Pramāṇa · Search · About · API

Kaumarakhanda 31

Kaumārakhaṇḍa 31

Language
Sanskrit

Contents

31.1

cha || || nārada uvāca
vrajaṃtī girijā'paśyatsakhīṃ māturmahāprabhām || kusumāmodinīṃnāma tasya śailasya devatām

31.2

sāpi dṛṣṭvā girisutāṃ snehaviklavamānasā
kapunargacchasītyuccairāliṃgyovāca devatā

31.3

sā cāsyai sarvamācakhyau śaṃkarātkopakāraṇam || punaścovāca girijā devatāṃ mātṛsaṃmatām

31.4

nityaṃ śailādhirājasya devatā tvamaniṃdite || sarvaṃ ca sannidhānaṃ ca mayi cātīva vatsalā

31.5

tadahaṃ saṃpravakṣyāmi yadvidheyaṃ tavādhunā || athānya
strīpraveśe tu samīpe tu pinākinaḥ

31.6

tvayākhyeyaṃ mama śubhe yuktaṃ paścātkaromyaham || tathetyukte tayā devyā yayau devī giriṃ prati

31.7

ramye
tatra mahāśṛṃge nānāścaryopaśobhite || vibhūṣaṇādi saṃnyasya vṛkṣavalkaladhāriṇī

31.8

tapastepe girisutā putreṇa paripālitā || grīṣme paṃcāgnisaṃ
taptā varṣāsu ca jaloṣitā

31.9

sthaṃḍilasthā ca hemaṃte nirāhārā tatāpa sā || etasminnantare daityo hyaṃdhakasya suto balī

31.10

jñātvā gatāṃ
girisutāṃ piturvairamanusmaran || āḍirnāma bakabhrātā rahasyāṃtaraprekṣakaḥ

31.11

jite kilāṃdhake daitye giriśenāmaradviṣi || oṃḍiścakāra vipulaṃ
tapo harajigīṣayā

31.12

tamāgatyābravīdbrahmā tapasā paritoṣitaḥ || brūhi kiṃ vāsuraśreṣṭha tapasā prātumicchasi

31.13

brahmāṇamāha daityastu nirmṛ
tyutvamahaṃ vṛṇe || || brahmovāca || || na kaścicca vinā mṛtyuṃ jaṃturāsura vidyate

31.14

yatastato'pi daityeṃdra mṛtyuḥ prāpyaḥ śarīriṇā || ityukto
daityasiṃhastu provācāṃbujasaṃbhavam

31.15

rūpasya parivarto me yadā syātpadmasaṃbhava || tadā mṛtyurmama bhavedanyathā tvamaro hyaham

31.16

ityuktastaṃ
tathetyāha tuṣṭaḥ kamalasaṃbhavaḥ || ityukto'maratāṃ mene daityarājyasthito'suraḥ

31.17

ājagāma sa ca sthānaṃ tadā tripuraghātinaḥ || āgato dadṛśe taṃ
ca vīrakaṃ dvāryavasthitam

31.18

taṃ cāsau vaṃcayitvā ca āḍiḥ sarpaśarīrabhṛt || avārito vīrakeṇa praviveśa harāṃtikam

31.19

bhujaṃgarūpaṃ
saṃtyajya babhūvātha mahāsuraḥ || umārūpī chalayituṃ giriśaṃ mūḍhacetanaḥ

31.20

kṛtvomārūpamatarkyamanoharam || sarvāvayavasaṃpūrṇaṃ sarvābhijñānasaṃvṛtam

31.21

cakre bhagāṃtare daityo daṃtānvajropamāndṛḍhān || tīkṣṇāgrānbuddhimohena giriśaṃ haṃtumudyataḥ

31.22

kṛtvomārūpamevaṃ sa sthito daityo harāṃtike || tāṃ dṛṣṭvā giriśastuṣṭaḥ samāliṃgya mahāsuram

31.23

manyamāno girisutāṃ sarvai
ravayavāṃtaraiḥ || apṛcchatsādhu te bhāvo giriputrī hyakṛtrimā

31.24

yā tvaṃ madāśayaṃ jñātvā prāṇeha varavarṇini || tvayā virahitaḥ śūnyaṃ manye'sminsu
vanatraye

31.25

prāptā prasannā yā tvaṃ māṃ yuktamevaṃvidhaṃ tvayi || ityukte gūhayaṃśceṣṭāmumārūpyasuro'bravīt

31.26

yātāsmi tapasaścaru kālīvā
kyāttavātulam || ratiśca tatra me nābhūttataḥ prāptā tavāṃtikam

31.27

ityuktaḥ śaṃkaraḥ śaṃkāṃ kiṃcitprāpyāvadhārayat || kupitā mayi tanvaṃgī
pratyakṣā ca haḍhavratā

31.28

aprāptakāmā saṃprāptā kimetatsaṃśayo mama || rahasīti viciṃtyātha abhijñānādvicārayan

31.29

nāpaśyadrāmapārśve tu
tasyāṃkaṃ padmalakṣaṇam || lonnāmāvartacaritaṃ tato devaḥ pinākadhṛk

31.30

buddhā tāṃ dānavīṃ māyāṃ kiṃcitprahasitānaṃnaḥ || meḍhre raudrāstramādhāya
cakre daityamanoratham

31.31

sa rudanbhairavāntrāvānavasādaṃ gato'suraḥ || abudhyadvīrako naitadasureṃdranipūdanam

31.32

hate ca mārutenāśugāminā
nagadevatā || aparicchinnatattvārthā śailaputryāṃ nyavedayat

31.33

śrutvā vāyumukhādevī krodharaktātilocanā || apaśyadvīrakaṃ putraṃ hṛdayena vidūyatā

31.34

mātaraṃ māṃ parityajya yasmāctvaṃ snehavihvalām || vihitāvasaraḥ strīṇāṃ śaṃkarasya rahovidhau

31.35

tasmātte paruṣā rūkṣā jaḍā hṛdaya
varjitā || gaṇeśākṣarasadṛśā śilā mātā bhaviṣyati

31.36

evamutsṛṣṭaśāpāyā giriputryāstavanaṃtaram || nirjagāma mukhātkrodhaḥ siṃharūpī mahā
balaḥ

31.37

paścāttāpaṃ samāśritya tathā devyā visarjitaḥ || sa tu siṃhaḥ karālāsyo mahākesarakaṃdharaḥ

31.38

prodbhūtabalālāṃgūladaṃṣṭrotkaṭa
guhāsukhaḥ || vyāvṛtāsyo lalajihvaḥ kṣāmakukṣiśvikhādiṣuḥ

31.39

tasyāsye vartituṃ devī vyavasyata satī tadā || jñātvā manogataṃ tasyā bhagavāṃ
ścaturānanaḥ

31.40

ājagāmāśramapadaṃ saṃpadāmāśrayaṃ tataḥ || āgamyovāca tāṃ brahmā girijāṃ mṛṣṭayā girā

31.41

kiṃ devi prānukāmāsi
kimalabhyaṃ dadāmi te || tacchutvovāca girijā gurugauravagarbhitam

31.42

tapasā duṣkareṇāhaṃ patitve śaṃkaro mayā || sa māṃ śyāmalavarṇeti
bahuśaḥ proktavānbhavaḥ

31.43

syāmahaṃ kāṃcanākārā vāchabhyena ca saṃyutā || bharturbhūtataporaṃge dvekato nirviśaṃkitā

31.44

tasyāstadvāṣitaṃ
śrutvā provāca jalajāsanaḥ || evaṃ bhavatu bhūyastvaṃ bharturdehārdhadhāriṇī

31.45

tatastasyāḥ śarīrāttu brī sunīlāṃbujatviṣā || nirgatā sābhavadgaurī
ghaṃṭāhastā trilocanā

31.46

nānābharaṇapūrṇāṃgī pītakauśeyavāsinī || tāmabravīttato brahmā devīṃ nīlāṃbujatviṣam

31.47

asmādbhūdharajā
dehasaṃparkāttvaṃ mamājñayā || saṃprāptā kṛtakṛtyatvamekānaṃśā purākṛtiḥ

31.48

ya eṣa siṃhaḥ proddhūto devyāḥ krodhādrānane || sa testu vāhano devi
ketau cāstu mahābalaḥ

31.49

gaccha viṃdhyācale tatra surakāryaṃ kariṣyati || atra śuṃbhaniśuṃbhau ca hatvā tārakasainyapau

31.50

pāṃcālonāma yakṣo'yaṃ
yakṣalakṣapadānugaḥ || dattaste kiṃkaro devi mahāmāyāśatairyutaḥ

31.51

ityuktvā kauśikī devī tathetyāha pitāmaham || nirgatāyāṃ ca kauśikyāṃ jātā
svairāśritā guṇaiḥ

31.52

sarvaiḥ pūrvabhavopāttaistadā svayamupasthitaiḥ || umāpi prātasaṃkalpā paścāttāpaparāyaṇā

31.53

muhuḥ svaṃ pariniṃdaṃtī jagāma
giriśāṃtikam || saṃprayāṃtīṃ ca tāṃ dvāri apavārya samāhitaḥ

31.54

rurodha vīrako devīṃ hemavetralatādharaḥ || tāmruvāca ca kopena tiṣṭha tiṣṭha ka yāsi
ca

31.55

prayojanaṃ na te'stīha gaccha yāvanna bhartsyase || devyā rūpadharo daityo devaṃ vaṃcayituṃ tviha

31.59

praviṣṭo na ca dṛṣṭo'sau sa ca devena ghā
titaḥ||ghātite cāhamākṣipto nīlakaṇṭhena dhīmatā||56||kāpi strī nāpi mokṣyyā tvayā putreti sādaram || tasmāttvamatra dvāristhā varṣapūgānyanekaśaḥ
57||bhaviṣyasi na cāpyatra praveśaṃ lapsyase vraja || ekā me praviśedvatra mātā yā snehavatsalā||58||nagādhirājatanayā pārvatī rudravallabhā || ityuktvā
tu tato devī ciṃtayāmāsa cetasā

31.60

na sā nārī tu daityo'sau vāyornaivāvabhāsata || vṛthaiva vīrakaḥ śapto mayā krodhaparītayā

31.61

akāryaṃ
kriyate mūḍhaiḥ prāyaḥ krodhasamanvitaiḥ || krodhena naśyate kīrtiḥ krodho haṃti sthirāṃ śriyam

31.62

aparicchinnasarvārthā putraṃ śāpitavatyaham || viparī
tārthabodbhṛṇāṃ sulabhā vipado yataḥ

31.63

saṃciṃtyaivamuvācedaṃ vīrakaṃ prati śailajā || adho lajjāvikāreṇa vadanenāṃbujatviṣā

31.69

ahaṃ vīraka te
mātā mā te'stu manaso bhramaḥ || śaṃkarasyāsmi dayitā sutā tu himabhūbhṛtaḥ||64||mama gātrasthitibhrāṃtyā mā śaṃkāṃ putra bhāvaya || tuṣṭena gauratā dattā
mameyaṃ padmayoninā

31.66

mayā śato'syavidite vṛttāṃte daityanirmite || jñātvā nārīpraveśaṃ tu śaṃkare rahasi sthite

31.67

na nivartayituṃ śakyaḥ
śāpaḥ kiṃ tu bravīmi te || mānuṣyāṃ tu śilāyāṃ tvaṃ śilādātsaṃbhaviṣyasi

31.68

puṇye cāpyarbudāraṇye svargamokṣaprade nṛṇām || acaleśvaraliṃgaṃ
tu vartato yatra vīraka

31.69-2

vārāṇasyāṃ viśvanāthasamaṃ tatphaladaṃ nṛṇām || prabhāsasya ca yātrābhirdaśabhiryatphalaṃ nṛṇām

31.70

tadekayātrayā
proktamarbudasya mahāgireḥ || yatra taptvā tapo martyā dehayātrānvihāya ca

31.71

saṃsārī na punarbhūyānmaheśvaravaco yathā || arbudo yadi labhyeta
sevituṃ janmaduḥkhitaiḥ

31.72

vārāṇasīṃ ca kedāraṃ kiṃ smaraṃti vṛthaiva te || tatrārādhya bhavaṃ devaṃ bhavānnandīti nāmabhṛt

31.73

śīghrameṣyasi cātraiva
pratīhāratvamāpsyasi || evamukte hṛṣṭaromā vīrakaḥ praṇipatya tām

31.74

saṃstūya vividhairvākyairmātaraṃ samabhāṣata || dhanyo'haṃ devi yo lapsye
mānuṣyamatidurlabham

31.75

śāpo'nugraharūpo'yaṃ viśeṣādarbudācale || samīpe yasya puṇyo'sti mahīsāgarasaṃgamaḥ

31.76

ūdhaḥ pṛthivyā
deśo'yaṃ yo gireśvārṇavāṃtare || tatra gatvā mahatpuṇyamavāpya bhavabhaktitaḥ

31.77

punareṣyāmi bho mātarityukkābhūcchalāsutaḥ || devī ca praviveśātha
bhavanaṃ śaśimaulinaḥ

31.78

ityārbudākhyānam || || tato dṛṣṭvā ca tāṃ prāha dhigyārya iti ryaṃbakaḥ

31.79

sā ca praṇamya taṃ prāha
satyametanna mithyayā || jaḍaḥ prakṛtibhāgoyaṃ nāryaścārhati nindanām

31.80

puruṣāṇāṃ prasādena mucyante bhavasāgarāt || tataḥ prahṛṣṭastāmāha
haro yogyā'dhunā śubhe

31.81

putraṃ dāsyāmi yena tvaṃ khyātimāpsyasi śobhane || tato reme hi devyā sa nānāścaryālayo haraḥ

31.82

tato varṣasahasreṣu
devāstvaritamānasāḥ || jvalanaṃ nodayāmāsurrgātuṃ śaṃkaraceṣṭitam

31.83

dvāri sthitaṃ pratīhāraṃ vaṃcayitvā ca pāvakaḥ || pārāvatasya rūpeṇa praviveśa
harāṃtikam

31.84

dṛṣṭaśce taṃ ca deveśo vinatāṃ prekṣya pārvatīm || tatastaṃ jvalanaṃ prāha naitadyogyaṃ tvayā kṛtam

31.85

yadidaṃ kṣubhitaṃ sthānānmama tejo
hyattamam || gṛhāṇa tvaṃ sudurbuddhe no vā dhakṣyāmi tvāṃ ruṣā

31.86

bhītastato'sau jagrāha sarvadevamukhaṃ ca saḥ || tena te vahnisahitā vihvalāśca
surāḥ kṛtāḥ

31.87

vipācya jaṭharāṇyeṣāṃ vīryaṃ māheśvaraṃ tataḥ || niṣkrāṃtaṃ tatsaro jātaṃ pāradaṃ śatayojanam

31.88

vahniśca vyākulībhūto
gaṃgāyāṃ mumuce sakṛt || dahyamānā ca sā devī taraṃgairbahirutsṛjat

31.89

jātatribhuvanakhyātastena ca śvetaparvataḥ || etasminnantare vahnirāhūtaśca
himālaye

31.90

saptarṣibhirvahnihomaṃ kurvadbhirmaṃtravīryataḥ || āgatya tatra jagrāha vahnibhāgaṃ ca taṃ hutam

31.91

gate'hnacatvasmiśca tatrasthaḥ patnī
steṣāmapaśyata || suvarṇakadalīstaṃbhanibhāstāścaṃdralekhayā

31.92

paśyamānaḥ praphullākṣo vahniḥ kāmavaśaṃ gataḥ || sa bhūyaścintayāmāsa na nyāyyaṃ
kṣubhito'smi yat

31.93

sādhvīḥ patnīrdvijeṃdrāṇāmakāmāḥ kāmayāmyaham || pāpametatkarma coyaṃ naśyāmi tṛṇavatsphuṭam

31.94

kutraitannaśyate
kīrtiryāvadācaṃdratārakam || evaṃ saṃciṃtya bahudhā gatvā caiva vanāṃtaram

31.95

saṃyantuṃ nābhavacchaktaḥ upāyairbahubhirmanaḥ || tataḥ sa kāmasaṃtapto mūrchitaḥ
samapadyata

31.96

tataḥ svāhā ca bhāryāsya bubudhe tadviceṣṭitam || jñātvā ca ciṃtayāmāsa prahṛṣṭā manasi svayam

31.97

svāṃ bhāryāmatha māṃ
tyaktvā bahuvāsādavajñayā || bhāryāḥ kāmayate nūnaṃ saptarṣīṇāṃ mahātmanām

31.98

tadāsāṃ rūpamāśritya ramiṣye tena cāpyaham || tatastvaṃgiraso
bhāryā śivānāmeti śobhanā

31.99

tasyā rūpaṃ samādhāya pāvakaṃ prāpya sābravīt || māmaśce kāmasaṃtaptāṃ tvaṃ kāmayitumarhasi

31.100

na
cetkariṣyase deva mṛtāṃ māmupadhāraya || ahamaṃgiraso bhāryā śivānāma hutāśana

31.101

sarvābhiḥ sahitā prātā tāśca yāsyaṃtyanukramāt
asmākaṃ tvaṃ priyo nityaṃ tvacittāśca vayaṃ tathā

31.102

tataḥ sa kāmasaṃtaptaḥ saṃbabhūva tayā saha || prīte prītā ca sā devī nirjagāma vanāṃtarāt

31.103

ciṃtayaṃtī mamedaṃ cedrūpaṃ drakṣyaṃti kānane || te brāhmaṇīnāmanṛtaṃ doṣaṃ vakṣyaṃti pāvakāt

31.104

tasmādetadrakṣamāṇā garuḍī saṃbhavāmyaham
suparṇā sā tato bhūtvā daddaśe śvetaparvatam

31.105

śarastaṃbaiḥ susaṃpūrṇaṃ rakṣobhiśca piśācakaiḥ || sā tatra sahasā gatvā śailapṛṣṭhaṃ sudurgamam

31.106

prākṣipatkāṃcane kuṃḍe śukraṃ taddhāraṇe'kṣamā || śiṣṭānāmapi devīnāṃ saptarṣīṇāṃ mahātmanām

31.107

patnīsarūpatāṃ kṛtvā kāmayāmāsa pāvakam
divyaṃ rūpamaruṃdhatyāḥ kartuṃ na śakitaṃ tayā

31.108

tasyāstapaḥprabhāveṇa bhartuḥ śuśrūṣaṇena ca || ṣaṭkṛtvastattu nikṣiptamabhiretaḥ kurūdvaha

31.109

kuṃḍe'smiṃścaitrabahule pratipadyeva svāhayā || tataśca pāvako duḥkhācchuśoca ca mumoha ca

31.110

āḥ pāpaṃ kṛtamityeva dehanyāse ' karonmatim || tatastaṃ khecarī vāṇī prāha mā maraṇaṃ kuru

31.111

bhāvyametacca bhāvyarthātko hi pāvaka mucyate || bhāvyarthenāpi yatte ca paradāropa sevanam

31.112

kṛtaṃ taccetasā tena tvāmajīrṇaṃ pravekṣyati || śvetaketormahāyajñe ghṛtadhārāibhatarpitam

31.113

śokaṃ ca tyaja netāstāḥ svāhe veyaṃ tava priyā || śvetaparvatakuṃḍasthaṃ putraṃ tvaṃ draṣṭumarhasi || tato vahnistatra gatvā daddaśe tanayaṃ prabhum

31.114

arjuna uvāca || || kasmātsvāhā karodrūpaṃ ṣaṇṇāṃ tāsāṃ mahāmune

31.115

yattā bhartṛparāḥ sādhvyastapasvinyoginasaṃnibhāḥ || na bibheti ca kiṃ tābhyaḥ ṣaḍcaḥ svāhā'parādhinī || bhartṛbhaktyā jagadguruṃ yataḥ śaktāśca tā mune

31.116

nārada uvāca || || satyametatkuruśreṣṭha śṛṇu taccāpi kāraṇam || yena tāsāṃ kṛtaṃ rūpaṃ na vā śāpaṃ dadyuśca tāḥ

31.117

yatra tadvahninā kṣiptaṃ rudratejaḥ sakṛtpurā || gaṃgāyāṃ tatra sasnustāḥ ṣaṭnanyo'jñānabhāvataḥ

31.118

tatastā vihvalībhūtāstejasā tena mohitāḥ || lajjyā ca svabhartṝṇāṃ gaṃgātīrasthitā rahaḥ

31.119

etadaṃtaramālokya cikīrṣaṃtī manīṣitam || svāhā śarīramāviśyatāsāṃ tejo jahāra tat

31.120

cikrīḍa vahnijāyāpi yathā te kathitaṃ mayā

31.121

upakāramimaṃ tābhiḥ smaraṃtībhiśca bhārata || na śaktā sā yataḥ śāpo na deyaścopakāriṇi

31.122

tataḥ saptarṣayo jñātvā jñānenāśucitāṃ gatāḥ || tatyajuḥ ṣaṭ tadā patnīrvinā devīmaruṃdhatīm

31.123

viśvāmitrastu bhagavānkumāraṃ śaraṇaṃ gataḥ || stavaṃ divyaṃ saṃpracakre mahāsenasya cāpi saḥ

31.124

aṣṭottaraśataṃ nāmnāṃ śṛṇu tvaṃ tāni phālguna || japena
yeṣāṃ pāpāni yāṃti jñānamavāpnuyāt

31.129

tvaṃ brahmavādī tvaṃ brahmā brahma brāhmaṇavatsalaḥ || brahmaṇyo brahmadevaśca brahmado brahmasaṃgrahaḥ

31.126

tvaṃ
paraṃ paramaṃ tejo maṃgalānāṃ ca maṃgalam || aprameyaguṇaścaiva maṃtrāṇāṃ maṃtrago bhavān

31.127

tvaṃ sāvitrīmayo deva sarvatraivāparājitaḥ || maṃtraḥ śairṣātmako devaḥ ṣaḍakṣaravatāṃ varaḥ

31.128

mālī maulī patākī ca jaṭī muṃḍī śikhaṃḍyapi || kuṇḍalī lāṃgalī bālaḥ kumāraḥ pravaro varaḥ

31.129-2

gavāṃputraḥ surārighnaḥ saṃbhavo bhavabhāvanaḥ || pinākī śatruhā śveto gūḍhaḥ skandaḥ karāgraṇīḥ

31.130

dvādaśo bhūbhuvo bhāvī suvaḥ putro namaskṛtaḥ
nāgarājaḥ sudharmātmā nākapṛṣṭhaḥ sanātanaḥ

31.131

tvaṃ bhartā sarvabhūtātmā tvaṃ trātā tvaṃ sukhāvahaḥ || śaradakṣaḥ śikhī jetā ṣaḍvaktro bhayanāśanaḥ

31.132

hemagarbho mahāgarbho jayaśca vijayeśvaraḥ || tvaṃ kartā tvaṃ vidhātā ca nityo nityārimardanaḥ

31.133

mahāseno mahātejā vīrasenaśca bhūpatiḥ || siddhāsanaḥ surādhyakṣo bhīmaseno nirāmayaḥ

31.134

śauryarūrdurmahātejā vīryavānsatyavikramaḥ || tejogarbho'surāripuḥ suramūrtiḥ surorjitaḥ

31.135

kṛtajño varadaḥ satyaḥ śaraṇyaḥ sādhuvatsalaḥ || suvrataḥ sūryasaṃkāśo vahnigarbhaḥ karṇo śuvaḥ

31.136

pippalī śīghrago raudrī gāṃgeyo ripudāraṇaḥ || kārttikeyaḥ prabhuḥ kṣantā nīladaṃṣṭro mahāmanāḥ

31.137

nigraho nigrahāṇāṃ ca netā tvaṃ suranaṃdanaḥ || grahaḥ paramānandaḥ krodhaghnastāra ucchritaḥ

31.138

kukkuṭī bahulī divyaḥ kāmado bhūrivardhanaḥ || amogho'mṛtado hyagniḥ śatrughnaḥ sarvamodanaḥ

31.139

avyayo hyamaraḥ śrīmānunnato hyagnisaṃbhavaḥ || piśācarājaḥ sūryābhaḥ śivātmā śivanaṃdanaḥ

31.140

apārapāro durjñeyaḥ sarvabhūtahite rataḥ || agrāhyaḥ kāraṇaṃ kartā parameṣṭhī paraṃ padam

31.141

acintyaḥ sarvabhūtātmā sarvātmā tvaṃ sanātanaḥ || evaṃ sa sarvabhūtānāṃ saṃstutaḥ parameśvaraḥ

31.142

nāmnāmaṣṭaśatenāyaṃ viśvāmitramaharṣiṇā || prasannamūrtirāhedaṃ munīṃdraṃ priyatāmiti

31.143

mama tvayā dvijaśreṣṭha stutireṣā nirūpitā || bhaviṣyati mano'bhīṣṭaprāptaye prāṇināṃ bhuvi

31.144

vivardhate kule lakṣmīstasya yaḥ paṭhedimam || na rākṣasāḥ piśācā vā na bhūtāni na cāpadaḥ

31.145

vighnakāriṇi tadgehe yatraiva saṃstuvaṃti mām || duḥsvapnaṃ ca na paśyetsa baddho mucyeta baṃdhanāt

31.146

stavasyāsya prabhāveṇa divyabhāvaḥ pumānbhavet || tvaṃ ca māṃ śrutisaṃskāraiḥ sarvaiḥ saṃskartumarhasi

31.147

saṃskārarahitaṃ janma yataśca paśuvatsmṛtam || tvaṃ ca madvaradānena brahmarṣiśca bhaviṣyasi

31.149

tato munistasya
cakre jātakarmādikāḥ kriyāḥ||paurohityaṃ tathā bheje skaṃdasyaivājñayā prabhuḥ||148||tatastaṃ vahnirabhyāgāddarśaṃ ca sutaṃ guham || ṣaṭchīrṣaṃ dviguṇaśrotraṃ dvādaśā
kṣibhujakramam

31.150

ekagrīvaṃ caikakāyaṃ kumāraṃ sa vyalokayat || kalilaṃ prathame cāhni dvitīye vyaktitāṃ gatam

31.151

tṛtīyāyāṃ śiśurjātaścaturthyāṃ
pūrṇa evaca || paṃcamyāṃ saṃskṛtaḥ so'bhūtpāvakaṃ cāpyapaśyata

31.152

tatastaṃ pāvakaḥ pārtha āliṃga cucuṃba ca || putreti coktā tasmai sa śaktyastrama
dadātsvayam

31.153

sa ca śaktiṃ samādāya namaskṛtya ca pāvakam || śvetaśṛṃgaṃ samārūḍho mukhaiḥ paśyandiśo daśa

31.154

vyanadadbhairavaṃ nādaṃ trāsa
yansāsuraṃ jagat || tataḥ śvetagireḥ śṛṃgaṃ rakṣaḥpañcadaśāvṛtam

31.155

bibheda tarasā śaktyā śatayojanavistṛtam || tadekena prahāreṇa khaṃḍaśaḥ patitaṃ
bhuvi

31.156

cūrṇīkṛtā rākṣasāste satataṃ dharmaśatravaḥ || tataḥ pravyathitā bhūmirvyaśīryata samaṃtataḥ

31.157

bhītāśca parvatāḥ sarve cukruśuḥ pralayā
dyathā || bhūtāni tatra subhṛśaṃ trāhitrāhīti coccuḥ

31.158

evaṃ śrutvā tato devā vāsavaṃ saha te'bruvan || yenainaikena prahāreṇa trailokyaṃ vyākulī
kṛtam

31.159

sa saṃkuddhaḥ kṣaṇādviśvaṃ saṃhariṣyati vāsava || vayaṃ ca pālanārthāya sṛṣṭā devena vedhasā

31.160

tacca trāṇaṃ sadā kāryaṃ prāṇaiḥ
kaṃṭhagatairapi || asmākaṃ paśyatāmevaṃ yadi saṃkṣobhyate jagat

31.161

dhiktato janma vīrāṇāṃ ślāghyaṃ hi maraṇaṃ kṣaṇāt || tadasmābhiḥ sahainaṃ tvaṃ
kṣaṃtumarhasi vāsava

31.162

evamuktastathetyuktvā devaiḥ sārdhaṃ tamabhyayāt || vidhitsustasya vīryaṃ sa śakrastūrṇataraṃ tadā

31.163

ugraṃ tacca mahā
vegaṃ devānīkaṃ durāsadam || nardamānaṃ guhaḥ prekṣya nanāda jaladhiryathā

31.164

tasya nādena mahatā samudbhūtodadhiprabham || babhrāma tatratatraiva deva
sainyamacetanam

31.165

jighāṃsūnupasaṃprāptāndevāndṛṣṭvā sa pāvakiḥ || visasarja mukhāttatra pravṛddhāḥ pāvakārciṣaḥ

31.166

addahadevasainyāni ceṣṭa
mānāni bhūtale || te pradīptaśirodehāḥ pradīptāyudhavāhanāḥ

31.167

pracyutāḥ sahasā bhāṃti divastārāgaṇā iva || dahyamānāḥ prapannāste śaraṇaṃ pāvakātma
jam

31.168

devām̐ vajradharaṃ procustyaja vajraṃ śatakrato || ukto devaistadā śakraḥ skaṃde vajramavāsṛjat

31.169

tadvisṛṣṭaṃ jaghānāśu pārśvaṃ skaṃdasya
dakṣiṇam || bibheda ca kuruśreṣṭha tadā tasya mahātmanaḥ

31.170

vajraprahārātskaṃdasya saṃjātaḥ puruṣo'paraḥ || yuvā kāṃcanasannāhaḥ śaktidhṛgdvivya
kuṃḍalaḥ

31.171

śākha ityabhivikhyātaḥ sopi vyanadaddbhutam || tataśceṃdraḥ punaḥ kruddho hṛdi skaṃdaṃ vyadārayat

31.172

tatrāpi tāhaśo jajñe naiga
meya iti śrutaḥ || tato vinaya skaṃdādyāścatvāraste tadābhyayuḥ

31.173

tadeṃdro vajramutsṛjya prāṃjaliḥ śaraṇaṃ yayau || tasyābhayaṃ dadau skaṃdaḥ
sahasenyasya sattamaḥ

31.174

tataḥ prahṛṣṭāścidaśā vāditrāṇyabhyavādayan || vajraprahārātkanyāśca jajñire'sya mahābalāḥ

31.175

yā haraṃti
śiśūñjātāngarbhasthāṃścaiva dāruṇāḥ || kākī ca hilimāṃ caiva rudrā ca vṛṣabhā tathā

31.176

āyā palālā sitrā ca sataitāḥ śiśumātaraḥ || etāsāṃ
vīryasaṃpannaḥ śiśuścābhūtsudāruṇaḥ

31.177

skaṃdaprasādajaḥ putro lohitākṣo bhayaṃkaraḥ || eṣa vīrāṣṭakaḥ proktaḥ skaṃdamātṛgaṇodbhutaḥ

31.178

pūjanīyaḥ sadā bhaktyā sarvāpasmāraśāṃtidaḥ || upātiṣṭhattataḥ skaṃdaṃ hiraṇyakavacasajjam

31.179

lohitāṃbarasaṃvītaṃ trailokyasyāpi suprabham
yuvānaṃ śrīḥ svayaṃ bheje taṃ praṇamya śarīriṇī

31.180

thiyā juṣṭaṃ cataṃ prāhuḥ sarve devāḥ praṇamya vai || hiraṇyavarṇaṃ bhadraṃ te lokānāṃ śaṃkaro bhava

31.181

bhavāniṃdro'stu no nātha trailokyasya hitāya vai

31.182

skanda uvāca || || kimiṃdraḥ sarvalokānāṃ karotīha surottamāḥ||kathaṃ devagaṇāṃścaiva pāti nityaṃ
sureśvaraḥ

31.183

devā ūcuḥ || || iṃdro diśati bhūtānāṃ balaṃ tejaḥ prajāḥ sukham || prajñāṃ prayacchati tathā sarvāndāyānsureśvaraḥ

31.184

durvṛttānāṃ sa
harati vṛttasthānāṃ prayacchati || anuśāsti ca bhūtāni kāryeṣu balavattaraḥ

31.185

asūrye ca bhavetsūryastathā'caṃdre ca caṃdramāḥ || bhavatyagniśca vāyuśca pṛthi
vyāṃ jīvakāraṇam

31.186

etadiṃdreṇa kartavyamiṃdro hi vipulaṃ balam || tvaṃ ceṃdro bhava no vīra tārakaṃ jahi te namaḥ

31.187

iṃdra uvāca
tvaṃ bhaveṃdro mahābāho sarveṣāṃ naḥ sukhāvahaḥ || praṇamya prārthaye skaṃda tārakaṃ jahi rakṣa naḥ

31.188

skaṃda uvāca || || śādhi tvameva trailokyaṃ
bhavāniṃdrostu sarvadā || kariṣye ceṃdrakarmāṇi na mameṃdratvamīpsitam

31.189

tvameva rājā bhadraṃ te trailokyasya mamaiva ca || karomi kiṃ ca te śakra
śāsanaṃ brūhi tanmama

31.190

iṃdra uvāca || || yadi satyamidaṃ vākyaṃ niścayādvāṣitaṃ tvayā || abhiṣicyasva devānāṃ senāpatye mahābala
ahamiṃdro bhaviṣyāmi tava vākyāccho'stu te

31.191

skaṃda uvāca || || dānavānāṃ vināśāya devānāmarthasiddhaye || gobrāhmaṇasya
cārthāya evamastu vacastava

31.192

ityukte sumahānādaḥ surāṇāmabhyajāyata || bhūtānāṃ cāpi sarveṣāṃ trailokyākaṃpakārakaḥ

31.193

jayeti
tuṣṭubuścenaṃ vāditrāṇyabhyavādayan || nanṛtustuṣṭubuścenaṃ karāghātāṃśca cakrire

31.194

tena śabdena mahatā vismitā naganaṃdinī || śaṃkaraṃ prāha ko
deva nādo'yamativartate

31.195

rudra uvāca || || adya nūnaṃ prahṛṣṭānāṃ surāṇāṃ vividhā giraḥ || śrūyaṃte ca tathā devi yathā jātaḥ sutastava

31.196

gavāṃ ca brāhmaṇānāṃ ca sādhvīnāṃ ca divaukasām || mārjayiṣyati cāśrūṇi putraste puṇyavatyapi

31.197

evaṃ vadati sā devī draṣṭuṃ
taṃmutsukā'bhavat || śaṃkaraśca mahātejāḥ putrasnehādhiko yataḥ

31.198

vṛṣabhaṃ tata āruhya devyā saha samutsukaḥ || sagaṇo bhava āgacchatputra
darśanalālasaḥ

31.199

tato brahmā mahāsenaṃ prajāpatirathābravīt || abhigaccha mahādevaṃ pitaraṃ mātaraṃ prabho

31.200

anayorvīryasaṃyogāttavotpatti
stu prāthamī || evamastviti cāpyuktvā mahāseno maheśvaram

31.201

apūjayadameyātmā pitaraṃ mātaraṃ ca tām || tatastamāliṃgya sutaṃ ciraṃ
saṃyojya trāśiṣaḥ

31.202

ciraṃ jahṣatuścobhau pārvatīparameśvarau || siddhasārasya tattvaṃ ca dadau tuṣṭo'sya śaṃkaraḥ

31.203

devī prakṛṃtimokṣaṃ ca
tuṣṭā harṣapariplutā || etasminneva kāle tu ṣaḍdevyastaṃ samāgaman

31.204

ṛṣibhistāḥ parityaktāstaṃ putreti jagustadā || pārvatī ca tataḥ prāha
mama putro na vastvayam

31.205

svāhā mameti ca prāha pāvakaśca mameti ca || rudro mameti ca prāha mama devanadīti ca

First 200 of 216 passages. Read on

Linked texts (9)