Prakriyapada 15

Prakriyāpāda 15

'thatha pañcadaśo'dhyāyaḥ
pāśupatayogaḥ
vāyuruvāca | caturddamavidhaṃ hyetat budvā saṃsāramaṇḍalaṃ
tathā samārabhet karmma saṃsārabhayapīr̤itaḥ

tataḥ smarati saṃsāracakreṇa parivarttitaḥ
tasmāttu satataṃ yukto dhyānatatparayuñjakaḥ
tathā samārabhedyogaṃ yathātmānaṃ sa paśyati

eṣa ādyaḥ paraṃ jyotireṣa seturanuttamaḥ
vidvaddau hyeṣa bhūtānāṃ na sambhedasya śāśvataḥ

tadenaṃ setumātmānaṃ agniṃ vai viśvatomukhaṃ
hṛdisthaṃ sarvvabhūtānāmupāsīta vidhānavit

hutvāṣṭāvāhutīḥ samyak śucistadgatamānasaḥ
vaikhānaraṃ hṛdisthantu yathāvadanupūrvvaśaḥ
apaḥ pūrvvaṃ sakṛt prāśya tūṣṇīṃ bhūtvā upāsate

prāṇāyeti tatastasya prathamā hyāhutiḥ smṛtā
apānāya dvitīyā tu samānāyeti cāparā

udānāya caturthīti vyānāyeti ca pañcamī
svāhākāraiḥ paraṃ hutvā śeṣaṃ bhuñjīta kāmataḥ
apaḥ punaḥ sakṛt prāśya cācamya hṛdayaṃ spṛśet

oṃprāṇānāṃ granthirasyātmā rudro hyātmā viśāntakaḥ
sa rudro hyātmanaḥ prāṇā evamāpyāyayet svayaṃ

tvaṃ devānāmati jyeṣṭha ugrasvañcaturo vṛṣā
mṛtyugno'si tvamannābhyaṃ bhadrametaddhutaṃ haviḥ

evaṃ hṛdayamālabhya pādāṅguṣṭhe tu dakṣiṇe
vimrāvya dakṣiṇaṃ pāṇiṃ nābhiṃ vai pāṇinā spṛśet
tataḥ punarupaspṛśya cātmānamabhisaṃspṛśet

akṣiṇī nāsikā śrotre hṛdayaṃ śira eva ca
dvāvātmānāvubhāvetau prāṇāpānāvudāhṛtau

tayoḥ prāṇo'ntarātmāsya bāhyo'pāno'ta ucyate
annaṃ prāṇastathāpānaṃ mṛtyurjīvitameva ca

annaṃ brahma ca vijñeyaṃ prajānāṃ prasavastathā
annādbhūtāni jāyante sthitirannena ceṣyate
vardhante tena bhūtāni tasmādannantaducyate

tadevāgnau hutaṃ hyannaṃ bhuñjate devadānavāḥ
gandharvvayakṣarakṣāṃsi piśācāścānnameva hi

iti śrīmahāpurāṇe vāyuprokte pāśupatayogo nāma pañcadaśo'dhyāyaḥ

Linked texts (2)