Pramāṇa · Search · About · API

Naradapurana 1.69

Nāradapurāṇa 1.69

Language
Sanskrit

Contents

1.69.1

sanatkumāra uvāca
atha vakṣye trayīmūrtervidhānaṃ tvabjinīpateḥ /
mantrāṇāṃ yatsamārādhya sarveṣṭaṃ prāmuyāhṛvi //

1.69.2

tāro recikayā yukto medhānetrayutā ratiḥ /
sasargā bāmakarṇoḍhyo bhṛgurvaḍhyāsano marut //

1.69.3

śeṣoditya iti prokto vasvarṇo bhuktimuktidaḥ /
devabhāgo muniśchando gāyatrī devatā raviḥ //

1.69.4

māyā vījaṃ ramā śaktirdṛṣṭādṛṣṭe niyogakaḥ /
satyāya hṛdayaṃ paścādbrahmaṇe śira īritam //

1.69.5

viṣṇave tu śikhāvarma rudrāya parikīrtitam /
netraṃ syādagraye paścātśarvāyāsramudāhṛtam //

1.69.6

netro jvālā mano huṃ phaṭsvāhāntā manavo gaṇāḥ /
punaḥ ṣaḍarṇairhrī lakṣmyāḥ kṛtvāntaḥ sthaiḥ ṣaḍaṅgakam //

1.69.7

śiṣṭāraujaṭhare pṛṣṭe tayorṅeṃtākhyayā nyaset /
ādityaṃ ca raviṃ paścādbhānuṃ bhāskarameva ca //

1.69.8

sūryaṃ ca mūrdhni vadane hṛdi guhye ca pādayoḥ /
sadyādipañca hrasvādyān nyasenṅeṃ hṛdayoṃ'timān //

1.69.9

hrīṃ ramāmadhyagāmaṣṭau varṇāṃstārādikānnyaset /
mūrddhāsyakaṇṭhahṛtkukṣinābhiliṅgagudeṣu ca //

1.69.10

sacandrasvarapūrvaṃ tu ṅetaṃ śītāṃśumaṇḍalam /
mūrddhādikaṇṭhaparyantaṃ nyaseñcāndrimanuspraran //

1.69.11

sparśānseṃdūnsamuñcārya ṅeṃtaṃ bhāskaramaṇḍalam /
nyasetkaṇṭhādinābhyantaṃ dhyāyanpradyotanaṃ hṛdi //

1.69.12

yādīnsacandrānuñcārya ṅetaṃ ca vahnimaṇḍalam /
nābhyādipādaparyantaṃ nyasedvahnimanusmaran //

1.69.13

prokto 'yaṃ maṇḍalanyāso mahātejovidhāyakaḥ /
ādiṭhāntārṇapūrvaṃ ṅeṃnamontaṃ somamaṇḍalam //

1.69.14

mūrddhādihṛdayāntaṃ tu vinyasetsādhakottamaḥ /
ḍakārādikṣakārāntavarṇādyaṃ pahnimaṇḍalam //

1.69.15

ṅeṃtaṃ hṛdādipādāntaṃ vinyasetsusamāhitaḥ /
agrīṣomātmako nyāsaḥ kathitaḥ sarvasiddhidaḥ //

1.69.16

nyasetseṃdūnmātṛkārṇāñjayāntapuruṣātmane /
namonte vyāpakaṃ mantrī haṃsnayāso 'yamīritaḥ //

1.69.17

aṣṭāvaṣṭau svarāñśeṣānpañcapañca mitānpunaḥ /
uktādityamukhānetānvinyaseñca navagrahān //

1.69.18

ādhāraliṅgayornābhau hṛdi kaṇṭhe mukhāntare /
bhrūmadhye ca tathā bhāle brahmaraṅghre nyasetkramāt //

1.69.19

haṃsākhyamagnīṣomākhyaṃ maṇḍalatrayameva ca /
punarnyāsatrayaṃ kuryānmūlena vyāpakaṃ caret //

1.69.20

evaṃ nyāsavidhiṃ kṛtvā dhyāyetsūryaṃ hṛdabuje /
dānābhayābjayugalaṃ dhārayantaṃ karai ravim //

1.69.21

kuṇḍalāṃ gadakeyūrahāriṇaṃ ca trayītanum /
dhyātvaivaṃ prajapenmantrī vasulakṣaṃ daśāṃśataḥ //

1.69.22

raktāṃbhojaistilairvāpi juhuyādvidhivadvasau /
prathamaṃ pīṭhayajane dharmādīnāṃ sthale yajet //

1.69.23

prabhūtaṃ vimalaṃ śāraṃ samārādhyamanantaram /
paramādimukhaṃ madhye khabiṃbāntaṃ prapūjayet //

1.69.24

somāgnimaṇḍalaṃ pūjyaravimaṇḍalamarcayet /
dīptā sūkṣmā jayā bhadrā vibhūtirvimalā tathā //

1.69.25

amoghā vidyutā sarvatomukhī pīṭhaśaktayaḥ /
hrasvatrayoktijāḥ klībahī nā vahnīndusaṃyutāḥ //

1.69.26

svarā bījāni śaktīnāṃ tadādyāḥ pūjayettuḥ tāḥ /
brahmaviṣṇuśivātmā te sṛṣṭiḥ śeṣānvitāpyasau //

1.69.27

evaṃ cānte yoga pīṭhātmane hṛdayamīrayet /
tārādyo 'yaṃ pīṭhamantrastvanenāsanamādiśet //

1.69.28

dhruvo viyadbinduyutaṃ khaṃ khakholkāya dṛnmanuḥ /
navārṇāya ca manave mūrtiṃ saṃkalpayetsudhīḥ //

1.69.29

sākṣiṇaṃ jagatāṃ tasyāmāvāhya vidhivadyajet /
tataḥ ṣaḍaṅgāmārādhya dvikṣvaṣṭāṅgaṃ prapūjayet //

1.69.30

saṃpūjya madhye vādityaṃ raviṃ bhānuṃ ca bhāskaram /
sūryaṃ diśāsu sadyādipañca hrasvādikānimān //

1.69.31

svasvanāmādivarṇādyāḥ śaktayor'cyā vidikṣu ca /
uṣāṃ prajñāṃ prabhāṃ saṃdhyāṃ tato brahmādikānyajet //

1.69.32

purato 'ruṇamabhyarcya somaṃ jñaṃ ca guruṃ bhṛgum /
dikṣvaryamādikāniṣṭvā bhūmijaṃ ca śanaiścaram //

1.69.33

rāhuṃ ketuṃ ca koṇeṣu pūrvavatparipūjayet /
indrādyānapi vajrādyānpūjayetpūrvavatsudhīḥ //

1.69.34

itthaṃ saṃpūjya vidhivadbhāskaraṃ bhaktavatsalam /
samāhito dineśāya dadyādardhyaṃ dine dine //

1.69.35

prāṇānāyamya sadbhūmau nyāsānkṛtvā puroditān /
vidhāya maṇḍalaṃ bhānoḥ pīṭhaṃ pūrvavadarcayet //

1.69.36

dhyātvārkaṃ prayajeddvivyairmānasairupacārakaiḥ /
pātraṃ tāmramayaṃ prasthatoyagrāhi suśobhanam //

1.69.37

nidhāya maṇḍale raktacandanādivinirmite /
vilomamātṛkāmūlamuñcaranpūrayejjalaiḥ //

1.69.38

sūryabiṃbavinirgacchatsudhāṃbudhivibhāvitaiḥ /
kuṅkumaṃ rojanāṃ rājīṃ candanaṃ raktacandanam //

1.69.39

karavīraṃ japāśālikuśaśyāmākataṇḍulān /
tilaveṇuyavāṃścaiva nikṣipetsalile śubhe //

1.69.40

sāṃgaṃ sāvaraṇaṃ tatrāvāhyārkaṃ pūrvavadyajet /
gandhapuṣpadhūpadīpanaivedyādyai rvidhānataḥ //

1.69.41

prāṇāyāmatrayaṃ kṛtvā kuryādaṅgāni pūrvavat /
sudhābījaṃ candanena dakṣe karatale likhet //

1.69.42

tenācchādyārdhyapātraṃ ca japenmanumananyadhīḥ /
aṣṭottaraśatāvṛttyā punaḥ saṃpūjya bhāskaram //

1.69.43

hastābhyāṃ pātramādāya jānubhyāmavanīṃ gataḥ /
āmūrdhni pātramuddhṛtyāṃbareṇa varaṇe raveḥ //

1.69.44

dṛṣṭiṃ cādhāya manasā pūjayitvā raviṃ punaḥ /
sādhakena svakaikyena mūlamantraṃ dhiyā japan //

1.69.45

ardhyaṃ dadyādraviṃ dhyāyavraktacandanamaṇḍale /
dattvā puṣpāñjaliṃ bhūyo japedaṣṭottaraṃ śatam //

1.69.46

nityaṃ vā tadvine 'pyevamardhyaṃ dadyādvivasvate /
tena tuṣṭo dineśo 'smai dadyādvittaṃ yaśaḥ sukham //

1.69.47

putrānpautrānabhīṣṭaṃ ca yadyatsarvaṃ prayacchati /
ardhyadānamidaṃ proktamāyurārogyavarddhanam //

1.69.48

dhanadhānyapaśukṣemakṣetramitrakalatradam /
tejovīryayaśaḥkīrtividyāvibhavabhogadam //

1.69.49

gāyatryārādhanāsaktaḥ saṃdhyāvandanatatparaḥ /
evaṃ manuṃ japanvipro duḥkhaṃ naivāpnuyātkvacit //

1.69.50

vikartanāya nirmālyamevaṃ saṃpūjya dāpayet /
viyadvahnimarutsādyāntārvīseṃdusamanvitam //

1.69.51

mārtaṇḍabhairavākhyaṃ hi bījaṃ trailokyamohanam /
biṃbabījena puṭitaṃ sarvakāmaphalapradam //

1.69.52

pūrvavatsakalaṃ cānyadatra jñeyaṃ manīṣibhiḥ /
bhṛgurjalendumanvāḍhyaḥ somāya hṛdayāntimaḥ //

1.69.53

ṣaḍakṣaro mantrarājo munirasya bhṛgurmataḥ /
chandaḥ paṅktistu somo 'sya devatā parikīrtitā //

1.69.54

ādyaṃ bījaṃ namaḥ śaktirviniyogo 'khilāptaye /
ṣaḍdīrgheṇa svabījena ṣaḍaṅgāni samācaret //

1.69.55

pūrṇedvāsyaṃ sphaṭikabhaṃ nīlālakalasanmukham /
vibhrāṇamiṣṭaṃ kumudaṃ dhyāyenmuktāsrajaṃ vidhum //

1.69.56

ṛtulakṣaṃ japenmantraṃ pāyasena sasarpiṣā /
juhuyāttaddaśāṃśena pīṭhe somāntapūjite //

1.69.57

mūrtimūlena saṃkalpya pūjayedvidhivadvidhum /
kesareṣvaṅgapūjā syātpatreṣvetāśca śaktayaḥ //

1.69.58

rohiṇī kṛttikā caiva revatī bharaṇī puraḥ /
rātrirārdrā tato jyetsnā kalā hārasamaprabhā //

1.69.59

suśuklamālyavasanāmuktāhāravibhūṣitāḥ /
sarvāḥstanabharākrāntā racitāñjalayaḥ śubhāḥ //

1.69.60

svapriyāsaktamanaso madavibhramamantharāḥ /
samabhyarcyāḥ sarojākṣyaḥ pūrṇendusadṛśānanāḥ //

1.69.61

dalāgreṣu samabhyarcyāstvaṣṭau sūryādikā grahāḥ /
ādityabhūsutabudhamandadevejyarāhavaḥ //

1.69.62

śukraketuyutā hyete pūjyāḥ patragragāgrahāḥ /
raktāruṇaśvetanīlapītadhūmrasitāsitāḥ //

1.69.63

vāmorunyastataddhastā dakṣiṇena dhṛtābhayāḥ /
sokapālāṃstadastrāṇi tadvāhye pūjayetsudhīḥ //

1.69.64

eva saṃsādhito mantraḥ prayacchediṣṭamātmanaḥ /
paurṇamāsyāṃ jitāhāro dadyādardhyaṃ vidhūdaye //

1.69.65

maṇḍalatritaryaṃ kuryātprākpratyagāyataṃ bhuvi /
paścime maṇḍale sthitvā pūjādravyaṃ ca madhyame //

1.69.66

saṃsthāpya somamanyasminmaṇḍale 'bjasamanvite /
samabhyarcyaṃ vidhānena pīṭhapūjanapūrvakam //

1.69.67

sthāpayedrājataṃ pātraṃ puratastatra mantravit /
surabhīpayasāpūryya taṃ spṛśanprajapenmanum //

1.69.68

aṣṭottaraśataṃ paścādvidyā mantreṇa mantravit /
dadyānniśākarāyārdhyaṃ sarvābhīṣṭārthasiddhaye //

1.69.69

kuryādanena vidhinā pratimāsamatandritaḥ /
vaṣāntareṇa savaṣṭaṃ prāpnoti bhuvimānavaḥ //

1.69.70

vidye vidyāmālini syādanta candriṇi katavadet /
candramukhi dviṭhānto 'yaṃ vidyāmantra udāhṛtaḥ //

1.69.71

evaṃ kumudinīnāthamantraṃ yo japati dhruvam /
dhanaṃ dhānyaṃ sutānpautrānsaubhāgyaṃ labhate 'cirāt //

1.69.72

athāṅgārakamantraṃ tu vakṣye dhanasutapradam /
tāro dīrghenduyugvyoma tadevenduyutaḥ punaḥ //

1.69.73

ṣāntaḥ sargī ca caṇḍīśau kramārdiduvisargiṇai /
ṣaḍarṇo 'yaṃ mahāmantro maṅgalasyākhileṣṭadaḥ //

1.69.74

virūpākṣo muniśchandogāyatraṃ devatā kujaḥ /
mantrārṇaiḥ ṣaḍbhiraṅgāni krurvandhyāyeddharātmajam //

1.69.75

meṣasthaṃ raktavasrāṅgaṃ śūlaśaktigadāvarān /
karairbibhrāṇamīśānasvedajaṃ bhūṃsutaṃ smaret //

1.69.76

rasalakṣaṃ japenmantraṃ daśāṃśaṃ khadirodbhavaiḥ /
samidbhirjuhuyādagnau śaive pīṭhe yajetkujam //

1.69.77

prāgaṅgāni samārādhya hyekaviṃśatikoṣṭakam /
maṅgalobhūmiputraśca ṛṇahartā dhanapradaḥ //

1.69.78

sthirāsano mahākāyaḥ sarvakarmāvarodhakaḥ /
lohito lohitākṣaśca sāmagānāṃ kṛpākaraḥ //

1.69.79

dharātmajaḥ kujo bhaumo bhūmido bhūminandanaḥ /
aṅgārako mahīsūnuḥ sarvarogāpahārakaḥ //

1.69.80

vṛṣṭikartā vṛṣṭihartā sarvakāryārthasiddhidaḥ /
ityeka rviśatiḥ proktā mūrtayo bhūsutasya vai //

1.69.81

maṅgalādīnyajenmantrī svasvasthānasthitānkramāt /
indrādyānapi vajrādīnevaṃ siddho bhavenmanuḥ //

1.69.82

sutakāmā kuraṅgākṣī bhaumavratamupācaret /
mārgaśīrṣe 'tha vaiśākhe vratāraṃbhaḥ praśasyate //

1.69.83

aruṇodayavelāyāmutthāyāvaśyakaṃ punaḥ /
vinirvartya radāndhāvedapāmārgeṇa vāgyatā //

1.69.84

snātvā raktāṃbaradharā raktamālyavilepanā /
naivedyādīṃśca saṃbhārānraktānsarvānprakalpayet //

1.69.85

yogyaṃ vipraṃ samāhūya kujamarcettadājñayā /
raktagogomayāliptabhūmau raktāsane viśet //

1.69.86

ācamya deśakālau ca smṛtvā kāmya samuccaran /
maṅgalādīni nāmāni svakīyāṅgeṣu vinyaset //

1.69.87

mukhe pravinyasetsādhvī sāmagānāṃ kṛpākaram /
dharātmajaṃ nasorakṣṇoḥ kujaṃ bhaumaṃ lalāṭake //

1.69.88

bhūmidaṃ tu bhruvormadhye mastake bhūminandanam /
aṅgārakaṃ śikhāyāṃ ca sarvāṅge ca mahīsutam //

1.69.89

bāhudvaye nyasetpaścātsarvarogāpahārakam /
mūrddhādi vṛṣṭikartāramāpādāntaṃ nyasetsudhīḥ //

1.69.90

vinyasedrṛṣṭihartāraṃ mūrddhāntaṃ caraṇāditaḥ /
nyasedante tato dikṣu sarvakāryārthasiddhidam //

1.69.91

nābhau hṛdi śirasyāraṃ vakre bhūmijameva ca /
vinyasyaivaṃ nije dehe dhyāyetprāgvaddharātmajam //

1.69.92

mānasairupacāraiśca saṃpūjyārdhyaṃ nidhāpayet /
ekaviṃśatikoṣṭhāḍhye trikoṇe tāmrapatrage //

1.69.93

āvāhyāṅgārakaṃ tatra raktapuṣpādibhiryajet /
aṅgāni pūrvamārādhya maṅgalādīnprapūjayet //

1.69.94

ekaviṃśatikoṣṭheṣu cakramāraṃ ca bhūmijam /
trikoṇeṣu ca sampūjya bahiraṣṭau ca mātṛkāḥ //

1.69.95

indrādīnatha vajrādīnbāhye saṃpūjayetpunaḥ /
dhūpadīpau samarpyātha godhūmānnaṃ nivedayet //

1.69.96

tāmrapātre śuddhatoyapūrite raktacandanam /
raktapuṣpākṣataphalānyākṣipyārdhyaṃ samarpayet /
maṅgalāya tato mantrī idaṃ mantradvayaṃ paṭhet //

1.69.97

bhūmiputra mahātejaḥ svedodbhavapinākinaḥ /
sutārthinī prapannā tvāṃ gṛhāṇārdhyaṃ namo 'stu te //

1.69.98

raktapravālasaṃkāśa japākusumasannibha /
mahīsuta mahābhāga gṛhāṇārdhyaṃ namo 'stu te //

1.69.99

ekaviṃśatipūrvoktairṅenamontaiṃśca nāmabhiḥ /
tārādyaiḥ praṇametpaścāttāvatyaśca pradakṣiṇāḥ //

1.69.100

dharaṇīgarbhasaṃbhūtaṃ vidyuttejaḥ samaprabham /
kumāraṃ śaktihastaṃ ca maṅgalaṃ praṇamāmyaham //

1.69.101

tato rekhātrayaṃ kuryātkhadirāṅgārakeṇa ca /
mārjayedvāmapādena mantrābhyāṃ ca samāhitā //

1.69.102

duḥkhadaurbhāgyanāśāya putrasaṃtānahetave /
kṛtarekhātrayaṃ vāmapādenaitatpramārjmyaham //

1.69.103

ṛṇaduḥ khavināśāya manobhīṣṭārthasiddhiye /
mārjayāmyasitā rekhāstisro janmatrayodbhavāḥ //

1.69.104

stuvīta dharaṇīputraṃ puṣpāñjalikarā tataḥ /
dhyāyantī tatpadāṃbhojaṃ pūjāsāṃgatvasiddhaye //

1.69.105

ṛṇahartre namastubhyaṃ duḥkhadāridrayanāśine /
saubhāgyasukhado nityaṃ bhava me dharaṇīsuta //

1.69.106

taptakāñcanasaṃkāśa taruṇārkasamaprabha /
sukhasaubhāgyadhanada ṛṇadāridṣanāśaka //

1.69.107

graharāja namaste 'stu sarvakalyāṇakāraka /
prasādaṃ kuru deveśa sarvakalyāṇabhājana //

1.69.108

devadānavagandharvayakṣarākṣasapannagāḥ /
āpnuvanti śivaṃ sarve sadā pūrṇamanorathāḥ //

1.69.109

ācirādeva loke 'sminyasyārādhanato janāḥ /
prāpnuvanti sukhaṃ tasmai namo dharaṇisūnave //

1.69.110

yo vakragatimāpanno nṛṇāṃ duḥkhaṃ prayacchati /
pūjitaḥ sukhasaubhāgyaṃ tasmai kṣmāsūnave namaḥ //

1.69.111

nabhasi dyotamānāya sarvakalyāṇahetave /
maṅgalāya namastubhyaṃ dhanasaṃtānahetave //

1.69.112

prasādaṃ kuru me bhaumamaṅgalaprada maṅgala /
meṣavāhana rudrātmandehi putrāndhanaṃ yaśaḥ //

1.69.113

evaṃ stutvā praṇamyātha visṛjya dharaṇīsutam /
yathāśaktyā pradāya svaṃ gṛhṇīyādbraṇāśiṣaḥ //

1.69.114

gurave dakṣiṇāṃ dattvā bhuñjīyāttanniveditam //

1.69.115

evamāvatsaraṃ kuryātpratimaṅgalavāsaram /
tilairhemaṃ vidhāyātha śatārddhaṃ bhojayoddvijān //

1.69.116

bhaumamūrtiṃ svarṇamayīmācāryāya samarpayet /
maṇḍalasthe ghaṭe 'bhyarcyetsutasaubhāgyasiddhaye //

1.69.117

evaṃ vrataparā nārī prāpnuyātsubhagānsutān /
ṛṇanāśāya vittārthaṃ vrataṃ kuryātpumānapi //

1.69.118

brāhmaṇaḥ prajapenmantraṃmagnirmūrddheti vaidikam /
aṅgārakasya gāyatrīṃ vakṣye yajanasiddhaye //

1.69.119

aṅgārakāya śabdānte vidmahe padamīrayet /
śaktihastāya varṇānte dhīmahīti samuñcaret //

1.69.120

tanno bhaumaḥ pracovarṇāndayānditi ca saṃvadet /
bhaumasyaiṣā tu gāyatrī japtuḥ sarveṣṭasiddhidā //

1.69.121

bhaumopāsanametaddhi budhamantramathocyate /
phaāntaḥ karṇendusaṃyukto budho ṅeṃte hadantimaḥ //

1.69.122

rasāṇoṃ budhamantro 'yaṃ munibrahmāsya kīrtitaḥ /
paṅktiśchaido devatā tu budhaḥ sarveṣṭado nṛṇām //

1.69.123

ādyaṃ bījaṃ namaḥ śaktirviniyogo 'khilāptaye /
vande budhaṃ sadā bhaktyā pītāmbaravibhūṣaṇam //

1.69.124

jānusthavāmahastāḍhyaṃ sābhayetarapāṇikam /
dhyātvevaṃ prajapesahasraṃ vijitendriyaḥ //

1.69.125

daśāṃśaṃ juhuyādājyaiḥ pīṭhe pūrvoditer'cayet /
aṅgamātṛdiśāpālahetibhirbudhamarcayet //

1.69.126

evaṃ siddhe manau mantrī sādhayetsvamanorathān /
sahasraṃ prajapenmantraṃ nityaṃ daśadināvadhi //

1.69.127

tasyāśu grahajā pīḍā naśyatyeva na saṃśayaḥ /
budhasyārādhanaṃ proktaṃ gurorārādhanaṃ śṛṇu //

1.69.128

bṛṃhaspatipadaṃ ṅeṃtaṃ seṃdvādyarṇāghamaṇḍitam /
namonto vasuvarṇo 'yaṃ munirbrahmāsya saṃmataḥ //

1.69.129

chando 'nuṣṭupsurācāryo devatā bījamādimam /
hṛcchaktirdīrghavahnīnduyugalenāṅgakalpanā //

1.69.130

nyastavāmakaraṃ rāśau ratnānāṃ dakṣiṇātkarāt /
kirantaṃ pītapuṣpālaṅkārālepāṃśukārcitam //

1.69.131

sarvavidyānidhiṃ devaguruṃ svarṇadyutiṃ smaret /
lakṣaṃ japo daśāṃśena ghṛtenānnena vā hunet //

1.69.132

dharmādipīṭhe prayajedaṅgadikpālahetibhiḥ /
evaṃ siddhe manau mantrī sādhayediṣṭamātmanaḥ //

1.69.133

viparogādipīḍāsu kalahe svajanodbhave /
pippalotthasamidbhiśca juhuyāttannivṛttaye //

1.69.134

hutvā dinatrayaṃ mantrī niśāpuṣpairghṛtaplutaiḥ /
sa viṃśatiśataṃ śīghraṃ vāsāṃsi labhate mahīm //

1.69.135

gurorārādhanaṃ proktaṃ śṛṇu śukrasya sāṃpratam /
vasraṃ me dehi śukrāya ṭhadvayānto dhruvādikaḥ //

1.69.136

rudrārṇo 'yaṃ manurbrahmā muniśchando virāhuta /
daityejyo devatā bījaṃ dhruvaḥ śaktirvasupriyā //

1.69.137

bhūnetra candranetrāgninetrārṇaiḥ syātṣaḍaṅgakam /
śuklāṃbarālepabhūṣaṃ kareṇa dadataṃ dhanam //

1.69.138

vāmena śukraṃ vyākhyānamudrādoṣaṃ smaretsudhīḥ /
ayutaṃ prajapenmantraṃ daśāṃśaṃ juhuyād ghṛtaiḥ //

1.69.139

dharmādipīṭhe prayajedaṅgendrāditadāyudhaiḥ /
śvetapuṣpaiḥ sugandhaiśca juhuyād bhṛguvāsare //

1.69.140

ekaviṃśativāraṃ yo labhatesoṃ'śukaṃ maṇīn /
manavo 'mo sadā gopyā na deyā yasya kasyacit //

1.69.141

bhaktiyuktāya śiṣyāya deyā vā nijasūnave //

1.69.141.p1

iti śrībṛhannāradīyapurāṇe pūrvabhāge bṛhadupākhyāne tṛtīyapāde mantravidhānanirūpaṇaṃ nāmaikonasaptatitamo 'dhyāyaḥ

Linked texts (10)