Naradapurana 1.104
Nāradapurāṇa 1.104
- Language
- Sanskrit
Contents
1.104.1
brahmovāca
śṛṇu vatsa pravakṣyāmi purāṇaṃ skandasaṃjñakam /
yasminpratipadaṃ sākṣānmahādevo vyavasthitaḥ //
1.104.2
purāṇe śatakoṭo tu yacchaivaṃ varṇitaṃ mayā /
lakṣaṃ tasyārthaṃ jātasya sāro vyāsena kīrtitaḥ //
1.104.3
skandāhvayastatra khaṇḍāḥ saptaiva parikalpitāḥ /
ekāśītisahasraṃ tu skāndaṃ sarvoghakṛtaṃnam //
1.104.4
yaḥ śṛṇoti paṭhedvāpi sa tu sākṣācchivaḥ sthitaḥ /
yatra māheśvarā dharmāḥ ṣaṇmukhena prakāśitāḥ //
1.104.5
kalpe tatpuruṣe vṛttāḥ sarvasiddhividhāyakāḥ /
tasya māheśvaraścātha khaṇḍaḥ pāpapraṇāśanaḥ //
1.104.6
kiñcinnyūnārkasāhasro bahupuṇyo bṛhatkathaḥ /
sucaritraśatairyuktaḥ skandamāhātmyasūcakaḥ //
1.104.7
yatra kedāramāhātmye purāṇopakramaḥ purā /
dakṣayajñakathā paścācchivaliṅgārcane phalam //
1.104.8
samudramathanākhyānaṃ devendracaritaṃ tataḥ /
pārvatyāḥ samupākhyānaṃ vivāhastadanantaram //
1.104.9
kumārotpattikathanaṃ tatastārakasaṃgaraḥ /
tataḥ pāśupatākhyānaṃ caṇḍākhyānasamanvitam //
1.104.10
dyūtapravartanākhyānaṃ nāradena samāgamaḥ /
tataḥ kumāramāhātmye pañcatīrthakathānakam //
1.104.11
dharmavarmanṛpākhyānaṃ nadīsāgarakīrtanam /
indradyumnakathā paścānnāḍījaṅghakathānvitam //
1.104.12
prādurbhāvastato mahyāḥ kathā damanakasya ca /
mahīsāgarasaṃyogaḥ kumāreśakathā tataḥ //
1.104.13
tatastārakayuddhaṃ ca nānākhyānasamanvitam /
vadhaśca tārakasyātha pañcaliṅganiveśanam //
1.104.14
dvīpākhyānaṃ tataḥ puṇyamūrddhalokavyavasthitiḥ /
brahmāṇḍasthitimānaṃ ca varkareśakathānakam //
1.104.15
mahākālasamudbhūtiḥ kathā cāsya mahādbhutā /
vāsudevasya māhātmyaṃ koṭitīrthaṃ tataḥ param //
1.104.16
nānātīrthasamākhyānaṃ guptakṣetre prakīrtitam /
pāṇḍavānāṃ kathā puṇyā mahāvidyāprasādhanam //
1.104.17
tīrthayātrāsamāptiśca kaumāramidamadbhutam /
aruṇācalamāhātmyaṃ sanakabrahmasaṃkathā //
1.104.18
gaurītapaḥ samākhyānaṃ tattattīrthanirūpaṇam /
māhiṣāsuramākhyānaṃ vadhaścāsya mahādbhutaḥ //
1.104.19
droṇācale śivāsthānaṃ nityadāparikīrtitam /
ityeṣa kathitaḥ skānde khaṇḍo māheśvaro 'dbhutaḥ //
1.104.20
dvitīyo vaiṣṇavaḥ khaṇḍastasyākhyānāni me śuṇu /
prathamaṃ bhūmivārāhasamākhyānaṃ prakīrtitam //
1.104.21
yatra veṅkaṭakudhrasya māhātmyaṃ pāpanāśanam /
kamalāyāḥ kathā puṇyā śrīnivāsasthitistataḥ //
1.104.22
kulā lākhyānakaṃ cātra suvarṇamukharī kathā /
nānākhyānasamāyuktā bhāradvājakathādbhutā //
1.104.23
mataṅgāñjanasaṃvādaḥ kīrtitaḥ pāpanāśanaḥ /
puruṣottamamāhātmyaṃ kīrtitaṃ cotkale tataḥ //
1.104.24
mārkaṇḍeyasamākhyānamaṃbarīṣasya bhūpateḥ /
indradyumnasya cākhyānaṃ vidyāpatikathā śubhā //
1.104.25
jaimineḥ samupākhyānaṃ nāradasyāpi vāḍava /
nīlakaṇṭhasamākhyānaṃ narasiṃhopavarṇanam //
1.104.26
aśvamedhakathā rājño brahmalokagatistathā /
rathayāvrāvidhiḥ paścājjanmasthānavidhistathā //
1.104.27
dakṣiṇāmūrtyupākhyānaṃ guṇḍivākhyānakaṃ tataḥ /
ratharakṣāvidhānaṃ ca śayanotsavakīrtanam //
1.104.28
śvetopākhyānamatroktaṃ pṛthutsavanirūpaṇam /
dolotsavo bhagavato vrataṃ sāṃvatsarābhidham //
1.104.29
pūjā cākāmikā viṣṇoruddālakaniyogataḥ /
yogasādhanamatroktaṃ nānāyoganirūpaṇam //
1.104.30
daśāvatārakathanaṃ srānādiparikīrtanam /
tato badarikāyāśca māhātmyaṃ pāpanāśanam //
1.104.31
agnyāditīrthamāhātmyaṃ vainateyaśilābhavam /
kāraṇaṃ bhagavadvāse tīrthaṃ kāpālamocanam //
1.104.32
pañcadhārābhidhaṃ tīrthaṃ merusaṃsthāpanaṃ tathā /
tataḥ kārtikamāhātmye māhātmyaṃ madanālasam //
1.104.33
dhūmrakeśasamākhyānaṃ dinakṛtyāni kartike /
pañcabhīṣmavratākhyānaṃ kīrtitaṃ bhuktimuktidam //
1.104.34
tato mārgasya māhātmye vidhānaṃ snānajaṃ tathā /
puṇḍrādikīrtanaṃ cātra mālādhāraṇapuṇyakam //
1.104.35
pañcāmṛtasnānapuṇyaṃ ghaṇṭānādādijaṃ phalam /
nānāpuṣpārcanaphalaṃ tulasīdalajaṃ phalam //
1.104.36
naivedyasya ca māhātmyaṃ harivāsarakīrtanam /
akhaṇḍaikādaśīpuṇyaṃ tathā jāgaraṇasya ca //
1.104.37
yasyotsavavidhānaṃ ca nāmamāhātmyakīrtanam /
dhyānādipuṇyakathanaṃ māhātmyaṃ mathurābhavam //
1.104.38
mathurātīrthamāhātmyaṃ pṛthaguktaṃ tataḥ param /
vanānāṃ dvādaśānāṃ ca māhātmyaṃ kīrtitaṃ tataḥ //
1.104.39
śrīmadbhāgavatasyātra māhātmyaṃ kīrtitaṃ param /
vajraśāṇḍilyasaṃvāda antarlīlāprakāśakam //
1.104.40
tato māghasya māhātmyaṃ snānadānajapodbhavam /
nānākhyānasamāyuktaṃ daśādhyāyairnirūpitam //
1.104.41
tato vaiṣṇavamāhātmye śayyādānādijaṃ phalam /
jaladā nādividhayaḥ kāmākhyānamataḥ param //
1.104.42
śrutadevasya caritaṃ vyādhopākhyānamadbhutam /
tathākṣayatṛtīyāderviśeṣātpuṇyakīrtanam //
1.104.43
tatastvayodhyāmāhātmye cakrabrahmāhvatīrthake /
surāpāpavimokṣākhye tathādhārasahasrakam //
1.104.44
svargadvāraṃ candraharidharmaharyupavarṇanam /
svarṇavṛṣṭerupākhyānaṃ tilodāsarayūyutiḥ //
1.104.45
sītākuṇḍaṃ guptaharisaraṃyughargharānvayaḥ /
gopratāraṃ ca dugdhodaṃ gurukuṇḍādipañcakam //
1.104.46
somārkā dīni tīrthāni trayodaśa tataḥ param /
gayākūpasya māhātmyaṃ sarvāghavinivartakam //
1.104.47
māṇḍavyāśramapūrvāṇi tīrthāni tadanantaram /
ajitādi mānasāditīrthāni gaditāni ca //
1.104.48
ityeṣa vaiṣṇavaḥ khaṇḍo dvitīyaḥ parikīrtitaḥ /
ataḥ paraṃ brahmakhaṇḍaṃ marīce śṛṇu puṇyadam //
1.104.49
yatra vai setumāhātmye phalaṃ snāne kṣaṇodbhavam /
gālavasya tapaścaryā rākṣasākhyānakaṃ tataḥ //
1.104.50
cakratīrthādimāhātmyaṃ devīpattanasaṃyute /
vetālatīrthamahimā pāpanāśādikīrtanam //
1.104.51
maṅgalādikamāhātmyaṃ brahmakuṇḍādivarṇanam /
hanumatkuṇḍamahimāgastyatīrthabhavaṃ phalam //
1.104.52
rāmatīrthādikathanaṃ lakṣmītīrthanirūpaṇam /
śaṅkhāditīrthamahimā tathā sādhyāmṛtādijaḥ //
1.104.53
dhanuṣkoṭyādimāhātmyaṃ kṣīrakuṇḍādijaṃ tathā /
gāyatryādikatīrthānāṃ māhātmyaṃ cātra kīrtitam //
1.104.54
rāmanāthasya mahimā tattvajñānopadeśanam /
yātrāvidhānakathanaṃ setai muktipradaṃ nṛṇām //
1.104.55
dharmāraṇyasya māhātmyaṃ tataḥ paramudīritam /
sthāṇuḥ skandāya bhagavānyatra tattvamupādiśat //
1.104.56
dharmāraṇyasusaṃbhūtistatpuṇyaparikīrttanam /
karṃmasiddheḥ samākhyānaṃ ṛṣivaṃśanirūpaṇam //
1.104.57
apsarastīrthamukhyānāṃ māhātmyaṃ yatra kīrtitam /
varṇānāmāśramāṇāṃ ca dharmatattvanirūpaṇam //
1.104.58
divaḥ sthānavibhāgaśca bakulārkakathā śubhā /
chatrānandā tathā śāntā śrīmātā ca mataṅginī //
1.104.59
puṇyadā ca samākhyātā yatra devyaḥ samāsthitāḥ /
indreśvarādimāhātmyaṃ dvārakādinirūpaṇam //
1.104.60
lohāsurasamākhyānaṃ gaṅgākūpanirūpaṇam /
śrīrāmacaritaṃ caiva satyamandiravarṇanam //
1.104.61
jīrṇoddhā rasya kathanamāsanapratipādanam /
jātibhedaprakathanaṃ smṛtidharmanirūpaṇam //
1.104.62
tatastu vaiṣṇavā dharmā nānākhyānairudīritāḥ /
cāturmāsye tataḥ puṇye sarvadhamanirūpaṇam //
1.104.63
dānapraśaṃsā tatpaścādvratasya mahimā tataḥ /
tapaścaiva pūjāyāḥ sacchidrakathanaṃ tataḥ //
1.104.64
tadvṛttīnāṃ bhidākhyānaṃ śālagrāmanirūpaṇam /
bhārakasya vadhopāyo vṛkṣācāmahimā tathā //
1.104.65
viṣṇoḥ śāpaśca vṛkṣatvaṃ pārvatyanutapastataḥ /
harasya tāṇḍavaṃ nṛtyaṃ rāmanāmanirūpaṇam //
1.104.66
harasya liṅgapatanaṃ kathā baijavanasya ca /
pārvatījanmacaritaṃ tārakasya vadho 'dbhutaḥ //
1.104.67
praṇavaiśvaryakathanaṃ tārakācaritaṃ punaḥ /
dakṣayajñasamāptiśca dvādaśākṣarabhūṣaṇam //
1.104.68
jñānayogasamākhyānaṃ mahimā dvādaśākṣareḥ /
śravaṇādikapuṇyaṃ ca kīrtitaṃ śarmadaṃ nṛṇām //
1.104.69
tato brāhmottare bhāge śivasya mahimādbhutaḥ /
pañcākṣarasya mahimā gokarṇamahimā tataḥ //
1.104.70
śivarātraiśca mahimā pradoṣavra takīrtanam /
somavāravrataṃ cāpi sīmantinyāḥ kathānakam //
1.104.71
bhadrāyutpattikathanaṃ sadācāranirūpaṇam /
śivavarmasamuddeśo bhadrāyūdvāhavarṇanam //
1.104.72
bhadrāyumahimā cāpi bhasmamāhātmyakīrtanam /
śabarākhyānakaṃ caiva umāmāheśvaraṃ vratam //
1.104.73
rudrākṣasya ca māhātmyaṃ rudrādhyāyasya puṇyakam /
śravaṇādikapuṇyaṃ ca brahmakhaṇḍo 'yamīritaḥ //
1.104.74
ataḥ paraṃ caturthaṃ tu kāśīkhaṇḍamanuttamam /
vindhyanāradayoryatra saṃvādaḥ parikīrtitaḥ //
1.104.75
satyalokaprabhāvaścāgastyāvāse surāgamaḥ /
pativratācaritraṃ ca tīrthayātrā praśaṃsanam //
1.104.76
tataśca saptapuryākhyā saṃyaminyā nirūpaṇam /
budhasya ca tathendrāgnyorlokāptiḥ śivaśarmaṇaḥ //
1.104.77
agneḥ samudbhavaścaiva kravyādvaruṇasaṃbhavaḥ /
gandhavatyalakāpuryorīśvaryāśca samudbhavaḥ //
1.104.78
candrārkabudhalokānāṃ kujejyārkabhuvāṃ kramāt /
mama viṣṇordhruvasyāpi tapolokasya varṇanam //
1.104.79
dhruvalokakathā puṇyā satyalokanirīkṣaṇam /
skandāgastyasamālāpo maṇikarṇīsamudbhavaḥ //
1.104.80
prabhāvaścāpi gaṅgāyā gaṅgānāmasahasrakam /
vārāṇasīpraśaṃsā ca bhairavāvirbhavastataḥ //
1.104.81
daṇḍapāṇijñānavāpyorudbhavaḥ samanantaram /
tataḥ kalāvatyākhyānaṃ sadācāranirūpaṇam //
1.104.82
brahmacārisamākhyānaṃ tataḥ strīlakṣaṇāni ca /
kṛtyākṛtyavinirdeśo hyavimukteśavarṇanam //
1.104.83
gṛhasthayogino dharmāḥ kālajñānaṃ tataḥ param /
divodāsakathā puṇyā kāśikāvarṇanaṃ tataḥ //
1.104.84
māyāgaṇapateścātha bhuvi prādurbhavastataḥ /
viṣṇumāyāprapañco 'tha divodāsavimokṣaṇam //
1.104.85
tataḥ pañcanadotparttirbindumādhavasaṃbhavaḥ /
tato vaiṣṇavatīrthākhyā śūlinaḥ kāśikāgamaḥ //
1.104.86
jaigīṣavyena saṃvādo jyeṣṭheśākhyā maheśituḥ /
kṣetrākhyānaṃ kandukeśaḥ vyāghreśvarasamudbhavaḥ //
1.104.87
śaileśaratneśvarayoḥ kṛttivāsasya codbhavaḥ /
devatānāmadhiṣṭānaṃ durgāsuraparākramaḥ //
1.104.88
durgāyā vijayaścātha oṅkāreśasya varṇanam /
punarāeṅkāra māhātmya triloconasamudbhavaḥ //
1.104.89
kedārākhyā ca dharmeśa kathā viṣṇubhujodbhavā /
vīreśvarasamākhyānaṃ gaṅgāmāhātmyakīrtanam //
1.104.90
viśvakarmeśamahimā dakṣayajñodbhavastathā /
satīśasyāmṛteśāderbhujastaṃbhaḥ parāśare //
1.104.91
kṣetratīrthakadaṃbaśca muktimaḍapasaṃkathā /
viśveśavibhavaścātha tato yātrāparikramaḥ //
1.104.91.p1
ataḥ paraṃ tvavantyākhyaṃ śṛṇu khaṇḍa ca pañcamam ///
1.104.92
mahākālavanākhyānaṃ brahmaśīrṣacchidā tataḥ //
1.104.93
prāyaścittavidhiścāgnerutpattiśca surāgamaḥ /
devadīkṣā śivastotraṃ nānāpātakanāśanam //
1.104.94
kapolamocanākhyānaṃ mahākālavanasthitiḥ /
tīrthaṃ kanakhaleśasya sarvapāpapraṇāśanam //
1.104.95
kuṇḍamapsarasaṃjñaṃ ca saro rudrasya puṇyadam /
kuḍaveśaṃ ca vidyādhraṃ markaṭeśvaratīrthakam //
1.104.96
svargadvāracatuḥsiṃdhutīrthaṃ śaṅkaravāpikā /
śaṅkarāka gandhavatītīrthaṃ pāpapraṇāśanam //
1.104.97
daśāśvamedhikānaṃśatīrthe ca harisiddhidam /
piśācakādiyātrā ca hanumatkavaceśvarau //
1.104.98
mahākāleśayātrā ca valmīkeśvaratīrthakam /
śukre ca pañcame cākhye kuśasthalyāḥ pradakṣiṇāḥ //
1.104.99
akrūrasaṃjñakantvekapādaṃ candrārkavaibhavam /
karabheśākhyatīrthaṃ ca laṭukeśāditīrthakam //
1.104.100
mārkaṇḍeśaṃ yajñavāpī someśaṃ narakāntakam /
kedāreśvararāmeśasaubhāgyeśanarārkakam //
1.104.101
keśavārkaṃ śaktibhedaṃ svarṇasāramukhāni ca /
oṅkāreśāditīrthāni andhakaśrutikīrtanam //
1.104.102
kālāraṇye liṅgasaṃkhyā svarṇaśṛṅgābhidhānakam /
kuśasthalyā avantyāścojjayinyā abhidhānakam //
1.104.103
padmāvatīvai kumudvatyamarāvatināmakam /
viśālāpratikalpābhidhānaṃ ca jvaraśāntikam //
1.104.104
śivānāmādikaphalaṃ nāgodgītā śivastutiḥ /
hiraṇyākṣavadhākhyānaṃ tīrthaṃ suṃdarakuṇḍakam //
1.104.105
nīlagaṅgāpuṣkarākhyaṃ vindhyavāsanatīrthakam /
puruṣottamābhidhānaṃ tu tattīrthaṃ cāghanāśanam //
1.104.106
gomatī vāmanaṃ kuṇḍo viṣṇornāmasahasrakam /
vīreśvarasaraḥ kālabhairavasya ca tīrthakam //
1.104.107
mahimā nāgapañcamyā nṛsiṃhasya jayantikā /
kuṭumbeśvarayātrā ca devasādhakakīrtanam //
1.104.107.p1
karkarājākhyatīrthaṃ ca vighneśādisurohanam //
1.104.108
rundrakuṇḍaprabhṛtiṣu bahutīrthanirūpaṇam //
1.104.109
yātrāṣṭatīrthajā puṇyā revāmāhātmyamucyate /
dharmaputrasya vairāgyo mārkaṇḍeyena saṃgamaḥ //
1.104.110
prāgrīyānubhavākhyānamamṛtāparikīrttanam /
kalpe kalpe pṛthaṅ nāma narmadāyāḥ prakīrtitam //
1.104.111
stavamārṣaṃ nāmedaṃ ca kālarātrikathā tataḥ /
mahādevastutiḥ paścātpṛthakkalpakathādbhutā //
1.104.112
viśalyākhyānakaṃ paścājjāleśvarakathā tathā /
gorīvrata samākhyānaṃ tripurajvālanaṃ tataḥ //
1.104.113
dehapātavidhānaṃ ca kāverīsaṃgamastataḥ /
dārutīrthaṃ brahmāvartaṃ yatreśvarakathānakam //
1.104.114
agnitīrthaṃ ravitīrthaṃ meghanādādidārukam /
devatīrthaṃ narmadeśaṃ kapilākhyaṃ karañjakam //
1.104.115
kuṇḍaleśaṃ pippalādaṃ vimaleśaṃ ca śūlabhit /
śacīharaṇamākhyā namabhrakasya vadhastataḥ //
1.104.116
śūlabhedodbhavo yatra dānadharmāḥ pṛthagvidhāḥ /
ākhyānaṃ dīrghatapasa ṛṣyaśṛṅgakathā tataḥ //
1.104.117
citrasenakathāpuṇyā kāśirājyasya lakṣaṇam /
tato devaśilākhyānaṃ śabarītīrthakānvitam //
1.104.118
vyādhākhyānaṃ tataḥ puṇyaṃ puṣkariṇyarkatīrthakam /
āpretyeśvaratīrthaṃ ca śakratīrthaṃ karoṭikam //
1.104.119
kumāreśamagastyeśamānandeśaṃ ca mātṛjam /
lokeśaṃ dhanadeśaṃ ca maṅgaleśaṃ ca kāmajam //
1.104.120
nāgeśaṃ cāpi gopāraṃ gautamaṃ śaṅkhacūḍakam /
nāradeśaṃ nandikeśaṃ varuṇeśvaratīrthakam //
1.104.121
dadhiskandāditīrthāni hanūmateśvaraṃ tataḥ /
rāmeśvarādi tīrthāni someśaṃ piṅgaleśvaram //
1.104.122
ṛṇamokṣaṃ kapileśaṃ pūtikeśaṃ jaleśayam /
caṇḍārkaṃ yamatīrthaṃ ca kālhoḍīśaṃ vanādike //
1.104.123
nārāyaṇaṃ ca koṭīśaṃ vyāsatīrthaṃ prabhāsakam /
nāgeśasaṃkarṣaṇakaṃ praśrayeśvaratīrthakam //
1.104.124
airaṇḍīsaṃgamaṃ puṇyaṃ suvarṇaśilatīrthakam /
karañjaṃ kāmahaṃ tīrthaṃ bhāṇḍīro rohiṇībhavam //
1.104.125
cakratīrthaṃ dautapāpaṃ skandamāṅgirasāhvayam /
koṭitīrthamayonyakhyamaṅgārākhyaṃ trilocanam //
1.104.126
indreśaṃ kaṃbukeśaṃ ca someśaṃ kohanaṃ śakam /
nārmadaṃ cārkamāgneyaṃ bhārgaveśvaramuttamam //
1.104.127
brāhmaṃ daivaṃ ca mārgeśamādivārāhakeśvaram /
rāmeśamatha siddheśamāhalyaṃ kaṅkaṭeśvaram //
1.104.128
śākraṃ saumyaṃ ca nādeśaṃ toyeśaṃ rukmiṇībhavam /
yojaneśaṃ varāheśaṃ dvādaśīśivatīrthakam //
1.104.129
siddheśaṃ maṅgaleśaṃ ca liṅgavārāhatīrthakam /
kuṇḍeśaṃ śvetavārāhaṃ garbhāveśaṃ ravīśvaram //
1.104.130
śuklādīni ca tīrthāni huṅkārasvāmitīrthakam /
saṃgameśaṃ nahuṣeśaṃ mokṣaṇaṃ pañcagopakam /
nāgaśāvaṃ ca siddheśaṃ mārkaṇḍāṅkrūratīrthake //
1.104.131
kāmodaśūlāropākhye māṇḍavyaṃ gopakeśvaram /
kapileśaṃ piṅgaleśaṃ bhūteśaṃ gāṅgagautame //
1.104.132
āsvamedhaṃ bhṛgukacchaṃ kedāreśaṃ ca pāpanut /
kalakaleśaṃ jāleśaṃ śālagrāmaṃ varāhakam //
1.104.133
candraprabhāsamādityaṃ śrīpatyākhyaṃ ca haṃsakam /
mūlyasthānaṃ ca śūleśamugrākhyaṃ citradaivakam //
1.104.134
śikhīśaṃ kāṇṭitīrthaṃ ca daśakanyaṃ suvaṇakam /
ṛṇamokṣaṃ bhārabhūti puṅkhāṃ muḍiṃ ca ḍiṇḍimam //
1.104.135
āmaleśaṃ kapāleśaṃ śṛṅgairaṇḍībhavaṃ tataḥ /
koṭitīrthaṃ loṭaṇeṣaṃ phalastutirataḥ param //
1.104.136
dṛmijaṅgalamāhātmye rohitāśvakathā tataḥ /
dhundhumārasamākhyānaṃ vadhopāyastato 'sya vai //
1.104.137
vadhau dhundhostataḥ paścāttataścitravahodbhavaḥ /
mahimāsya tataścaḍīśaprabhāvo ratīśvaraḥ //
1.104.138
kedāreśo lakṣatīrthaṃ tato viṣṇupadībhavam /
mukhāraṃ cyavanāndhāsyaṃ brahmaṇaśca sarastataḥ //
1.104.139
cakrākhyaṃ lalitākhyānaṃ tīrthaṃ ca bahugomayam /
rudrāvartaṃ ca markaṇḍaṃ tīrthaṃ pāpapraṇāśanam //
1.104.140
śravaṇeśaṃ śuddhapaṭaṃ devāndhupretatīrthakam /
jihvodatīrthaṃsaṃbhūtiḥ śivodbhandaṃ phalastutiḥ //
1.104.141
eṣa khaṇḍo hyavantyākhyaḥ śṛṇvatāṃ pāpanāśanaḥ /
ataḥ paraṃ nāgarākhyaḥ khaṇḍaḥ ṣaṣṭho 'bhidhīyate //
1.104.142
liṅgotpattisamākhyānaṃ hariścandrakathā śubhā /
viśvāmitrasya māhātmyaṃ triśaṅkusvargatistathā //
1.104.143
hāṭake śvaramāhātmye vṛtrāsuravadhastathā /
nāgabilaṃ śaṅkhatīrthamacaleśvaravarṇanam //
1.104.144
camatkārapurākhyānaṃ camatkārakaraṃ param /
gayaśīrṣaṃ bālaśākhyaṃ vālamaṇḍaṃ mṛgāhvayam //
1.104.145
viṣṇupādaṃ ca gokarṇaṃ yugarūpaṃ samāśrayaḥ /
siddheśvaraṃ nāgasaraḥ saptārṣeyaṃ hyagastyakam //
1.104.146
bhrūṇagartaṃ naleśaṃ ca bhaiṣmaṃ vaiḍuramarkakam /
śāramiṣṭhaṃ somanāthaṃ ca daurgamātarjakeśvaram //
1.104.147
jāmadagnyavadhākhyānaṃ naiḥkṣatriyakathānakam /
rāmahradaṃ nāgapuraṃ ṣaāḍliṅgaṃ caiva yajñabhūḥ //
1.104.148
muṇḍīrāditrikārkaṃ ca satīpariṇayāhvayam /
rudraśīrṣaṃ ca yāgeśaṃ vālakhilyaṃ ca gāruḍam //
1.104.149
lakṣmīśāpaḥ saptaviṃśasomaprāsādameva ca /
aṃbābaddhaṃ pāṇḍukākhyamāgneyaṃ brahmakuṇḍakam //
1.104.150
gomukhaṃ lohayaṣṭyākhyamajāpāleśvarī tathā /
śānaiścaraṃ rājavāpī rāmeśo lakṣmaṇeśvaraḥ //
1.104.151
kuśeśākhyaṃ laveśākhyaṃ liṅgaṃ sarvottamottamam /
aṣṭaṣaṣṭisamākhyānaṃ damayantyāstrijātakam //
1.104.152
tato vai revatī cātra bhaktikātīrthasaṃbhavaḥ /
kṣemaṅkarī ca kedāraṃ śuklatīrthamukhārakam //
1.104.153
satyasaṃdheśvarākhyānaṃ tathā karṇotpalākathā /
aṭeśvaraṃ yājñavalkya gauryaṃ gāṇeśameva ca //
1.104.154
tato vāstupadākhyānamajāgṛhakathānakam /
saubhāgyāndhuśca śuleśaṃ dharmarājakathānakam //
1.104.155
miṣṭānnedaśvarākhyānaṃ gāṇāpatyatrayaṃ tataḥ /
jābālicaritaṃ caiva makareśakathā tataḥ //
1.104.156
kāleśvaryandhakākhyānaṃ kuṇḍamāpyarasaṃ tathā /
puṣyādityaṃ rauhitāśvaṃ nāgarotpattikīrttanam //
1.104.157
bhārgavaṃ caritaṃ caiva vaiśvāmaitraṃ tataḥ param /
sārasvataṃ paippalādaṃ kaṃsārīśaṃ ca paiṇḍakam //
1.104.158
brahmaṇo yajñacaritaṃ sāvitryākhyānasaṃyutam /
raivataṃ bhārtayajñākhyaṃ mukhyatīrthanirīkṣaṇam //
1.104.159
kauravaṃ hāṭakeśākhyaṃ prabhāsaṃ kṣetrakatrayam /
pauṣkaraṃ naimiṣaṃ dhārmamaraṇya tritayaṃ smṛtam //
1.104.160
vārāṇasī dvārakākhyāvantyākhyeti purītrayam /
bṛndāvanaṃ khāṇḍavākhyamadvaikākhyaṃ vanatrayam //
1.104.161
kalpaḥ śālastathā nandigrāmatrayamanuttamam /
asiśuklapitṛsaṃjñaṃ tīrthatrayamudāhṛtam //
1.104.162
rśyarbudau raivataścaiva parvatatrayamuttamam /
nadīnāṃ tritayaṃ gaṅgā narmadā ca sarasvatī //
1.104.163
sārddhakoṭitrayaphalamekaikaṃ caiṣu kīrttitam /
kūṣikā śaṅkhatīrthaṃ cāmarakaṃ bālamaṇḍanam //
1.104.164
hāṭakeśakṣetraphalapradaṃ proktaṃ catuṣṭayam /
sāṃbādityaṃ śrāddhakalpaṃ yaudhiṣṭhiramathāndhakam //
1.104.165
jalaśāyi caturmāsamaśūnyaśayanavratam /
maṅkaṇeśaṃ śivarātristulāpuruṣadānakam //
1.104.166
pṛthvīdānaṃ vānakeśaṃ kapālamocaneśvaram /
pāpapiṇḍaṃ māsalaiṅgaṃ yugamānādikīrtanam //
1.104.167
niṃveśaśākaṃbharyākhyā rudraikādaśakīrtanam /
dānamāhātmyakathanaṃ dvādaśādityakīrtanam //
1.104.168
ityeṣanāgaraḥ khaṇḍaḥ prabhāsākhyo 'dhunocyate /
someśo yatra viśveśor'kasthalaṃ puṇyadaṃ mahat //
1.104.169
siddheśvarādikākhyānaṃ pṛthagatra prakīrtitam /
agnitīrthaṃ kapaddarśiṃ kedāreśaṃ gatipradam //
1.104.170
bhīmabhairavacaṇḍīśabhāskarendukujeśvarāḥ /
budhejyabhṛgusaurāguśiravīśā haravigrahāḥ //
1.104.171
siddheśvarādyāḥ pañcānye rudrāstatra vyavastatra vyavasthitāḥ /
varārohā hyajā pālā maṅgalā laliteśvarī //
1.104.172
lakṣmīśo vāḍaveśaścorvīśaḥ kāmesvarastathā /
gaurīśavaruṇeśākhyaṃ durvāseśaṃ gaṇeśvaram //
1.104.173
kumāreśaṃ caṇḍakalpaṃ śakulīśvarasaṃjñakam /
tataḥ prokto 'tha koṭīśabālabrahmādisatkathā //
1.104.174
narakeśasaṃvartteśanidhīśvarakathā tataḥ /
balabhadreśvarasyātha gaṅgāyā gaṇapasya ca //
1.104.175
jāṃbavatyākhyasaritaḥ pāṇḍukūpasya satkathā /
śatamedhalakṣamedhakoṭimedhakathā tathā //
1.104.176
durvāsārkaghaṭasthānahiraṇyāsaṃgamotkathā /
nagarārkasya kṛṣṇasya saṃkarṣaṇasamudrayoḥ //
1.104.177
kumāryāḥ kṣetrapāsya brahmeśasya kathā pṛthak /
piṅgalāsaṃgameśasya śaṅkarārkaghaṭeśayoḥ //
1.104.178
ṛṣitīrthasya nandārkatritakūpasya kīrtanam /
sasopānasya parṇārkanyaṅkumatyoḥ kathādbhutā //
1.104.179
vārāhasvāmivṛttāntaṃ chāyāliṅgākhyagulphayoḥ /
kathā kanakanandāyāḥ kutīgaṅgeśayostathā //
1.104.180
camasodbedaviduratrilokeśakathā tataḥ /
maṅkaṇeśatraipureśaṣaṇḍatīrthakathāstathā //
1.104.181
sūryaprācī trīkṣaṇayorumānātakathā tathā /
bhūddhāraśūlasthalayoścyavanārkeśayostathā //
1.104.182
ajāpāleśabālārkakuberasthalajā kathā /
ṛṣitoyā kathā puṇyā saṃgāleśvarakīrtanam //
1.104.183
nāradādityakathanaṃ nārāyaṇanirūpaṇam /
taptakuṇḍasya māhātmyaṃ mūlacaṇḍīśavarṇanam //
1.104.184
caturvaktragaṇādhyakṣakalaṃbeśvarayoḥ kathā /
gopālasvāmiva kulasvāminormarutāṃ kathā //
1.104.185
kṣemārkennatavighneśajalasvāmikathā tataḥ /
kālameghasya rukmiṇyā durvāseśvarabhadrayoḥ //
1.104.186
śaṅkhāvartamokṣatīrthagoṣpadācyutasadmanām /
jāleśvarasya huṅkāreśvaracaṇḍīśayoḥ kathā //
1.104.187
āśāpurasthavighneśakalākuṇḍakathādbhutā /
kapileśasya ca kathā jaradgavaśivasya ca //
1.104.188
nalakarkeṭeśvarayorhāṭakeśvarajā kathā /
nāradeśayantrabhūṣādurgakūṭagaṇeśajā //
1.104.189
suparṇailākhyabhairavyorbhallatīrthabhavā kathā /
kīrtanaṃ kardamālasya guptasomeśvasya ca //
1.104.190
bahusvarṇeśaśṛṅgeśakoṭīśvarakathā tataḥ /
mārkaṇḍeśvarakoṭīśadāmodaragṛhotkathā //
1.104.191
svarṇarekhā brahmakuṇḍaṃ kuntībhīmeśvarau tathā /
mṛgīkuṇḍaṃ ca sarvasvaṃ kṣetre vastrāpathe smṛtam //
1.104.192
durgābhilleśagaṅgeśaraivatānāṃ kathādbhutā /
tator'budeśvara kathā acaleśvarakīrtanam //
1.104.193
nāgatīrthasya ca kathā vasiṣṭāśramavarṇanam /
bhadrakarṇasya māhātmyaṃ trinetrasya tataḥ param //
1.104.194
kedārasya ca māhātmyaṃ tīrthāṅgamanakīrtanam /
koṭīśvararūpatīrthahṛṣīkeśakathārastataḥ //
1.104.195
siddheśaśukreśvarayormaṇikarṇīśakīrtanam /
paṅgutīrthayamatīrthavārāhatīrthavarṇanam //
1.104.196
candraprabhāsarpiḍodaśrīmātāśuklatīrthajam /
kātyāyanyāśca māhātmyaṃ tataḥ piṇḍārakasya ca //
1.104.197
tataḥ kanakhalasyātha cakramānuṣatīrthayoḥ /
kapilāgnitīrthakathā tathā raktānubandhajā //
1.104.198
gaṇeśapārtheśvarayoryāntrāyāmujjvalasya ca /
caṇḍīsthānanāgodbhavaśivakuṇḍamaheśajā //
First 200 of 217 passages. Read on
Linked texts (1)
- Matsyapurāṇa — Vyāsa, Sanskrit