Pramāṇa · Search · About · API

Linga 151

Liṅga 151

Language
Sanskrit

151.1

saptadaśo'dhyāyaḥ
sanatkumāra uvāca
bhūyo devagaṇaśreṣṭha ! śivamāhātmyamuttamam
śṛṇvato nāsti me tṛptiḥsvadhāsyāmṛtapāmataḥ

151.3

kathaṃ śarīrī bhagavān kamalādṛṣṭaḥ pratāpavān
sarvātmā ca kathaṃ śambhuḥ kathaṃ pāśupataṃ vratam
kathaṃ vā devamukhyaiśca stuto dṛṣṭaśca śaṅkaraḥ
śailādiruvāca
avyaktādabhavat sthāṇuḥ śivaḥ paramakāraṇam

151.4

sa sarvakāraṇopeta ṛṣirvikhādhikaḥ prabhuḥ
devānāṃ prathamaṃ devaṃ jāyamānaṃ mukhāmbujāt

151.5

dadarśa cāgre brahmāṇañcājñayā tamavaikṣata
dṛṣṭo rudreṇa deveśaḥ sasarja sakalañca saḥ

151.6

varṇāśramavyavasthāśca sthāpayāmāsa vai virāṭ
somaṃ sasarja yajñārthe somādidamajāyata

151.7

candraśca vanniścandraśca vajrapāṇiḥ śacīpatiḥ
viṣṇurnārāyaṇaḥ śrīmān sarvaṃ somamayaṃ jagat

151.8

rudrādhyāyena te devā rudraṃ tuṣṭuvurīśvaram
prasannavadanastasthau devānāṃ madhyataḥ prabhuḥ

151.6-2

apahṛtya ca vijñānameṣāmeva maheśvaraḥ
devā hyapṛcchaṃstaṃ devaṃ ko bhavāniti śaṅkaram

151.10

abravīdbhagavān rudro hyahamekaḥ purātanaḥ
āsaṃ prathama evāhaṃ varttāmi ca surottamāḥ !

151.12

bhaviṣyāmi ca loke'smin matto nānyaḥ kutaścana
vyatiriktaṃ na matto'sti nānyat kiñcit surottamāḥ!
nityo'nityo'hamanagho brahmāhaṃ brahmaṇaspatiḥ
diśaśca vidiśaścāhaṃ prakṛtiśca pumānaham

151.13

triṣṭubjagatyanuṣṭup ca chando'haṃ tanmayaḥ śivaḥ
satyo'haṃ sarvagaḥ śāntastretāgnirgauravaṃ guruḥ

151.14

gaurahaṃ gaṅgaraścāhaṃ nityaṃ gahanagocaraḥ
jyeṣṭho'haṃ sarvatattvānāṃ variṣṭho'hamapāṃ patiḥ

151.15

āpo'haṃ bhagavānogstajo'haṃ vedirapyaham
ṛgvedo'haṃ yajurvedaḥ sāmavedo'hamātmabhūḥ

151.16

atharvaṇo'haṃ mantro'haṃ tathā cāṅgirasāṃ varaḥ
itihāsapurāṇāni kalpo'haṃ kalpanāpyaham

151.17

akṣarañca kṣaraścāhaṃ kṣāntiḥ śāntiradhaṃ kṣamā
guhyo'haṃ sarvavedeṣu vareṇyo'hamajo'pyaham

151.18

puṣkarañca pavitrañca madhyaścāhaṃ tataḥ param
bahiścāhaṃ tathā cāntaḥ purastādahamavyayaḥ

151.16-2

jyotiścāhaṃ tamaścāhaṃ brahmāviṣṇurmaheśvaraḥ
buddhiścāimahaṅkārastanmātrāṇīndriyāṇi ca

151.20

evaṃ sarvañca māmeva yo veda surasattamāḥ !
sa eva sarvavitsarvaṃ sarvātmā parameśvaraḥ

151.21

gāṃ gobhirbrāhmaṇān sarvān brāhmaṇye na havīṃṣi ca
āyuṣāyustathā satyaṃ satye na surasattamāḥ !

151.22

dharmaṃ dharmeṇa sarvāṃśca tarpayāmi svatejasā
ityādau bhagavānuktvā tatraivāntaradhīyata

151.23

nāpaśyanta tato devaṃ rudraṃ paramakāraṇam
te devāḥ paramātmānaṃ rudraṃ dhyāyanti śaṅkaram

151.24

sanārāyaṇakā devāḥ sendrāśca munayastathā
tathordhvabāhavo devā rudraṃ tanvanti śaṅkaram

Linked texts (3)