Pramāṇa · Search · About · API

Padmapurana 1.14: caturdaśo'dhyāyaḥ

Padmapurāṇa 1.14

Language
Sanskrit

Contents

caturdaśo'dhyāyaḥ

1.14.1

bhīṣmauvāca
kathaṃtripuruṣājjātohyarjunaḥparavīrahā
kathaṃkarṇastukānīnaḥsūtajaḥparikīrtyate

1.14.2

varaṃtayoḥkathaṃbhūtaṃnisargādevatadvada
bṛhatkautūhalaṃmahyaṃtadbhavānvaktumarhati

1.14.3

pulastyauvāca
chinnevaktrepurābrahmākrodhenamahatāvṛtaḥ
lalāṭesvedamutpannaṃgṛhītvātāḍayadbhuvi

1.14.4

svedataḥkuṃḍalījajñesadhanuṣkomaheṣudhiḥ
sahasrakavacīvīraḥkiṃkaromītyuvācaha

1.14.5

tamuvācaviriṃcastudarśayanrudramojasā
hanyatāmeṣadurbuddhirjāyatenayathāpunaḥ

1.14.6

brahmaṇovacanaṃśrutvādhanurudyamyapṛṣṭhataḥ
saṃpratasthemaheśasyabāṇahastotiraudradṛk

1.14.7

dṛṣṭvāpuruṣamatyugraṃbhītastasyatrilocanaḥ
apakrāṃtastatovegādviṣṇorāśramamabhyagāt

1.14.8

trāhitrāhītimāṃviṣṇonarādasmāccaśatruhan
brahmaṇānirmitaḥpāpomleccharūpobhayaṃkaraḥ

1.14.9

yathāhanyānnamāṃkruddhastathākurujagatpate
huṃkāradhvanināviṣṇurmohayitvātutaṃnaram

1.14.10

adṛśyaḥsarvabhūtānāṃyogātmāviśvadṛkprabhuḥ
tatraprāptaṃvirūpākṣaṃsāṃtvayāmāsakeśavaḥ

1.14.11

tatassapraṇatobhūmaudṛṣṭodevenaviṣṇunā
viṣṇuruvāca
pautrohimebhavānrudrakaṃtekāmaṃkaromyaham

1.14.12

dṛṣṭvānārāyaṇaṃdevaṃbhikṣāṃdehītyuvācaha
kapālaṃdarśayitvāgreprajvalaṃstejasotkaṭam

1.14.13

kapālapāṇiṃsaṃprekṣyarudraṃviṣṇuracintayat
konyoyogyobhavedbhikṣurbhikṣādānasyasāṃpratam

1.14.14

yogyoyamitisaṃkalpyadakṣiṇaṃbhujamarpayat
tadbibhedātitīkṣṇenaśūlenaśaśiśekharaḥ

1.14.15

prāvartatatatodhārāśoṇitasyavibhorbhujāt
jāṃbūnadarasākārāvahnijvālevanirmitā

1.14.16

nipapātakapālāṃtaśśambhunāsāprabhikṣitā
ṛjvīvegavatītīvrāspṛśaṃtītvāṃbaraṃjavāt

1.14.17

paṃcāśadyojanādairghyādvistārāddaśayojanā
divyavarṣasahasraṃsāsamuvāhaharerbhujāt

1.14.18

iyaṃtaṃkālamīśosaubhikṣāṃjagrāhabhikṣukaḥ
dattānārāyaṇenāthakāpālepātrauttame

1.14.19

tatonārāyaṇaḥprāhaśaṃbhuṃparamidaṃvacaḥ
saṃpūrṇaṃvānavāpātraṃtatovaiparamīśvaraḥ

1.14.20

satoyāṃbudanirghoṣaṃśrutvāvākyaṃharerharaḥ
śaśisūryāgninayanaḥśaśiśekharaśobhitaḥ

1.14.21

kapāledṛṣṭimāveśyatribhirnetrairjanārdanam
aṃgulyāghaṭayanprāhakapālaṃparipūritam

1.14.22

śrutvāśivasyatāṃvāṇīṃviṣṇurdhārāṃsamāharat
paśtothaharerīśaḥsvāṃgulyārudhiraṃtadā

1.14.23

divyavarṣasahasraṃcadṛṣṭipātairmamaṃthasaḥ
mathyamānetatoraktekalilaṃbudbudaṃkramāt

1.14.24

babhūvacatataḥpaścātkirīṭīsaśarāsanaḥ
baddhatūṇīrayugalovṛṣaskaṃdhoṅgulitravān

1.14.25

puruṣovahnisaṃkāśaḥkapālesaṃpradṛśyate
taṃdṛṣṭvābhagavānviṣṇuḥprāharudramidaṃvacaḥ

1.14.26

kapālebhavakovā'yaprādurbhūtobhavannaraḥ
vacaḥśrutvāharerīśastamuvācavibhośṛṇu

1.14.27

naronāmaiṣapuruṣaḥparamāstravidāṃvaraḥ
bhavatoktonaraitinarastasmādbhaviṣyati

1.14.28

naranārāyaṇaucobhauyugekhyātaubhaviṣyataḥ
saṃgrāmedevakāryeṣulokānāṃparipālane

1.14.29

eṣanārāyaṇasaravonarastasmādbhaviṣyati
athāsuravadhesāhyaṃtavakartāmahādyutiḥ

1.14.30

munirjñānaparīkṣāyāṃjetālokebhaviṣyati
tejodhikamidaṃdivyaṃbrahmaṇaḥpaṃcamaṃśiraḥ

1.14.31

tejasobrahmaṇodīptādbhujasyatavaśoṇitāt
mamadṛṣṭinipātāccatrīṇitejāṃsiyānitu

1.14.32

tatsaṃyogasamutpannaḥśatruṃyuddhevijeṣyati
avadhyāyebhaviṣyaṃtidurjayāapicāpare

1.14.33

śakrasyacāmarāṇāṃcateṣāmeṣabhayaṃkaraḥ
evamuktvāsthitaḥśaṃbhurvismitaścaharistadā

1.14.34

kapālasthaḥsatatraivatuṣṭāvaharakeśavau
śirasyaṃjalimādhāyatadāvīraudāradhīḥ

1.14.35

kiṃkaromītitauprāhaityuktvāpraṇataḥsthitaḥ
tamuvācaharaḥśrīmānbrahmaṇāsvenatejasā

1.14.36

sṛṣṭonarodhanuṣpāṇistvamenaṃtuniṣūdaya
itthamuktvāṃjalidharaṃstuvaṃtaṃśaṃkaronaram

1.14.37

tathaivāṃjalisaṃbaddhaṃgṛhītvācakaradvayam
uddhṛtyāthakapālāttaṃpunarvacanamabravīt

1.14.38

saeṣapuruṣoraudroyomayāveditastava
viṣṇuhuṃkāraracitamohanidrāṃpraveśitaḥ

1.14.39

vibodhayainaṃtvaritamityuktvāntardadheharaḥ
nārāyaṇasyapratyakṣaṃnareṇānenavaitadā

1.14.40

vāmapādahataḥsopisamuttasthaumahābalaḥ
tatoyuddhaṃsamabhavatsvedaraktajayormahat

1.14.41

visphāritadhanuḥśabdaṃnāditāśeṣabhūtalam
kavacaṃsvedajasyaikaṃraktajenatvapākṛtam

1.14.42

evaṃsametayoryuddhedivyaṃvarṣadvayaṃtayoḥ
yudhyatoḥsamatītaṃcasvedaraktajayornṛpa

1.14.43

raktajaṃdvibhujaṃdṛṣṭvāsvedajaṃcaivasaṃgatau
vicintyavāsudevogādbrahmaṇaḥsadanaṃparam

1.14.44

sasaṃbhramamuvācedaṃbrahmāṇaṃmadhusūdanaḥ
raktajenādyabhobrahmansvedajoyaṃnipātitaḥ

1.14.45

śrutvaitadākulobrahmābabhāṣemadhusūdanam
haredyajanmaninaromadīyojīvatādayam

1.14.46

tathātuṣṭobravīttaṃcaviṣṇurevaṃbhaviṣyati
gatvātayoraṇamapinivāryāhacatāvubhau

1.14.47

anyajanmanibhavitākalidvāparayormithaḥ
saṃdhaumahāraṇejātetatrāhaṃyojayāmivāṃ

1.14.48

viṣṇunātusamāhūyagraheśvarasureśvarau
uktāvimaunaraubhadraupālanīyaumamājñayā

1.14.49

sahasrāṃśosvedajoyaṃsvakīyoṃśodharātale
dvāparāṃtevatāryoyaṃdevānāṃkāryasiddhaye

1.14.50

yaṃdūnāṃtukulebhāvīśūronāmamahābalaḥ
tasyakanyāpṛthānāmarūpeṇāpratimābhuvi

1.14.51

utpatsyatimahābhāgādevānāṃkāryasiddhaye
durvāsāstuvaraṃtasyaimaṃtragrāmaṃpradāsyati

1.14.52

maṃtreṇānenayaṃdevaṃbhaktyāāvāhayiṣyati
devitasyaprasādāttutavaputrobhaviṣyati

1.14.53

sācatvāmudayedṛṣṭvāsābhilāṣārajasvalā
ciṃtābhipannātiṣṭhaṃtībhajitavyāvibhāvaso

1.14.54

tasyāgarbhetvayaṃbhāvīkānīnaḥkuṃtinaṃdanaḥ
bhaviṣyatisutodevadevakāryārthasiddhaye

1.14.55

tatheticoktvāprovācatejorāśirdivākaraḥ
putramutpādayiṣyāmikānīnaṃbalagarvitam

1.14.56

yasyakarṇetivaināmalokaḥsarvovadiṣyati
matprasādādasyaviṣṇoviprāṇāṃbhāvitātmanaḥ

1.14.57

adeyaṃnāstivailokevastukiṃciccakeśava
evaṃprabhāvaṃcaivainaṃjanayevacanāttava

1.14.58

evamuktvāsahasrāṃśurdevaṃdānavaghātinam
nārāyaṇaṃmahātmānaṃtatraivāṃtardadheraviḥ

1.14.59

adarśanaṃgatedevebhāskare vāritaskare
vṛddhaśravasamapyevamuvācaprītamānasaḥ

1.14.60

sahasranetraraktotthonaroyaṃmadanugrahāt
svāṃśabhūtodvāparāṃteyoktavyobhūtaletvayā

1.14.61

yadāpāṃḍurmahābhāgaḥpṛthāṃbhāryāmavāpsyati
mādrīṃcāpimahābhāgatadāraṇyaṃgamiṣyati

1.14.62

tasyāpyaraṇyasaṃsthasyamṛgaḥśāpaṃpradāsyati
tenacotpannavairāgyaḥśataśṛgaṃgamiṣyati

1.14.63

putrānabhīpsankṣetrotthānbhāryāṃsapravadiṣyati
anīpsaṃtītadākuṃtībharttāraṃsāvadiṣyati

1.14.64

nāhaṃmartyasyavairājan putrānicchekathaṃcana
daivatebhyaḥprasādāccaputrānicchenarādhipa

1.14.65

prārthayaṃtyaitvayāśakrakuṃtyaideyonarastataḥ
vacasācamadīyenaevaṃkuruśacīpate

1.14.66

athābravīttadāviṣṇuṃdeveśoduḥkhitovacaḥ
asminmanvaṃtaretītecaturviṃśatikeyuge

1.14.67

avatīryaraghukulegṛhedaśarathasyaca
rāvaṇasyavadhārthāyaśāṃtyarthaṃcadivaukasām

1.14.68

rāmarūpeṇabhavatāsītārthamaṭatāvane
matputrohiṃsitodevasūryaputrahitārthinā

1.14.69

vālināmaplavaṃgeṃdraḥsugrīvārthetvayāyataḥ
duḥkhenānenataptohaṃgṛhṇāminasutaṃnaram

1.14.70

agṛhṇamānaṃdeveṃdraṃkāraṇāṃtaravādinam
hariḥproceśunāsīraṃbhuvobhārāvatāraṇe

1.14.71

avatāraṃkariṣyāmimartyaloketvahaṃprabho
sūryaputrasyanāśārthaṃjayārthamātmajasyate

1.14.72

sārathyaṃcakariṣyāmināśaṃkurukulasyaca
tatohṛṣṭobhavacchakroviṣṇuvākyenatenaha

1.14.73

pratigṛhyanaraṃhṛṣṭaḥsatyaṃcāstuvacastava
evamuktvāvaraṃdevaḥpreṣayitvācyutaḥsvayam

1.14.74

gatvātupuṃḍarīkākṣobrahmāṇaṃprāhavaipunaḥ
tvayāsṛṣṭamidaṃsarvaṃ trailokyaṃsacarācaram

1.14.75

āvāṃkāryasyakaraṇesahāyaucatavaprabho
svayaṃkṛtvāpunarnāśaṃkartuṃdevanabudhyase

1.14.76

kṛtaṃjugupsitaṃkarmaśaṃbhumetaṃjighāṃsatā
tvayācadevadevasyasṛṣṭaḥkopenavaipumān

1.14.77

śuddhyarthamasyapāpasyaprāyaścittaṃparaṃkuru
gṛhṇanvahnitrayaṃdevaagnihotramupāhara

1.14.78

puṇyatīrthetathādeśevanevāpipitāmaha
svapatnyāsahitoyajñaṃkuruṣvāsmatparigrahāt

1.14.79

sarvedevāstathādityārudrāścāpijagatpate
ādeśaṃtekariṣyaṃtiyatosmākaṃbhavānprabhuḥ

1.14.80

ekohigārhapatyognirdakṣiṇāgnirdvitīyakaḥ
āhavanīyastṛtīyastutrikuṃḍeṣuprakalpaya

1.14.81

vartuletvarcayātmānammāmathodhanurākṛtau
catuḥkoṇeharaṃdevaṃṛgyajuḥsāmanāmabhiḥ

1.14.82

agnīnutpādyatapasāparāmṛddhimavāpyaca
divyaṃvarṣasahasraṃtuhutvāgnīnśamayiṣyasi

1.14.83

agnihotrātparaṃnānyatpavitramihapaṭhyate
sukṛtenāgnihotreṇapraśuddhyaṃtibhuvidvijāḥ

1.14.84

paṃthānodevalokasyabrāhmaṇairdaśitāstvamī
ekogniḥsarvadādhāryogṛhasthenadvijanmanā

1.14.85

vināgninādvijenehagārhasthyannatulabhyate
bhīṣmauvāca
yosaukapālādutpannonaronāmadhanurddharaḥ

1.14.86

kimeṣamādhavājjātautāhosvenakarmaṇā
utarudreṇajanitohyathavābuddhipūrvakam

1.14.87

brahmanhiraṇyagarbhoyamaṃḍajātaścaturmukhaḥ
adbhutaṃpañcamaṃtasyavaktraṃtatkathamutthitam

1.14.88

satverajonadṛśyetanasatvaṃrajasikvacit
satvasthobhagavānbrahmākathamudrekamādadhāt

1.14.89

mūḍhātmanānaroyenahaṃtuṃhiprahitoharaṃ
pulastyauvāca
maheśvaraharīcaitodvāvevasatpathisthitau

1.14.90

tayoraviditaṃnāstisiddhāsiddhaṃmahātmanoḥ
brahmaṇaḥpaṃcamaṃvaktramūrddhvamāsīnmahātmanaḥ

1.14.91

tatobrahmābhavanmūḍhorajasācopabṛṃhitaḥ
tatoyaṃtejasāsṛṣṭimamanyatamayākṛtā

1.14.92

mattonyonāstivaidevoyenasṛṣṭiḥpravartitā
sahadevāḥsagaṃdharvāḥpaśupakṣimṛgākulāḥ

1.14.93

evaṃmūḍhaḥsapaṃcāsyoviriṃcirabhavatpunaḥ
prāgvaktraṃmukhametasyaṛgvedasyapravartakam

1.14.94

dvitīyaṃvadanaṃtasyayajurvedapravartakam
tṛtīyaṃsāmavedasyaatharvārthaṃcaturthakam

1.14.95

sāṃgopāṃgetihāsāṃścasarahasyānsasaṃgrahān
vedānadhītevaktreṇapaṃcamenoddhrvacakṣuṣā

1.14.96

tasyāsurasurāḥsarvevaktrasyādbhutavarcasaḥ
tejasānaprakāśaṃtedīpāḥsūryodayeyathā

1.14.97

svapureṣvapisodvegāhyavartaṃtavicetasaḥ
nakaṃcidgaṇayeccānyaṃtejasākṣipateparān

1.14.98

nābhigaṃtunacadraṣṭuṃpurastānnopasarpitum
śekustrastāḥsurāssarvepadmayoniṃmahāprabhum

1.14.99

abhibhūtamivātmānaṃmanyamānāhatatviṣaḥ
sarvetemaṃtrayāmāsurdaivatāhitamātmanaḥ

1.14.100

gacchāmaḥśaraṇaṃśaṃbhuṃnistejasosyatejasā
devāūcuḥ
namastesarvasatveśamaheśvaranamonamaḥ

1.14.101

jagadyoneparaṃbrahmabhūtānāṃtvaṃsanātanaḥ
pratiṣṭhāsarvajagatāṃtvaṃheturviṣṇunāsaha

1.14.102

evaṃsaṃstūyamānosaudevarṣipitṛdānavaiḥ
aṃtarhitauvācedaṃdevāḥprārthayatepsitam

1.14.103

devāūcuḥ
pratyakṣadarśanaṃdatvādehidevayathepsitam
kṛtvākāruṇyamasmākaṃvaraścāpipradīyatām

1.14.104

yadasmākaṃmahadvīryaṃtejaojaḥparākramaḥ
tatsarvaṃbrahmaṇāgrastaṃpaṃcamāsyasyatejasā

1.14.105

vineśuḥsarvatejāṃsitvatprasādātpunaḥprabho
jāyatetuyathāpūrvaṃtathākurumaheśvara

1.14.106

tataḥprasannavadanodevaiścāpinamaskṛtaḥ
jagāmayatrabrahmāsaurajohaṃkāramūḍhadhīḥ

1.14.107

stuvaṃtodevadeveśaṃparivāryasamāviśan
brahmātamāgataṃrudraṃnajajñerajasāvṛtaḥ

1.14.108

sūryakoṭisahasrāṇāṃtejasāraṃjayanjagat
tadādṛśyataviśvātmāviśvasṛgviśvabhāvanaḥ

1.14.109

sapitāmahamāsīnaṃsakalaṃdevamaṃḍalam
abhigamyatatorudrobrahmāṇaṃparameṣṭhinam

1.14.110

ahotitejasāvaktramadhikaṃdevarājate
evamuktvāṭṭahāsaṃtumumocaśaśiśekharaḥ

1.14.111

vāmāṃguṣṭhanakhāgreṇabrahmaṇaḥpaṃcamaṃśiraḥ
cakartakadalīgarbhaṃnaraḥkararuhairiva

1.14.112

vicchinnaṃtuśiraḥpaścādbhavahastesthitaṃtadā
grahamaṃḍalamadhyasthodvitīyaivacaṃdramāḥ

1.14.113

karotkṣiptakapālenananartacamaheśvaraḥ
śikharasthenasūryeṇakailāsaivaparvataḥ

1.14.114

chinnevaktretatodevāhṛṣṭāstaṃvṛṣabhadhvajam
tuṣṭuvurvividhaistotrairdevadevaṃkapardinam

1.14.115

devāūcuḥ
namaḥkapālinenityaṃmahākālasyakāline
eśvaryajñānayuktāyasarvabhāgapradāyine

1.14.116

namoharṣavilāsāyasarvadevamayāyaca
kalausaṃhārakartātvaṃmahākālaḥsmṛtohyasi

1.14.117

bhaktānāmārtināśastvaṃduḥkhāṃtastenacocyase
śaṃkaroṣyāśubhaktānāṃtenatvaṃśaṃkaraḥsmṛtaḥ

1.14.118

chinnaṃbrahmaśiroyasmāttvaṃkapālaṃbibharṣica
tenadevakapālītvaṃstutohyadyaprasīdanaḥ

1.14.119

evaṃstutaḥprasannātmādevānprasthāpyaśaṃkaraḥ
svānidhiṣṇyānibhagavāṃstatraivāsīnmudānvitaḥ

1.14.120

vijñāyabrahmaṇobhāvaṃtatovīrasyajanmaca
śironīrasyavākyāttulokānāṃkopaśāṃtaye

1.14.121

śirasyaṃjalimādhāyatuṣṭāvāthapraṇamyatam
tejonidhiparaṃbrahmajñātumitthaṃprajāpatim

1.14.122

niruktasūktarahasyairṛgyajuḥsāmabhāṣitaiḥ
rudrauvāca
aprameyanamastestuparamasyaparātmane

1.14.123

adbhutānāṃprasūtistvaṃtejasāṃnidhirakṣayaḥ
vijayādviśvabhāvastvaṃsṛṣṭikartāmahādyute

1.14.124

ūrddhavaktranamastestusatvātmakadharātmaka
jalaśāyinjalotpannajalālayanamostute

1.14.125

jalajotphullapatrākṣajayadevapitāmaha
tvayāhyutpāditaḥpūrvaṃsṛṣṭyarthamahamīśvara

1.14.126

yajñāhutisadāhārayajñāṃgeśanamostute
svarṇagarbhapadmagarbhadevagarbhaprajāpate

1.14.127

tvaṃyajñastvaṃvaṣaṭkāraḥsvadhātvaṃpadmasaṃbhava
vacanenatudevānāṃśiraśchinnaṃmayāprabho

1.14.128

brahmahatyābhibhūtosmimāṃtvaṃpāhijagatpate
ityuktodevadevenabrahmāvacanamabravīt

1.14.129

brahmovāca
sakhānārāṇodevaḥsatvāṃpūtaṃkariṣyati
kīrtanīyastvayādhanyaḥsamepūjyaḥsvayaṃvibhuḥ

1.14.130

anudhyāto'sivainūnaṃtenadevenaviṣṇunā
yenatebhaktirutpannāstotuṃmāṃmatirutthitā

1.14.131

śiraśchedātkapālītvaṃsomasiddhāṃtakārakaḥ
koṭīḥśataṃcaviprāṇāmuddhartāsimahādyute

1.14.132

brahmahatyāvrataṃkuryānānyatkiṃcanavidyate
abhāṣyāḥpāpinaḥkrūrābrahmaghnāḥpāpakāriṇaḥ

1.14.133

vaitānikāvikarmasthānatebhāṣyāḥkathaṃcana
taistudṛṣṭaistathākāryaṃbhāskarasyāvalokanam

1.14.134

aṃgasparśekṛterudrasacailojalamāviśet
evaṃśuddhimavāpnotipūrvaṃdṛṣṭāṃmanīṣibhiḥ

1.14.135

sabhavānbrahmahantāsiśuddhyarthaṃvratamācara
cīrṇevratepunarbhūyaḥprāpsyasitvaṃvarānbahūn

1.14.136

evamuktvāgatobrahmārudrastannābhijajñivān
aciṃtayattadāviṣṇuṃdhyānagatyātataḥsvayaṃ

1.14.137

lakṣmīsahāyaṃvaradaṃdevadevaṃsanātanam
aṣṭāṃgapraṇipātenadevadevastrilocanaḥ

1.14.138

tuṣṭāvapraṇatobhūtvāśaṃkhacakragadādharam
rudrauvāca
paraṃparāṇāmamṛtaṃpurāṇaṃparātparaṃviṣṇumanaṃtavīryaṃ

1.14.139

smarāminityaṃpuruṣaṃvareṇyaṃnārāyaṇaṃniṣpratimaṃpurāṇam
parātparaṃpūrvajamugravegaṃgaṃbhīragaṃbhīradhiyāṃpradhānam

1.14.140

natosmidevaṃharimīśitāraṃparātparaṃdhāmaparaṃcadhāma
parāparaṃtatparamaṃcadhāmaparāpareśaṃpuruṣaṃviśālam

1.14.141

nārāyaṇaṃstaumiviśuddhabhāvaṃparāparaṃsūkṣmamidaṃsasarja
sadāsthitatvātpuruṣapradhānaṃśāṃtaṃpradhānaṃśaraṇaṃmamāstu

1.14.142

nārāyaṇaṃvītamalaṃpurāṇaṃparātparaṃviṣṇumapārapāram
purātanaṃnītimatāṃpradhānaṃdhṛtikṣamāśāṃtiparaṃkṣitīśam

1.14.143

śubhaṃsadāstaumimahānubhāvaṃsahasramūrddhānamanekapādam
anaṃtabāhuṃśaśisūryanetraṃkṣarākṣaraṃkṣīrasamudranidram

1.14.144

nārāyaṇaṃstaumiparaṃpareśaṃparātparaṃyattridaśairagamyam
trisargasaṃsthaṃtrihutāśanetraṃtritatvalakṣyaṃtrilayaṃtrinetram

1.14.145

namāminārāyaṇamaprameyaṃkṛtesitaṃdvāparataścaraktam
kalaucakṛṣṇaṃtamathonamāmisasarjayovaktrataevaviprān

1.14.146

bhujāṃtarātkṣatramathoruyugmādviśaḥpadāgrāccatathaivaśūdrān
namāmitaṃviśvatanuṃpurāṇaṃparātparaṃpāragamaprameyam

1.14.147

sūkṣmamūrttiṃmahāmūrttiṃvidyāmūrttimamūrtikam
kavacaṃsarvadevānāṃnamasyevārijekṣaṇam

1.14.148

sahasraśīrṣaṃdeveśaṃsahasrākṣaṃmahābhujam
jagatsaṃvyāpyatiṣṭhaṃtaṃnamasyeparameśvaram

1.14.149

śaraṇyaṃśaraṇaṃdevaṃviṣṇuṃjiṣṇuṃsanātanam
nīlameghapratīkāśaṃnamasyeśārṅgapāṇinam

1.14.150

śuddhaṃsarvagataṃnityaṃvyomarūpaṃsanātanam
bhāvābhāvavinirmuktaṃnamasyesarvagaṃharim

1.14.151

nacātrakiṃcitpaśyāmivyatiriktaṃtavācyuta
tvanmayaṃcaprapaśyāmisarvametaccarācaram

1.14.152

evaṃtuvadatastasyarudrasyaparameṣṭhinaḥ
itīritestena sanātanasvayaṃparātparastasyababhūvadarśane

1.14.153

rathāṃgapāṇirgaruḍāsanogiriṃvidīpayanbhāskaravatsamutthitaḥ
varaṃvṛṇīṣvetisanātanobravīdvarastavāhaṃvaradaḥsamāgataḥ

1.14.154

itīriterudravarojagādamamātiśuddhirbhavitāsureśa
nacāsyapāpasyaharaṃhicānyatsaṃdṛśyategryaṃcaṛtebhavaṃtam

1.14.155

brahmahatyābhibhūtasyatanurmekṛṣṇatāṃgatā
śavagaṃdhaścamegātrelohasyābharaṇānime

1.14.156

kathaṃmenabhavedevameṃtadrūpaṃjanārdanam
kiṃkaromimahādevayenamepūrvikātanūḥ

1.14.157

tvatprasādenabhavitātanmekathayacācyuta
viṣṇuruvāca
brahmavadhyāparācogrāsarvakaṣṭapradāparā

1.14.158

manasāpinakurvītapāpasyāsyatubhāvanām
bhavatādevavākyenaniṣṭhācaiṣānibodhitā

1.14.159

idānīṃtvaṃmahābāhobrahmaṇoktaṃsamācara
bhasmasarvāṇigātrāṇitrikālaṃgharṣayestanau

1.14.160

śikhāyāṃkarṇayoścaivakarecāsthīnidhāraya
evaṃcakurvatorudrakaṣṭaṃnaivabhaviṣyati

1.14.161

saṃdiśyaivaṃsabhagavāṃstatoṃtarddhānamīśvaraḥ
lakṣmīsahāyogatavānrudrastaṃnābhijajñivān

1.14.162

kapālapāṇirdeveśaḥparyaṭanvasudhāmimām
himavaṃtaṃsamainākaṃmeruṇācasahaivatu

1.14.163

kailāsaṃsakalaṃviṃdhyaṃnīlaṃcaivamahāgirim
kāṃcīṃkāśīṃtāmraliptāṃmagadhāmāvilāṃtathā

1.14.164

vatsagulmaṃcagokarṇaṃtathācaivottarānkurūn
bhadrāśvaṃketumālaṃcavarṣaṃhairaṇyakaṃtathā

1.14.165

kāmarūpaṃprabhāsaṃcamaheṃdraṃcaivaparvatam
brahmahatyābhibhūtosaubhramaṃstrāṇaṃnaviṃdati

1.14.166

trapānvitaḥkapālaṃtupaśyanhastagataṃsadā
karauvidhunvanbahuśovikṣiptaścamuhurmuhuḥ

1.14.167

yadāsyadhunvatohastaukapālaṃpatatenatu
tadāsyabuddhirutpannāvrataṃcaitatkaromyaham

1.14.168

madīyenaivamārgeṇadvijāyāsyaṃtisarvataḥ
dhyātvaivaṃsuciraṃdevovasudhāṃvicacāraha

1.14.169

puṣkaraṃtusamāsādyapraviṣṭoraṇyamuttamam
nānādrumalatākīrṇaṃnānāmṛgaravākulam

1.14.170

drumapuṣpabharāmodavāsitaṃyatsuvāyunā
buddhipūrvamivanyastaiḥpuṣpairbhūṣitabhūtalam

1.14.171

nānāgadhaṃrasairanyaiḥpakvāpakvaiḥphalaistathā
viveśatarubṛṃdenapuṣpāmodābhinaṃditaḥ

1.14.172

atrārādhayatobhaktyābrahmādāsyatimevaram
brahmaprasādātsaṃprāptaṃpauṣkaraṃjñānamīpsitam

1.14.173

pāpaghnaṃduṣṭaśamanaṃpuṣṭiśrībalavarddhanam
evaṃvaidhyāyatastasyarudrasyāmitatejasaḥ

1.14.174

ājagāmatatobrahmābhaktiprītothakaṃjajaḥ
uvācapraṇataṃrudramutthāpyacapunarguruḥ

1.14.175

divyavratopacāreṇasohamārādhitastvayā
bhavatāśraddhayātyarthaṃmamadarśanakāṃkṣayā

1.14.176

vratasthāmāṃhipaśyaṃtimanuṣyādevatāstathā
tadicchayāprayacchāmivaraṃyatpravaraṃvaram

1.14.177

sarvakāmaprasiddhyarthaṃvrataṃyasmānniṣevitam
manovākkāyabhāvaiścasaṃtuṣṭenāṃtarātmanā

1.14.178

kaṃdadāmicavaikāmaṃvadabhosteyathepsitam
rudrauvāca
eṣaevādyabhagavansuparyāptomahāvaraḥ

1.14.179

yaddṛṣṭosijagadvedyajagatkartarnamostute
mahatāyajñasādhyenabahukālārjitenaca

1.14.180

prāṇavyayakareṇatvaṃtapasādevadṛśyate
idaṃkapālaṃdeveśanakarātpatitaṃvibho

1.14.181

trapākarāṛṣīṇāṃcacaryaiṣākutsitāvibho
tvatprasādādvrataṃcedaṃkṛtaṃkāpālikaṃtuyat

1.14.182

siddhametatprapannasyamahāvratamihocyatām
puṇyapradeśeyasmiṃstukṣipāmīdaṃvadasvame

1.14.183

pūtobhavāmiyenāhaṃmunīnāṃbhāvitātmanām
brahmovāca
avimuktaṃbhagavataḥsthānamastipurātanam

1.14.184

kapālamocanaṃtīrthaṃtavatatrabhaviṣyati
ahaṃcatvaṃsthitastatraviṣṇuścāpibhaviṣyati

1.14.185

darśanebhavatastatramahāpātakinopiye
tepibhogānsamaśnaṃtiviśuddhābhavanemama

1.14.186

varaṇāpiasīcāpidvenadyausuravallabhe
aṃtarāletayoḥkṣetrevadhyānaviśatikvacit

1.14.187

tīrthānāṃpravaraṃtīrthaṃkṣetrāṇāṃpravaraṃtava
ādehapatanādyetukṣetraṃsevaṃtimānavāḥ

1.14.188

temṛtāhaṃsayānenadivaṃyāṃtyakutobhayāḥ
paṃcakrośapramāṇenakṣetraṃdattaṃmayātava

1.14.189

kṣetramadhyādyadāgaṃgāgamiṣyatisaritpatim
tadāsāmahatīpuṇyāpurīrudrabhaviṣyati

1.14.190

puṇyācodaṅmukhīgaṃgāprācīcāpisarasvatī
udaṅmukhīyojanedvegacchatejāhnavīnadī

1.14.191

tatravaivibudhāḥsarvemayāsahasavāsavāḥ
āgatāvāsameṣyaṃtikapālaṃtatramocaya

1.14.192

tasmiṃstīrthetuyegatvāpiṇḍadānenavaipitṝn
śrāddhaistuprīṇayiṣyaṃtiteṣāṃloko'kṣayodivi

1.14.193

vārāṇasyāṃmahātīrthenaraḥsnātovimucyate
saptajanmakṛtātpāpādgamanādevamucyate

1.14.194

tattīrthaṃsarvatīrthānāmuttamaṃparikīrtitam
tyajaṃtitatrayeprāṇānprāṇinaḥpraṇatāstava

1.14.195

rudratvaṃtesamāsādyamodaṃtebhavatāsaha
tatrāpihituyaddattaṃdānaṃrudrayatātmanā

1.14.196

syānmahaccaphalaṃtasyabhavitābhāvitātmanaḥ
svāṃgasphuṭitasaṃskāraṃtatrakurvaṃtiyenarāḥ

1.14.197

terudralokamāsādyamodaṃtesukhinaḥsadā
tatrapūjājapohomaḥkṛtobhavatidehināṃ

1.14.198

anaṃtaphaladaḥsvargorudrabhaktiyutātmanaḥ
tatradīpapradānetujñānacakṣurbhavennaraḥ

1.14.199

avyaṃgaṃtaruṇaṃsaumyaṃrūpavaṃtaṃtugosutam
yoṅkayitvāmocayatisayātiparamaṃpadam

1.14.200

pitṛbhiḥsahitomokṣaṃgacchatenātrasaṃśayaḥ
athakiṃbahunoktenayattatrakriyatenaraiḥ

First 200 of 215 passages. Read on

Linked texts (6)