Pramāṇa · Search · About · API

Kaumarikakhanda 32

Kaumārīkākhaṇḍa 32

Language
Sanskrit

Contents

32.1

cha || || nārada uvāca
vrajaṃtī girijā'paśyatsakhīṃ māturmahāprabhām || kusumāmodinīṃnāma tasya śailasya devatām

32.2

sāpi dṛṣṭvā girisutāṃ snehaviklavamānasā
kvapunargacchasītyuccairāliṃgyovāca devatā

32.3

sā cāsyai sarvamācakhyau śaṃkarātkopakāraṇam || punaścovāca girijā devatāṃ mātṛsaṃmatām

32.4

nityaṃ śailādhirājasya devatā tvamaniṃdite || sarvaṃ ca sannidhānaṃ ca mayi cātīva vatsalā

32.5

tadahaṃ saṃpravakṣyāmi yadvidheyaṃ tavādhunā || athānya
strīpraveśe tu samīpe tu pinākinaḥ

32.6

tvayākhyeyaṃ mama śubhe yuktaṃ paścātkaromyaham || tathetyukte tayā devyā yayau devī giriṃ prati

32.7

ramye
tatra mahāśṛṃge nānāśraryopaśobhite || vibhūṣaṇādi saṃnyasya vṛkṣavalkaladhāriṇī

32.8

tapastepe girisutā putreṇa paripālitā || grīṣme paṃcāgnisaṃ
taptā varṣāsu ca jaloṣitā

32.9

sthaṃḍilasthā ca hemaṃte nirāhārā tatāpa sā || etasminnaṃtare daityo hyaṃdhakasya suto balī

32.10

jñātvā gatāṃ
girisutāṃ piturvairamanusmaran || āḍirnāma bakabhrātā rahasyāṃtaraprekṣakaḥ

32.11

jite kilāṃdhake daitye giriśenāmarādviṣi || āṃḍiścakāra vipulaṃ
tapo harajigīṣayā

32.12

tamāgatyābravīdbrahmā tapasā paritoṣitaḥ || brūhi kiṃ vāsuraśreṣṭha tapasā prāptumicchasi

32.13

brahmāṇamāha daityastu nirmṛ
tyutvamahaṃ vṛṇe || || brahmovāca || || na kaścicca vinā mṛtyuṃ jaṃturasura vidyate

32.14

yatastato'pi daityeṃdra mṛtyuḥ prāpyaḥ śarīriṇā || ityukto
daityasiṃhastu provācāṃbujasaṃbhavam

32.15

rūpasya parivartoṃ me yadā syātpadmasaṃbhava || tadā mṛtyurmama bhavedanmyathā tvamaro hyaham

32.16

ityuktastaṃ
tathetyāha tuṣṭaḥ kamalasaṃbhavaḥ || ityukto'maratāṃ mene daityarājyasthito'suraḥ

32.17

ājagāma sa ca sthānaṃ tadā tripuraghātinaḥ || āgato dṛṣṭśe taṃ
ca vīrakaṃ dvāryavasthitam

32.18

taṃ cāsau vaṃcayitvā ca āḍaḥ sarpaśarīrabhṛt || avārito vīrakeṇa praviveśa harāṃtikam

32.19

bhujaṃgarūpaṃ
saṃtyajya babhūvātha mahāsuraḥ || umārūpī chalayituṃ giriśaṃ mūḍhacetanaḥ

32.20

kṛtvomāyāstato rūpamapratarkyamanoharam || sarvāṃva
yavasaṃpūrṇa sarvābhijñānasaṃvṛtam

32.21

cakre bhagāṃtare daityo daṃtānvajropamāndṛḍhān || tīkṣṇāgrānbuddhimūhena giriśaṃ haṃtumudyataḥ

32.22

kṛtvomārūpamevaṃ sa sthito daityo harāṃtike || tāṃ dṛṣṭvā giriśastuṣṭaḥ samāliṃgya mahāsuram

32.23

manyamāno girisutāṃ sarvai
ravayavāṃtaraiḥ || apṛcchatsādhu te bhāvo giriputrī hyakṛtrimā

32.24

yā tvaṃ madāśayaṃ jñātvā prāpteha varavarṇini || tvayā virahitaḥ śūnyaṃ manye'sminbhu
vanatraye

32.25

prāptā prasannā yā tvaṃ māṃ yuktamevaṃvidhaṃ tvayi || ityukte gṛhyaṃśreṣṭhāsumārūḍhapyusuro'bravīt

32.26

yātāsmi tapasaścaṃḍi kālīvā
kyāttavātulam || ratiśca tatra me nābhūttataḥ prāptā tavāṃtikam

32.27

ityuktaḥ śaṃkaraḥ śaṃkāṃ kiṃcitprāpyāvadhārayat || kupitā mayi tanvaṃgī
pratyakṣā ca dṛḍhavratā

32.28

aprāptakāmā saṃprāptā kimetatsaṃśayo mama || rahasīti viciṃtyātha abhijñānādvicārayan

32.29

nāpaśyadvāmapārśve tu
tasyāṃkaṃ padmalakṣaṇam || lomnāmārtavaṃca retaṃ tato devaḥ pinākadhṛk

32.30

buddhā tāṃ dānavīṃ māyāṃ kiṃcitprahasitānanaḥ || meḍhe raudrāstramādhāya
cakre daityamanoratham

32.31

sa ruinbhairavātrāvānavasādaṃ gato'suraḥ || abudhyadvīrako naitadasureṃdraniṣūdanam

32.32

hate ca mārutenāśugāminā
nagadevatā || aparicchinnatattvārthā śailaputryāṃ nyavedayat

32.33

śrutvā vāyumukhāddevī krodharaktātilocanā || apaśyadvīrakaṃ putraṃ hṛdayena vidūyatā

32.34

mātaraṃ māṃ parityajya yasmāttvaṃ snehavihvalām || vihitāvasaraḥ strīṇāṃ śaṃkarasya rahovidhau

32.35

tasmātte paruṣā rūkṣā jaḍā hṛdaya
varjitā || gaṇeśākṣarasadṛśā śilā mātā bhaviṣyati

32.36

evamutsṛṣṭaśāpāyā giriputryāstvanaṃtaram || nirjagāma mukhātkrodhaḥ siṃhārūpī mahā
balaḥ

32.37

paścāttāpaṃ samāśritya tayā devyā visarjitaḥ || sa tu siṃhaḥ karālāsyo mahākesarakaṃdharaḥ

32.38

prodbhūtabalalāṃgūlaiṃḍrotkaṭa
guhāmukhaḥ || vyāvṛtāsyo lalajihvaḥ kṣāmakukṣiścikhādiṣuḥ

32.39

tasyāsye vartituṃ devī vyavasyata satī tadā || jñātvā manogataṃ tasyā bhagavāṃ
śrutarānanaḥ

32.40

ājagāmāśramapadaṃ saṃpadāmāśrayaṃ tataḥ || āgamyovāca tāṃ brahmā girijāṃ mṛṣṭayā girā

32.41

kiṃ devi prāptukāmāsi
kimalabhyaṃ dadāmi te || tacchrutvovāca girijā gurugauravagarbhitam

32.42

tapasā duṣkareṇāttaḥ patitve śaṃkaro mayā || sa māṃ śyāmalavarṇeti
bahuśaḥ proktavānbhavaḥ

32.43

syāmahaṃ kāṃcanākārā vāllabhyena ca saṃyutā || bharturbhūtapateraṃge hyekato nirviśaṃkitā

32.44

tasyāstadbhāṣitaṃ
śrutvā provāca jalajāsanaḥ || evaṃ bhavatu bhūyastvaṃ bharturdehā̍rdhadhāriṇī

32.45

tatastasyāḥ śarīrāttu strī sunīlāṃbujatviṣā || nirgatā sābhavadbhīmā
ghaṃṭāhastā trilocanā

32.46

nānābharaṇapūrṇāṃgī pītakauśeyavāsinī || tāmabravīttato brahmā devīṃ nīlāṃbujatviṣam

32.47

asmādbhūdharajā
dehasaṃparkāttvaṃ mamājñayā || saṃprāptā kṛtakṛtyatvamekānaṃśā purākṛtiḥ

32.48

ya eṣa siṃhaḥ prodbhūto devyāḥ krodhādvarānane || sa testu vāhano devi
ketau cāstu mahābalaḥ

32.49

gaccha viṃdhyācale tatra surakāryaṃ kariṣyati || atra śuṃbhaniśuṃbhau ca hatvā tārakasainyapau

32.50

pāṃcālonāma yakṣo'yaṃ
yakṣalakṣapadānugaḥ || dattaste kiṃkaro devi mahāmāyāśatairyutaḥ

32.51

ityuktā kauśikī devī tathetyāha pitāmaham || nirgatāyāṃ ca kauśikyāṃ jātā
svairāśritā guṇaiḥ

32.52

sarvaiḥ pūrvabhavopāttaistadā svayamupasthitaiḥ || umāpi prāptasaṃkalpā paścāttāpaparāyaṇā

32.53

muhuḥ svaṃ pariniṃdaṃtī jagāma
giriśāṃtikam || saṃprāyaṃtīṃ ca tāṃ dvāri apavārya samāhitaḥ

32.54

rurodha vīrako devīṃ hemavetralatādharaḥ || tāmūvāca ca kopena tiṣṭha tiṣṭha kva yāsi
ca

32.55

prayojanaṃ na te'stīha gaccha yāvanna bhartsyase || devyā rūpadharo daityo devaṃ vaṃcituṃ tviha

32.59

praviṣṭo na ca dṛṣṭo'sau sa ca devena ghā
titaḥ||ghātite cāhamākṣipto nīlakaṇṭhena dhīmatā||56||kāpi strī nāpi moktavyā tvayā putreti sādaram || tasmāttvamatra dvāristhā varṣapūgānmanekaśaḥ
57||bhaviṣyasi na cāpyatra praveśaṃ lapsyase vraja || ekā me praviśedatra mātā yā snehavatsalā||58||nagādhirājatanayā pārvatī rudravallabhā || ityuktā
tu tato devī ciṃtayāmāsa cetasā

32.60

na sā nārī tu daityo'sau vāyornaivāvabhāsata || vṛthaiva vīrakaḥ śapto mayā krodhaparītayā

32.61

akāryaṃ
kriyate mūḍhaiḥ prāyaḥ krodhasamanvitaiḥ || krodhena naśyate kīrtiḥ krodho haṃti sthirāṃ śriyam

32.62

aparicchinnasarvārthā putraṃ śāpitavatyaham || viparī
tārthaboddhṝṇāṃ sulabhā vipado yataḥ

32.63

saṃciṃtyaivamuvācedaṃ vīrakaṃ prati śailajā || adho lajjāvikāreṇa vadanenāṃbujatviṣā

32.65

ahaṃ vīraka te
mātā mā te'stu manaso bhramaḥ || śaṃkarasyāsmi dayitā sutā tu himabhūbhṛtaḥ||64||mama gātrasthitibhrāṃṃtyā mā śaṃkāṃ putra bhāvaya || tuṣṭena gauratā dattā
mameyaṃ padmayoninā

32.66

mayā śapto'syavidite vṛttāṃte daityanirmite || jñātvā nārīpraveśaṃ tu śaṃkare rahasi sthite

32.67

na nivartayituṃ śakyaḥ
śāpaḥ kiṃ tu bravīmi te || mānuṣyāṃ tu śilāyāṃ tvaṃ śilādātsaṃbhaviṣyasi

32.68

puṇye cāpyarbudāraṇye svargamokṣaprade nṛṇām || acaleśvaraliṅgaṃ
tu vartate yatra vīraka

32.69

vārāṇasyāṃ viśvanāthasamaṃ tatphaladaṃ nṛṇām || prabhāsasya ca yātrābhirdaśabhiryatphalaṃ nṛṇām

32.70

tadekayātrayā
proktamarbudasya mahāgireḥ || yatra taptvā tapo martyā dehadhātūnvihāya ca

32.71

saṃsārī na punarbhūyānmaheśvaravaco yathā || arbudo yadi labhyeta
sevituṃ janmaduḥkhitaiḥ

32.72

vārāṇasauṃ ca kedāraṃ kiṃ smaraṃti vṛthaiva te || tatrārādhya bhavaṃ devaṃ bhavānnaṃdīti nāmabhṛt

32.73

śīghrameṣyasi cātraiva
pratīhāratvamāpsyasi || evamukte hṛṣṭaromā vīrakaḥ praṇipatya tām

32.74

saṃstūya vividhairvākyairmātaraṃ samabhāṣata || dhanyo'haṃ devi yo lapsye
mānuṣyamatidurlabham

32.75

śāpo'nugraharūpo'yaṃ viśeṣādarbudācale || samīpe yasya puṇyo'sti mahīsāgarasaṃgamaḥ

32.76

ūdhaḥ pṛthivyā
deśo'yaṃ yo gireścārṇavāṃtare || tatra gatvā mahatpuṇyamavāpya bhavabhaktitaḥ

32.77

punareṣyāmi bho mātarityuktvābhūcchilāsrutaḥ || devī ca praviveśātha
bhavanaṃ śaśimaulinaḥ

32.78

ityārbudākhyānam || || tato dṛṣṭvā ca tāṃ prāha dhigvārya iti tryaṃbakaḥ

32.79

sā ca praṇamya taṃ prāha
satyametanna mithyaṃyā || jaḍaḥ prakṛtibhāgoyaṃ nāryarhati nindanām

32.80

puruṣāṇāṃ prasādena mucyaṃte bhavasāgarāt || tataḥ prahṛṣṭastāmāha
haro yogyā'dhunā śubhe

32.81

putraṃ dāsyāmi yena tvaṃ khyātimāpsyasi śobhane || tato reme hi devyā sa nānāśraryālayo haraḥ

32.82

tato varṣasahasreṣu
devāstvaritamānasāḥ || jvalanaṃ nodayāmāsurjñātuṃ śaṃkaraceṣṭitam

32.83

dvāri sthitaṃ pratīhāraṃ vaṃcayitvā ca pāvakaḥ || pārāva̍tasya rūpeṇa praviveśa
harāṃtikam

32.84

dadṛśe taṃ ca deveśo vinatāṃ prekṣya pārvatīm || tatastaṃ jvalanaṃ prāha naitadyogyaṃ tvayā kṛtam

32.85

yadidaṃ kṣubhitaṃ sthānānmama tejo
hyanuttamam || gṛhāṇa tvaṃ sudurbuddhe no vā dhakṣyāmi tvāṃ ruṣā

32.86

bhītastato'sau jagrāha sarvadevamukhaṃ ca saḥ || tena te vahnisahitā vihvalāśca
surāḥ kṛtāḥ

32.87

vipācya jaṭharāṇyeṣāṃ vīryaṃ māheśvaraṃ tataḥ || niṣkrāṃtaṃ tatsaro jātaṃ pāradaṃ śatayojanam

32.88

vahniśca vyākulībhūto
gaṃgāyāṃ mumuce sakṛt || dahyamānā ca sā devī taraṃgairbahirutsṛjat

32.89

jātastribhuvanakhyātaṃstena ca śvetaparvataḥ || etasminnaṃtare vahnirāhūtaśca
himālaye

32.90

saptarṣibhirvahnihomaṃ kurvadbhirmaṃtravīryataḥ || āgatya tatra jagrāha vahnirbhāgaṃ ca taṃ hutam

32.91

gate'hvayatvaṃsmiṃśca tatrasthaḥ patnī
steṣāmapaśyata || suvarṇakadalīstaṃbhanibhāstāścaṃdralekhayā

32.92

paśyamānaḥ praphullākṣo vahniḥ kāmavaśaṃ gataḥ || sa bhūyaściṃtayāmāsa na nyāyyaṃ
kṣubhito'smi yat

32.93

sādhvīḥ patnīrdvijeṃdrāṇāmakāmāḥ kāmayāmyaham || pāpametatkarma cograṃ naśyāmi tṛṇavatsphuṭam

32.94

kṛtaivaitannaśyate
kīrtiryāvadācaṃdratārakam || evaṃ saṃciṃtya bahudhā gatvā caiva vanāṃtaram

32.95

saṃyaṃtuṃ nābhavacchakta upāyairbahubhirmanaḥ || tataḥ sa kāmasaṃtapto mūrcchitaḥ
samapadyata

32.96

tataḥ svāhā ca bhāryāsya bubudhe tadviceṣṭitam || jñātvā ca ciṃtayāmāsa prahṛṣṭā manasi svayam

32.97

strāṃ bhāryāmiṃtha māṃ
tyaktvā bahuvāsādavajñayā || bhāryāḥ kāmayate nūnaṃ saptarṣīṇāṃ mahātmanām

32.98

tadbhāsāṃ rūpamāśritya ramiṣye tena cāpyaham || tatastvaṃgiraso
bhāryā śivānāmeti śobhanā

32.99

tasyā rūpaṃ samādhāya pāvakaṃ prāpya sābravīt || māmagne kāmasaṃtaptāṃ tvaṃ kāmayitumarhasi

32.100

na
cetkariṣyase deva mṛtāṃ māmupadhāraya || ahamaṃgiraso bhāryā śivānām hutāśana

32.101

sarvābhiḥ sahitā prāptā tāśca yāsyaṃtyanukramāt
asmākaṃ tvaṃ priyo nityaṃ tvaccittāśca vayaṃ tathā

32.102

tataḥ sa kāmasaṃtaptaḥ saṃbabhūva tayā saha || prīte prītā ca sā devī nirjagāma vanāṃtarāt

32.103

ciṃtayaṃtī mamedaṃ cedrūpaṃ drakṣyaṃti kānane || te brāhmaṇīnāmamṛtaṃ doṣaṃ vakṣyaṃti pāvakāt

32.104

tasmādetadrakṣamāṇā garuḍī saṃbhavāmyaham
suparṇā sā tato bhūtvā dadṛśe śvetaparvatam

32.105

śarastaṃbaiḥ susaṃpṛktaṃ rakṣobhiśca piśācakaiḥ || sā tatra sahasā gatvā śailapṛṣṭhaṃ sudurgamam

32.106

prākṣipatkāṃcane kuṃḍe śukraṃ taddhāraṇe'kṣamā || śiṣṭānāpi devīnāṃ saptarṣīṇāṃ mahātmanām

32.107

patnīsarūpatāṃ kṛtvā kāmayāmāsa pāvakam
divyaṃ rūpamaruṃdhatyāḥ kartuṃ na śaṃkitaṃ tayā

32.108

tasyāstapaḥprabhāveṇa bhartuḥ śuśrūṣaṇena ca || ṣaṭkṛtvastvattu nikṣiptamagniretaḥ kurudvaha

32.109

kuṃḍe'smiṃścaitrabahule pratipadyeva svāhayā || tataśca pāvako duḥkhācchuśoca ca mumoha ca

32.110

āḥ pāpaṃ kṛtamityeva dehanyāse'
karonmatim || tatastaṃ khecarī vāṇī prāha mā maraṇaṃ kuru

32.111

bhāvyametacca bhāvyarthātko hi pāvaka mucyate || bhāvyarthenāpi yatte ca paradāropa
sevanam

32.112

kṛtaṃ taccetasā tena tvāmajīrṇaṃ pravekṣyati || śvetaketormahāyajñe ghṛtadhārābhitarpitam

32.113

śokaṃ ca tyaja naitāstāḥ svāhai
veyaṃ tava priyā || śvetaparvatakuṃḍasthaṃ putraṃ tvaṃ draṣṭumarhasi || tato vahnistatra gatvā dadṛśe tanayaṃ prabhum

32.114

arjuna uvāca || || kasmātsvāhā
karodrūpaṃ ṣaṇṇāṃ tāsāṃ mahāmune

32.115

yattā bhartṛparāḥ sādhvyastapasvinyogisaṃnibhāḥ || na bibheti ca kiṃ tābhyaḥ ṣaḍbhyaḥ svāhā'parādhinī
bhartṛbhaktyā jagaddagdhuṃ yataḥ śaktāśca tā mune

32.116

nārada uvāca || || satyametatkuruśreṣṭha śṛṇu taccāpi kāraṇam || yena tāsāṃ kṛtaṃ rūpaṃ na vā śāpaṃ
daduśca tāḥ

32.117

yatra tadvahninā kṣiptaṃ rudratejaḥ sakṛtpurā || gaṃgāyāṃ tatra sasnustāḥ patnyo'jñānabhāvataḥ

32.118

tatastā vivhalībhūtāstejasā
tena mohitāḥ || lajjayā ca svabhartṝṇāṃ gaṃgātīrasthitā rahaḥ

32.119

etadaṃtaramālokya cikīrṣaṃtī manīṣitam || svāhā śarīramāviśyatāsāṃ tejo
jahāra tat

32.120

cakrīḍa vahnijāyapi yathā te kathitaṃ mayā

32.121

upakāramimaṃ tābhiḥ smaraṃtībhiśca bhārata || na śaptā sā yataḥ
śāpo na deyaścopakāriṇi

32.122

tataḥ saptarṣayo jñātvā jñānenāśucitāṃ gatāḥ || tatyajuḥ ṣaṭ tadā patnīrvinā devīmaruṃdhatīm

32.123

viśvā
mitrastu bhagavānkumāraṃ śaraṇaṃ gataḥ || stavaṃ divyaṃ saṃpracakre mahāsenasya cāpi saḥ

32.124

aṣṭottaraśataṃ nāmnāṃ śṛṇu tvaṃ tāni phālguna || japena
yeṣāṃ pāpāni yāṃti jñānamavāpnuyāt

32.125

tvaṃ brahmavādī tvaṃ brahmā brahma brāhmaṇavatsalaḥ || brahmaṇyo brahmadevaśca brahmado brahmasaṃgrahaḥ

32.126

tvaṃ
paraṃ paramaṃ tejo maṃgalānāṃ ca maṃgalam || aprameyaguṇaścaiva maṃtrāṇāṃ maṃtrago bhavān

32.127

tvaṃ sāvitrīmayo deva sarvatraivāparājitaḥ || maṃtraḥ śairvā
tmako devaḥ ṣaḍakṣaravatāṃ varaḥ

32.128

mālī maulī patākī ca jaṭī muṃṃḍī śikhaṃḍyapi || kuṇḍalī lāṃgalī bālaḥ kumāraḥ pravaro varaḥ

32.129

gavāṃputraḥ surārighnaḥ saṃbhavo bhavabhāvanaḥ || pinākī śatruhā śveto gūḍhaḥ skandaḥ karāgraṇīḥ

32.130

dvādaśo bhūrbhuvo bhāvī bhuvaḥ putro namaskṛtaḥ
nāgarājaḥ sudharmātmā nākapṛṣṭhaḥ sanātanaḥ

32.131

tvaṃ bhartā sarvabhūtātmā tvaṃ trātā tvaṃ sukhāvahaḥ || śaradakṣaḥ śikhī jetā ṣaḍvaktro bhayanā
śanaḥ

32.132

hemagarbho mahāgarbho jayaśca vijayeśvaraḥ || tvaṃ kartā tvaṃ vidhātā ca nityo nityārimardanaḥ

32.133

mahāseno mahātejā vīrase
naśca bhūpatiḥ || siddhāsanaḥ surādhyakṣo bhīmaseno nirāmayaḥ

32.134

śauriryaṃrdurmahātejā vīryavānsatyavikramaḥ || tejogarbho'suraripuḥ suramūrtiḥ
surojitaḥ

32.135

kṛtajño varadaḥ satyaḥ śaraṇyaḥ sādhuvatsalaḥ || suvrataḥ sūryasaṃkāśo vahnigarbhaḥ kam̐ṇo bhuvaḥ

32.136

pippalī śīghrago raudrī
gāṃgeyo ripudāraṇaḥ || kārttikeyaḥ prabhuḥ kṣaṃtā nīladaṃṣṭro mahāmanāḥ

32.137

nigraho nigrahāṇāṃ ca netā tvaṃ suranaṃdanaḥ || pragrahaḥ paramānaṃdaḥ krodha
grastāra uccihnataḥ

32.138

kukkuṭī bahulī divyaḥ kāmado bhūrivardhanaḥ || amogho'mṛtado hyagniḥ śatrughnaḥ sarvamodanaḥ

32.139

avyayo hyamaraḥ
śrīmānunnato hyagnisaṃbhavaḥ || piśācarājaḥ sūryābhaḥ śivātmā śivanaṃdanaḥ

32.140

apārapāro durjñeyaḥ sarvabhūtahite rataḥ || agrāhyaḥ kāraṇaṃ kartā
parameṣṭhī paraṃ padam

32.141

aciṃtyaḥ sarvabhūtātmā sarvātmā tvaṃ sanātanaḥ || evaṃ sa sarvabhūtānāṃ saṃstutaḥ parameśvaraḥ

32.142

nāmnāmaṣṭaśatenāyaṃ
viśvāmitramaharṣiṇā || prasannamūrtirāhedaṃ munīṃdraṃ kriyatāmiti

32.143

mama tvayā dvijaśreṣṭha stutireṣā nirūpitā || bhaviṣyati mano'bhīṣṭaprāptaye
prāṇināṃ bhuvi

32.144

vivardhate kule lakṣmīstasya yaḥ prapaṭhedimam || na rākṣasāḥ piśācā vā na bhūtāni na cāpadaḥ

32.145

vighnakāṃrīṇi
tadgehe yatraiva saṃstuvaṃti mām || duḥsvapnaṃ ca na paśyetsa baddho mucyeta baṃdhanāt

32.146

stavasyāsya prabhāveṇa divyabhāvaḥ pumānbhavet || tvaṃ ca māṃ
śrutisaṃskāraiḥ sarvaiḥ saṃskartumarhasi

32.147

saṃskārarahitaṃ janma yataśca paśuvatsmṛtam ||tvaṃ ca madradānena brahmarṣiśca bhaviṣyasi

32.149

tato munistasya
cakre jātakamādikāḥ kriyāḥ||paurohityaṃ tathā bheje skaṃdasyaivājñayā prabhuḥ||148||tatastaṃ vahnirabhyāgāddadarśa ca sutaṃ guham || ṣaṭśīrṣaṃ dviguṇaśrotraṃ dvādaśā
kṣibhujakramam

32.150

ekagrīvaṃ caikakāyaṃ kumāraṃ sa vyalokayat || kalilaṃ prathame cāhni dvitīye vyaktitāṃ gatam

32.151

tṛtīyāyāṃ śiśurjātaścaturthyāṃ
pūrṇa evaca || paṃcamyāṃ saṃskṛtaḥ so'bhūtpāvakaṃ cāpyapaśyata

32.152

tatastaṃ pāvakaḥ pārtha āliṃgiṃga cucuṃba ca || putreti coktvā tasmai sa śaktyastrama
dadātsvayam

32.153

sa ca śaktiṃ samādāya namaskṛtya ca pāvakam || śvetaśṛṃgaṃ samārūḍho mukhaiḥ paśyandiśo daśa

32.154

vyanadadbairavaṃ nādaṃ trāsa
yansāsuraṃ jagat || tataḥ śvetagireḥ śṛṃgaṃ rakṣaḥpadmadaśāvṛtam

32.155

bibheda tarasā śaktyā śatayojanavistṛtam || tadekena prahāreṇa khaṃḍaśaḥ patitaṃ
bhuvi

32.156

cūrṇīkṛtā rākṣasāste satataṃ dharmaśatravaḥ || tataḥ pravyathitā bhūmivya̍śīryata samaṃtataḥ

32.157

bhītāśca parvatāḥ sarve cukruśuḥ pralayā
dyathā || bhūtāni tatra subhṛśaṃ trāhitrāhīti cojjhaguḥ

32.158

evaṃ śrutvā tato devā vāsavaṃ saha te'bruvan || yenaikena prahāreṇa trailokyaṃ vyākulī
kṛtam

32.159

sa saṃkruddhaḥ kṣaṇādviśvaṃ saṃhariṣyati vāsava || vayaṃ ca pālanārthāya sṛṣṭā devena vedhasā

32.160

tacca trāṇaṃ sadā kāryaṃ prāṇaiḥ
kaṃṭhagatairapi || asmākaṃ paśyatāmevaṃ yadi saṃkṣobhyate jagat

32.161

dhikkatò janma vīrāṇāṃ ślāghyaṃ hi maraṇaṃ kṣaṇāt || tadasmābhiḥ sahainaṃ tvaṃ
kṣaṃtumarhasi vāsava

32.162

evamuktastathetyuktvā devaiḥ sārdhaṃ tamabhyayāt || vidhitsustasya vīryaṃ sa śakrastūrṇataraṃ tadā

32.163

ugraṃ tacca mahā
vegaṃ devānīkaṃ durāsadam || nardamānaṃ guhaḥ prekṣya nanāda jaladhiryathā

32.164

tasya nādena mahatā samudbhūtodadhiprabham || babhrāma tatratatraiva deva
sainyamacetanam

32.165

jighāṃsunupasaṃprāptāndevāndṛṣṭvā sa pāvakiḥ || visasarja mukhāttatra pravṛddhāḥ pāvakārciṣaḥ

32.166

adahaddevasainyāni ceṣṭa
mānāni bhūtale || te pradīptaśirodehāḥ pradīptāyudhavāhanāḥ

32.167

pracyutāḥ sahasā bhāṃti divastārāgaṇā iva || dahyamānāḥ prapannāste śaraṇaṃ pāvakātma
jam

32.168

devā̍ vajradharaṃ procustyaja vajraṃ śatakrato || ukto devaistadā śakraḥ skaṃde vajramavāsṛjat

32.169

tadvisṛṣṭaṃ jaghānāśu pārśvaṃ skaṃdasya
dakṣiṇam || bibheda ca kuruśreṣṭha tadā tasya mahātmanaḥ

32.170

vajraprahārātskaṃdasya saṃjātaḥ puruṣo'paraḥ || yuvā kāṃcanasannāhaḥ śaktidhṛgdivya
kuṃḍalaḥ

32.171

śākha ityabhivikhyātaḥ sopi vyanadadadbhutam || tataśceṃdraḥ punaḥ kruddho hṛdi skaṃdaṃ vyadārayat

32.172

tatrāpi tādṛśo jajñe naiga
meya iti śrutaḥ || tato vinadya skaṃdādyāścatvārastaṃ tadābhyayuḥ

32.173

tadeṃdro vajramutsṛjya prāṃjaliḥ śaraṇaṃ yayau || tasyābhayaṃ dadau skaṃdaḥ
sahasainyasya sattamaḥ

32.174

tataḥ prahṛṣṭāstridaśā vāditrāṇyabhyavādayan || vajraprahārātkanyāśca jajñire'sya mahābalāḥ

32.175

yā haraṃti
śiśūñjātāngarbhasthāṃścaiva dāruṇāḥ || kākī ca hilimā̍ caiva rudrā ca vṛṣabhā tathā

32.176

āyā palālā mitrā ca saptaitāḥ śiśumātaraḥ || etāsāṃ
vīryasaṃpannaḥ śiśuścābhūtsudāruṇaḥ

32.177

skaṃdaprasādajaḥ putro lohitākṣo bhayaṃkaraḥ || eṣa vīrāṣṭakaḥ proktaḥ skaṃdamātṛgaṇo'dbhutaḥ

32.178

pūjanīyaḥ sadā bhaktyā sarvāpasmāraśāṃtidaḥ || upātiṣṭhattataḥ skaṃdaṃ hiraṇyakavacasrajam

32.179

lohitāṃbarasaṃvītaṃ trailokyasyāpi suprabham
yuvānaṃ śrīḥ svayaṃ bheje taṃ praṇamya śarīriṇī

32.180

śriyā juṣṭaṃ ca taṃ prāhuḥ sarve devāḥ praṇamya vai || hiraṇyavarṇa bhadraṃ te lokānāṃ śaṃkaro bhava

32.181

bhavāniṃdro'stu no nāṃtha trailokyasya hitāya vai

32.182

skaṃda uvāca || || kimiṃdraḥ sarvalokānāṃ karotīha surottamāḥ|| kathaṃ devagaṇāṃścaiva pāti nityaṃ
sureśvaraḥ

32.183

devā ūcuḥ || || iṃdro diśati bhūtānāṃ balaṃ tejaḥ prajāḥ sukham || prajñāṃ prayacchati tathā sarvāndāyānsureśvaraḥ

32.184

durvṛttānāṃ sa
harati vṛttasthānāṃ prayacchati || anuśāsti ca bhūtāni kāryeṣu balavattaraḥ

32.185

asūrye ca bhavetsūryastathā'caṃdre ca caṃdramāḥ || bhavatyagniśca vāyuśca pṛthivyāṃ jīvakāraṇam

32.186

etadiṃdreṇa kartavyamiṃdro hi vipulaṃ balam || tvaṃ caṃdro bhava no vīra tārakaṃ jahi te namaḥ

32.187

iṃdra uvāca
tvaṃ bhave̍dro mahābāho sarveṣāṃ naḥ sukhāvahaḥ || praṇamya prārthaye skaṃda tārakaṃ jahi rakṣa naḥ

32.188

skaṃda uvāca || || śādhi tvameva trailokyaṃ
bhavāniṃdro'stu sarvadā || kariṣye caṃdrakarmāṇi na mameṃdratvamīpsitam

32.189

tvameva rājā bhadraṃ te trailokyasya mamaiva ca || karomi kiṃ ca te śakra
śāsanaṃ brūhi tanmama

32.190

iṃdra uvāca || || yadi satyamidaṃ vākyaṃ niścayādbhāṣitaṃ tvayā || abhiṣicyasva devānāṃ senāpatye mahābala
ahamiṃdro bhaviṣyāmi tava vākyādyaśo'stu te

32.191

skaṃda uvāca || || dānavānāṃ vināśāya devānāṃmarthasiddhaye || gobrāhmaṇasya
cārthāya evamastu vacastava

32.192

ityukte sumahānādaḥ surāṇāmabhyajāyata || bhūtānāṃ cāpi sarveṣāṃ trailokyākaṃpakārakaḥ

32.193

jayeti
tuṣṭuvuścainaṃ vāditrāṇyabhyavādayan || nanṛtustuṣṭuvuścainaṃ karāghātāṃśca cakrire

32.194

tena śabdena mahatā vismitā naganaṃdinī || śaṃkaraṃ prāha ko
deva nādo'yamativartate

32.195

rudra uvāca || || adya nūnaṃ prahṛṣṭānāṃ surāṇāṃ vividhā giraḥ || śrūyaṃte ca tathā devi yathā jātaḥ sutastava

32.196

gavāṃ ca brāhmaṇānāṃ ca sādhvīnāṃ ca divaukasām || mārjayiṣyati cāśrūṇi putraste puṇyavatyapi

32.197

evaṃ vadati sā devī draṣṭuṃ
tamutsuko'bhavat || śaṃkaraśca mahātejāḥ putrasnehādhiko yataḥ

32.198

vṛṣabhaṃ tata āruhya devyā saha samutsukaḥ || sagaṇo bhava āgacchatputra
darśanalālasaḥ

32.199

tato brahmā mahāsenaṃ prajāpatirathābravīt || abhigaccha mahādevaṃ pitaraṃ mātaraṃ prabho

32.200

anayorvīryasaṃyogāttavotpatti
stu prāthamī || evamastviti cāpyuktvā mahāseno maheśvaram

32.201

apūjayadameyātmā pitaraṃ mātaraṃ ca tām || tatastamāliṅgya sutaṃ ciraṃ
saṃyojya cāśiṣaḥ

32.202

ciraṃ jahṛṣatuścobhau pārvatīparameśvarau || siddhasārasya tattvaṃ ca dadau tuṣṭo'sya śaṃkaraḥ

32.203

devī prakṛtimokṣaṃ ca
tuṣṭā harṣaparapluitā || etasminneva kāle tu ṣaḍdevyastaṃ samāgaman

32.204

ṛṣibhistāḥ parityaktāstaṃ putreti jagustadā || pārvatī ca tataḥ prāha
mama putro na vastvayam

32.205

svāhā mameti ca prāha pāvakaśca mameti ca || rudro mameti ca prāha mama devanadīti ca

First 200 of 216 passages. Read on

Linked texts (9)