Linga 82
Liṅga 82
- Language
- Sanskrit
Contents
- 82.347 — 1 part
82.1
tasyābhidhyāyattasyaiva tiryyaksrotā hyavarttata
yasmāttiryyak pravṛttaḥ sa tiryyaksrotāstataḥ smṛtaḥ
paśvādayaste vikhyātā utpathagrāhiṇo dvijāḥ !
tasyābhidhyāyato'nya' vai sātvikaḥ samavarttata
82.147
urddhasrotāstṛtīyastu sa vai corddha' vyavasthitaḥ
yasmāt pravartta te corddhamūrddhasrotāstataḥ smṛtaḥ
82.148
te sukhaprītibahulā bahirantaśca saṃvṛtāḥ
prakāśā bahirantaśca urddhasrotobhavāḥ smṛtāḥ
82.146
taṃ satvasya ca yogena sṛṣṭāḥ satvodbhavāḥ smṛtāḥ
urddhasrotāstṛtīyo vai devasargastu sa smṛtaḥ
82.150
prakāśād bahirantaśca urddhasrotodbhavāḥ smṛtāḥ
te urddhasrotaso jñeyāstuṣṭātmāno budhaiḥ smṛtāḥ
82.151
urddha srotaḥsu sṛṣṭeṣu deveṣu varadaḥ prabhuḥ
prītimānabhavad brahmā tato'nya' so'bhyamanyata
82.152
sasarja sargamanya hi sādhakaṃ prabhurīśvaraḥ
tato'bhidhyāyastasya satyābhidhyāyinastadā
82.153
prādurāsīttadāvyaktādarvāksrotāstu sādhakaḥ
yasmādarvāk nyavarttanta tato'rvāksrotasastu te
82.154
te ca prakāśabahulāstamaḥ pṛktā rajo'dhikāḥ
tasmātte duḥkhabahulā bhūyobhūyaśca kāriṇaḥ
82.155
saṃvṛtā bahirantaśca manuṣyāḥ sādhakāśca te
lakṣaṇaistārakādyaiste aṣṭadhā tu vyavasthitāḥ
82.156
siddhātmāno manuṣyāste gandharvasahadharmiṇaḥ
ityeṣa taijasaḥ sargo hyarvāksrotāḥ prakīrttitaḥ
82.157
pañcamo'nugrahaḥ sargaścaturddhā tu vyavasthitaḥ
viparyyayeṇa śaktyā ca siddhayā tuṣṭyā tathaiva ca
82.158
sthāvareṣu viparyāsastiryagyoniṣu śaktitā
siddhātmāno manuṣyāstu ṛṣideveṣu kṛtsnaśaḥ
82.156-2
ityeṣa prākṛtaḥ sargo vaikṛto navamaḥ smṛtaḥ
bhūtādikānāṃ bhūtānāṃ ṣaṣṭhaḥ sargaḥ sa ucyate
82.160
nivṛttaṃ varttamānañca teṣāṃ jānanti vai punaḥ
bhūtādikānāṃ bhūtānāṃ saptamaḥ sarga eva ca
82.161
te parigrāhiṇaḥ sarve saṃvibhāgastāḥ punaḥ
skhādanāccāpyaśīlāśca jñeyā bhūtādikāśca te
82.162
viparyyayeṇa bhūtādiraśaktyā ca vyavasthitaḥ
prathamo mahataḥ sargo vijñeyo brahmaṇaḥ smṛtaḥ
82.163
tanmātrāṇāṃ dvitīyastu bhūtasargaḥ sa ucyate
vaikārikastṛtīyastu sarga aindriyakaḥ smṛtaḥ
82.164
ityeṣa prākṛtaḥ sargaḥ sambhūto buddhipūrvakaḥ
mukhyasargaścaturthaśca mukhyā vai sthāvarāḥ smṛtāḥ
82.165
tato'rvāksrotasāṃ sargaḥ saptamaḥ sa tu mānuṣaḥ
aṣṭamo'nugrahaḥ sargaḥ sāttvikastāmasaśca saḥ
82.166
pañcaite vaikṛtāḥ sargāḥ prākṛtāstu trayaḥ smṛtāḥ
prākṛto vaikṛtaścaiva kaumāro navamaḥ smṛtaḥ
82.167
abuddhipūrvakā sargāḥ prākṛtāstu trayaḥ smṛtāḥ
buddhipūrvaṃ pravarttante ṣaṭ punarbrahmaṇastu te
82.168
vistarānugrahaḥ sargaḥ kīrtyamāno nibodhata
caturddhāvasthitaḥ so'tha sarvabhūteṣu kṛtsnaśaḥ
82.168-2
ityete prākṛtāścaiva vaikṛtāśca nava smṛtāḥ
parasparānuraktāśca kāraṇaiśca budhaiḥ smṛtāḥ
82.170
agre sasarja vai brahmā mānasānātmanaḥ samān
ṛbhuḥ sanatkumāraśca dvāvetāvṛrddha retasau
82.101
pūrvyotpannau purā tebhyaḥ sarveṣāmapi pūrvvajau
vyatīte tvaṣṭame kalpe purāṇau lokasākṣiṇau
82.172
tau vārāhe tu bhūloke tejaḥ saṅghiṣyadhiṣṭhitau
tāvubhau mokṣakammāṇāvārogyātmāna mātmani
82.173
prajāṃ dhammañca kāmañca tyaktā vairāgyamasthitau
yathotyannastathaiveha kumāraḥ sa ihocyate
82.174
tasmāt sanatkumāriti nāmāsyeha prakīrttitam
sanandaṃ sanakañcaiva vidvāṃsaṃ ca sanātanam
82.175
vijñānena nivṛttāste vyavarttanta mahaujasaḥ
makhaṅgāyaiva nānātve apravṛttāśca yoginaḥ
82.176
asṛṣṭvaiva prajāsargaṃ pratisargaṃ gatāḥ punaḥ
tatasteṣu vyatīteṣu tato'nyān sādhakān sutān
82.177
mānasāna sṛjad brahmā punaḥ sthānābhimāninaḥ
ābhūtasaṃplavāvasthā yeriyaṃ vidhṛtā mahī
82.178
āpā'gniṃ pṛthivīṃ vāyumantarikṣaṃ divantathā
samudrāṃśca nadīṃścaiva tathā śailavanaspatīn
82.179
oṣadhīnāṃ tathātmāno vallīnāṃ vṛkṣavīrudhām
lavāḥ kāṣṭhāḥ kalāścaiva muhūrttāḥ sandhi rātrāhnān
82.180
arddhamāsāṃśca māsāṃśca ayanāvadyugāni ca
sthānābhimāninaḥ sarve sthānākhyāścaiva te smṛtāḥ
82.181
devānṛṣīṃśca mahato gadataḥstānnibodhata
marīci bhṛgvaṅgirasaṃ pulastyaṃ pulaham kratum
82.182
dakṣamatriṃ vaśiṣṭhañca so'sṛjammānasānnava
nava brahmāṇa ityete purāṇe niścaya gatāḥ
82.183
teṣāṃ brahmātmakānāṃ vai sarveṣāṃ brahmavādinām
sthānāni kalpayāmāsa pūrvavat padmasaṃbhavaḥ
82.184
tato'sṛjacca saṅkalpaṃ dharmmañcaiva sukhāvaham
so'sṛjadvyavasāyāttu dharmaṃ devo maheśvaraḥ
82.185
saṅkalpaṃ caiva saṅkalpātsarvaloka pitāmahaḥ
mānasava rucinama vijajñe brahmaṇaḥ prabhoḥ
82.186
prāṇād brahmā sṛjaddakṣaṃ cakṣurbhyāñca marīcinam
bhṛgustu hṛdayājjajñe ṛṣiḥ salilajanmanaḥ
82.187
śiraso'ṅgirasañcaiva śrotrādvittvatha sṛjat
pulastyaṃ ca tathodānādvyānācca pulahaṃ punaḥ
82.188
samānajo vasiṣṭhaśca apānānnirmame kratum
itye te brahmaṇaḥ putrā divyā ekādaśa smṛtāḥ
82.189
dharmādayaḥ prathamajāḥ sarve te brahmaṇaḥ sutāḥ
bhṛgvādayastu te sṛṣṭā navaite brahmavādinaḥ
82.190
gṛhamedhinaḥ purāṇāste dharmmastaiḥ sampravarttitaḥ
teṣāṃ dvādaśa te vaṃśādivyā devaguṇānvitāḥ
82.191
kriyāvantaḥ prajāvanto maharṣibhiralaṅkṛtāḥ
ṛbhuḥ sanatkumāraśca dvāvetā būrdhva retasau
82.192
pūrvātpannau parantebhyaḥ sarveṣāmapi pūrvajo
vyatīte tvaṣṭame kalpe purāṇau lokasākṣiṇau
82.193
virājetāmubhau loke tejaḥ saṅkṣipyadhiṣṭhitau
tāvubhau yogakarmmāṇā vāropyātmānamātmani
82.184-2
prajāṃ dharmañca kāmañca tyaktvā vairāgyamāsthitau
yadyotpannaḥ sa eveha kumāraḥ sa ihocyate
82.184-3
tasmāt sanatkumāraiti nāmāsye ha pratiṣṭhitam
tatobhidhyāya tastasya jajñire mānasāḥ prajāḥ
82.186-2
taccharīrasamutpannaiḥ kāryyaistaiḥ kāraṇaiḥ saha
kṣetrajñāḥ samavarttanta gātrebhyastasya dhīmataḥ
82.187-2
tato devāsura pitṛnmānuṣāṃśca catuṣṭayam
sisṛkṣurambhāṃsye tāni svamātmānamayū yujat
82.188-2
tatastu yuñjatastasya tamomātrasamudbhavam
samabhidhyāyataḥ sargaṃ pañjena prajāpateḥ
82.186-3
tato'sya jaghanāt pūrvvamasurā jajñire sutāḥ
asuḥ prāṇaḥ smṛto viprāstajjanmānastato'surāḥ
82.200
yayā sṛṣṭāḥ surāḥ sarvve tāntanuṃ sa vyapohatta
sāpaviddhā tanustena sadyo rātrirajāyata
82.201
mā tamobahulā yasmāttato rātriniyāmikā
āvṛtāstamasā rātrau prajāstasmāt svapantyuta
82.202
sṛṣṭvā surāṃstataḥ so vai tanumanyāmagṛhṇata
avyaktāṃ satvabahulāṃ tatastāṃ so'bhyapūjayat
82.203
tatastāṃ yuñjatastasya priyamāsīt prajāpateḥ
tato mukhāt samutpannā dīvyatastasya devatāḥ
82.204
yato'sya dīvyato jātāste na devāḥ prakīrttitāḥ
dhāturdirvitiyaḥ proktaḥ krīr̤āyāṃ sa vibhāvyate
82.205
yasmāttasya tu dīvyanto jajñire tena devatāḥ
devān sṛṣṭvātha deveśastanu manyāmapadyata
82.206
utsṛṣṭā sā tanuste na sadyo'haḥ samajāyata
tasmādaho dharmmoyuktā' devatāḥ samupāsate
82.207
satvamātrātmikāmiva tato'nyāṃ so'bhyamanyata
pitṛvanmanyamānasya putrāṃstān dhyāyataḥ prabhoḥ
82.208
pitaro'pyupapakṣābhyāṃ rātrāvaṅgorantare'bhavat
tasmātte pitaro devāḥ pitṛtvaṃ tena teṣu tat
82.206-2
yayā sṛṣṭāstu pitarastanuntāṃ sa vyapohatta
sāpaviddhā tanustena sadyaḥ sandhyā vyajāyata
82.210
yasmādaharddevatānāṃ rātriryā sā surī smṛtā
tayormadhye tu paitrīyā tanuḥ sā tu garīyasī
82.211
tasmāt devāsurāḥ sarve ṛṣayo mānavāstathā (
upāsante mudā yuktā rātrāṅgormadhyamāstanum
82.212
tato'nyāṃ punarrahmā tanuṃ vai samagṛhṇata
rajomātrātmikāyāntu manasā so'sṛjat prabhuḥ
82.213
rajaḥ priyāṃstataḥ so'tha mānasānasṛjat sutān
manasvinastatastasya mānavā jajñire sutāḥ
82.214
sṛṣṭvā punaḥ prajāścāpi svāṃ tanuntāmapohatta
sāpaviddhā tanuste na jyotsnā sadyastvajāyata
82.215
yasmādbhavanti saṃhṛṣṭā jyotsnāyā udgave prajāḥ
itye tāstanavastena hyapaviddhā mahātmanā
82.216
sadyorāvrāhanī caiva sandhyā jyotsnā ca jajñire
jyotsnā sandhyā ahaścaiva satvamātrātmakaṃ trayam
82.217
tamomātrātmikā rātriḥ sā vai tasmādvidyātmikā
tasmāt devādivātasthā tuṣṭyā sṛṣṭā mukhāttu vai
82.218
yasmātte ṣāṃ divājanma balina stena vai divā
tanvā yayā surān rātrau jaghanādasṛjat prabhuḥ
82.218-2
prāṇebhyo nigijanmāno balino niścitena te
etānyeva bhaviṣyāṇāṃ devānāmasuraiḥ saha
82.220
pitṝṇāṃ mānavānāṃ ca atītānāgateṣu vai
manvantareṣu sarveṣu nimittāni bhavantihi
82.221
jyotsnā rātryahanī sandhyā catvāryyambhāṃsi tāni vai
bhānti yasmāttato'mbhāṃsi śabdo'yaṃ sumanoṣibhiḥ
82.222
bhātirdīptau nigaditaḥ punaścātha prajāpatiḥ
so'mbhāṃsyetāni sṛṣṭvā tu devamānuṣadānavān
82.223
pitṝṃścaivā sṛjattanvā ātmano vividhān punaḥ
tāmutsṛjya tanuṃ jyotsnāṃ tato'nyāṃ prāpya sa prabhuḥ
82.224
mūrttiṃ tamorajaḥprāyāṃ punarevābhya pūjayat
andhakāre kṣudhāviṣṭāṃstato'nyān so'sṛjat prabhuḥ
82.225
tena sṛṣṭāḥ kṣudhākrānto ambhāṃsyādātu mudyatāḥ
ambhāṃsyetāni rakṣāma uktavantastu teṣu ye
82.226
rākṣasā nāma te yasmāt kṣudhāviṣṭā niśācarāḥ
ye'bruvan yakṣamo'mbhāṃsi teṣāṃ dṛṣṭāḥ parasparam
82.227
tena te karmaṇā yakṣā guhyakā gūr̤hakarmaṇā
rakṣeti pālane cāpi dhātureṣa vibhāṣyate
82.228
evaṃ ca yakṣatirdhāturbhakṣaṇe sa nirucyate
taṃ dṛṣṭvādya priyeṇāsya keśāḥ śīrṇāstu dhīmataḥ
82.229
te śīrṇāścotthitā hyṛcchante caivārurukṣuḥ prabhum
hīnāstacchiraso bālā yasmāccaivāvasarpiṇaḥ
82.230
vyālātmānaḥ smṛtā bālā hīnatvādahayaḥ smṛtāḥ
patatvāt pannagāścaiva sarpāścaivāvasarpaṇāt
82.231
tasya krodhodbhavo yo'sau agnigarbhaḥ sudāruṇaḥ
sa tu sarvān sahotpannānāviveśa viṣātmakaḥ
82.232
sarvān dṛṣṭvā tataḥ kruddhaḥ krodhātmāno vinirmame
varṇena kapiśenoyāste bhūtāḥ piśitāśanāḥ
82.233
bhūtatvātte smṛtā bhūtāḥ piśācāḥ piśitāśanāt
prasavaṃ gāyattastasya gandharvā jajñire yadā
82.234
dhayatītyeṣa vai dhātuḥ pānatve paripaṭhyate
dhayanto jajñire vācaṃ gandharvāstena te smṛtāḥ
82.235
sṛṣṭve tāsu sṛṣṭāsu devayoniṣu sa prabhuḥ
tataḥ svacchandato'nyāni vayāṃsi vayasā sṛjat
82.236
svacchandataḥ svacchandāṃsi vayasā ca vayāṃsi ca
paśūn sṛṣṭvā sa deveśo'sṛjatyudbhidgaṇānapi
82.237
mukhato'jāḥ sasarsātha vakṣasaścāvayo'sṛjat
gāścaivāthodarāt brahmā pāśrvābhyāṃ ca vinirmame
82.238
padmāṃ cāśvān samātaṅgān rāsabhānāvayānmṛgān
uṣṭrānaśvatarāṃścaiva tathānyāścaiva jātayaḥ
82.238-2
oṣadhyaḥ phalamūlinyo romabhyastasya jajñire
evaṃ paśvoṣadhīḥ sṛṣṭvāy yujanno'dhvare prabhuḥ
82.240
gaurajaḥ puruṣo meṣohyaśvo'śvatara gardabho
etān grāmyān paśūnāhurāraṇyānvai nibodhataḥ
82.241
śvāpado dvikhuro hastī vānarāḥ pakṣiṣañcamāḥ
śraudakāḥ paśavaḥ ṣaṣṭhāḥ saptamāstu sarīsṛpāḥ
82.242
mahiṣā gavayāścaiva ṝkṣāḥ śarabhā haṃsāḥ
siṃhastu saṃsamaste vāmāraṇyāḥ pañcamaḥ smṛtāḥ
82.243
gāyatrañca ṛcañcaiva trihat sāma rathantaram
agniṣṭomaśca yajñānāṃ nirmame prathamānmukhāt
82.244
yajūṃṣi caiṣṭubhaṃ chandastāmaṃ pañcadaśa tathā
bṛhatsāma tathokthyañca dakṣiṇādasṛjammu khāt
82.245
sāmāni jagatīcchandastāmaṃ saptadaśaṃ tathā
vairūpamatirātrañca paścimādasṛjammukhāt
82.246
ekaviṃśamatharvāṇamāptoryāmāṇameva ca
anuṣṭubhaṃ sa vairājamuttarādasṛjammu khāt
82.247
vidyuto'śanimeghāṃśca rohitaindradhanū ṣi ca
tejāṃsi ca sasarjādau kalpasya bhagavān prabhuḥ
82.248
uñcāvacāni bhūtāni gātrebhyastasya jajñire
brahmaṇastu prajāsargaṃ sṛjataḥ hi prajāpateḥ
82.246-2
sṛṣṭvā catuṣṭayaṃ pūrvaṃ devāsuranarān pitṝn
tato'sṛjatsabhūtāni sthāvarāṇi carāṇi ca
82.250
yakṣān piśācān gandharvāṃstathaivāpsarasāṅgaṇāt
narāṃkaravarakṣāṃsi vayaḥ paśumṛgoragān
82.251
avyayaśca vyayañcāpi yadidaṃ sthāṇu jaṅgamam
teṣāṃ vai yāni karmāṇi prāk sṛṣṭvāṃ pratipedire
82.252
tānyeva pratipadyante sṛjyamānāḥ punaḥpunaḥ
hiṃsrāhiṃsre mṛdukrūre dharmādharme ṛtānṛte
82.253
tadbhāvitāḥ prapadyante tasmāttattasya rocate
mahābhūteṣu sṛṣṭeṣu indriyārtheṣu mūrttiṣu
82.254
viniyogastva bhūtānāṃ dhātaiva vyadadhāt svayam
kecit puruṣakārantu prāhuḥ karmasu mānavāḥ
82.255
daivamityapare viprāḥ svabhāvaṃ bhūtacintakāḥ
pauruṣaṃ karma daivañca phalavṛtti svabhāvataḥ
82.256
na caikaṃ na pṛthagbhāvamadhikaṃ na tato viduḥ
etadevañca naikañca nāmabhedena nāpyubhe
82.257
karmasthā viṣamaṃ brūyuḥ satvasthāḥ samadarśanāḥ
nāmarūpañca bhūtānāṃ kṛtānāṃ ca prapañcanam
82.258
vedaśabdebhya evādau nirmame sa maheśvaraḥ
ṛṣīṇāṃ nāmadheyāni yāca vedeṣu vṛttayaḥ
82.256-2
śarvvayryante prasūtānāṃ tānyevebhyo dadātyajaḥ
evaṃvidhāḥ sṛṣṭayastu brahmaṇo'vyaktajanmanaḥ
82.260
śarvvaryyante prahṛṣyante siddhimāśritya mānasīm
evambhūtāni sṛṣṭāni sthāvarāṇi carāṇi ca
82.261
yadāsya tāḥ prajāḥ sṛṣṭā na vyavarddhanta sattamāḥ
tamomātrāvṛto brahmā tadā śokena duḥkhitaḥ
82.262
tataḥ sa vidadhe buddhimarthaniścayagāminīm
athātmani samadrācīttamomātrāṃ niyāmikām
82.263
rajaḥ satvaṃ parityajya varttamānāṃ svadharmataḥ
tataḥ sa tena duḥkhena duḥkha' cakre jagatpatiḥ
82.264
tamaśca vyanudat paścādrajaḥ satva' tamāvṛṇot
tattamaḥ pratinunnaṃ vai mithunaṃ samajāyata
82.265
adharmastamaso jajñe hiṃsā śokādajāyata
tatastasmin samudbhūte mithune dāruṇātmike
82.266
gratāsurbhaṃgavānāsīt prītiñcai narnāśriśrayat
svāmtanuṃ sa tato brahmā tāmapohata bhāsvarām
82.267
dvidhā kṛtvā khakaṃ dehamarddhena puruṣo'bhavat
arddhena nārī sā tasya śatarūpā vyajāyata
82.268
prakṛtiṃ bhūtadhātrīṃ tāṃ kāmāddai sṛṣṭavān prabhuḥ
sā divaṃ pṛthivīṃ caiva mahimnā vyāpyadhiṣṭhitā
82.266-2
brahmaṇaḥ sā tanuḥ pūrvā divamāvṛtya tiṣṭhati
yātvarddhāt sṛjato nārī śatarūpā vyajāyata
82.270
sā devī niyutaṃ taptvā tapaḥ paramaduścaram
bharttāraṃ dīptayaśasaṃ puruṣaṃ pratyapadyata
82.271
sa vai svāyambhuvaḥ pūrvaṃ puruṣo manurucyate
tasyaiva saptatiyugaṃ manvantaramihocyate
82.272
lebhe sa puruṣaḥ patnīṃ śatarūpāmayaunijām
tayā sārddhaṃ sa ramate tasmāt sā ratirucyate
82.273
prathamaḥ samprayogātsā kalpādau samapadyata
virājamasṛjad brahmā so'bhavat puruṣo virāṭ
82.274
samrāṭ ca śatarūpā vai vairājaḥ sa manuḥ smṛtaḥ
sa vairājaḥ prajāsargaṃ sasarja puruṣo manuḥ
82.275
vairājāt puruṣādvīrācchatarūpā vyajāyata
priyavratottānapādau putrau dvau lokasammatau
82.276
kanye dve ca mahābhāge yābhyāṃ jātā imāḥ prajāḥ
devī nāma tathākūtiḥ prasūtiścaiva te ubhe
82.277
svāyambhuvaḥ prasūtiṃ tu dakṣāya pradadau prabhuḥ
prāṇo dakṣa iti hyeyaḥ saṅkalpo manurucyate
82.278
ruceḥ prajāpateḥ so'tha ākūtiṃ pratyapādayat
ākṛtyā mithunaṃ jajñe mānasasya ruceḥ śubham
82.278-2
yajñaśca dakṣiṇā caiva yamalau saṃmabhūvatuḥ
yajñasya dakṣiṇāyāṃ tu putrā dvādaśa jajñire
82.280
yāmā iti samākhyātā devāḥ svāyambhuve'ntare
etasya putrā yajñasya tasmādyāmāśca te smṛtāḥ
82.281
ajitasyaiva śukrasya gaṇau dvau brahmaṇaskṛtau
yāmāḥ pūrvaṃ prajātā ye te'bhavaṃstu divaukasaḥ
82.282
svāyambhuvasutāyāṃ tu prasūtayāṃ lokamātaraḥ
tasyāṃ kanyāścaturviṃśad dakṣastvajanayat prabhuḥ
82.283
sarvāstāśca mahābhāgāḥ sarvāḥ kamalalocanāḥ
bhogavatyaśca tāḥ sarvāḥ sarvāstā yogamātaraḥ
82.284
sarvāśca brahmavādinyaḥ sarvā viśvasya mātaraḥ
śraddhā lakṣmoṣṭatistuṣṭiḥ puṣṭirmedhā kriyā tathā
82.285
buddhirlajjā vapuḥ śāntiḥ siddhiḥ kīrttistrayodaśa
patnyarthaṃ pratijagrāha dharmo dākṣāyaṇoḥ prabhuḥ
82.286
dārāṇyetāni vai tasya vihitāni svayambhuvā
tābhyaḥ śiṣṭā yavīyasya ekādaśa sulocanāḥ
82.28
satīkhyātyatha sambhūtiḥ smṛtiḥ prītiḥ kṣamā tathā
sannatiścānasūyā ca ūrjā svāhā svadhā tathā
82.288
tāstathā pratyapadyanta punaranye maharṣayaḥ
rudro bhṛgurmarīciśca aṅgirāḥ pulahaḥ kratuḥ
82.289
pulastyo'trirvasiṣṭhaśca pitaro'gniratathaiva ca
satombhavāya prāyacchat khyātiṃ ca bhṛgave tataḥ
82.290
marīcaye ca sambhūtiṃ smṛtimaṅgirase dadau
prītiṃ caiva pulastyāya kṣamāṃ vai pulahāya ca
82.281-2
kratave sannatitrāma anasūyāṃ tathālaye
ūrjāṃndadau vasiṣṭhāya svāhāmapyagnaye dadau
82.282-2
svadhāñcaiva pitṛbhyastu tāstapatyā nibodhata
etāḥ sarvā mahābhāgāḥ prajāstanuṣṭatāḥ sthitāḥ
82.283-2
manvantareṣu sarveṣu yāvadābhūtasaṃplavam
śraddhākāmaṃ trijajñe vai darpo lakṣmosutaḥ smṛtaḥ
82.284-2
dhṛtyāstu niyamaḥ putrastuṣṭyāḥ santoṣa eva ca
puṣṭyā lobhaḥ sutaścāpi medhāputraḥ śrutastathā
82.285-2
kriyāyāmabhavat putro daṇḍaḥ samaya eva ca
buddhyāṃ bodhaḥ sutastadvat pramādo'pyupajāyata
82.286-2
lajjāyāṃ vinayaḥ putro vyavasāyo vasoḥ sutaḥ
kṣemaḥ śāntisutaścāpi sukhaṃ siddhervyajāyata
82.287
yaśaḥ kīrttisutaścāpi ityete dharmasūnavaḥ
kāmasya harṣaḥ putro vai devyāṃ prītyāṃ vyajāyata
82.288-2
ityeṣa vai sutodarkaḥ sargo dharmasya kīrttitaḥ
jajñe hiṃsātvadharmādvai nikṛtiṃ cānṛtaṃ sutam
82.286-3
nikṛtyāntu dvayaṃ jajñe bhayaṃ naraka eva ca
māyā ca vedanā cāpi mithunadvayamityarthāḥ
82.300
bhūyo jajñe'tha vai māyā mṛtyu bhūtapahāriṇam
vedanāyāḥ sutaścāpi duḥkhaṃ jajñe ca rauravaḥ
82.301
mṛ tyorvyādhijarāśokakrodhāsūyāśca jajñire
duḥkhottarāḥ sutā hye te sarve cādharmalakṣaṇāḥ
82.302
naiṣāṃ bhāryyāstu putrāśca sarve hyete parigrahāḥ
ityeṣa tāmasaḥ sargo jñeye dharmmaniyāmakaḥ
82.203-2
prajāḥ sṛjeti vyādiṣṭo brahmaṇā nīlalohitaḥ
so'bhidhyāya satīṃ bhāryyāṃ nirmame hyātmasambhavān
82.304
nādhikān na ca honāṃstān mānasānātmanaḥ samān
sahasraṃ hi sahasrāṇāṃ so'sṛjat kṛttivāsasaḥ
82.305
tulyānevātmanaḥ sarvvān rūpatejobalaśrutaiḥ
piṅgalān saniṣaṅgāṃśca sakapardān sahitān
82.306
viśikhān harikeśāṃśca dṛṣṭighnāṃśca kapālinaḥ
mahārūpān virūpāṃśca viśvarūpān svarūpiṇaḥ
82.307
rathinasarvvaṇaścaiva varmiṇaśca varūthinaḥ
sahasraśatabāhū ṃśca divyān bhaumāntarikṣagān
82.308
sthūlaśīrṣānaṣṭadaṃṣṭrān dvijivhāṃstrāṃstrilocanān
annādān piśitāśāṃśca ājyapān somapānapi
82.308-2
moḍhuṣo'tikapālāṃśca śitikaṇṭhordhvaretasaḥ
havyādān cśrutadharmāṃśca dharmiṇo hyatha varhiṇaḥ
82.310
āsīnāndhāvataścaiva pañcabhūtān sahasraśaḥ
adhyāpino'dhyāyinaśca japato yuñjatastathā
82.311
dhūmavanto jvalantaśca nadomanto'tidīptinaḥ
hrasvān buddhimattaścaiva brahmiṣṭhān śubhadarśanān
82.312
nīlagrīvān sahasrākṣān sarvvāścātha kṣamākarān
adṛśyān sarvvabhūtānāṃ mahāyogān mahaujasaḥ
82.313
bhramanto'bhidravantaśca plavantaśca sahasraśaḥ
ayātayāmādasṛjadrudrānaitān surottamān
82.314
brahmā dṛṣṭvābravīdenaṃ māstrācīrīdṛśīḥ prajāḥ
sṛṣṭvā nātmanamukhyāḥ prajā deva ! namo'stu te
82.315
anyāḥ sṛja tvaṃ bhadrante prajā vai mṛtyusaṃyutāḥ
nārapsyante hi karmāṇi prajā vigatamṛtyavaḥ
82.316
evamukto'bravīdenaṃ nāhaṃ mṛtyujarānvitāḥ
prajāḥ srakṣyāmi bhadrante sthito'haṃ tvaṃ sṛja prajāḥ
82.317
ete ye vai mayā sṛṣṭā virūpā nīlalohitāḥ
sahastrāṇāṃ sahasrantu ātmano nivṛtāḥ prajāḥ
82.318
ete devā bhaviṣyanti rudrā nāma mahābalāḥ
pṛthivyāmantarikṣe ca dikṣu caiva pariśritāḥ
82.319
śatarudrāḥ samātmāno bhaviṣyantīti yājñikāḥ
yajñabhājo bhaviṣyanti sarvadevagaṇaiḥ saha
82.320
manvantareṣu ye devā bhaviṣyantīha bhedataḥ
sārdhantairījyamānāste sthāsyantīhāyugakṣayāt
82.321
evamuktastadā brahmā mahādevena dhīmatā
pratyuvāca namaskṛtya hṛṣyamāṇaḥ prajāpatiḥ
82.322
evaṃ bhavatu bhadrante yathā te vyāhṛtaṃ vibho !
brahmaṇā samanujñāte tathā sarvamabhūtkila
82.323
tataḥprabhṛti deveśo na cāsūta vai prajāḥ
ūrdhvaretāḥ sthitaḥ sthāṇuryāvadābhūtasaṃplavam
82.324
yasmāduktaḥ sthito'smīti tasmāt sthāṇuriti smṛtaḥ
eṣa devo mahādevaḥ puruṣo'rkasamadyutiḥ
82.325
ardhanārīnaravapustejasā jvalanopamaḥ
svecchyāsau dvidhābhūtaḥ pṛthak strī puruṣaḥ pṛthak
82.326
sa evaikādaśārdhena sthito'sau parameśvaraḥ
tatra yā sā mahābhāgā śaṅkarasyārdhakāyinī
82.327
prāguktā tu mahādevī strau saiveha satī hyabhūt
hitāya jagatāṃ devī dakṣe ṇārādhitā purā
82.328
kāyārthaṃ dakṣiṇaṃ tasyāḥ śuklaṃ vāmaṃ tathāsitam
ātmānaṃ vibhajasveti proktā devena śambhunā
82.326-2
sā tathoktā dvidhā bhūtā śuklā kṛṣṇā ca vai dvijāḥ
tasyāḥ nāmāni vakṣyāmi śṛṇvantu ca samāhitāḥ
82.330
svāhā svadhā mahāvidyā medhā lakṣmīḥ sarasvatī
satī dākṣāyaṇī vidyā icchā śaktiḥ kriyātmikā
82.331
aparṇā caikaparṇā ca tathā caivaikapāṭalā
umā haimavatī caiva kalyāṇī caikamātṛkā
82.332
khyātiḥ prajñā mahābhāgā loke gauriti viśrutā
gaṇāmbikā mahādevī nandinī jātavedasī
82.333
ekarūpamayaitasyāḥ pṛthak dehavibhāvanāv
sāvitrī varadā puṇyā pāvanī lokaviśrutā
82.334
ājñā āveśanī kṛṣṇā tāmasī sāttvikī śivā
prakṛtirvikṛtā raudrī durgā bhadrā pramāthinī
82.335
kālarātrirmahāmāyā revatī bhūtanāyikā
dvāparāntavibhāge ca nāmānīmāni suvratāḥ
82.336
gautamī kauśikī cāryyā caṇḍī kātyāyanī satī
kumārī yādavī devī varadā kṛṣṇapiṅgalā
82.337
barhidhvajā śūladharā paramā brahmacāriṇī
mahendrependrabhaginī vṛṣadaṃṣṭre vasundharā
82.338
aparājitā bahubhujā pragalbhā siṃhavāhinī
śumbhādidaityahantrī ca mahāmahiṣamardinī
82.338-2
amoghā vindhyanilayā vikrāntā gaṇanāyikā
devyā nāmavikārāṇi ityetāni yathākramam
82.340
bhadrakālyā mayoktāni samyak phalapradāni ca
ye paṭhanti narāsteṣāṃ vidyate na ca pātakam
82.341
araṇye parvvate vāpi pure vāpyathavā gṛhe
rakṣāmetāṃ prayuñjīta jalevāpya sthale'pi vā
82.342
vyāghrakumbhīracaurairbhī bhayasthāne viśeṣataḥ
āpatsvapi ca sarvāsu devyā nāmāni kīrttayet
82.343
āryyagrahagrahabhūtaiśca pūtanāgālagaistathā
abhyardditānāṃ bālānāṃ rakṣāmetāṃ prayojayet
82.344
mahādevī kalo he tu prajñā śrīśca prakīrttite
ābhyāṃ devo sahasrāṇi yairvyāptamakhilaṃ jagat
82.345
anayā devadevo'sau satyā rudro maheśvaraḥ
ātiṣṭhatsarvvalokānāṃ hitāya parameśvaraḥ
First 200 of 204 passages. Read on
Linked texts (12)
- Liṅgapurāṇa — Vyāsa, Sanskrit
- Mārkaṇḍeyapurāṇa — Vyāsa, Sanskrit
- Viṣṇupurāṇa (vulgate) — Sanskrit
- Saurapurāṇa — Sanskrit
- Vulgate — Sanskrit
- Brahmapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Kūrmapurāṇa — Ativīrarāma Pāṇṭiyar, Sanskrit
- Toḍararāja — Nīlakaṇṭha Dīkṣita, Sanskrit
- Ṭoḍarānanda — Ṭoḍaramalla 1564, Sanskrit
- Śabdakalpadruma — Rājā Sir Rādhākānta Deb, Sanskrit
- Tīrthaprakāśa — Mitramiśra, Sanskrit