Lingapurana 2.27
Liṅgapurāṇa 2.27
- Language
- Sanskrit
Contents
- 2.27.284 — 1 part
2.27.1
ṛṣaya ūcuḥ
prabhāvo nandinaścaiva liṅgapujāphalaṃ śrutam /
śrutibhiḥ saṃmitaṃ sarvaṃ romaharṣaṇa suvrata //
2.27.2
jayābhiṣeka īśena kathito manave purā /
hitāya meruśikhare kṣatriyāṇāṃ triśulinā //
2.27.3
tatkathaṃ ṣoḍaśavidhaṃ mahādānaṃ ca śobhanam /
vaktumarhasi cāsmākaṃ sūta buddhimatāṃvara //
2.27.4
sūta uvāca
jīvacchrāddhaṃ purā kṛtvā manuḥ svāyaṃbhuvaḥ prabhuḥ /
merumāsādya deveśamastavīnnīlalohitam //
2.27.5
tapasā ca vinītāya prahṛṣṭaḥ pradadau bhavaḥ /
divyaṃ darśanamīśānas tenāpaśyat tam avyayam //
2.27.6
natvā saṃpūjya vidhinā kṛtāñjalipuṭaḥ sthitaḥ /
pūjitaśca tato devo dṛṣṭaścaiva mayādhunā /
śakraāya kathitaṃ pūrvaṃ dharmakāmārthamokṣadam //
2.27.7
devadeva jagannātha namaste bhuvaneśvara /
jīvacchrāddhaṃ mahādeva prasādena vinirmitam //
2.27.8
pūjitaś ca tato devo dṛṣṭaś caiva mayādhunā /
śakraāya kathitaṃ pūrvaṃ dharmakāmārthamokṣadam //
2.27.9
jayābhiṣekaṃ deveśa vaktumarhasi me prabho /
sūta uvāca
tasmai devo mahādevo bhagavānnīlalohitaḥ //
2.27.10
jayābhiṣekamakhilamavadatparameśvaraḥ /
śrībhagavānuvāca
jayābhaṣekaṃ vakṣyāmi nṛpāṇāṃ hitakāmyayā //
2.27.11
apamṛtyujayārthaṃ ca sarvaśatrujayāya ca /
yuddhakāle tu saṃprāpte kṛtvaivamabhiṣecanam //
2.27.12
svapatiṃ cābhiṣicyaiva gacchedyoddhuṃ raṇājire /
vidhinā maṇḍapaṃ kṛtvā prapāṃvā kūṭameva vā //
2.27.13
navadhā stāpayedvahniṃ brāhmaṇo vedapāragaḥ /
tataḥ sarvābhiṣekārthaṃ sūtrapātaṃ ca kārayet //
2.27.14
prāgādyaṃ varṇasūtrañca dakṣiṇādyaṃ tathā punaḥ /
sahasrāṇāṃ dvayaṃ tatra śatānāṃ ca catuṣṭayam //
2.27.15
śeṣameva subhaṃ koṣṭhaṃ teṣu koṣṭhaṃ tu saṃharet /
bāhye vīthyāṃ padañcaikaṃ samantādupasaṃharet //
2.27.16
aṅgasūtrāṇi saṃgṛhya vidhinā pṛthageva tu /
prāgādyaṃ varṇasūtraṃ ca dakṣiṇādyaṃ tathā punaḥ //
2.27.17
prāgādyandakṣiṇādyaṃ ca ṣaṭtriśatsaṃharetkramāt /
prāgādyāḥ paṅktayaḥ sapta dakṣiṇādyāstathā punaḥ //
2.27.18
tasmādekonapañcāśatpaṅktayaḥ parikīrtitāḥ /
nava paṅktīrharenmadhye gandhagomayavāriṇā //
2.27.19
kamalaṃ cālikhettatra hastāmātreṇa śobhanam /
aṣṭapatraṃ sitaṃ vṛttaṃ karṇikākesarānvitam //
2.27.20
aṣṭāṅgulapramāṇena karṇikā hemasannibhā /
caturaṅgulamānena kesarasthānamucyate //
2.27.21
dharmo jñānaṃ ca vairāgyamaiśvaryaṃ ca yathākramam /
āgneyādiṣu koṇeṣu sthāpayetpraṇavena tu //
2.27.22
avyaktādīni vai dikṣu gātrākāreṇa vai nyaset /
avyaktaṃ niyataḥ kālaḥ kālī ceti catuṣṭayam //
2.27.23
sitaraktahiraṇyābhakṛṣṇā dharmādayaḥ kramāt /
haṃsākāreṇa vai gātraṃ hemābhāsena suvratāḥ //
2.27.24
ādhāraśaktimadhye tu kamalaṃ sṛṣṭikāraṇam /
bindumātraṃ kalāmadhye nādākāramataḥ param //
2.27.25
nādopari śivaṃ dhyāyedāeṅkārakhyaṃ jagadgurum /
manonmanīṃ ca padmābhaṃmahādevaṃ ca bhāvayet //
2.27.26
vāmādayaḥ krameṇaiva prāgādyāḥ kesareṣu vai /
vāmā jyeṣṭhā tathā raudrī kālī vikaraṇī tathā //
2.27.27
balā pramathinī devī damanī ca yathāṅkramam /
vāmadevādibhiḥ sārdhaṃ praṇavenaiva vinyaset //
2.27.28
namo 'stu vāmadevāya namo jyeṣṭhāya śūline //
2.27.29
rudrāya kālarūpāya kalāvikaraṇāya ca /
balāya ca tathā sarvabhūtasya damanāya ca //
2.27.30
manonmanāya devāya manonmanyai namonamaḥ /
mantrairetairyathānyāyaṃ pūjayetparimaṇḍalam //
2.27.31
prathamāvaraṇaṃ proktaṃ dvitīyāvaraṇaṃ śruṇu /
dvitīyāvaraṇe caiva śaktayaḥ ṣoḍaśaiva tu //
2.27.32
tṛtīyāvaraṇe caiva caturviśadanukramāt /
piśāca vīrthirvai madhye nābhivīthiḥ samantataḥ //
2.27.33
mantrairetairyathānyāyaṃ piśācānāṃ prakīrtitā /
aṣṭottarasahasraṃ tu padamaṣṭārasaṃyutam //
2.27.34
teṣuteṣu pṛthaktvena padeṣu kamalaṃ kramāt /
kalpayecchālinīvāragodhūmaiśca yavādibhiḥ //
2.27.35
taṇḍulaiśca tilairvātha gaurasarṣapasaṃyutaiḥ /
athavā kalpayedetairyathākālaṃ vidhānataḥ //
2.27.36
aṣṭapatraṃ likhetteṣu karṇikākesarānvitam /
śālīnāmāḍhakaṃ proktaṃ kamalānāṃ pṛthak pṛthak //
2.27.37
taṇḍulānāṃ tadardhaṃ syāttadardhaṃ ca yavādayaḥ /
droṇaṃ pradhānakuṃbhasya tadardhaṃ taṇḍulāḥ smṛtāḥ //
2.27.38
tilānāmāḍhakaṃ madhye yavānāṃ ca tadardhakam /
athāṃbhasā samabhyukṣya kamalaṃ praṇavena tu //
2.27.39
teṣu sarveṣu vidhinā praṇavaṃ vinyasetkramāt /
evaṃ samāpya cābhyukṣya padasāhasramuttamam //
2.27.40
kalaśānāṃ sahasrāṇi haimāni ca śubhāni ca /
uktalakṣaṇayuktānu kārayedrājatāni vā //
2.27.41
tāmrajāni yatānyāyaṃ praṇavenārghyavāriṇā /
dvādaśāṅgulavistāramudare samudāhṛtam //
2.27.42
vartitaṃ tu tadardhena nābhistasya vidhīyate /
kaṇṭhaṃ tu dvyaṅgulotsedhaṃ vistaraṃ caturaṅgulam //
2.27.43
oṣṭhaṃ ca dvyaṅgulotsedhaṃ nirgamaṃ dvyagulaṃsmṛtam /
tattadvai dviguṇaṃ divyaṃ śivakuṃbhe prakīrtitam //
2.27.44
yavāmātrāntaraṃ samyaktantunā veṣṭayeddhi vai /
avaguṇṭhya tathābhyukṣya kuśopariyatāvidhi //
2.27.45
pūrvavatpraṇavenaiva pūrayedgandhavāriṇā /
sthāpayecchivakuṃbhāḍhyaṃ vardhanīṃ ca vidānataḥ //
2.27.46
madhyapadmāsya madhye tu sakūrcaṃ sākṣataṃ kramāt /
āveṣṭya vastrayugmena pracchādya kamalena tu //
2.27.47
haimena citraratnena sahasrakalaśaṃ pṛthak /
śivakuṃbhe śivaṃ sthāpya gāyatryā praṇaveja ca //
2.27.48
vidmahaṃ puruṣāyaiva mahādevāya dhīmahi /
tanno rudraḥ pracodayāt //
2.27.49
mantreṇānena rudrasya sānnidhyaṃ sarvadā smṛtam /
vardhanyāṃ devigāyatryā devīṃ saṃsthāpya pūjayet //
2.27.50
gaṇāṃbikāyai vidmahe mahātapāyai dhīmahi /
tanno gaurī pracodayāt //
2.27.51
prathamāvaraṇe caiva vāmādyāḥ parikīrtitāḥ /
prathamāvaraṇaṃ proktaṃ dvitīyāvaraṇaṃ śruṇu //
2.27.52
śaktayaḥ ṣoḍaśaivātra pūrvādyānteṣu suvrata /
eendravyūhasya madhye tu subhadrāṃ sthāpya pūjayet //
2.27.53
bhadrāmāgneyacakre tu yāmye tu kanakāṇḍajām /
aṃbikāṃ nairṛte vyūhe madhyakuṃbhe tu pūjayet //
2.27.54
śrīdevīṃ vāruṇe bhāge vāgīśāṃ vāyugocare /
gomukhīṃ saumyabhāge tu madhyakuṃbhe tu pūjayet //
2.27.55
rudravyūhasya madhye tu bhadrakarṇāṃ samarcayet /
eendrāgnividisormadhye pūjayedaṇimāṃ śubhām //
2.27.56
yāmyapāvakayormadhye laghimāṃ kamale nyaset /
rākṣasāṃtakayormadhye mahimāṃ madhyato yajet //
2.27.57
varuṇāsurayormadhye prāptiṃ vai madhyato yajet /
varuṇānilayormadhye prākāmyaṃ kamale nyaset //
2.27.58
vitteśānilayormadhye īśitvaṃ sthāpya pūjayet /
vitteśeśānayormadhye vaśitvaṃ sthāpya pūjayet //
2.27.59
eendreśeśānayormadhye yajetkāmāvasāyakam /
dvitīyāvaraṇaṃ proktaṃ tṛtīyāvaraṇaṃ śuṇu //
2.27.60
śaktayastu caturviśatpradānakalaśeṣu ca /
pūjayedvyūhamadhye tu pūrvavadvidhipūrvakam //
2.27.61
dīkṣāṃ dīkṣāyikāṃ caiva caṇḍāṃ caṇḍāṃśunāyikām /
sumatiṃ sumatyāyīṃ ca gopāṃ gopāyikāṃ tathā //
2.27.62
atha nandaṃ ca nandāyīṃ pitāmahamataḥ param /
pitāmahāyīṃ pūrvādyaṃ vidhinā sthāpya pūjayet //
2.27.63
erva saṃpūjya vidhinātṛtīyāvaraṇaṃ śubham /
saubhadraṃ vyūhamāsādya prathamāvaraṇe kramāt //
2.27.64
prāgādyaṃ vidhinā sthāpya śaktyaṣṭakamanukramāt /
dvitīyāvaraṇe caiva prāgādyaṃ śṛṇu śaktayaḥ //
2.27.65
ṣoḍaśaiva tu abhyarcya padmamudrāṃ tu darśayet /
bindukā bindugarbhā ca nādinī nādagarbhajā //
2.27.66
śaktikā śaktigarbhā ca parā caiva parāparā /
pratamāvaraṇe 'ṣṭau ca śaktayaḥ parikīrtitāḥ //
2.27.67
caṇḍā caṇḍamukhī caiva caṇḍavegā manojavā /
caṇḍākṣīcaṇḍanirghoṣā bhṛkuṭī caṇḍanāyikā //
2.27.68
manotsedhā manodhyakṣā mānasī mānanāyikā /
manoharī manohlādī manaḥprītirmaheśvarī //
2.27.69
dvitīyāvaraṇe caiva ṣoḍaśaiva prakīrtitāḥ /
saubhadraḥ kathito vyūho bhadraṃ vyūhaṃ śṛṇuṣva me //
2.27.70
eendrī hautāśanī yāmyā nairṛtī vāruṇī tathā /
vāyavyā caiva kauberī aiśānī cāṣṭaśaktayaḥ //
2.27.71
prathamāvaraṇaṃ proktaṃ dvitīyāvaraṇaṃ śṛṇu /
hariṇā ca suvarṇā ca kāñcanī hāṭakī tathā //
2.27.72
rukmiṇī satyabhāmā ca subhagā jaṃbunāyikā /
vāgbhavā vākpathā vāṇī bhīmā citrarathā sudhīḥ //
2.27.73
vedamātā hiraṇyākṣī dvitīyāvaraṇe smṛtā /
bhadrākhyaḥ kathito vyūhaḥ kanakākhyaṃ śṛṇuṣva me //
2.27.74
vajraṃ śaktiṃ ca daṇḍaṃ ca khaḍgaṃ pāśaṃ dhvajaṃ tathā /
gadāṃ triśulaṃ kramaśaḥ prathamāvaraṇe smṛtāḥ //
2.27.75
yuddhā prabuddhā caṇḍā ca muṇḍā caiva kapālinī /
mṛtyuhantrī virūpākṣī kapardā kamalāsanā //
2.27.76
daṃṣṭriṇī raṅgiṇī caiva laṃbākṣī kaṅkabhūṣaṇī /
saṃbhāvā bhāvinī caiva ṣoḍaśaiva prakīrtitāḥ //
2.27.77
kathitaḥ prathakavyūho hyambikākhyaṃ śṛṇuṣva me /
khecarī cātmanā sā ca bhavānī vahnirūpiṇī //
2.27.78
vahninī vahninābhā ca mahimāmṛtalālasā /
prathamāvaraṇe cāṣṭau śaktayaḥ sarvasaṃmatāḥ //
2.27.79
kṣamā ca śikharā devī ṛturatnā silā tathā /
chāyā bhūtapanī dhanyā indramātā ca vaiṣṇavī //
2.27.80
tṛṣṇā rāgavatī mohā kāmakopā mahotkaṭā /
indrā ca badhirā devī ṣoḍaśaitāḥ prakīrtitāḥ //
2.27.81
kathitaścāṃbikāvyūhaḥ śrīvyūhaṃ śṛṇu suvrata /
svarśā svarśavatī gandhā prāṇāpānā samānikā //
2.27.82
udānā vyānanāmā ca prathamāvaraṇe smṛtāḥ /
tamohatā prabhāmoghā tejinī dahinī tathā //
2.27.83
bhīmāsyā jālinī coṣā śoṣiṇī rudranāyikā /
varibhadrā gaṇādhyakṣā candrahāsā ca gahvarā //
2.27.84
gaṇamātāṃbikā caiva śaktayaḥ sarvasaṃmatāḥ /
dvitīyāvaraṇe proktāḥ ṣoḍaśaiva yathākramāt //
2.27.85
śrīvyūhaḥ kathito bhadraṃvāgīśaṃ śṛṇu suvrata /
dhārā vāridharā caiva vahnikī nāśakī tathā //
2.27.86
martyātītā mahāmāyā vajriṇī kāmadenukā /
prathamāvaraṇe 'pyevaṃ śaktayo 'ṣṭau prakīrtitāḥ //
2.27.87
payoṣṇī vāruṇī śāntā jayantī ca varapradā /
plāvinī jalamātā ca payomātā mahāṃbikā //
2.27.88
raktā karālī caṇḍākṣī mahocchuṣmā payasvinī /
māyā vidyeśvarī kālī kālikā ca yathākramam //
2.27.89
ṣoḍaśaiva samākhyātāḥ śaktayaḥ sarvasaṃmatāḥ /
vyūho vāgīśvaraḥ prokto gomukho vyūha ucyate //
2.27.90
śaṅkīnī hālinī caiva laṅkāvarṇā ca kalkinī /
yakṣiṇī mālinī caiva vamanī ca rasātmanī //
2.27.91
prathamāvaraṇe caiva śaktayo 'ṣṭau prakīrtitāḥ /
caṇḍā ghaṇṭā mahānādā sumukhī durmukhī balā //
2.27.92
revatī prathamā ghorā sainyā līnā mahābalā /
jayā ca vijayā caiva aparā cāparājitā //
2.27.93
dvitīyāvaraṇe caiva śaktayaḥ ṣoḍaśaiva tu /
kathito gomukhīvyūho bhadrakarṇī śṛṇuṣva me //
2.27.94
mahājayā virupākṣī śuklābhākāśamātṛkā /
saṃhāri jātahārī ca daṃṣṭrālī suṣkarevatī //
2.27.95
prathamāvaraṇe cāṣṭau śaktayaḥ parikīrtitāḥ /
pipīlikā puṇyahārī aśanī sarvahāriṇī //
2.27.96
bhadrahā viśvahārī ca himāyogeśvarī tathā /
chidrā bhānumatī chidrā saiṃhikī surabhī samā //
2.27.97
sarvabhavyā ca vegākhyā śaktayaḥ ṣoḍaśaiva tu /
mahāvyūhāṣṭakaṃ proktamupavyuhāṣṭakaṃ śṛṇu //
2.27.98
aṇimāvyūhamāveṣṭya prathamāvaraṇe kramāt /
eendrā tu citrabhānuśca vāruṇī daṇḍireva ca //
2.27.99
prāṇarūpī tathā haṃsaḥ svātmaśaktiḥ pitāmahaḥ /
prathamāvaraṇaṃ proktaṃ dvitīyāvaraṇaṃ śṛṇu //
2.27.100
keśavo bhagavān rudraścandramā bhāskarastathā /
mahātmā ca tathā hyātmā hyantarātmā maheśvaraḥ //
2.27.101
paramātmāṃ hyaṇurjīvaḥ piṅgalaḥ puruṣaḥ paśuḥ /
bhoktā bhūtapatirbhīmo dvitīyāvaraṇe smṛtāḥ //
2.27.102
kathitaścāṇimāvyūho laghimākhyaṃ vadāmi te /
śrīkaṇṭhāentaśca sūkṣmaśca trimūrtiḥ śaśakastathā //
2.27.103
amareśaḥ sthitīśaśca dārataśca tathāṣṭamaḥ /
prathamāvaraṇaṃ proktaṃ dvitīyāvaraṇaṃ śṛṇu //
2.27.104
sthāṇurharaśca daṇḍeśo bhauktīśaḥ surapuṅgavaḥ /
sadyojāto 'nugraheśaḥ krūrasenaḥ sureśvaraḥ //
2.27.105
krodhīśaśca tathā caṇḍaḥ pracaṇḍaḥ śiva eva ca /
ekarudrastathā kūrmaścaikanetraścaturmukhaḥ //
2.27.106
dvitīyāvaraṇe rudrāḥ ṣoḍaśaiva prakīrtitāḥ /
kathito laghimāvyūho mahimāṃ śṛṇusuvrata //
2.27.107
ajeśaḥ kṣemarudraśca somoṃ'śau lāṅgalī tathā /
daṇḍāruścārdhanārī ca ekāntaścānta eva ca //
2.27.108
pālī bhujaṅganāmā ca pinākī khaḍkireva ca /
kāma īśastathā śveto bhṛguḥ ṣoḍaśa vai smṛtāḥ //
2.27.109
kathito mahimāvyūhaḥ prāptivyūhaṃ śṛṇuṣva mai /
saṃvarto lakulīśaśca vāḍavo hastireva ca //
2.27.110
caṇḍayakṣo gaṇapatirmahātmā bhṛgujo 'ṣṭamaḥ /
prathamāvaraṇaṃ proktaṃ dvitīyāvaraṇaṃ śṛṇu //
2.27.111
trivikramo mahājihvo ṛkṣaḥ śrībhadra eva ca /
mahādevo dadhīcaśca kumāraśca parāvaraḥ //
2.27.112
mahādaṃṣṭraḥ karālaśca sūcakaśca suvardhanaḥ /
mahādhvāṅkṣo mahānando daṇḍī gopālakastathā //
2.27.113
prāptivyūhaḥ samākhyātaḥ prākāmyaṃ śṛṇu suvrata /
puṣpadanto mahānāgo vipulānandakārakaḥ //
2.27.114
śuklo viśālaḥ kamalo bilvaścāruma eva ca /
prathamāvaraṇaṃ proktaṃ dvitīyāvaraṇaṃ śruṇu //
2.27.115
ratipriyaḥ sureśānaścitrāṅgaśca sudurjayaḥ /
vināyakaḥ kṣetrapālo mahāmohaśca jaṅgalaḥ //
2.27.116
vatsaputro mahāputro grāmadeśādhipastathā /
sarvāvasthādhipo devo meghanādaḥ pracaṇḍakaḥ //
2.27.117
kāladūtaśca kathito dvitīyāvaraṇaṃ smṛtam /
prākāmyaḥ kathito vyūha aiśvaryaṃ kathayāmi te //
2.27.118
maṅgalā carcikā caiva yogeśā haradāyikā /
bhāsurā suramātā ca suṃdarī mātṛkāṣṭamī //
2.27.119
prathamāvaraṇe proktā dvitīyāvaraṇe śṛṇu /
gaṇādhipaśca mantrajño varadevaḥ ṣaḍānanaḥ //
2.27.120
vidagdhaśca vicitraśca amoghomogha eva ca /
aśvīrudraśca someśaścottamoduṃbarastathā //
2.27.121
nārasiṃhaśca vijayastathā indraguhaḥ prabhuḥ /
apāṃpatiśca vidhinā dvitīyāvaraṇaṃ smṛtam //
2.27.122
aiśvaryaḥ kathito vyūho vaśitvaṃ punarucyate /
gagano bhavanaścaiva vijayo hyajayastathā //
2.27.123
mahājayastathāṃ gāro vyaṅgāraśca mahāyaśāḥ /
prathamāvaraṇe proktā dvitīyāvaraṇe śṛṇu //
2.27.124
suṃdaraśca pracaṇḍeśo mahāvarṇo mahāsuraḥ /
mahāromā mahāgarbhaḥ prathamaḥ kanakastathā //
2.27.125
kharajo garuḍaścaiva meghanādo 'tha garjakaḥ /
gajaśca cchedako bāhustriśikho mārireva ca //
2.27.126
vaśitvaṃ kathito vyūhaḥ śṛṇu kāmāvasāyikam /
vinādo vikaṭaścaiva vasaṃto 'bhaya eva ca //
2.27.127
vidyunmahābalaścaiva kamalo damanastathā /
prathamāvaraṇaṃ proktaṃ dvitīyāvaraṇaṃ śṛṇu //
2.27.128
dharmaścātibalaḥ sarpo mahākāyo mahāhanuḥ /
sabalaścaiva bhasmāṅgī durjayo duratikramaḥ //
2.27.129
vetālo rauravaścaiva durdharo bhoga eva ca /
vajraḥ kālāgnirudraśca sadyonādo mahāguhaḥ //
2.27.130
dvitīyāvaraṇaṃ proktaṃ vyūhaścaivāvasāyikaḥ /
kathitaḥ ṣoḍaśo vyūho dvitīyāvaraṇaṃ śṛṇu //
2.27.131
dvitīyāvaraṇe caiva dakṣavyūhe ca śaktayaḥ /
prathamāvaraṇe cāṣṭau bāhye ṣoḍaśa eva ca //
2.27.132
manoharā mahānādā citrā citrarathā tathā /
rohiṇī caiva citrāṅgī citrarekhā vicitrikā //
2.27.133
prathamāvaraṇe proktā dvitīyāvaraṇaṃ śṛṇu /
citrā vicitrarūpā ca śubhadā kāmadā subhā //
2.27.134
krūrā ca piṅgalā devī khaḍgikā laṃbikāsatī /
daṃṣṭrālī rākṣasīdhvaṃsī lolupā lohitāmukhī //
2.27.135
dvitīyāvaraṇe proktoḥ ṣoḍaśaiva samāsataḥ /
dakṣavyūhaḥ samākhyāto dākṣavyūhaṃ śṛṇuṣva me //
2.27.136
sarvāsatī viśvarūpā laṃpaṭā cāmiṣapriyā /
dīrghadaṃṣṭrā ca vajrā ca laṃboṣṭhī prāṇahāriṇī //
2.27.137
prathamāvaraṇaṃ proktaṃ dvitīyāvaraṇaṃ śṛṇu /
gajakarṇāśvakarṇā ca mahākālī subhīṣaṇa //
2.27.138
vātavegaravā ghorā ghānāghanaravā tathā /
varaghoṣā mahāvarṇā sughaṇṭā ghaṇṭikā tathā //
2.27.139
ghaṇṭaśvarī mahāghorā ghorā caivātighorikā /
dvitīyāvaraṇe caiva ṣoḍaśaiva prakīrtitāḥ //
2.27.140
dākṣavyūhaḥ samākhyātaścāṇḍavyūhaṃ śṛṇuṣvame /
atighaṇṭā cātighorā karālā karabhā tathā //
2.27.141
vibhūtirbhogadā kāntiḥ śaṅkhinī cāṣṭamī smṛtā /
prathamāvaraṇe proktā dvitīyāvaraṇe śṛṇu //
2.27.142
patriṇī caiva gāndhārī yogamātā supīvarā /
raktā mālāṃśukā vīrā saṃhārī māṃsahāriṇī //
2.27.143
phalahārī jīvahārī svecchāhārī ca tuṇḍikā /
revatī raṅgiṇī saṃgā dvitīye ṣoḍaśaiva tu //
2.27.144
caṇḍavyūhaḥ samākhyātaścaṇḍāvyūhastathocyate /
caṇḍī caṇḍamukhī caṇḍā caṇḍavegā mahāravā //
2.27.145
bhrukuṭī caṇḍabhūścaiva caṇḍarūpāṣṭamī smṛtā /
prathamāvaraṇaṃ proktaṃ dvitīyāvaraṇaṃ śṛṇu //
2.27.146
candraghrāṇā balā caiva balajihvā baleśvarī /
balavegā mahākāyā mahākopā ca vidyutā //
2.27.147
kaṅkālī kalaśī caiva vidyutā caṇḍaghoṣikā /
mahāghoṣā mahārāvā caṇḍabhānaṅgacaṇḍikā //
2.27.148
caṇḍāyāḥ kathito vyūho haravyūhaṃ śṛṇuṣva me /
caṇḍākṣī kāmadā devī sūkarī kukkuṭānanā //
2.27.149
gāndhārī dandubhī durgā saumitrā cāṣṭamī smṛtā /
prathamāvaraṇaṃ proktaṃ dvitīyāvaraṇaṃ śṛṇu //
2.27.150
mṛtodbhavā mahālakṣmīrvarṇadā jīvarakṣiṇī /
hariṇī kṣīṇajīvā ca daṇḍavaktrā caturbhujā //
2.27.151
vyomacārī vyomarūpā vyomavyāpī śubhodayā /
gṛhacārī sucārī ca viṣāhārī viṣartihā //
2.27.152
haravyūhaḥ samākhyāto harāyā vyūha ucyate /
jaṃbhācyutā ca kaṅkārī devikā durdharāvahā //
2.27.153
caṇḍikā capalā ceti prathamāvaraṇe smṛtāḥ /
cañjikā cāmarī caiva bhaṇḍikā ca śubhānanā //
2.27.154
piṇḍikā muṇḍikā muṇḍā śākinī śāṅkarī tathā /
kartarī bhartarī caiva bhāginī yajñadāyinī //
2.27.155
yamadaṃṣṭrā mahādaṃṣṭrā karālā ceti śaktayaḥ /
harāyāḥ kathito vyūhaḥ śaiṇḍavyūhaṃ śṛṇuṣva me //
2.27.156
vikarālī karālī ca kālajaṅghā yaśasvinī /
vegā vegavatī yajñā vedāṅgā cāṣṭamī smṛtā //
2.27.157
prathamāvaraṇaṃ proktaṃ dvitīyāvaraṇaṃ śṛṇu /
vajrā śaṅkhātiśaṅkhā vā balā caivābalā tathā //
2.27.158
añjanī mohinī māyā vikaṭāṅgī nalī tathā /
gaṇḍakī daḍakī ghoṇā śoṇā satyavatī tathā //
2.27.159
kallolā ceti ṛmaśaḥ ṣoḍaśaiva yathāvidhi /
śaiṇḍavyūhaḥ samākhyātaḥ śaiṇḍāyā vyūha ucyate //
2.27.160
danturā raudrabhāgā ca amṛtā sakulā śubhā /
calajihvāryanetrā ca rūpiṇī dārikā tathā //
2.27.161
prathamā varaṇaṃ proktaṃ dvitīyāvaraṇaṃ śṛṇu /
khādikā rūpanāmā ca saṃhārī ca kṣamāntakā //
2.27.162
kaṇḍinī peṣiṇī caiva mahātrāsā kṛtāntikā /
daṇḍinī kiṅkarī biṃbā varṇinī cāmalāṅginī //
2.27.163
draviṇī drāviṇī caiva śaktayaḥ ṣoḍaśaiva tu /
kathito hi manoramyaḥ śauṇḍāyā vyūha uttamaḥ //
2.27.164
prathamākhyaṃ pravakṣyāmi vyūhaṃ paramaśobhanam /
plavinī plāvanī śobhā mandā caiva madotkaṭā //
2.27.165
mandākṣepā mahādevī prathamāvaraṇe smṛtāḥ /
kāmasaṃdīpinī devī atirūpā manoharā //
2.27.166
mahāvaśā mahāgrāhā vihvalā madavihvalā /
aruṇā śoṣaṇā divyā revatī bhāṇḍanāyikā //
2.27.167
staṃbhinī ghoraraktākṣī smararūpā sughoṣaṇā /
vyūhaḥ prathama ākhyātaḥ svāyaṃbhuva yathā tathā //
2.27.168
kathitaṃ prathamavyūhaṃ pravakṣyāmi śṛṇuṣva me /
ghorā ghoratarāghorā atighorāghanāyikā //
2.27.169
dhāvanī kroṣṭukā muṇḍā cāṣṭamī parikīrtitā /
prathamāvaraṇaṃ proktaṃ dvitīyāvaraṇaṃ śṛṇu //
2.27.170
bhīmā bhīmatarā bhīmā śastā caiva suvartulā /
staṃbhinī rodanī raudrā rudravatyacalā calā //
2.27.171
mahābalā mahāśāntiḥ śālā śāntā śivāśivā /
bṛhatkakṣā mahānāsā ṣoḍaśaiva prakīrtitāḥ //
2.27.172
prathamāyāḥ samākhyāto manmathavyūha ucyate /
tālakarṇī ca bālā ca kalyāṇī kapilā śivā //
2.27.173
iṣṭistuṣṭiḥ pratijñā ca prathamāvaraṇe smṛtāḥ /
khyātiḥ puṣṭikarī tuṣṭirjalā caiva śrutirdhṛtiḥ //
2.27.174
kāmadā śubhadā saumyā tejinī kāmatantrikā /
dharmā dharmavaśā śīlā pāpahā dharmavardhinī //
2.27.175
manmathaḥ kathito vyūho manmathāyāḥ śṛṇuṣva me /
dharmarakṣā vidhānā ca dharmā dharmavatī tathā //
2.27.176
sumatirdurmatirmedhā vimalā cāṣṭamī smṛtā /
prathamāvaraṇaṃ proktaṃ dvitīyāvaraṇaṃ śṛṇu //
2.27.177
śuddhirbuddhirdyutiḥ kāntirvartulā mohavardhinī /
balā cātibalā bhīmā prāṇavṛddhikarī tathā //
2.27.178
nirlajjā nirghṛṇā mandā sarvapāpakṣayaṅkarī /
kapilā cātividhurā ṣoḍaśaitāḥ prakīrtitāḥ //
2.27.179
manmatāyika uktaste bhīmavyūhaṃ vadāmi ca /
raktā caiva viraktā ca udvegā śokavardhinī //
2.27.180
kāmā tṛṣṇā kṣudhā mohā cāṣṭamī parikīrtitā /
prathamāvaraṇaṃ proktaṃ dvitīyāvaraṇaṃ śruṇu //
2.27.181
jayā nidrā bhayālasyā jalatṛṣṇodarī darā /
kṛṣṇā kṛṣṇāṅginī vṛddhā śuddhocchiṣṭāśanī vṛṣā //
2.27.182
kāmanā śobhinī dagdhā duḥkhadā sukhadāvalī /
bhīmavyūhaḥ samākhyāto bhīmāyīvyūha ucyate //
2.27.183
ānandā ca sunandā ca mahānandā subhaṅkarī /
vatirāgā mahotsāhā jitarāgā manoratā //
2.27.184
prathamāvaraṇaṃ proktaṃ dvitīyāvaraṇaṃ śuṇu /
manonmanī manaḥkṣobhā madonmattā gadākulā //
2.27.185
mandagārbhā mahābhāsā kāmānandā suvuhvalā /
mahāvegā suvegā ca mahābhogā kṣayāvahā //
2.27.186
kramiṇī kramiṇī vakraā dvitīyāvaraṇe smṛtāḥ /
kathitaṃ tava bhīmāyīvyūhaṃ paramaśobhanam //
2.27.187
śākunaṃ kathayāmyādya svāyaṃbhuva manotsukam /
yogā vegā suvegā ca ativegā suvāsinī //
2.27.188
devī manorayā vegā jalāvartā ca dhīmatī /
prathamāvaraṃṇaṃ proktaṃ dvitīyāvaraṇaṃ śṛṇu //
2.27.189
rodhinī kṣobhiṇī bālā viprāśeṣāsuśoṣiṇī /
vidyutā bhāsinī devī manovegā ca cāpalā //
2.27.190
vidyujjihvā mahājihvā bhṛkuṭīkuṭilānanā /
phullajvālā mahājvālā sujvālā ca kṣayāntikā //
2.27.191
śākunaḥ kathito vyūhaḥ śākunāyāḥ śṛṇuṣvame /
jvālinī caiva bhasmāṅgī tathā bhasmāntagā tatā //
2.27.192
bhāvinī ca prajā vidyā khyātiścaivāṣṭamī smṛtā /
prathamāvaraṇaṃ proktaṃ dvitīyāvaraṇaṃ śṛṇu //
2.27.193
ullekhā ca patākā ca bhogābhogavatī khagā /
bhogabhogavratā yogā bhogākhyā yogapāragā //
2.27.194
ṛddhirbuddhirdhṛtiḥ kāntiḥ smṛtiḥ sākṣācchrutirdharā /
śākunāyā mahāvyūhaḥ kathitaḥ kāmadāyakaḥ //
2.27.195
svāyaṃbhuva śṛṇu vyūhaṃ sumatyākhyaṃ suśobhanam /
pareṣṭā ca parā dṛṣṭā hyamṛtā phalanāśinī //
2.27.196
hiraṇyākṣī suvarṇākṣī devī sākṣātkapiñjalā /
kāmarekhā ca kathitaṃ prathamāvaraṇaṃ śṛṇu //
2.27.197
ratnadvīpā ca sudvīpā ratnadā ratnamālinī /
ratnaśobhā suśobhā ca mahāśobhā mahādyutiḥ //
2.27.198
śāṃbarī bandhurā granthiḥ pādakarṇā karānanā /
hayagrīvā ca jihvā ca sarvabhāsoti śaktayaḥ //
2.27.199
kathitaḥ mumativyūhaḥ samutyā vyūha ucyate /
sarvāśī ca mahābhakṣā mahādaṃṣṭrātirauravā //
2.27.200
visphuliṅgā viliṅgāca kṛtāntā bhāskarānanā /
prathamāvaraṇaṃ proktaṃ dvitīyāvaraṇaṃ śṛṇu //
First 200 of 286 passages. Read on
Commentaries (1)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
Linked texts (6)
- Kubjikāmatatantra — Sanskrit
- Kāmikāgama — Sanskrit
- Īśānaśivagurudevapaddhati — Īśānaśivagurudeva, Sanskrit
- Garuḍapurāṇa — Vyāsa, Sanskrit
- Dānakhaṇḍa — Hemādri, Sanskrit
- Dānamayūkha — Nīlakaṇṭha Dīkṣita 1600, Sanskrit