Pramāṇa · Search · About · API

Dashamaskandha 2

Daśamaskandha 2

Language
Sanskrit

Contents

2.1

śrīśuka uvāca
gopyaḥ kṛṣṇe vanaṃ yāte tamanudrutacetasaḥ
kṛṣṇalīlāḥ pragāyantyo ninyurduḥkhena vāsarān

2.2

gopya ūcuḥ
vāmabāhukṛtavāmakapolo valgitabhruradharāpètaveṇuḥ
komalāṅgulibhirāśritamārge gopya īrayati yatra mukundaḥ

2.3

vyomayānavanitāḥ saha siddhairvismitāstadupadhārya salajjāḥ
kāmamārgaṇasamarpitacittāḥ kaśmalaṃ yayurapasmṛtanīvyaḥ

2.4

hanta citra mabalāḥ ! śṛṇutedaṃ hārahāsa urasi sthiravidyut
nandasūnurayamārttajanānāṃ narmmado yarhi kūjitaveṇuḥ

2.5

vṛndaśo brajavṛṣā mṛgagāvo veṇuvādyahṛtacetasa ārāt
dantadaṣṭakavalā dhṛtakarṇā nidritā likhitacitramivāsan

2.6

barhiṇastabakadhātupalāśairbaddhamallaparivarhaviḍambaḥ
karhicitsabala āli ! sa gopairgāḥ samāhvayati yatra mukundaḥ

2.7

tarhi bhagnagatayaḥ sarito vai tatpadāmbujarajo'nilanītam
spṛhayatīrvayamivārbahupuṇyāḥ premavepitabhujāḥ stimitāpaḥ

2.8

anucaraiḥ samanuvarṇitavīrya ādipuruṣa ivācalabhūtiḥ
vanacaro giritaṭeṣu carantīrveṇunāhvayati gāḥ sa yadā hi

2.9

vanalatāstarava ātmani viṣṇuṃ vyañjayanta iva puṣpaphalāḍhyāḥ
praṇatabhāraviṭapā madhudhārāḥ premahṛṣṭatanavaḥ sasṛjuḥ sma

2.10

darśanīyatilako vanamālā divyagandhatulasīmadhumattaiḥ
alikulairalaghugītamabhīṣṭamādriyan yarhi saṃdhitaveṇuḥ

2.11

sarasi sārasahaṃsavihaṅgāścārugītahṛtacetasa etya
harimupāsata te yatacittā hanta mīlitadṛśo dhṛtamaunāḥ

2.12

sahabalaḥ sragavataṃsavilāsaḥ sānuṣu kṣitibhṛto vrajadevyaḥ !
harṣayan yarhi veṇuraveṇa jātaharṣa uparambhati viśvam 1

2.13

maDefault: mahadatikramaṇaśaṅkitacetā mandamandamanugarjati meghaḥ
suhṛdamabhyavarṣatsumanobhiścchāyayā ca vidadhatpratapatram

2.14

vividhagopacaragoṣu vidagdho veṇuvādya urudhā nijaśikṣāḥ
tava sutaḥ sati! yadādharabimbe dattaveṇuranayatsvarajātīḥ

2.15

savanaśastadupadhārya sureśāḥ śakraśarvaparameṣṭhipurogāḥ
kavaya ānatakandharacittāḥ kaśmalaṃ yayuraniścitatattvāḥ

2.16

nijapadābjadalairdhvajavajranīrajāṅkuśavicitralalāmaiḥ
vrajabhuvaḥ śamayan khuratodaṃ varṣmadhuryagatirīḍitaveṇuḥ

2.17

vrajati tena vayaṃ savilāsavīkṣaṇārpitamanobhavavegāḥ
kujagarti gamitā na vidāmaḥ kaśmalena kabaraṃ vasanaṃ vā

2.18

maṇidharaḥ kvacidāgaṇayan gā mālayā dayitagandhatulasyāḥ
praṇayino'nucarasya kadāṃse prakṣipan bhujamagāyata yatra

2.16-2

kvaśitaveṇuravavañcitacittāḥ kṛṣṇamanvasata kṛṣṇagṛhiṇyaḥ
guṇagaṇāryamanugatya hariṇyo gopikā iva vimuktagṛhāśāḥ

2.20

kundadāmakṛtakautukaveṣo gopagodhanavṛtto yamunāyām
nandasūnuranaghe ! tava vatso narmadaḥ praṇayināṃ vijahāra

2.21

mandavāyurupavātyanukūlaṃ mānayanmalayajasparśena
vandinastamupadevagaṇā ye vādyagītabalibhiḥ parivavruḥ

2.22

vatsalo vrajagavāṃ yadagadhro vandyamānacaraṇaḥ pathi vṛddhaiḥ
kṛtsnagodhanamupohya dinānte gītaveṇuranugeḍitakīrtiḥ

2.23

utsavaṃ śramarucāpi dṛśīnāmunnayan khurarajaśchuritasrak
ditsayeti suhṛdāśiṣa eṣa devakījaṭharabhūruḍurājaḥ

2.24

madavighūrṇitalocana īṣanmānadaḥ svasuhṛdāṃ vanamālī
badarapāṇḍuvadano mṛdugaṇḍaṃ maṇḍayan kanakakuṇḍalalakṣmyā

2.25

yadupatirdviradarājavihāro yāminīpatirivaiṣa dinānte
muditavaktra upayāti durantaṃ mocayan vrajagavāṃ dinatāpam

2.26

śrīśuka uvāca
evaṃ vrajastriyo rājan ! kṛṣṇalīlā'nugāyatīḥ
remire'hassu taccittāstanmanaskā mahodayāḥ

2.26.p1

iti śrīmadbhāgavate mahāpurāṇe daśamaskandhe pūrvārdhe yugalagītavarṇanaṃ nāma pañcatriṃśattamo'dhyāyaḥ

2.26.p2

itiśrīmadbhāgavate daśamaskandha pūrvārdhe pañcatriṃśo'dhyāyaḥ || 35

Linked texts (10)