Brahmavaivartapurana 3.43.45.4

3.43.45.4

strīṇāṃ tadvacanaṃ śrutvā tā uvāca śivaḥ svayam ..
nirvikārī ca bhagavānyogīṃdrāṇāṃ gurorguruḥ .. 41 ..
śaṃkara uvāca ..
devyo mā vadatoktiṃ ca hyevaṃbhūtāṃ mamāṃtike ..
jagatāṃ mātaraḥ sādhvyaḥ putre capalatā katham ..42..
śaṃkarasya vacaḥ śrutvā lajjitāḥ surayoṣitaḥ ..
babhūvuḥ saṃbhramāttūṣṇīṃ citraputtalikā yathā .. 43 ..
bhuktvā miṣṭāni bhagavānācamya ca mudā'nvitaḥ ..
sakarpūraṃ ca tāṃbūlaṃ bubhuje bhāryayā saha .. 44 ..
ratnasiṃhāsane śaṃbhurmenādatte manohare ..
sannidhāya mudāyukto dadarśa vāsamaṃdiram .. 45