Shivapurana 7.1.29.21
Śivapurāṇa 7.1.29.21
- Language
- Sanskrit
7.1.29.21
/
533b
7.1.29.21.p1
vyāpikā 'vyāpikā śaktiḥ pañcatattvaviśodhanāt //
7.1.29.21.p2
nivṛttyā rudraparyantaṃ sthitiraṇḍasya śodhyate //
7.1.29.21.p3
pratiṣṭhayā tadūrdhvaṃ tu yāvadavyaktagocaram //
7.1.29.21.p4
tadūrdhvaṃ vidyayā madhye yāvadviśveśvarāvadhi //
7.1.29.21.p5
śāntyā tadūrdhvaṃ madhvānte viśuddhiḥ śāntyatītayā //
7.1.29.21.p6
yāmāhuḥ paramaṃ vyoma paraprakṛtiyogataḥ //
7.1.29.21.p7
etāni pañcatattvāni yairvyāptamakhilaṃ jagat //
7.1.29.21.p8
tatraiva sarvamevedaṃ draṣṭavyaṃ khalu sādhakaiḥ //
7.1.29.21.p9
adhvavyāptimavijñāya śuddhiṃ yaḥ kartumicchati //
7.1.29.21.p10
sa vipralambhakaḥ śuddhernālamprāpayituṃ phalam //
7.1.29.21.p11
vṛthā pariśramastasya nirayāyaiva kevalam //
7.1.29.21.p12
śaktipātasamāyogādṛte tattvāni tattvataḥ //
7.1.29.21.p13
tadvyāptistadvivṛddhiśca jñātumevaṃ na śakyate //
7.1.29.21.p14
śaktirājñā parā śaivī cidrūpā marameśvarī //
7.1.29.21.p15
śivo 'dhitiṣṭhatyakhilaṃ yayā kāraṇabhūtayā //
7.1.29.21.p16
nātmano naiva māyaiṣā na vikāro vicārataḥ //
7.1.29.21.p17
na baṃdho nāpi muktiśca baṃdhamuktividhāyinī //
7.1.29.21.p18
sarvaiśvaryaparākāṣṭā śivasya vyabhicāriṇī //
7.1.29.21.p19
samānadharmiṇī tasya taistairbhāvairviśeṣataḥ //
7.1.29.21.p20
sa tayaiva gṛhī sāpi tenaiva gṛhiṇī sadā //
7.1.29.21.p21
tayorapatyaṃ yatkāryaṃ paraprakṛtijaṃ jagat //
7.1.29.21.p22
sa kartā kāraṇaṃ seti tayorbhedo vyavasthitaḥ //
7.1.29.21.p23
eka eva śivaḥ sākṣāddvidhā 'sau samavasthitaḥ //
7.1.29.21.p24
strīpuṃsabhāvena tayorbheda ityapi kecana //
7.1.29.21.p25
apare tu parā śaktiḥ śivasya samavāyinī //
7.1.29.21.p26
prabheva bhānościdrūpā bhinnaiveti vyavasthitaḥ //
7.1.29.21.p27
tasmācchivaḥ paro hetustasyājñā parameśvarī //
7.1.29.21.p28
tayaiva preritā śaivī mūlaprakṛtiravyayā //
7.1.29.21.p29
mahāmāyā ca māyā ca prakṛtistriguṇeti ca //
7.1.29.21.p30
trividhā kāryavedhena sā prasūte ṣaḍadhvanaḥ //
7.1.29.21.p31
sa vāgarthamayaścādhvā ṣaḍvidho nikhilaṃ jagat //
7.1.29.21.p32
asyaiva vistaraṃ prāhuḥ śāstrajātamaśeṣataḥ //
7.1.29.21.p33
iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe vāgarthakatattvavarṇanaṃ nāmaikonatriṃśo 'dhyāyaḥ
7.1.29.21.p34
Chapter 30
ṛṣaya ūcuḥ
caritāni vicitrāṇi gṛhyāṇi gahanāni ca //
Other recensions (1)
- Śivapurāṇa (complete text) — Sanskrit