.32

kena te vā kṛtā nindā khalairvā pāpibhirmune ..

2.60.33

kena vā tvaṃ parityakto bāndhavena priyeṇa vā..15..

2.60.34

bandhustyaktastvayā kiṃ vā vairāgyeṇa krudhā'thavā ..

2.60.35

kiṃ vā tīrthe nahi snātaṃ na dattaṃ puṇyavāsare..16..

2.60.36

gurunindā bandhunindā khalavaktrācchrutā'thavā ..

2.60.37

gurunindā hi sādhūnāṃ maraṇādatiricyate .. 17 ..

2.60.38

asadvaṃśaprajātānāṃ khalānāṃ nindanaṃ tathā ..

2.60.39

dauśśīlyamevamasatāṃ śaśvannārakiṇāmiha .. 18 ..

2.60.40

parapraśaṃsakāḥ santaḥ puṇyavanto hi bhārate ..

2.60.41

śaśvanmaṅgalayuktāśca rājante manasā sadā .. 19 ..

2.60.42

putre yaśasi toye ca samṛddhe ca parākrame ..

2.60.43

aiśvarye vā pratāpe ca prajābhūmidhaneṣu ca .. 2.60.20 ..

2.60.44

vacaneṣu ca buddhau ca svabhāve ca caritrataḥ ..

2.60.45

ācāre vyavahāre ca jāyate hṛdayaṃ nṛṇām..21..

2.60.46

yādṛgyeṣāṃ ca hadaye tādṛkteṣāṃ ca maṃgalam ..

2.60.47

yādṛgyeṣāṃ pūrvapuṇyaṃ tādṛkteṣāṃ ca mānasam .. 22 ..

2.60.48

ityuktvā ca mahādevo virarāma svasaṃsadi ..

2.60.49

tamuvāca mahāvaktā svayameva bṛhaspatiḥ .. 23 ..

2.60.50

bṛhaspatiruvāca ..

2.60.51

akathyameva vṛttāntaṃ kathayāmi kimīśvara ..

2.60.52

lokāḥ karmavaśānnityaṃ nānājanmasu yatkṛtam .. 24 ..

2.60.53

svakarmaṇāṃ phalaṃ bhuṅkte janturjanmani janmani ..

2.60.54

nahi naṣṭaṃ ca tatkarma vinā bhogācca bhārate .. 25 ..

2.60.55

sukhaṃ duḥkhaṃ bhayaṃ śoko narāṇāṃ bhārate prabho ..

2.60.56

kecidvadanti hi bhavetsvakṛtena ca karmaṇā .. 25 ..

2.60.57

kecidvadanti daivena svabhāveneti kecana ..

2.60.58

trividhā gatayo hyasya vedavedāṅgapāraga .. 27 ..

2.60.59

svayaṃ ca karmajanakaḥ karma vai daivakāraṇam ..

2.60.60

svabhāvo jāyate nṝṇāṃ svātmanaḥ pūrvakarmaṇaḥ .. 28 ..

2.60.61

svakarmaṇāṃ ca sarveṣāṃ jantūnāṃ pratijanmani ..

2.60.62

sukhaṃ duḥkhaṃ bhayaṃ śokaṃ svātmanaśca prajāyate .. 29 ..

2.60.63

svakarmaphalabhoktā ca jīvo hi saguṇaḥ sadā ..

2.60.64

ātmabhojayitā sākṣī nirguṇaḥ prakṛteḥ paraḥ .. 2.60.30 ..

2.60.65

sa evātmā sarvasevyaḥ sarveṣāṃ ca phalapradaḥ ..

2.60.66

sa vai sṛjati daivaṃ ca svabhāvaṃ karma caiva hi .. 33 ..

2.60.67

karmaṇā ca nṛṇāṃ lajjā praśaṃsā ca praphullatā ..

2.60.68

lajjābījaṃ ca vṛttāntaṃ tathā'pi kathayāmi te .. 32 ..

2.60.69

ityuktvā sarvavṛttāntamavocattaṃ bṛhaspatiḥ ..

2.60.70

śrutvā babhūva namrāsyo gaurīśo lajjayā tadā ..33..

2.60.71

japamālā karādbhraṣṭā kopāviṣṭasya śūlinaḥ ..

2.60.72

babhūva sadyaḥkampaśca raktapaṃkajalocane..34..

2.60.73

saṃhartturīśo rudrasya viṣṇoḥ pātuḥ sakhā śivaḥ ..

2.60.74

sraṣṭuḥ stutyaśca mānyaśca svātmanaḥ paramātmanaḥ .. 35 ..

2.60.75

nirguṇasya ca kṛṣṇasya prakṛtīśasya nārada ..

2.60.76

kopātpravaktumārebhe śuṣkakaṇṭhauṣṭhatālukaḥ .. 36 ..

2.60.77

śiva uvāca ..

2.60.78

śivamastu ca sādhūnāṃ vaiṣṇavānāṃ satāmiha ..

2.60.79

avaiṣṇavānāmasatāmaśivaṃ ca pade pade .. 37 ..

2.60.80

dadāti vaiṣṇavebhyaśca yo duḥkhaṃ susthito janaḥ ..

2.60.81

śrīkṛṣṇastasya saṃharttā vighnastasya pade pade .. 38 ..

2.60.82

avaiṣṇavānāṃ hṛdayaṃ nahi śuddhaṃ sadāmalam ..

2.60.83

śrīkṛṣṇamantrasmaraṇaṃ manonairmalyakāraṇam .. 39 ..

2.60.84

bhidyate hadayagranthiśchidyante sarvasaṃśayāḥ ..

2.60.85

viṣṇumantropāsanayā kṣīyate karma tannṛṇām .. 2.60.40 ..

2.60.86

aho śrīkṛṣṇadāsānāṃ kaḥ svabhāvaḥ sunirmalaḥ ..

2.60.87

hṛtabhāryyaṃ mūrcchitaśca na śaśāpa ripuṃ guruḥ .. 41 ..

2.60.88

gururyasya variṣṭhaśca krodhahīnaśca dhārmikaḥ ..

2.60.89

śataputraghnamapyenaṃ na śaśāpa ripuṃ muniḥ .. 42 ..

2.60.90

niśśvāsādvai suragurorbhrāturmama bṛhaspateḥ ..

2.60.91

bhasmībhūto nimeṣeṇa śatacandro bhaveddhruvam .. .. 43 ..

2.60.92

tathā'pi taṃ no śaśāpa dharmmabhaṅgabhayena ca ..

2.60.93

tapasyā hīyate śaptuḥ kopāviṣṭasya nityaśaḥ .. 44 ..

2.60.94

aho hyatrerasatputraḥ parastrīlubdhakaḥ śaṭhaḥ ..

2.60.95

tapasvino vaiṣṇavasya brahmaputrasya dhīmataḥ .. 45 ..

2.60.96

dharmiṣṭhā brahmaṇaḥ putrā vaiṣṇavā brāhmaṇāstathā ..

2.60.97

keciddevā dvijā daityāḥ pautrāśca trividhā matāḥ .. 46 ..

2.60.98

ye sāttvikā brāhmaṇāste devā rājasikāstathā ..

2.60.99

daityāstāmasikā raudrā baliṣṭhāścoddhatāḥ sadā .. 47 ..

2.60.100

svadharmaniratā viprā nārāyaṇaparāyaṇāḥ ..

2.60.101

śaivāḥ śāktāśca te devā daityāḥ pūjāvivarjitāḥ .. 48 ..

2.60.102

mumukṣavo viṣṇubhaktā brāhmaṇā dāsyalipsavaḥ ..

2.60.103

aiśvaryyalipsavo devāścāsurāstāmasāstathā .. 49 ..

2.60.104

brāhmaṇānāṃ svadharmaśca kṛṣṇasyārccanamīpsitam ..

2.60.105

niṣkāmānāṃ nirguṇasya parasya prakṛterapi .. 2.60.50 ..

2.60.106

ye brāhmaṇā vaiṣṇavāśca svatantrāḥ paramaṃ padam ..

2.60.107

yāntyanyopāsakāścānyaiḥ sārddhaṃ ca prākṛte laye .. 51 ..

2.60.108

varṇānāṃ brāhmaṇāḥ śreṣṭhāḥ sādhavo vaiṣṇavā yadi ..

2.60.109

viṣṇumantravihīnebhyo dvijebhyaḥ śvapaco varaḥ .. 52 ..

2.60.110

paripakvā vipakvā vā vaiṣṇavāḥ sādhavaśca te ..

2.60.111

satataṃ pāti tāṃścaiva viṣṇucakraṃ sudarśanam .. 53 ..

2.60.112

yathā vahnau śuṣkatṛṇaṃ bhasmībhūtaṃ bhavetsadā..

2.60.113

tathā pāpaṃ vaiṣṇaveṣu kāṣṭhānīva hutāśane .. 54 ..

2.60.114

guruvaktrādviṣṇumantro yasya karṇe pravekṣyati ..

2.60.115

taṃ vaiṣṇavaṃ mahāpūtaṃ pravadanti manīṣiṇaḥ .. 55 ..

2.60.116

puṃsāṃ śataṃ pitṝṇāṃ ca śataṃ mātāmahasya ca ..

2.60.117

svasodarāṃśca jananīmuddharantyeva vaiṣṇavāḥ .. 56 ..

2.60.118

gayāyāṃ piṇḍadānena piṇḍadāḥ piṇḍabhojinam ..

2.60.119

samuddharanti puṃsāṃ ca vaiṣṇavāśca śataṃ śatam ..97..

2.60.120

mantragrahaṇamātreṇa jīvanmukto bhavennaraḥ ..

2.60.121

yamastasmānmahābhīto vainateyādivoragaḥ .. 58 ..

2.60.122

punantyeva hi tīrthāni gaṅgādīni ca bhārate ..

2.60.123

kṛṣṇamantropāsakāśca sparśamātreṇa vākpate .. 59 ..

2.60.124

pāpāni pāpināṃ tīrthe yāvanti prabhavanti ca ..

2.60.125

naśyanti tāni sarvāṇi vaiṣṇavasparśamātrataḥ .. 2.60.60 ..

2.60.126

kṛṣṇamantropāsakānāṃ rajasā pādapadmayoḥ ..

2.60.127

sadyo muktāḥ pātakebhyaḥ kṛtsnā pūtā vasundharā .. 61 ..

2.60.128

vāyuśca pavano vahniḥ sūryyaḥ sarvaṃ punāti ca ..

2.60.129

ete pūtā vaiṣṇavānāṃ sparśamātreṇa līlayā .. 62 ..

2.60.130

ahaṃ brahmā ca śeṣaśca dharmaḥ sākṣī ca karmmaṇām ..

2.60.131

ete hṛṣṭāśca vāñchanti vaiṣṇavānāṃ samāgamam .. 63 ..

2.60.132

phalaṃ karmānurūpeṇa sarveṣāṃ bhārate bhavet ..

2.60.133

na bhavettadvaiṣṇave ca siddhadhānye yathāṃ'kuram .. 64 ..

2.60.134

hanti teṣāṃ karma pūrvaṃ bhaktānāṃ bhaktavatsalaḥ ..

2.60.135

kṛpayā svapadaṃ tebhyo dadātyeva kṛpānidhiḥ .. 65 ..

2.60.136

tejasvināṃ ca pravaraṃ vaiṣṇavaṃ bhṛgunandanam ..

2.60.137

sa candro durbalo bhītaḥ śukraṃ ca śaraṇaṃ yayau .. 66 ..

2.60.138

sudarśano baliṣṭhaṃ ca śukraṃ jetuṃ na śaktimān ..

2.60.139

tathā'pi coddhariṣyāmi tārāṃ mantreṇa madguroḥ .. 67 ..

2.60.140

bhaja satyaṃ paraṃ brahma kṛṣṇamātmānamīśvaram ..

2.60.141

suprasanne bhagavati patnīṃ prāpsyasi līlayā .. 68 ..

2.60.142

mantraṃ tasya pradāsyāmi bhrātaḥ kalpataruṃ param ..

2.60.143

koṭijanmāghanighnaṃ ca sarvamaṃgalakāraṇam ..69..

2.60.144

brahmādistaṃbaparyyantaṃ naśvaraṃ jalabimbavat ..

2.60.145

śaraṇaṃ yāhi govindaṃ paramātmānamīśvaram ..

2.60.146

tāvadbhavecchā bhogecchā strīsukhecchā nṛṇāmiha .. 2.60.70 ..

2.60.147

yāvadgurumukhāmbhojānna prāpnoti manuṃ hareḥ ..

2.60.148

saṃprāpya durlabhaṃ mantraṃ vitṛṣṇo hi bhavennaraḥ .. 71 ..

2.60.149

indratvamamaratvaṃ ca nahi vāñchanti vaiṣṇavāḥ ..

2.60.150

nahi vāñchanti mokṣaṃ ca dāsyaṃ bhaktiṃ vinā hareḥ .. 72 ..

2.60.151

bhakti nirmathanaṃ bhakto mokṣaṃ no vāñchati prabhoḥ ..

2.60.152

jñānaṃ mṛtyuñjayatvaṃ ca sarvasiddhiṃ tadīpsitam .. 73 ..

2.60.153

vāksiddhiṃ caiva dhātṛtvaṃ bhaktānāṃ nahi vāñchitam ..

2.60.154

bhaktiṃ vihāya kṛṣṇasya viṣayaṃ yo hi vāñchati ...74...

2.60.155

viṣamatti sudhāṃ tyaktvā vañcito viṣṇumāyayā ..

2.60.156

ahaṃ brahmā ca viṣṇuśca dharmo'nantaśca kaśyapaḥ ..75..

2.60.157

kapilaśca kumāraśca naranārāyaṇāvṛṣī ..

2.60.158

svāyambhuvo manuścaiva prahlādaśca parāśaraḥ .. .. 76 ..

2.60.159

bhṛguḥ śukraśca durvāsā vasiṣṭhaḥ kraturaṃgirāḥ ..

2.60.160

baliśca vālakhilyāśca varuṇaśca hutāśanaḥ .. 77 ..

2.60.161

vāyuḥ sūryaśca garuḍo dakṣo gaṇapatiḥ svayam ..

2.60.162

ete parā bhaktavarāḥ kṛṣṇasya paramātmanaḥ ..78..

2.60.163

ye ca tasya kalāḥ śreṣṭhāste tadbhaktiparāyaṇāḥ ..

2.60.164

ityuktvā śaṅkarastasmai dadau kalpataruṃ manum ..79..

2.60.165

lakṣmīmāyākāmabījaṃ ṅentaṃ kṛṣṇapadaṃ mune ..

2.60.166

paraṃ pūjāvidhānaṃ ca stotraṃ ca kavacaṃ mune .. .. 2.60.80 ..

2.60.167

tatpuraścaraṇaṃ dhyānaṃ śuddhe mandākinītaṭe ..

2.60.168

guruḥ saṃprāpya taṃ mantraṃ śaṅkarācca jagadguroḥ .. 81 ..

2.60.169

viṣaṇṇo hi bhavābdhau ca babhūva tamuvāca ha .. 82 ..

2.60.170

bṛhaspatiruvāca ..

2.60.171

ājñāṃ kuru jagannātha yāmi taptuṃ harestapaḥ ..

2.60.172

tārā tiṣṭhatu tatraiva na tayā me prayojanam ..83..

2.60.173

paśyāmi viṣatulyaṃ ca sarvaṃ naśvaramīśvara ..

2.60.174

śrīkṛṣṇaṃ śaraṇaṃ yāmi satyaṃ nityaṃ ca nirguṇam..84..

2.60.175

śrīmahādeva uvāca ..

2.60.176

paragrastāṃ striyaṃ tyaktvā na praśaṃsyaṃ tapo mune ..

2.60.177

sambhāvitasya duścarccā maraṇādatiricyate .. 85 ..

2.60.178

puro gaccha mahābhāga tametaṃ narmadātaṭam ..

2.60.179

yatra brahmādayo devāstatrāhaṃ yāmi satvaram ..86..

2.60.180

śivasya vacanaṃ śrutvā yayau suraguruḥ svayam ..

2.60.181

āyayau ca mahābhāgaḥ śaṅkaro narmadātaṭam .. 87 ..

2.60.182

sagaṇaṃ śaṅkaraṃ dṛṣṭvā prasannavadanekṣaṇam ..

2.60.183

praṇemurdevatāḥ sarvā manavo munayastathā .. 88 ..

2.60.184

nanāma śambhuḥ śirasā viṣṇuṃ ca kamalodbhavam ..

2.60.185

dadau viṣṇurmaheśāya premṇā''liṅganamāsanam .. 89 ..

2.60.186

etasminnantare tatra cāgamacca bṛhaspatiḥ ..

2.60.187

praṇanāma mahādevaṃ viṣṇuṃ ca kamalodbhavam .. 2.60.90 ..

2.60.188

sūryyaṃ dharmamanantaṃ ca naraṃ māṃ ca munīśvarān ..

2.60.189

svaguruṃ pitaraṃ bhaktyā cāvasattatra saṃsadi .. 91 ..

2.60.190

sañcintya manasā yuktimūce tatra ca saṃsadi ..

2.60.191

svayaṃ viṣṇuśca bhagavānbrahmāṇaṃ candraśekharam ..92..

2.60.192

viṣṇuruvāca..

2.60.193

yuvāṃ ca munayaścaiva samudrapulinaṃ drutam..

2.60.194

śukraṃ kañcicca madhyasthaṃ prasthāpayitumarhatha ..93..

2.60.195

vigraheṇaiva viṣamaṃ bhaviṣyati na saṃśayaḥ ..

2.60.196

madāśiṣā suragurustārāṃ prāpsyati niścitam .. 94 ..

2.60.197

suraiḥ stutaśca santuṣṭaḥ śukrācāryyo bhaviṣyati ..

2.60.198

suraiḥ śukro hi na jitaḥ kṛṣṇacakreṇa rakṣitaḥ .. 95 ..

2.60.199

yuvābhyāṃ prārthyamāno'haṃ yuvayoḥ stavanena ca ..

2.60.200

śvetadvīpādāgato'smi parituṣṭaḥ stavena ca .. 96 ..

First 200 of 219 passages. Read on

Linked texts (2)