Kurmapurana (Ananta Gokhale) 53.p14
Kūrmapurāṇa (Ananta Gokhale) 53.p14
- Language
- Sanskrit
53.p14
brahmacaryyamadhaḥśayyā upavāso† dvijārttanam | teṣveteṣu prakurvvīta‡ śāntaḥ saṃyatamānasaḥ || amāvāsyāyāṃ brahmāṇaṃ samuddiśya pitāmaham | brāhmaṇāṃstrīn samabhyarcya mucyate sarvvapātakaiḥ || ṣaṣṭhāmupoṣito devaṃ śuklapakṣe samāhitaḥ | saptamyāmarccayeśbhānuṃ mucyate sarvvapātakaiḥ || bharaṇyāñca caturthyāñca§ śanaiścaradine yamam | pūjayetsaptajanmotthairmucyate sarvvapātakaiḥ¶ || ekādaśyāṃ nirāhāraḥ samabhyarcya janārddanam | dvādaśyāṃ śuklapakṣasya mahāpāpaiḥ pramucyate || tapo japastīrthasevā devabrāhmaṇapūjanam | grahaṇādiṣu kāleṣu mahāpātakaśodhanam || yaḥ sarvvapāpayukto'pi puṇyatīrtheṣu mānavaḥ | niyamena tyajetprāṇānmucyate sarvvapātakaiḥ || brahmaghnaṃ vā kṛtaghnaṃ vā mahāpātakadūṣitam|| | bharttāramuddharennārī praviṣṭā saha pāvakam | etadeva paraṃ strīṇāmprāyaścittaṃ vidurbudhāḥ || pativratā tu yā nārī bhartṛśuśrūṣaṇe ratā
Linked texts (4)
- Kūrmapurāṇa — Ativīrarāma Pāṇṭiyar, Sanskrit
- Garuḍapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Vyāsagītā — Sanskrit