Pramāṇa · Search · About · API

Kurmapurana (Ananta Gokhale) 53

Kūrmapurāṇa (Ananta Gokhale) 53

Language
Sanskrit

53.p1

catustriṃśo'dhyāyaḥ

53.p2

vyāsa uvāca | manuṣyāṇāntu haraṇaṃ kṛtvā strīṇāṃ gṛhasya ca | vāpīkūpajalānāñca śuddhicāndrāyaṇena tu || dravyāṇāmalpasārāṇāṃ steyaṃ kṛtvānyaveśmanaḥ | caretsāntapanaṃ kṛcchraṃ tanniryyātyātmaśuddhaye || dhānyānnadhanacauryyantu kṛtvā kāmāddvijottamaḥ | svajātīyagṛhādeva kṛcchrābdena† viśudhyati

53.p3

bhakṣyabhojyopaharaṇe yānaśayyāsaneṣu ca | puṣpamūlaphalānāñca pañcagavyaṃ viśodhanam || tṛṇakāṣṭhadrumāṇāñca śuklānnasya† gur̤asya ca | cailacarmāmiṣāṇāñca trirātraṃ syādabhojanam || maṇimuktāpravālānāṃ tāmrasya rajatasya ca | ayaskāntopalānāñca‡ dvādaśāhañcarenniśam§ || kārpāsasyaiva haraṇe dviśaphaikaśaphasya ca | puṣpa||gandhauṣadhīnāñca piveccaiva tryahaṃ payaḥ || naramāṃsāśanaṃ kṛtvā cāndrāyaṇamathācaret || kākañcaiva tathā śvānañjagdhvā hastinameva vā | varāhaṃ kukkuṭaṃ vātha taptakṛcchreṇa śudhyati || kravyādānāñca †† māṃsāni purīṣaṃ mūtrameva vā | gogomāyukapīnāñca tadeva vratamācaret || śiśumārantathā cārṣaṃ matsyamāṃsaṃ tathaiva ca‡‡ | upoṣya dvādaśāhañca kūṣmāṇḍairjuhuyāttataḥ§§ || nakulolūkamārjjārāñjagdhvā sāntapanañcaret | śvāpadoṣṭrakharān jagdhvā taptakṛcchreṇa śudhyati

53.p4

prakuryyāccaiva saṃskāraṃ pūrveṇa vidhineva tu || vakañcaiva balākāñca haṃsaṅkāraṇḍavāṃstathā | cakravākapalaṃ† jagdhvā dvādaśāhamabhojanam || kapotaṭiṭṭibhāṃścaiva śukaṃ sārasameva ca | ulūkaṃ jālapādañca jagdhvāpyetadvratañcaret || śiśumāraṃ tathā cāṣaṃ matsyamāṃsaṃ tathaiva ca |‡ jagdhvā caiva kaṭāhārametadeva vratañcaret || kokilañcaiva matsyādān§ maṇḍūkaṃ bhujagantathā | gomūtrayāvakāhāro māsenekena śuddhyati || jalecarāṃśca jalajān praṇudānatha viṣkirān | raktapādāṃstathā jagdhvā saptāhañcaitadācaret || śuno māṃsaṃ¶ śuṣkamāṃsamātmārthañca tathā kṛtam|| | bhuktvā māsañcaredetattatpāpasyāpanuttaye || vārttākaṃ mūlakaṃ śigruṃ kuṭakañcaṭakaṃ tathā†† | prājāpatyañcarejjagdhvā khaḍgaṃ‡‡ kumbhīkameva vā || palāṇḍuṃ laśunañcaiva bhuktvā cāndrāyaṇaṃ caret | nālikāntaṇḍulīyañca prājāpatyena śuddhyati

53.p5

aśmāntakaṃ tathā pātaptamakṛcchreṇa śudhyati | prājāpatyena śuddhiḥ syātkusumbhasya ca bhakṣaṇe | alāvuddhiṃ śukañcaiva bhuktvāpyetadvatañcaret† || eteṣāñca vikārāṇi pītvā mohena vā punaḥ‡ | udumbarañca kālena§ taptakṛcchreṇa śudhyati || bhuktvā caiva navaśrāddhe mṛtake sūtake tathā¶ | cāndrāyaṇena śuddhyeta brāhmaṇaḥ susamāhitaḥ || yasyāgnau hūyate nityamannasyāgraṃ na dīyate|| | cāndrāyaṇañcaretsamyak tasyānnaprāśane dvijaḥ || abhojyānnantu sarvveṣāṃ bhuktvā cānnamupaskṛtam | antāvasāyināñcaiva taptakṛcchreṇa śuddhyati || caṇḍālātnaṃ dvijo bhuktvā samyak cāndrāyaṇañcaret | buddhipūrvvantu kṛcchrābdaṃ punaḥ saṃskārameva ca || asurāmadyapānena†† kuryyāccāndrāyaṇavratam | abhojyānnantu bhuktvā tu prājāpatyena śudhyati || viṇmūtraprāśanaṅkṛtvā retasaścaitadācaret | anādiṣṭe tu caikāhaṃ sarvvatra tu yathārthataḥ || viḍvarāhakharoṣṭrāṇāṃ gomāyoḥ kapikākayoḥ

53.p6

prāśya mūtrapurīṣāṇi dvijaścāndrāyaṇañcaret || ajñānātprāśya viṇmūtraṃ surāsaṃsṛṣṭameva ca | punaḥ saṃskāramarhanti trayo varṇā dvijātayaḥ || kravyādaṃ pakṣiṇāñcaiva prāśya mūtrapurīṣakam | mahāsāntapanaṃ mohāttathā kuryyādvijottamaḥ | bhāsamaṇḍūkakurare viṣkire kṛcchramācaret || prājāpatyena śuddheta brāhmaṇocchiṣṭabhojane | kṣatriye taptakṛcchraṃ syādvaiśye caivātikṛcchrakam | śūdrocchiṣṭandvijo bhuktvā kuryyāccāndrāyaṇavratam || surāyā bhāṇḍake† vāri pītvā cāndrāyaṇañcaret | samucchiṣṭaṃ dvijo bhuktvā trirātreṇa viśuddhyati | gomūtrayāvakāhāraḥ pītaśeṣañca vāgamam‡ || apo mūtrapurīṣādyairdūṣitāḥ§ prāśayedyadi | tadā sāntapanaṅkṛcchraṃ vratampāpaviśodhanam¶ || cāṇḍālakūpe bhāṇḍeṣu yadi jñānātpivejjalam|| | caretsāntapanaṅkṛtsnaṃ brāhmaṇaḥ pāpaśodhanam || cāṇḍālena tu saṃsṛṣṭampītvā vāri dvijottamaḥ | trirātravratamukhyena pañcagavyena śudhyati

53.p7

mahāpātakisaṃsarge bhuktā snātvā dvijo yadi | buddhipūrvaṃ yadā mohāttaptakṛcchraṃ† samācaret || spṛṣṭvā mahāpātakinaṃ caṇḍālañca‡ rajasvalām | pramādādbhojanaṅkṛtvā trirātreṇa viśudhyati || snānārho yadi bhuñjīta hyahorātreṇa śudhyati | buddhipūrvantu kṛcchreṇa bhagavānāha padmajaḥ || bhuktvā paryuṣitādīni gavādipratidūṣitāḥ§ | bhuktopavāsaṅkurvīta kṛcchrapādamathāpi vā || saṃvatsarānte kṛcchrantu caredvipraḥ punaḥ punaḥ | ajñānabhuktaśuddhyarthaṃ jñātasya tu viśeṣataḥ ||¶ vrātyānāṃ yājanaṅkṛtvā parebāmantyakarmma ca | abhicāramahīnañca tribhiḥ kṛcchrairviśudhyati || brāhmaṇādihatānāntu|| kṛtvā dāhādikaṃ dvijaḥ | gomūtrayāvakāhāraḥ prājāpatyena śudhyati || tailābhyakto'tha vānto vā kuryyānmūtrapurīṣake†† | ahorātreṇa śuddheta śmaśrukarmmaṇi maithune || ekāhena vihāyāgniṃ parihāpya‡‡ dvijottamaḥ

53.p8

trirātreṇa viśuddhyeta trirātrātṣar̤ahaḥ param || daśāhaṃ dvādaśāhaṃ vā parihāpya† pramādataḥ | kṛcchraṃ cāndrāyaṇaṅkuryyāttatpāpasyopaśāntaye‡ || patitāddravyamādāya tadutsargeṇa śudhyati | carecca vidhinā§ kṛcchramityāha bhagavānmanuḥ || anāśakānnivṛttāstu pravrajyāvasitāstathā | careyustrīṇi kṛcchrāṇi trīṇi cāndrāyaṇāni ca || punaśca jātakarmmādisaṃskāraiḥ saṃskṛtā dvijāḥ | śuddhyeyustadvataṃ samyak careyurdharmadarśinaḥ¶ || anupāsitasandhyastu tadaharyāvako bhavet | anaśnan saṃyatamanā rātrau cedrātrimeva hi || akṛtvā samidādhānaṃ śuciḥ snātvā samāhitaḥ | gāyatryaṣṭasahasrasya japyaṃ kuryyādviśuddhaye || upavāsī†† caretsandhyāṃ gṛhastho hi‡‡ pramādataḥ | snātvā viśuddhyate sadyaḥ pariśrāntaśca saṃyataḥ§§ || vedoditāni nityāni karmāṇi ca vilopya tu | snātako vratalopantu¶¶ kṛtvā copavaseddinam || saṃvatsarañcaretkṛcchramagnyutsādī dvijottamaḥ

53.p9

cāndrāyaṇañcaredvātyo gopradānena śuddhyati || nāstikyaṃ yadi kurvīta prājāpatyañcaredvijaḥ | devadrohe gurudrohaṃ taptakṛcchreṇa śuddhyati || uṣṭrayānaṃ samāruhya kharayānañca kāmataḥ | trirātreṇa viśuddhyecca nagno vā praviśejjalam || ṣaṣṭhānnakālatā†māsaṃ saṃhitājapa eva ca | homāśca śākalā‡ nityaṃ apaṃktyānāṃ viśodhanam || nīlaṃ raktaṃ vasitvā ca brāhmaṇī vastrameva hi | ahorātroṣitaḥ snātaḥ§ pañcagavyena śuddhyati || veda¶dharmmapurāṇānāṃ caṇḍālasya tu bhāṣaṇe | cāndrāyaṇena śuddhiḥ syānna hyanyā tasya niṣkṛtiḥ|| || uddandhanādinihataṃ saṃspṛśya brāhmaṇaṃ kvacit | cāndrāyaṇena śuddhiḥ syātprājāpatyena vā punaḥ || ucchiṣṭo yadyanācāntaścāṇḍālādīn spṛśeddvijaḥ | pramādādvai†† japetsnātvā gāyatryaṣṭasahasrakam || drupadānāṃ śataṃ vāpi‡‡ brahmacārī samāhitaḥ | trirātropoṣitaḥ samyak pañcagavyena śuddhyati

53.p10

cāṇḍālapatitādīṃśca kāmādyaḥ saṃspṛśeddvijaḥ | ucchiṣṭastatra kurvvīta prājāpatyaṃ viśuddhaye || cāṇḍālasūtakiśavantathā† nārīṃ rajasvalām | spṛṣṭvā snāyādviśuddhārthaṃ‡ tatspṛṣṭapatitāṃstathā || cāṇḍālasūtakiśavaiḥ saṃspṛṣṭaṃ saṃspṛśedyadi | tataḥ snātvātha§ ācamya japaṅkuryyātsamāhitaḥ || tatspṛṣṭasparśanaṃ spṛṣṭvā buddhipūrvvaṃ dvijottamaḥ | snātvācāmedviśuddhārthaṃ prāha devaḥ pitāmahaḥ || bhuñjānasya tu viprasya kadācitsaṃspṛśeddrumam¶ | kṛtvā śaucantataḥ snāyādupoṣya juhuyādghṛtam|| || cāṇḍālantu śavaṃ spṛṣṭvā kṛcchraṃ kṛtvā viśuddhyati | spṛṣṭvā'bhyaktastvasaṃspṛśya ahorātreṇa śuddhyati || surāṃ spṛṣṭvā dvijaḥ kuryyātprāṇāyāmatrayaṃ śuciḥ | palāṇḍuṃ laśunañcaiva ghṛtaṃ prāśya tataḥ śuciḥ || brāhmaṇastu śunā daṣṭastryahaṃ sāyamapayaḥ pibet | nābherūrddhantu daṣṭasya tadeva dviguṇaṃ bhavet || syādetattiguṇaṃ†† bāhvormūddhrni ca syāccaturguṇam | snātvā japedvā sāvitrīṃ śvabhirdaṣṭo dvijottamaḥ || anirvarttya mahāyajñānyo bhuṃkte tu dvijottamaḥ

53.p11

anāturasya nidhane kṛcchrārddhena sa śuddhyati† || āhitāgnirupasthānaṃ na kuryyādyastu parvvaṇi | ṛtau na gacchedvāryyāṃ vā so'pi kṛcchrārddhamācaret || vināṅgirapsu nāpyārttaśarīraṃ‡ sanniveśya ca§ | sacelo jalamāplutya gāmālabhya viśuddhyati || buddhipūrvvantvabhyudite¶ japedantarjale dvijaḥ | gāyatryaṣṭasahasrantu tryahaṃ copavaseddvijaḥ|| || anugamyecchayā śūdraṃ pretībhūtaṃ dvijottamaḥ | gāyatryaṣṭasahasrañca japaṅkuryyānnadīṣu ca || kṛtvā tu śapathān vipro viprasyāvadhisaṃyutam†† | sa caiva yāvakānnena kuryyāccāndrāyaṇaṃ vratam || paṅktau‡‡ viṣamadānantu kṛtvā kṛcchreṇa śudhyati | chāyāṃ śvapākasyāruhya snātvā samprāśyeddhṛtam || īkṣe§§dādityamaśucirdṛṣṭvāgniñcandrameva¶¶ vā | mānuṣañcāsthi saṃspṛśya snānaṃ kṛtvā viśuddhyati || kṛtvā tu mithyādhyayanañcaredvaikṣantu vatsaram

53.p12

kṛtaghno brāhmaṇagṛhe pañcasaṃvatsaravratī† || huṅkāraṃ‡ brāhmaṇasyoktvā tvaṅkārañca garīyasaḥ | snātvā nāśnannahaḥśeṣaṃ praṇipatya prasādayet || tāḍayitvā tṛṇenāpi kaṇṭhe baddhvātha vāsasā | vivāde cāpi nirjitya praṇipatya prasādayet || avagūryya§ caretkṛcchramatikṛcchraṃ nipātane | kṛcchrātikṛcchrau kurvīta viprasyotpādya śoṇitam || gurorākrośamanṛtaṃ kuryyātkṛtvā¶ viśodhanam | ekarātraṃ nirāhāraḥ|| tatpāpasyāpanuttaye || devarṣīṇāmabhimukhaṃ ṣṭhīvanākrośane kṛte | ulmukena dahejjihvāṃ dātavyañca hiraṇyakam || devodyāneṣu yaḥ kuryyānmūtroccāraṃ sakṛddvijaḥ†† | chittvācchinnaṃ viśuddhyarthañcareccāndrāyaṇaṃ vratam || devatāyatane mūtraṃ kṛtvā mohādvijottamaḥ | śiśnasyotkarttanaṃ kṛtvā cāndrāyaṇamathācaret || devatānāmṛṣīṇāñca devānāñcaiva‡‡ kutsanam | kṛtvā samyak prakurvīta prājāpatyaṃ dvijottamaḥ || taistu sambhāṣaṇaṃ kṛtvā snātvā devaṃ samarcayet | dṛṣṭvā vīkṣeta bhāsvantaṃ smṛtvā viśveśvaraṃ smaret

53.p13

yaḥ sarvvabhūtādhipatiṃ viśveśānaṃ vinindati | na tasya niṣkṛtiḥ śakyā kartuṃ varṣaśatairapi || cāndrāyaṇaṃ caretpūrvvaṃ kṛcchrañcaivātikṛcchrakam | prapannaḥ śaraṇandevaṃ tasmātpāpādvimucyate || sarvvasvadānaṃ kathitaṃ pātakānāṃ viśodhanam | puṇyakṣetrābhigamanaṃ sarvvapāpaviśodhanam† || amāvāsyāṃ tithiṃ prāpya yaḥ samārādhayedbhavam‡ | brāhmaṇān pūjayitvā tu sarvvapāpaiḥ pramucyate || kṛṣṇāṣṭamyāṃ mahādevaum̐§ tathā kṛṣṇacaturddaśīm | sampūjya brāhmaṇamukhe sarvvapāpaiḥ pramucyate || trayodaśyāṃ tathā rātrau sopahāraṃ trilocanam | dṛṣṭvāyaṃ prathame yāme mucyate sarvvapātakaiḥ || upoṣitaścaturddaśyāṃ kṛṣṇapakṣe samāhitaḥ | yamāya dharmarājāya mṛtyave cāntakāya ca | vaivasvatāya kālāya sarvvaprāṇaharāyaṇa ca || pratyekaṃ tilasaṃyuktāndadyātsaptodakāñjalīn | snātvā dadyācca pūrvāhṇe mucyate sarvvapātakaiḥ

53.p14

brahmacaryyamadhaḥśayyā upavāso† dvijārttanam | teṣveteṣu prakurvvīta‡ śāntaḥ saṃyatamānasaḥ || amāvāsyāyāṃ brahmāṇaṃ samuddiśya pitāmaham | brāhmaṇāṃstrīn samabhyarcya mucyate sarvvapātakaiḥ || ṣaṣṭhāmupoṣito devaṃ śuklapakṣe samāhitaḥ | saptamyāmarccayeśbhānuṃ mucyate sarvvapātakaiḥ || bharaṇyāñca caturthyāñca§ śanaiścaradine yamam | pūjayetsaptajanmotthairmucyate sarvvapātakaiḥ¶ || ekādaśyāṃ nirāhāraḥ samabhyarcya janārddanam | dvādaśyāṃ śuklapakṣasya mahāpāpaiḥ pramucyate || tapo japastīrthasevā devabrāhmaṇapūjanam | grahaṇādiṣu kāleṣu mahāpātakaśodhanam || yaḥ sarvvapāpayukto'pi puṇyatīrtheṣu mānavaḥ | niyamena tyajetprāṇānmucyate sarvvapātakaiḥ || brahmaghnaṃ vā kṛtaghnaṃ vā mahāpātakadūṣitam|| | bharttāramuddharennārī praviṣṭā saha pāvakam | etadeva paraṃ strīṇāmprāyaścittaṃ vidurbudhāḥ || pativratā tu yā nārī bhartṛśuśrūṣaṇe ratā

53.p15

na tasyā vidyate pāpamihaloke paratra ca || pativratā dharmaratā bhadrākhyeva na saṃśayaḥ | nāsyāḥ parābhavaṅkarttuṃ śaknotīha janaḥ kvacit || yathā rāmasya subhagā sītā trailokyaviśrutā | patnī dāśaratherdevī vijigye rākṣaseśvaram || rāmasya bhāryyāṃ subhagāṃ† rāvaṇo rākṣaseśvaraḥ | sītāṃ viśālanayanāñcakame kālanoditaḥ || gṛhītvā māyayā veṣaṃ‡ carantīṃ vijane vane | samāharttuṃ matiñcakre tāpasaḥ kila kāminīm§ || vijñāya sā ca tadbhāvaṃ smṛtvā dāśarathimpatim | jagāma śaraṇaṃ vahnimāvasathyaṃ śucismitā || upasthe mahāyogaṃ sarvvalokavidāhakam¶ | kṛtāñjalī rājapatnī|| sākṣātpatimivācyutam || namasyāmi mahāyogaṅkṛśānuṅgahvaramparam | dāhakaṃ sarvvabhūtānāmīśānaṅkālarūpiṇam || prapadye†† pāvakaṃ devaṃ brahmakhyaṃ brahmarūpiṇam‡‡

53.p16

yoginaṅkṛttivāsānaṃ bhūteśaṃ paramampadam† || tampadye jaganmūrttiṃ prabhavaṃ sarvvatejasām‡ | mahāyogeśvaraṃ vahnimādityamparameṣṭhinam || prapadye śaraṇaṃ rudraṃ mahāgrāsaṃ triśūlinam | kālāgniṃ yogināmīśaṃ bhogamokṣaphalapradam || prapadye tvāṃ virūpākṣaṃ bhūrbhuvaḥsvaḥsvarūpiṇam | hiraṇmaye gṛhe guptaṃ§ mahāntamamitaujasam || vaiśvānaramprapadye'haṃ sarvvabhūteṣvavasthitam | havyakavyavahaṃ devaṃ prapadye vahnimīśvaram || prapadye tatparaṃ¶ tattvaṃ vareṇyaṃ savituḥ śivam|| | svargamagniṃ paraṃ jyotiḥ svākṣayaṃ havyavāhanam†† || iti vahnyaṣṭakaṃ japtvā rāmapatnī yaśasvinī | dhyāyantī manasā tasthau rāmamunmīlitekṣaṇā || athāvasathyādbhagavāhvavyavāho maheśvaraḥ | āvirāsītsudīptātmā tejasā nirddahanniva || sṛṣṭvā māyāmayīṃ sītāṃ sa rāvaṇavadhecchayā‡‡

53.p17

sītāmādāya rāmeṣṭāṃ pāvako'ntaradhīyata || tāṃ dṛṣṭvā tādṛśīṃ† sītāṃ rāvaṇo rākṣaseśvaraḥ | samādāya yayau laṅkāṃ sāgarāntarasaṃsthitām || kṛtvā tu rāvaṇavadhaṃ rāmo lakṣmaṇasaṃyutaḥ | samādāyābhavatsītāṃ śaṅkākulitamānasaḥ || sā pratyayāya bhūtānāṃ sītā māyāmayī punaḥ | viveśa pāvakaṃ dīptaṃ‡ dadāha jvalano'pi tām || dagdhvā māyāmayīṃ sītāṃ bhagavānuṣṇadīdhitiḥ§ | rāmāyādarśayatsītāṃ pāvako'bhūtsurapriyaḥ || pragṛhya bhartuścaraṇau karābhyāṃ sā sumadhyamā | cakāra praṇatiṃ bhūmau rāmāya janakātmajā || dṛṣṭvā hṛṣṭamanā rāmo vismayākulalocanaḥ | namāma vahniṃ śirasā toṣayāmāsa rāghavaḥ ||¶ tamāha devo lokānāṃ dāhako havyavāhanaḥ | yathā vṛttaṃ dāśarathiṃ bhūtānāmeva sannidhau || iyaṃ sā paramā sādhvī pārvatīva priyā tava|| | ārādhya labdhvā tapasā devyāścātyantavallabhā || bharttuḥ śuśrūṣaṇopetā suśīleyaṃ pativratā

53.p18

bhavānīveśvare guptā māyā rāvaṇakāmitā || yā nītā rākṣasendrena sītā balavatāhvatā† | mayā māyāmayī sṛṣṭā rāvaṇasya vadhecchayā‡ || tadarthaṃ§bhavatā dṛṣṭo rāvaṇo rākṣaseśvaraḥ | māyopasaṃhṛtā caiva hato lokavināśanaḥ || gṛhāṇa caitāṃ vimalāṃ¶ jānakīṃ vacanānmama | paśya nārāyaṇandevaṃ svātmānamprabhavāvyayam || ityuktvā bhagavāṃścaṇḍī viśvācirviśvatomukhaḥ | mānito rāghaveṇāgnirbhūtai||ścāntaradhīyata || etatpativratānāṃ vai māhātmyaṅkathitaṃ mayā | strīṇāṃ sarvvāghaśamanamprāyāścittamidaṃ smṛtam | aśeṣapāpasaṃyuktaḥ puruṣo'pi susaṃyutaḥ | svadehaṃ puṇyatīrtheṣu tyaktvā mucyeta kilbiṣāt || pṛthivyāṃ sarvvatīrtheṣu†† snātvā puṇyeṣu vā dvijaḥ | mucyate pātakaiḥ sarvvaiḥ sañcitairapi‡‡ pūruṣaḥ ||§§ ityeṣa¶¶ mānavo dharmo yuṣmākaṅkathito mayā | maheśārādhanārthāya jñānayogaśca śāśvataḥ

53.p19

yogena vidhinā yukto jñānayogaṃ samācaret | sa paśyati mahādevaṃ nānyaḥ kalpaśatairapi || sthāpayedyaḥ paraṃ dharmaṃ jñānaṃ tatpārameśvaram | na tasmādadhiko loke sa yogī paramo mataḥ || yaḥ saṃsthāpayituṃ śakto na kuryyānmohito janaḥ | sa yogayukto'pi munirnārtyarthaṃ bhagavatpriyaḥ || tasmātsadeva dātavyaṃ brāhmaṇeṣu viśeṣataḥ | dharmayukteṣu śānteṣu śraddhayā cānviteṣu vai || yaḥ paṭhedbhavatānnityaṃ saṃvādaṃ mama caiva hi | sarvvapāpavinirmukto gaccheta† paramāṅgatim || śrāddhe vā daivike kāryye brāhmaṇānāñca sannidhau | paṭheta‡ nityaṃ sumanāḥ śrotavyañca dvijātibhiḥ || yo'thaṃ vicāryya yuktātmā śrāvayeddā dvijān§ śucīn | sa doṣakarñcakantyaktā yāti devaṃ maheśvaram || etāvaduktā bhagavān vyāsaḥ satyavatīsutaḥ | samāśvāsya munīnsūttaṃ¶ jagāma ca yathāgatam

53.p20

iti śrīkūrmmapurāṇe upavibhāge catustriṃśo'dhyāyaḥ

Linked texts (7)