Naradapurana 1.70
Nāradapurāṇa 1.70
- Language
- Sanskrit
Contents
- 1.70.202 — 1 part
1.70.1
sanatkumāra uvāca
atha vakṣye mahāviṣṇormantrānlokeṣu durlabhān /
yānprāpya mānavāstūrṇaṃ prāpnuvanti nijepsitam //
1.70.2
yeṣāmuñcāraṇeneva pāpasaṃghaḥ pralīyate /
brahmādayo 'pi yāñjñātvā samarthāḥ syurjagatkṛtau //
1.70.3
tārahṛtpūrvakaṃ ṅeṃtaṃ nārāyaṇapadaṃ bhavet /
aṣṭākṣaro manuścāsya sādhyo nārāyaṇo muniḥ //
1.70.4
chandaḥ proktaṃ ca gāyatrī devatā viṣṇukhyayaḥ /
oṃ bījaṃ yaṃ ca tathā śaktirviniyogo 'khilāptaye //
1.70.5
kruddholkāya hṛdākhyātaṃ maholkāya śiraḥ smṛtam /
vīrolkāya śikhā proktā dyulkāya kavacaṃ matam //
1.70.6
maholkāyeti cāsraṃ syāditthaṃ pañcāṅgakalpanā /
punaḥ ṣaḍaṅgamantrotthaiḥ ṣaḍvarṇaiśca samācaret //
1.70.7
avaśiṣṭau nyasetkukṣipṛṣṭayormantravarṇakau /
sudarśanasya mantreṇa kuryāddigbandhanaṃ tataḥ //
1.70.8
tāro namaścaturthyantaṃ sudarśanapadaṃ vadet /
astrāyaphaḍiti prokto mantro dvādaśavarṇavān //
1.70.9
daśāvṛttimaya nyāsaṃ vakṣye vibhūtipañcaram /
mūlārṇānsvatanau nyasyedādhāre hṛdaye mukhe //
1.70.10
doḥpanmūleṣu nāsāyāṃ prathamāvṛttirīritā /
gale nābhau hṛdi kucapārśvapṛṣṭeṣu tatparāḥ //
1.70.11
mūrddhāsyanetraśravaṇaghrāṇeṣu ca tṛtīyakāḥ /
doḥpādasaṃdhyaṅguliṣu vedāvṛttyā ca vinyaset //
1.70.12
dhātuprāṇeṣu hṛdaye vinyasettadanantaram /
śironetrā syahṛtkukṣisorujaṅghāpadadvaye //
1.70.13
ekaikaśo nyasedvarṇānmantrasya kramataḥ sudhīḥ /
nyaseddhṛdaṃsorupadeṣvarṇānvedamitānmanoḥ //
1.70.14
cakraśaṃ khagadāṃbhojapadeṣu svasvamudrayā /
śeṣāṃśca nyāsavaryo 'yaṃ vibhūtipañjarābhidhaḥ //
1.70.15
nyasenmūlārṇamekaikaṃ sacandraṃ tārasampuṭam /
athavā vai namontena nyasedityapare jaguḥ //
1.70.16
tattvanyāsaṃ tataḥ kuryāddhiṣṇubhāvaprasiddhaye /
aṣṭārṇo 'ṣṭaprakṛtyātmā gaditaḥ pūrvasūribhiḥ //
1.70.17
pṛthivyādīni bhūtāni tato 'hṝṅkārameva ca /
mahāṃśca prakṛtiścaivetyaṣṭau prakṛtayo matāḥ //
1.70.18
pāde liṅge hṛdi mukhe mūrdhni vakṣasi hṛtsthale /
sarvāṅge vyāpakaṃ kuryādekena sādhakottamaḥ //
1.70.19
mantrārṇahṛtparāyādyamātmane hṛdayāntimam /
tattannāma samuñcāryya nyasettattatsthale budhaḥ //
1.70.20
ayaṃ tattvābhidho nyāsaḥ sarvanyāsottamottamaḥ /
mūrtīnyaṃseddvādaśa vai dvādaśādityasaṃyutāḥ //
1.70.21
dvādaśākṣaravarṇādyā dvādaśādityasaṃyutāḥ /
aṣṭārṇo 'yaṃ manuścāṣṭaprakṛtyātmā samīritaḥ //
1.70.22
tāsāmātmacatuṣkasya yogādarkākṣaro bhavet /
lalāṭakukṣihṛtkaṇṭhadakṣapārśvāṃsakeṣu ca //
1.70.23
gale ca vāmapārśvāṃ sagalapṛṣṭeṣvanantaram /
kakudyapi nyasenmantrī mūrtīrdvādaśa vai kramāt //
1.70.24
dhātrā tu keśavaṃ nyasyāryamṇa nārāyaṇaṃ punaḥ /
mitreṇa mādhavaṃ nyasya govindaṃ varuṇena ca //
1.70.25
viṣṇuṃ caivāṃśunā yuktaṃ bhagena madhusūdanam /
nyasedvivasvatā yuktaṃ trivikramamataḥ param //
1.70.26
vāmanaṃ ca tathādraṇa pūṣṇā śrīdharameva ca /
hṛṣīkeśaṃ nyasetpaścātparjanyena samanvitam //
1.70.27
tvaṣṭrā yutaṃ padmanābhaṃ dāmodaraṃ ca viṣṇunā /
dvādasārṇaṃ tato mantraṃ samaste śirasi nyaset //
1.70.28
vyāpakaṃ vinyasetpaścātkirīṭamanunā sudhīḥ /
dhruvaḥkirīṭakeyūrahārānte makaretica //
1.70.29
kuṇḍalānte cakraśaṅkhagadānteṃ'bhojahastataḥ /
pītāṃbarānte śrīvatsāṃ kitavakṣaḥ sthaleti ca //
1.70.30
śrībhūmisahitasvātmajyotirdvayamataḥ param /
vadeddīptikarāyānti sahasrādityatejase //
1.70.31
namonto bāṇaṣaṅvarṇaiḥ kirīṭamanurīritaḥ /
evaṃ nyāsavidhiṃ kṛtvā dhyāyennārāyaṇaṃ vibhum //
1.70.32
udyatkoṭyarkasadṛśaṃ śaṅkhaṃ cakraṃ gadāṃbujam /
dadhataṃ ca karairbhūmiśrībhyāṃ pārśvadvayāñcitam //
1.70.33
śrīvatsavakṣasaṃ bhrājatkaustubhāmuktakandharam /
hārakeyūravalayāṅgadaṃ pītāṃbaraṃ smaret //
1.70.34
varṇalakṣaṃ japenmantraṃ vidhivanniyatendriyaḥ /
prathamena tu lakṣeṇa svātmaśuddhirbhaved dhruvam //
1.70.35
lakṣadvayajapenātha mantraśuddhimavāpnuyāt /
lakṣatrayeṇa japtena svarlokamadhigacchati //
1.70.36
viṣṇoḥ samīpamāpnoti vedalakṣajapānnaraḥ /
tathā ca nirmalaṃ jñānaṃ pañcalakṣajapādbhavet //
1.70.37
lakṣaṣaṣṭena cāpnoti mantrī viṣṇau1sthirā matim /
saptalakṣajapānmantrī viṣṇoḥ sārūpyamāpnuyāt //
1.70.38
aṣṭalakṣaṃ japenmantrī nirvāṇamadhigacchati /
evaṃ japtvā tataḥ prājño daśāṃśaṃ sarasīruhaiḥ //
1.70.39
madhurāktaiḥ prajuhuyātsaṃskṛte havyavāhane /
maṇḍūkātparatatvāntaṃ pīṭhe saṃpūjya yatnataḥ //
1.70.40
vimalotkarṣiṇī jñānā kriyā yogā tataḥ parā /
prahvī satyā tatheśānanugrahā navamī matā //
1.70.41
tāro namano bhagavate viṣṇave sarvabhū tataḥ /
tātmane vāsudevāya sarvātmeti padaṃ vadet //
1.70.42
saṃyogayogapadmānte pīṭhāya hṛdayāntimaḥ /
ṣaḍviṃśadakṣaraḥ pīṭhamantro 'nenāsanaṃ diśet //
1.70.43
mūrtiṃ saṃkalpya mūlena tasyāmāvāhya pūjayet /
ādau cāṅgāni saṃpūjya mantrāṇāṃ keśareṣu ca //
1.70.44
prāgādidigdale vāsudevaṃ saṃkarṣaṇaṃ tathā /
pradyumnamaniruddhaṃ ca śaktīḥ koṇeṣvathārcayet //
1.70.45
śāntiṃ śriyaṃ sarasvatyā ratiṃ saṃpūjayetkramāt /
hemapītatamālendranīlābhāḥ pītavāsasaḥ //
1.70.46
caturbhujāḥ śaṅkhacakragadāṃbhaghojadharā ime /
sitakāñcanagodugdhadūrvāvarṇāśca śaktayaḥ //
1.70.47
dalāgreṣu cakraśaṅkhagadāpaṅkajakaustubhān /
pūjayenmusalaṃ khaḍgaṃ vanamālāṃ yathākramāt //
1.70.48
raktājapītakanakaśyāmakṛṣṇāsitārjunān /
kuṅkumābhaṃ samabhyarcyedvahiragre khageśvaram //
1.70.49
pārśvayoḥ pūjayetpaścāṅkhapadmanidhī kramāt /
muktāmāṇikyasaṃkāśau paścime dhvajamaparcayet //
1.70.50
raktaṃ vighnaṃ tathāgneye śyāmamāryaṃ ca rākṣase /
durgāṃ śyāmāṃ vāyukoṇe senānyaṃ pītamaiśvare //
1.70.51
lokeśā nāyudhairyuktānbahiḥ saṃpūjayetsudhīḥ /
evamāvaraṇairyuktaṃ yor'cajayedviṣṇumavyayam //
1.70.52
bhuktvehasakalānbhogānante viṣṇupadaṃ vrajet /
kṣetradhānyasuvarṇānāṃ ppāptaye dhāraṇīṃ smaret //
1.70.53
devīṃ dūrvādalaśyāmāṃ dadhānāṃ śālimañjarīm /
cintayedbhāratīṃ devīṃ vīṇāpustakadhāriṇīm //
1.70.54
dakṣiṇe devadevasya pūrṇacandranibhānanām /
kṣīrābdhiphenapuñjābhe vasānāṃ śvetavāsasī //
1.70.55
bhāratyā sahitaṃ yo vai dhyāyeddvevaṃ parātparam /
vedavedārthatattvajño jāyate sarvavittamaḥ //
1.70.56
nārasiṃhamivātmānaṃ devaṃ dhyātvātibhairavam /
śaśtraṃ saṃmantrya mantreṇa śabrūnhatvā nivartate //
1.70.57
nārasiṃhena bījena mantraṃ saṃyojya sādhakaḥ /
śatamaṣṭottaraṃ jaṇtvā vāmahastābhimantritāḥ //
1.70.58
punaḥ punarapaḥ siṃcetsarpadaṣṭo 'pi jīvati /
gāruḍena ca saṃyojya pañcārṇena japettadā //
1.70.59
nirviṣīkaraṇe dhyāyedviṣṇuṃ garuḍavāhanam /
aśokaphalake tārkṣyamālikhyāśokasaṃhatau //
1.70.60
aśokapuṣpaiḥ saṃpūjya bhagavantaṃ tadagrataḥ /
juhuyāttāni puṣpāṇi trisaṃdhyaṃ saptapatrakam //
1.70.61
pratyakṣo jāyate pakṣī varamiṣṭaṃ prayacchati /
gāṇapatyena saṃyojya japellakṣaṃ payovrataḥ //
1.70.62
mahāgaṇapatiṃ devaṃ pratyakṣamiha paśyati /
vāṇibījena saṃyuktaṃ ṣaṇmāsaṃ yojayennaraḥ //
1.70.63
mahākavivaro bhūtvā mohayetsakalaṃ jagat /
hutvā guṅcīśakalānyarddhāgulamitāni ca //
1.70.64
dadhimadhvājyayuktāni mṛtyuṃ jayati sādhakaḥ /
śanaiśvara dine samyak spṛṣṭvā śvatthaṃ ca pāṇinā //
1.70.65
japtvā cāṣṭaśataṃ yuddhe hyapamṛtyuṃ jayatyasau /
pañcaviṃśatidhā japtvā nityaṃ prātaḥ pibejjalam //
1.70.66
sarvapāpavinirmukto jñānavān rogavarjitaḥ /
kuṃbhaṃ saṃsthāpya vidhivadāpūrya śuddhavāriṇā //
1.70.67
japtvāyutaṃ tatastenābhiṣekaḥ sarvaroganut /
candrasūryoparāge tu hyupoṣyāṣṭasahasrakam //
1.70.68
spṛṣṭvā brāhmīdhṛtaṃ japtvā pibetsādhakasattamaḥ /
medhāṃ kavitvaṃ vāksiddhiṃ labhate nātra saṃśayaḥ //
1.70.69
juhuyādayutaṃ vilvairmahādhanapatirbhavet /
nārāyaṇasya mantro 'yaṃ sarvamantrottamottamaḥ //
1.70.70
ālayaḥ sarvasiddhīnāṃ kathitastava nārada /
nārāyaṇāya śabdānte vidmahe padamīrayet //
1.70.71
vāsudevapadaṃ ṅeṃtaṃ dhīmahīti tato vadet /
tanno viṣṇuḥ pracovarṇānsaṃvadeñcodayāditi //
1.70.72
eṣoktā viṣṇugāyatrī sarvapāpapraṇāśinī /
tāro hṛdbhagavān ṅeṃto vāsudevāya kīrtitaḥ //
1.70.73
dvādaśārṇo mahāmantro bhuktimuktipradāyakaḥ /
strīśūdrāṇāṃ vitāro 'yaṃ satārastu dvijanmanām //
1.70.74
prajāpatirmuniścāsya gāyatrī chanda īritaḥ /
devatā vāsudevastu bījaṃ śaktirdhruvaśca hṛt //
1.70.75
candrākṣivedapañcarṇaiḥ samastenāṅgakalpanam /
mūrdhni bhāle dṛśorāsye gale dorhṛdaye punaḥ //
1.70.76
kukṣau nābhau dhvaje jānudvaye pādadvaye tathā /
nyāsetkramān mantravarṇānsṛṣṭinyāso 'yamīritaḥ //
1.70.77
hṛdādimastakāntaṃ tu sthitinyāsaṃ pracakṣate /
pādādārabhya mūrddhānaṃ nyāsaṃ saṃhārakaṃ viduḥ //
1.70.78
tattvanyāsaṃ tataḥ kuryātsarvatantreṣu gopitam /
bīvaṃ prāṇaṃ tathā cittaṃ hṛtpadmaṃ sūryamaṇḍalam //
1.70.79
candrāgnimaṇḍale caiva vāsudevaṃ tataḥ param /
saṃkarṣaṇaṃ ca pradyumnamaniruddhaṃ tataḥ param //
1.70.80
nārāyaṇaṃ cakramatastattvāni dvādaśaiva tu /
mūlārṇahṛtparāyādyamātmane hṛdayāntimam //
1.70.81
tattve nāma samuñcaryya nyasenmūrddhādiṣu kramāt /
pūrvoktaṃ dhyānamatrāpi bhānulakṣajapo manoḥ //
1.70.82
tadṛśāṃśaṃ tilairājyalolitairhavanaṃ caret /
pīṭhe pūrvodite mantrī mūrti saṃkalpya mūlataḥ //
1.70.83
tasyāmāvāhya deveśaṃ vāsudevaṃ prapūjayet /
aṅgāni pūrvamabhyarcya vāsudevādikāstataḥ //
1.70.84
śāntyādiśaktayaḥ pūjyāḥ prāgvaddikṣu vidikṣu ca /
tṛtīyāvaraṇe pūjyāḥ proktā dvādaśa mūrtayaḥ //
1.70.85
indrādyānāyudhairyuktān pūjayeddharaṇīgṛhe /
evamāvaraṇairiṣṭvā pañcabhirviṣṇumavyayam //
1.70.86
prāpnuyātsakalānarthānante viṣṇupade vrajet /
puruṣottamasaṃjñasya viṣṇorbhedacatuṣṭayam //
1.70.87
trailokyamohanasteṣāṃ prathamaḥ parikīrtitaḥ /
śrīkaraśca hṛṣīkeśaḥ kṛṣaaṇaścātra caturthakaḥ //
1.70.88
tāraḥ kāmo ramā paścān ṅeṃtaḥ syātpuruṣottamaḥ /
varmāstrāṇyagnipriyānto mantro vahnīnduvarṇavān //
1.70.89
brahmā muniḥ syādgāyatrī chandaḥ prokto 'tha devatā /
puruṣottamasaṃjño 'tra bījaśaktīsmarandire //
1.70.90
bhūcandraikarasākṣyakṣimantravarṇorvibhāgataḥ /
kṛtvāṅgāni tato dhyāyedvidhivatpuruṣottamam //
1.70.91
samudyadādityanibhaṃ śaṅkhacakragadāṃbujaiḥ /
lasatkaraṃ pītavasraṃ smarecchrīpuruṣottamam //
1.70.92
mahāratnaughakhacitasphurattoraṇamaṇḍape /
mauktikaughaśamadamavirājitavitānake //
1.70.93
nṛtyaddevāṅganāvṛndakvaṇātkiṅkiṇinūpure /
lasanmāṇikyavedyāṃ tu dītpārkāyutatejasi //
1.70.94
vṛndārakavrātakirīṭāgraratnābhicarcite /
navalakṣaṃ japenmantraṃ juhuyāttaddaśāṃśataḥ //
1.70.95
utphullaiḥ kamalaiḥ pīṭhe pūrvokte vaiṣṇaver'cayet /
evamārādhya deveśaṃ prāpnoti mahatīṃ śriyam //
1.70.96
putrānpautrānyaśaḥ kāntiṃ bhuktiṃ muktiṃ ca vindati /
uttiṣṭeti padaṃ paścācchrīkarāgnipriyāntimaḥ //
1.70.97
aṣṭārṇo 'sya munirvyāsaḥ paṅktiśchanda udāhṛtam /
śrīkārākhyo hariḥ prokto devatā sakaleṣṭadaḥ //
1.70.98
bhīṣayadvitayaṃ hṛtsyāt trāsayadvitayaṃ śiraḥ /
śikhā pramarddayadvandvaṃ varma pradhvaṃsayadvayam //
1.70.99
asraṃ rakṣadvayaṃ sarve humantāḥ samudīritāḥ /
mastake netrayoḥ kaṇṭhahṛdaye nābhideśake //
1.70.100
ūrūjaṅghāṃyugmeṣu mantravarṇānkramānnyataset /
tataḥ puruṣasūktoktamantrairnyāsaṃ samācaret //
1.70.101
mukhe nyasedbrāhmaṇo 'sya mukhamāsīdimaṃ manum /
bāhuyugme tathā bāhūṃrājanya iti vinyaset //
1.70.102
ūrū tadasya yadvaiśya imamūrudvaye nyaset /
nyasetpādadvaye mantrī padbhyāṃ śūdro ajāyata //
1.70.103
cakraṃ śaṅkhaṃ gadāṃ padmaṃ karāgreṣvatha vinyaset /
evaṃ nyāsavidhiṃ kṛtvā dhyāyetpūrvoktamaṇḍape //
1.70.104
aruṇābjāsanasthasya tārkṣyasyopari saṃsthitam /
pūrvoktarūpiṇaṃ devaṃ śrīkaraṃ lokamohanam //
1.70.105
dhyātvaivaṃ pūjayedaṣṭalakṣaṃ mantrī daśāṃśataḥ /
raktāṃbujaiḥ samidbhiśca vilvakṣīridrumodbhavaiḥ //
1.70.106
payo 'nnaiḥ sarpiṣā hutvā pratyekaṃ susamāhitaḥ /
aśvatthoduṃbaraplakṣavaṭāḥ kṣīridrumāḥ smṛtā //
1.70.107
pūjayedvaiṣṇave pīṭhe mūrtiṃ saṃkalpya mūlataḥ /
aṅgāvaraṇadikpālahetibhiḥ sahitaṃ vibhum //
1.70.108
itthaṃ siddhe manau matrī prayogānpūrvavañcaret /
tāro hṛdbhagavān ṅeṃto varāheti tataḥ param //
1.70.109
rūpāya bhūrbhuvaḥ svaḥ syāllohitakāmikā ca ye /
bhūpatitvaṃ ca me dehi dadāpaya śucipriyā //
1.70.110
rāmāgnivarṇo mantro 'yaṃ bhārgavo 'sya munirmataḥ /
chando 'nuṣṭubdevatādivarāhaḥ samudīritaḥ //
1.70.111
ekadaṃṣṭrāya hṛdayaṃ vyomolkāyaga śiraḥ smṛtam /
śikhā tejo 'dhipataye viśvarūpāya varma ca //
1.70.112
mahādaṃṣṭrāya cāstraṃ syātpañcāṅgamiti kalpayet /
athavā giriṣaṭsaptabāṇairvasubhirakṣaraiḥ //
1.70.113
vibhaktairmantravaryasya pañcāgāṃni prakalpayet /
tatau dhyāyedanekārkanibhamādivarāhakam //
1.70.114
āṃ hrīṃ svarṇanibhaṃ jānvoradho nābheḥ sitaprabham /
iṣṭābhītigadāśaṅkhacakraśaktyasikheṭakān //
1.70.115
dadhataṃ ca karairdaṃṣṭrāgralasaddharaṇiṃ smaret /
evaṃ dhyātvā japellakṣaṃ daśāṃśaṃ sarasīruhaiḥ //
1.70.116
madhvaktairjuhayātpīṭhe pūrvokte vaiṣṇave yajet /
mūlena mūrtiṃ saṅkalpya tasyāṃ sampūjayedvibhum //
1.70.117
aṅgāvaraṇadikpālahetiyantraprasiddhaye /
japādevāvarni dadyāddhanaṃ dhānyaṃ mahīṃ śriyam //
1.70.118
siṃhārke sitapakṣasyāṣṭamyāṃ gavyeṣu pañcasu /
śilāṃ śuddhāṃ vinikṣipya spṛṣṭvā tāmayutaṃ japet //
1.70.119
udaṅmukhasvato mantrī tāṃ śilāṃ likhanedbhuvi /
bhūtapretāhicaurādikṛtāṃ bādhāṃ nivārayet //
1.70.120
prātarbhṛgudine sādhyabhūtalānmṛdamāharet /
mantritāṃ mūlamantreṇa vibhajettāṃ tridhā punaḥ //
1.70.121
cullyāmekaṃ samālipyāpyaparaṃ pākabhājane /
godugdhe paramāloḍya śodhitāṃstandulān kṣipet //
1.70.122
samyak śuddhe śuciḥ keśe japanmantraṃ paceñcarum /
avatārya caruṃ paścādvahnau deyaṃ yathāvidhi //
1.70.123
sampūjya dhūpadīpādyaiḥ paścādājyaplutaṃ carum /
juhuyātsaṃskṛte vahnau aṣṭottaraśataṃ sudhīḥ //
1.70.124
evaṃ prajuhuyānmantrī kavivāreṣu saptasu /
virodho naśyati kṣetre śatrucaurādyupadravāḥ //
1.70.125
bhānūdayepyāravāre sādhyakṣetrānmṛdaṃ punaḥ /
ādāya pūrvavidhinā havirāpādya pūrvavat //
1.70.126
juhuyādedhite vahnau pūrvasaṃkhyākamādarāt /
evaṃ sa saptāravāreṣu juhuyātkṣetrasiddhaye //
1.70.127
juhuyāllakṣasaṃkhyākaṃ gavyai ścaiva sapāyasaiḥ /
abhīṣṭabhūmyādhipatyaṃ labhate nātra saṃśayaḥ //
1.70.128
udyaddoḥ paridhaṃ divyaṃ sitadaṃṣṭrāgrabhūdharam /
svarṇābhaṃ pārthive pīte maṇḍale susamāhitaḥ //
1.70.129
dhyātvāpnoti mahīṃ ramyāṃ varāhasya prasādataḥ /
vāruṇe maṇḍale dhyāyedvārāhaṃ himasannibhagham //
1.70.130
mahopadravaśāntiḥ syātsādhakasya na saṃśayaḥ /
vaśyārthaṃ ca sadā dhyāyedvarhyābhaṃ vahnimaṇḍe //
1.70.131
dhyāyedevaṃ ripūñcāṭe kṛṣṇābhaṃ vāyumaṇḍale /
hyamaṇḍalagataṃ svacchaṃ vārāhaṃ sarvasiddhidam //
1.70.132
śatrubhūtagrahakṣveḍāmayapīḍādiśāntaye /
bhagvardhīśayutaṃ vyomabindubhūṣitamastakam //
1.70.133
ekākṣaro varāhasya mantraḥ kalpadrumo 'paraḥ /
pūjādyārdhyādikaṃ sarvamasyāṃ pūrvoktavañcaret //
1.70.134
savāmakarṇānidrāsyādvarāhāya hṛdantimaḥ /
tārādyo vasuvarṇo 'yaṃ sarvaiśvaryapradāyakaḥ //
1.70.135
brahmā muniḥ syādgāyatrī chando vārāhasaṃjñakaḥ /
devaścandredvabdhinetraiḥ saveṇāṅgakriyā matā //
1.70.136
dhyānapūjāprayogādi prāgvadasyāpi kalpayet /
praṇavādau ca ṅentaṃ ca bhagavatīti padaṃ tataḥ /
dharaṇidvitayaṃ paścāddharerdvayamudīrayet //
1.70.137
ekonaviṃśatyarṇāḍhyo mantro vahnipriyāntimaḥ /
varāho 'sya muniśchando gāyatrī nivṛdādikā //
1.70.138
devatā dharaṇī bījaṃ tāraḥśaktirvasupriyā /
rāmavedāgnibāṇākṣinetrārṇairaṅgarakalpanam //
1.70.139
śyāmāṃ citravibhūṣāḍhyāṃ padmasthāṃ tuṅgasustanīm /
nīlāṃbujadvayaṃ śālimañjarīṃ ca śukraṃ karaiḥ //
1.70.140
dadhatīṃ citravasanāṃ dharāṃ bhagavatīṃ smaret /
evaṃ dhyātvā japellakṣaṃ daśāṃśaṃ pāyasena tu //
1.70.141
sājyena juhuyānmantrī viṣṇoḥ pīṭhṭhe samarcayet /
mūrtiṃ saṃkalpya mūlena tasyāṃ vasumatīṃ yajet //
1.70.142
aṅgāni pūrvamārādhya bhūvahnijalamārutān /
dikpātreṣu ca sampūjya koṇapatreṣu tatkalāḥ //
1.70.143
nivṛttiśca pratiṣṭā ca vidyānāṃ taiśca tatkalāḥ /
indrādyānapi vañcādīnpūjayettadanantaram //
1.70.144
evaṃ siddhe manau mantrī sādhayediṣṭamātmanaḥ /
dharaṇī prabhajannevaṃ paśuratnāṃbarādibhiḥ //
1.70.145
dharamyā vallabhaḥ sa syātsukhī jīvecchataṃ samā /
trailokyamohano mantro jagannāthasya kīrtyate //
1.70.146
tāraḥ kāmo ramā bījaṃ hṛdante puruṣottamaḥ /
śrīkaṇṭhaḥ pratirūpānte lakṣmīti ca nivāsi ca //
1.70.147
sakalānte jagatpaścātkṣobhaṇeti padaṃ vadet /
sarvastrīhṛdayānte tu vidāraṇapadaṃ vadet //
1.70.148
tatastribhuvanāntaṃ tu madonmādakareti ca /
surāsurānte manujasuṃdarījanavarṇataḥ //
1.70.149
manāṃsi tāpayadvandvaṃ dīpayadvitayaṃ tataḥ /
śoṣayadvitayaṃ paścānmārayadvitayaṃ tataḥ //
1.70.150
staṃbhayadvitayaṃ bhūyo mohayadvitaya tataḥ /
drāvayadvitayaṃ tāvadākarṣayayugaṃ tataḥ //
1.70.136_2
dhyānapūjāprayogādi prāgvadasyāpi kalpayet /
praṇavādau ca ṅentaṃ ca bhagavatīti padaṃ tataḥ /
dharaṇidvitayaṃ paścāddharerdvayamudīrayet //
1.70.137_2
ekonaviṃśatyarṇāḍhyo mantro vahnipriyāntimaḥ /
varāho 'sya muniśchando gāyatrī nivṛdādikā //
1.70.138_2
devatā dharaṇī bījaṃ tāraḥśaktirvasupriyā /
rāmavedāgnibāṇākṣinevārṇairaṅgakalpanam //
1.70.139_2
śyāmāṃ citravibhūṣāḍhyāṃ padmasthāṃ tuṅgasustanīm /
nīlāṃbujadvayaṃ śālimañjarīñca śukaṃ karaiḥ //
1.70.140_2
dadhatīṃ citravasanāṃ dharāṃ bhagavatīṃ smaret /
evaṃ dhyātvā japellakṣaṃ daśāṃśaṃ pāyasena tu //
1.70.141_2
sājyena juhuyānmantrī viṣṇoḥ pīṭhe samarcayet /
mūrtiṃ saṃkalpya gūlena tasyāṃ vasumatīṃ yajet //
1.70.142_2
aṅgāni pūrvamārādhya bhūvahnijalamārutān /
dikpātreṣu ca sampūjya koṇapatreṣu tatkalāḥ //
1.70.143_2
nivṛttiśca pratiṣṭā ca vidyānāṃ taiśca tatkalāḥ /
indrādyānapi vajrādīnpūjayettadanantaram //
1.70.144_2
pūrnaṃ siddhe manau mantrī sādhayediṣṭamātmanaḥ /
dharaṇīṃ prabhajannevaṃ paśuratnāṃbarādibhiḥ //
1.70.145_2
dharaṇyā vallabhaḥ sa syātsukhī jīvecchataṃ samā /
trailokyamohano mantro jagannāthasya kīrtyate //
1.70.146_2
tāraḥ kāmo ramā bījaṃ hṛdante puruṣottamaḥ /
śrīkaṇṭhaḥ pratirūpānte lakṣmīti ca nivāsiṃ ca //
1.70.147_2
sakalānte jagatpaścātkṣobhaṇeti padaṃ vadet /
sarvastrīhṛdayānte tu vidāraṇapadaṃ vadet //
1.70.148_2
tatastribhuvanāntaṃ tu madonmādakareti ca /
surāsurānte manujasuṃdarījanavarṇataḥ //
1.70.149_2
manāṃsi tāpayadvandvaṃ dīpayadvitayaṃ tataḥ /
śoṣayadvitayaṃ paścānmārayadvitayaṃ tataḥ //
1.70.150_2
staṃbhayadvitayaṃ bhūyo mohayadvitaya tataḥ /
drāvayadvitayaṃ tāvadākarṣayayugaṃ tataḥ //
1.70.151
samastaparamo yena subhagena ca saṃyutam /
sarvasaubhāgyaśabdānte karasarvapadaṃ vadet //
1.70.152
kāmapradādamunbrahmāseṃdurhanuyugaṃ tataḥ /
cakreṇa gadayā paścātkhaḍgena tadanantaram //
1.70.153
sarvabāṇairbhediyugaṃ pāśenānte kaṭadvayam /
aṅkuśeneti saṃprocya tāḍayadvitayaṃ punaḥ //
1.70.154
kuruśabdadvayamatho kiṃ tiṣṭasi padaṃ vadet /
tāvadyāvatpadasyānte samāhitamanantaram /
tato me siddhirābhāsya bhavamante ca varma phaṭ //
1.70.155
hṛdanto 'yaṃ mahāmantro dviśatārṇaḥ samīritaḥ /
jaiminirmunirasyoktaśchandaścāmitamīritam //
1.70.156
devatā jagatāṃ mohe jagannāthaḥ prakīrtitaḥ /
kāmo bījaṃ ramā śaktirviniyogo 'khilāptaye //
1.70.157
puruṣottamatribhuvanonmādakānte 'gnivarma ca /
hṛdayaṃ kīrtitaṃ paścājjagatkṣobhaṇaśabdataḥ //
1.70.158
lakṣmīdayitavarmāntaḥ śiraḥ proktaṃ śikhā punaḥ /
manmatho tamaśabdānte maṅgaje padamīrayet //
1.70.159
kāmadāyeti huṃ procya nyasedvama tataḥ param /
paramānte bhṛgukarṇābhyāṃ ca sarvapadaṃ tataḥ //
1.70.160
saubhāgyakaravarmānte kavacaṃ pārikīrtitam /
surāsurānte manujasuṃdarīti padaṃ vadet //
1.70.161
hṛdayānte vidā paścādraṇasarvapadaṃ vadet /
tataḥ praharaṇadharasarvakāmukatatpadam //
1.70.162
hanayugmaṃ ca hṛdayaṃ bandhanāni tato vadet /
ākarṣayadvayaṃ paścānmahābalapadaṃ tataḥ //
1.70.163
varma cāstraṃ samākhyātaṃ netraṃ syāttadanantaram /
vadetribhuvanaṃ paścāccara sarvajaneti ca //
1.70.164
manāṃsi harayugmānte dārayadvitayaṃ ca me /
vaśamānaya varmānte netramantraḥ samīritaḥ //
1.70.165
ṣaḍaṅgamantrāstārādyāḥ phaṭnamontāḥ prakīrtitāḥ /
tārastrailokyaśabdānte mohaneti padaṃ vadet //
1.70.166
hṛṣīkeśeti saṃprocyāpratirūpādiśabdataḥ /
mamnathānantaraṃ sarvastrīṇāṃ hṛdayamīrayet //
1.70.167
ākarṣaṇapadā gacchadāgacchahṛdayāntimaḥ /
anena vyāpakaṃ kṛtvā jagannāthaṃ smaret sudhīḥ //
1.70.168
kṣīrābdhestu taṭe ramyaṃ suradrumalatāñcitam /
udyadarkābhujālābhaṃ svadhāmnojvāladiṅmukham //
1.70.169
prasūnāvalisaurabhyamādyanmadhukarāravam /
divyavātoñcalatkañjaparāgoddhūlitāṃbaram //
1.70.170
svarvadhūgītamādhuryābhirāma cintayedvanam /
tadantarmaṇisampattisphurattoraṇamaṇḍape //
1.70.171
vilasanmauktikoddāmadāmarājadvitānake /
maṇivedyādi viyatkirīṭāgrasamarcite //
1.70.172
divyasiṃhāsane vipra samāsīnaṃ smaredvibhum /
śaṅkhapāśeṣu cāpāni musalaṃ nandakaṃ gadām //
1.70.173
aṅkuśaṃ dadhataṃ dorbhiḥ śliṣṭe kamalayorasi /
paśyatyaṅkasthayāṃbhojaśriyā rāgollasadṛśā //
1.70.174
dhyātvaivaṃ prajapellakṣacatuṣkaṃ taddaśāṃśataḥ /
kuṇḍer'ddhacandre padmairvā jātīpuṣpaiśca homayet //
1.70.175
yāgabhūmiṃ tathātmānaṃ yāgopakaraṇaṃ tathā /
pūjayiṣyan jagannāthaṃ gāyatryā prokṣayedvudhaḥ //
1.70.176
trailokyamohanāyānte vidmahe padamīrayet /
smarāya dhīmahītyuktvā tanno viṣṇuḥ pracodayāt //
1.70.177
gāyatryeṣā samākhyātā sarvaśuddhikarī parā /
kalpayedāsanaṃ pīṭhe pūrvokte vaiṣṇave sudhīḥ //
1.70.178
pakṣirājāya ṭhadvandvaṃ pīṭhamantro 'yamīritaḥ /
mūrtiṃ saṃkalpamūlena tasyāmāvāhayedataḥ //
1.70.179
vyāpakanyāsamantreṇa tataḥ sampūjya bhaktitaḥ /
śrīvatsahṛdayaṃ tena śrīvatsaṃ stanayoryajet //
1.70.180
kaustubhāya hṛdantena yajedvakṣasi kaustubham /
pūjayedvanamālāyai hṛdantena gale ca tām //
1.70.181
karṇikāyāṃ tato 'bhyarcayedvidhivañcāṅgadevatāḥ /
daleṣu pūjayetpaścāllakṣmyādyāvṛttacāmarāḥ //
1.70.182
bandhūkakusumābhāsāḥmuktāhāralasatkucāḥ /
utphullāṃbhaghojanayanā madavibhramamantharāḥ //
1.70.183
lakṣmī sarasvatī caiva dhṛtiḥ prītistataḥ param /
kāntiḥ śāntistuṣṭipuṣṭibījādyā ṅenamontikāḥ //
1.70.184
bhṛguḥ khaḍrāśacandrāḍhyo devyā bījamudāhṛtam /
hrasvatrayaklībasarvarahitasvarasaṃyutam //
1.70.185
devyā bījaṃ kramādāsāmādau ca viniyojayet /
dalāgreṣu yajecchaṅkhaṃ śārṅgaṃ cakramasiṃ gadām //
First 200 of 219 passages. Read on
Linked texts (8)
- Tantrasāra (Kṛṣṇānanda) — Kṛṣṇānanda Āgamavāgīśa 1550, Sanskrit
- Bṛhattantrasāra — Sanskrit
- Puraścaryārṇava — Sanskrit
- Merutantra — Gommaṭa, Sanskrit
- Dāśarathīyatantra — Sanskrit
- Gautamīyatantra — Sanskrit
- Bhāgavatapurāṇa — Vyāsa, Sanskrit
- Mantracandrikā — Sanskrit