Pramāṇa · Search · About · API

Shivapurana 7.1.3.27

Śivapurāṇa 7.1.3.27

Language
Sanskrit

7.1.3.27

/
asmadādyamarairdṛśyaṃ sthūlaṃ sūkṣmaṃ tu yogibhiḥ //

7.1.3.27.p1

1 śapo lugabhāva ārṣa
504b

7.1.3.27.p2

tataḥ paraṃ tu yannityaṃ jñānamānaṃdamavyayam //

7.1.3.27.p3

tanniṣṭhaistatparairbhaktairdṛśyaṃ tadvratamāśritaiḥ //

7.1.3.27.p4

bahunātra kimuktena guhyādguhyataraṃ param //

7.1.3.27.p5

śive bhaktirna sandehastayā yukto vimucyate //

7.1.3.27.p6

prasādādeva sā bhaktiḥ prasādo bhaktisaṃbhavaḥ //

7.1.3.27.p7

yathā cāṃkurato bījaṃ bījato vā yathāṃkuraḥ //

7.1.3.27.p8

prasādapūrvikā eva paśossarvatra siddhayaḥ //

7.1.3.27.p9

sa eva sādhanairante sarvairapi ca sādhyate //

7.1.3.27.p10

prasādasādhanaṃ dharmassa ca vedena darśitaḥ //

7.1.3.27.p11

tadabhyāsavaśātsāmyaṃ pūrvayoḥ puṇyapāpayoḥ //

7.1.3.27.p12

sāmyātprasādasaṃparko dharmasyātiśayastataḥ //

7.1.3.27.p13

dharmātiśayamāsādya paśoḥ pāpaparikṣayaḥ //

7.1.3.27.p14

evaṃ prakṣīṇapāpasya bahubhirjanmabhiḥ kramāt //

7.1.3.27.p15

sāṃbe sarveśvare bhaktirjñānapūrvā prajāyate //

7.1.3.27.p16

bhāvānuguṇamīśasya prasādo vyatiricyate //

7.1.3.27.p17

prasādātkarmasaṃtyāgaḥ phalato na svarūpataḥ //

7.1.3.27.p18

tasmātkarmaphalatyāgācchivadharmānvayaḥ śubhaḥ //

7.1.3.27.p19

sa ca gurvanapekṣaśca tadapekṣa iti dvidhā //

7.1.3.27.p20

tatrānapekṣātsāpekṣo mukhyaḥ śataguṇādhikaḥ //

7.1.3.27.p21

śivadharmānvayasyāsya śivajñānasamanvayaḥ //

7.1.3.27.p22

jñanānvayavaśātpuṃsaḥ saṃsāre doṣadarśanam //

7.1.3.27.p23

tato viṣayavairāgyaṃ vairāgyādbhāvasādhanam //

7.1.3.27.p24

bhāvasiddhyupapannasya dhyāne niṣṭhā na karmaṇi //

7.1.3.27.p25

jñānadhyānābhiyuktasya puṃso yogaḥ pravartate //

7.1.3.27.p26

yogena tu parā bhaktiḥ prasādastadanaṃtaram //

7.1.3.27.p27

prasādānmucyate jaṃturmuktaḥ śivasamo bhavet //

7.1.3.27.p28

anugrahaprakārasya kramo 'yamavivakṣitaḥ //

7.1.3.27.p29

yādṛśī yogyatā puṃsastasya tādṛganugrahaḥ //

7.1.3.27.p30

garbhastho mucyate kaścijjāyamānastathāparaḥ //

7.1.3.27.p31

bālo vā taruṇo vātha vṛddho vā mucyate paraḥ //

7.1.3.27.p32

tiryagyonigataḥ kaścinmucyate nārako 'paraḥ //

7.1.3.27.p33

aparastu padaṃ prāpto mucyate svapadakṣaye //

7.1.3.27.p34

kaścitkṣīṇapado bhūtvā punarāvartya mucyate //

7.1.3.27.p35

kaścidadhvagatastasmin sthitvāsthitvā vimucyate //

7.1.3.27.p36

tasmānnaikaprakāreṇa narāṇāṃ muktiriṣyate //

7.1.3.27.p37

jñānabhāvānurūpeṇa prasādenaiva nirvṛtiḥ //

7.1.3.27.p38

tasmādasya prasādārthaṃ vāṅmanodoṣavarjitāḥ //

7.1.3.27.p39

dhyāyaṃtaśśivamevaikaṃ sadāratanayāgnayaḥ //

7.1.3.27.p40

tanniṣṭhāstatparāssarve tadyuktāstadupāśrayāḥ //

7.1.3.27.p41

sarvakriyāḥ prakurvāṇāstameva manasāgatāḥ //

7.1.3.27.p42

dīrghasūtrasamārabdhaṃ divyavarṣasahasrakam //

7.1.3.27.p43

satrāṃte maṃtrayogena vāyustatra gamiṣyati //

7.1.3.27.p44

sa eva bhavataḥ śreyaḥ sopāyaṃ kathayiṣyati //

7.1.3.27.p45

505a

7.1.3.27.p46

tato vārāṇasī puṇyā purī paramaśobhanā //

7.1.3.27.p47

gaṃtavyā yatra viśveśo devyā saha pinākadhṛk //

7.1.3.27.p48

sadā viharati śrīmān bhaktānugrahakāraṇāt //

7.1.3.27.p49

tatrāścaryaṃ mahaddṛṣṭvā matsamīpaṃ gamiṣyatha //

7.1.3.27.p50

tato vaḥ kathayiṣyāmi mokṣopāya dvijottamāḥ //

7.1.3.27.p51

yenaikajanmanā muktiryuṣmatkaratale sthitā //

7.1.3.27.p52

anekajanmasaṃsārabaṃdhanirmokṣakāriṇī //

7.1.3.27.p53

etanmanomayaṃ cakraṃ mayā sṛṣṭaṃ visṛjyate //

7.1.3.27.p54

yatrāsya śīryate nemiḥ sa deśastapasaśśubhaḥ //

7.1.3.27.p55

ityuktvā sūryasaṃkāśaṃ cakraṃ dṛṣṭvā manomayam //

7.1.3.27.p56

praṇipatya mahādevaṃ visasarja pitāmahaḥ //

7.1.3.27.p57

te 'pi hṛṣṭatarā viprāḥ praṇamya jagatāṃ prabhum //

7.1.3.27.p58

prayayustasya cakrasya yatra nemiraśīryata //

7.1.3.27.p59

cakraṃ tadapi saṃkṣiptaṃ ślakṣṇaṃ cāruśilātale //

7.1.3.27.p60

vimalasvādupānīye nijapāta vane kvacit //

7.1.3.27.p61

tadvanaṃ tena vikhyātaṃ naimiṣaṃ munipūjitam //

7.1.3.27.p62

anekayakṣagaṃdharvavidyādharasamākulam //

7.1.3.27.p63

aṣṭādaśa samudrasya dvīpānaśnanpurūravāḥ //

7.1.3.27.p64

vilāsavaśamurvaśyā yāto daivena coditaḥ //

7.1.3.27.p65

akrameṇa haranmohādyajñavāṭaṃ hiraṇmayam //

7.1.3.27.p66

munibhiryatra saṃkruddhaiḥ kuśavajrairnipātitaḥ //

7.1.3.27.p67

viśvaṃ sisṛkṣamāṇā vai yatra viśvasṛjaḥ purā //

7.1.3.27.p68

satramārebhire divyaṃ brahmajñā gārhapatyagāḥ //

7.1.3.27.p69

ṛṣibhiryatra vidvadbhiḥ śabdārthanyāyakovidaiḥ //

7.1.3.27.p70

śaktiprajñākriyāyogairvidhirāsīdanuṣṭhitaḥ //

7.1.3.27.p71

yatra vedavido nityaṃ vedavādabahiṣkṛtān //

7.1.3.27.p72

vādajalpabalairghnaṃti vacobhirativādinaḥ //

7.1.3.27.p73

sphaṭikamayamahībhṛtpādajābhyaśśilābhyaḥ prasaradamṛtakalpassvacchapānīyaramyam //

7.1.3.27.p74

atirasaphalavṛkṣaprāyamavyālasattvaṃ tapasa ucitamāsīnnaimiṣaṃ tanmunīnām //

7.1.3.27.p75

iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe naimiṣopākhyānaṃ nāma tṛtīyo 'dhyāyaḥ

7.1.3.27.p76

Chapter 4
sūta uvāca
tasmindeśe mahābhāgā munayaśśaṃsitavratāḥ //

Other recensions (1)

Linked texts (4)