Shivapurana 7.1.33
Śivapurāṇa 7.1.33
- Language
- Sanskrit
Contents
7.1.33.1
/
brahmādayo 'pi yatkṛtvā sarve pāśupatāḥ smṛtāḥ //
/
vāyuruvāca
rahasyaṃ vaḥ pravakṣyāmi sarvapāpanikṛntanam //
7.1.33.2
/
vrataṃ pāśupataṃ śrautamatharvaśirasi śrutam //
/
kālaścaitrī paurṇamāsī deśaḥ śivaparigrahaḥ //
7.1.33.3
/
kṣetrārāmādyaraṇyaṃ vā praśastaśśubhalakṣaṇaḥ //
/
tatra pūrvaṃ trayodaśyāṃ susnātaḥ sukṛtāhnikaḥ //
7.1.33.4
/
anujñāpya svamācāryaṃ saṃpūjya praṇipatya ca //
/
pūjāṃ vaiśeṣikīṃ kṛtvā śuklāṃbaradharaḥ svayam //
7.1.33.5
/
śuklayajñopavītī ca śuklamālyānulepanaḥ //
/
darbhāsane samāsīno darbhamuṣṭiṃ pragṛhya ca //
7.1.33.6
/
539a
7.1.33.6.p1
prāṇāyāmatrayaṃ kṛtvā prāṅmukho vāpyudaṅmukhaḥ //
7.1.33.6.p2
dhyātvā devaṃ ca devīṃ ca tadvijñāpanavartmanā //
7.1.33.6.p3
vratametatkaromīti bhavetsaṃkalpya dīkṣitaḥ //
7.1.33.6.p4
yāvaccharīrapātaṃ vā dvādaśābdamathāpi vā //
7.1.33.6.p5
tadardhaṃ vā tadardhaṃ vā māsadvādaśakaṃ tu vā //
7.1.33.6.p6
tadardhaṃ vā tadardhaṃ vā māsamekamathāpi vā //
7.1.33.6.p7
dinadvādaśakaṃ vā 'tha dinaṣaṭkamathāpi vā //
7.1.33.6.p8
tadardhaṃ dinamekaṃ vā vratasaṃkalpanāvadhi //
7.1.33.6.p9
agnimādhāya vidhivadvirajāhomakāraṇāt //
7.1.33.6.p10
hutvājyena samidbhiśca caruṇā ca yathākramam //
7.1.33.6.p11
pūrṇāmāpūrya tāṃ bhūyastattvānāṃ śuddhimuddiśan //
7.1.33.6.p12
juhuyānmūlamantreṇa taireva samidādibhiḥ //
7.1.33.6.p13
tattvānyetāni maddehe śuddhyaṃtām 1ityanusmaran //
7.1.33.12
/
pañcabhūtāni tanmātrāḥ pañcakarmendriyāṇi ca //
/
jñānakarmavibhedena pañcakarmavibhāgaśaḥ //
7.1.33.13
/
tvagādidhātavassapta pañca prāṇādivāyavaḥ //
/
manobuddhirahaṃ khyātirguṇāḥ prakṛtipūruṣau //
7.1.33.14
/
rāgo vidyākale caiva niyatiḥ kāla eva ca //
/
māyā ca śuddhividyā ca maheśvarasadāśivau //
7.1.33.15
/
śaktiśca śivatattvaṃ ca tattvāni kramaśo viduḥ //
/
mantraistu virajairhutvā hotāsau virajā bhavet //
7.1.33.16
/
śivānugrahamāsādya jñānavānsa hi jāyate //
/
atha gomayamādāya piṇḍīkṛtyābhimaṃtrya ca //
7.1.33.17
/
vinyasyāgnau ca samprokṣya dine tasminhaviṣyabhuk //
/
prabhāte tu caturdaśyāṃ kṛtvā sarvaṃ puroditam //
7.1.33.18
/
dine tasminnirāhāraḥ kālaṃ śeṣaṃ samāpayet //
/
prātaḥ parvaṇi cāpyevaṃ kṛtvā homā vasānataḥ //
7.1.33.19
/
upasaṃhṛtya rudrāgniṃ gṛhṇīyādbhasma yatnataḥ //
/
tataśca jaṭilo muṇḍī śikhaikajaṭa eva vā //
7.1.33.20
/
bhūtvā snātvā tato vītalajjaścetsyāddigambaraḥ //
/
api kāṣāyavasanaścarmacīrāmbaro 'tha vā //
7.1.33.21
/
ekāmbaro valkalī vā bhaveddaṇḍī ca mekhalī //
/
prakṣālya caraṇau paścāddvirācamyātmanastanum //
7.1.33.22
/
saṃkulīkṛtya tadbhasma virajānalasaṃbhavam //
/
agnirityādibhirmaṃtraiḥ ṣaḍbhirātharvaṇaiḥ kramāt //
7.1.33.23
/
vibhṛjyāṃgāni mūrdhādicaraṇāṃtāni taisspṛśet //
/
tatastena krameṇaiva samuddhṛtya ca bhasmanā //
7.1.33.24
/
sarvāṃgoddhūlanaṃ kuryātpraṇavena śivena vā //
/
tatastripuṇḍraṃ racayettriyāyuṣasamāhvayam //
7.1.33.25
/
śivabhāvaṃ samāgamya śivayogamathācaret //
/
kuryātstrisandhyamapyevametatpāśupataṃ vratam //
7.1.33.26
/
bhuktimuktipradaṃ caitatpaśutvaṃ vinivartayet //
/
tatpaśutvaṃ parityajya kṛtvā pāśupataṃ vratam //
7.1.33.27
/
pūjanīyo mahādevo liṃgamūrtissanātanaḥ //
/
padmamaṣṭadalaṃ haimaṃ navaratnairalaṃkṛtam //
7.1.33.28
/
karṇikākeśaropetamāsanaṃ parikalpayet //
/
vibhave tadabhāve tu raktaṃ sitamathāpi vā //
7.1.33.29
/
padmaṃ tasyāpyabhāve tu kevalaṃ bhāvanāmayam //
/
tatpadmakarṇikāmadhye kṛtvā liṃgaṃ kanīyasam //
7.1.33.30
/
sphīṭikaṃ pīṭhikopetaṃ pūjayedvidhivatkramāt //
/
pratiṣṭhāpya vidhānena talliṃgaṃ kṛtaśodhanam //
7.1.33.31
/
parikalpyāsanaṃ mūrtiṃ pañcavaktraprakārataḥ //
/
pañcagavyādibhiḥ pūrṇairyathāvibhavasaṃbhṛtaiḥ //
7.1.33.32
/
snāpayetkalaśaiḥ pūrṇairaṣṭāpadasamudbhavaiḥ //
/
gaṃdhadravyaissakarpūraiścandanādyaissakuṃkumaiḥ //
7.1.33.33
/
savedikaṃ samālipya liṃgaṃ bhūṣaṇabhūṣitam //
/
bilvapatraiśca padmaiśca raktaiḥ śvetaistathotpalaiḥ //
7.1.33.34
/
nīlotpalaistathānyaiśca puṣpaistaistaissugaṃdhibhiḥ //
/
puṇyaiḥ praśastaiḥ patraiśca citrairdūrvākṣatādibhiḥ //
7.1.33.35
/
samabhyarcya yathālābhaṃ mahāpūjāvidhānataḥ //
/
dhūpaṃ dīpaṃ tathā cāpi naivedyaṃ ca samādiśet //
7.1.33.36
/
nivedayitvā vibhave kalyāṇaṃ ca samācaret //
/
iṣṭāni ca viśiṣṭāni nyāyenopārjitāni ca //
7.1.33.37
/
sarvadravyāṇi deyāni vrate tasminviśeṣataḥ //
/
śrīpatrotpalapadmānāṃ saṃkhyā sāhasrikī matā //
7.1.33.38
/
pratyekamaparā saṃkhyā śatamaṣṭottaraṃ dvijāḥ //
/
tatrāpi ca viśeṣeṇa na tyajedbilvapatrakam //
7.1.33.39
/
haimamekaṃ paraṃ prāhuḥ padmaṃ padmasahasrakāt //
/
nīlotpalādiṣvapyetatsamānaṃ bilbapatrakaiḥ //
7.1.33.40
/
puṣpāntare na niyamo yathālābhaṃ nivedayet //
/
aṣṭāṅgamarghyamutkṛṣṭaṃ dhūpālepau viśeṣataḥ //
7.1.33.41
/
candanaṃ vāmadevākhye haritālaṃ ca pauruṣe //
/
īśāne bhasitaṃ kecidālepanamitīdṛśām //
7.1.33.42
/
na dhūpamiti manyante dhūpāntaravidhānataḥ //
/
sitāgurumaghorākhye mukhe kṛṣṇāguruṃ punaḥ //
/
pauruṣe guggulaṃ savye saumye saugaṃdhikaṃ mukhe //
7.1.33.43
/
īśāne 'pi hyuśīrādi deyāddhūpaṃ viśeṣataḥ //
/
śarkarāmadhukarpūrakapilāghṛtasaṃyutam //
7.1.33.44
/
caṃdanāgurukāṣṭhādyaṃ sāmānyaṃ saṃpracakṣate //
/
karpūravartirājyāḍhyā deyā dīpāvalistataḥ //
7.1.33.45
/
arghyamācamanaṃ deyaṃ prativaktramataḥ param //
/
prathamāvaraṇe pūjyo kramāddherambaṣaṇmukhau //
7.1.33.46
/
brahmāṃgāni tataścaiva prathamāvaraṇercite //
/
dvitīyāvaraṇe pūjyā vighneśāścakravartinaḥ //
7.1.33.47
/
tṛtīyāvaraṇe pūjyā bhavādyā aṣṭamūrtayaḥ //
/
540a
7.1.33.47.p1
mahādevādayastatra tathaikādaśamūrtayaḥ //
7.1.33.47.p2
caturthāvaraṇe pūjyāḥ sarva eva gaṇeśvarāḥ //
7.1.33.47.p3
bahireva tu padmasya pañcamāvaraṇe kramāt //
7.1.33.47.p4
daśadikpatayaḥ pūjyāḥ sāstrāḥ sānucarāstathā //
7.1.33.47.p5
brahmaṇo mānasāḥ putrāḥ sarve 'pi jyotiṣāṃ gaṇāḥ //
7.1.33.47.p6
sarvā devyaśca devāśca sarve sarve ca khecarāḥ //
7.1.33.47.p7
pātālavāsinaścānye sarve munigaṇā api //
7.1.33.47.p8
yogino hi sakhāssarve pataṃgā mātarastathā //
7.1.33.47.p9
kṣetrapālāśca sagaṇāḥ sarvaṃ caitaccarācaram //
7.1.33.47.p10
pūjanīyaṃ śivaprītyā mattvā śaṃbhuvibhūtimat //
7.1.33.47.p11
athāvaraṇapūjāṃte saṃpūjya parameśvaram //
7.1.33.47.p12
sājyaṃ savyaṃ janaṃ hṛdyaṃ havirbhaktyā nivedayet //
7.1.33.47.p13
mukhavāsādikaṃ dattvā tāmbūlaṃ sopadaṃśakam //
7.1.33.47.p14
alaṃkṛtya ca bhūyo 'pi nānāpuṣpavibhūṣaṇaiḥ //
7.1.33.47.p15
nīrājanāṃte vistīrya pūjāśeṣaṃ samāpayet //
7.1.33.47.p16
caṣakaṃ sopakāraṃ ca śayanaṃ ca samarpayet //
7.1.33.47.p17
candrasaṃkāśahāraṃ ca śayanīyaṃ samarpayet //
7.1.33.47.p18
ādyaṃ nṛpocitaṃ hṛdyaṃ tatsarvamanurūpataḥ //
7.1.33.47.p19
kṛtvā ca kārayitvā ca hitvā ca pratipūjanam //
7.1.33.47.p20
stotraṃ vyapohanaṃ japtvā vidyāṃ pañcākṣarīṃ japet //
7.1.33.47.p21
pradakṣiṇāṃ praṇāmaṃ ca kṛtvātmānaṃ samarpayet //
7.1.33.47.p22
tataḥ purastāddevasya guruviprau ca pūjayet //
7.1.33.47.p23
dattvārghyamaṣṭau puṣpāṇi devamudvāsya liṃgataḥ //
7.1.33.47.p24
agneścāgniṃ susaṃyamya hyudvāsya ca tamapyuta //
7.1.33.47.p25
pratyahaṃ ca janastvevaṃ kuryātsevāṃ puroditām //
7.1.33.47.p26
tatastatsāmbujaṃ liṃgaṃ sarvopakaraṇānvitam //
7.1.33.47.p27
samarpayetsvagurave sthāpayedvā śivālaye //
7.1.33.47.p28
saṃpūjya ca gurūnviprānvratinaśca viśeṣataḥ //
7.1.33.47.p29
bhaktāndvijāṃśca śaktaśceddīnānāthāṃśca toṣayet //
7.1.33.47.p30
svayaṃ cānaśane śaktaḥ phalamūlāśane 'tha vā //
7.1.33.47.p31
payovrato vā bhikṣāśī bhavedekāśanastathā //
7.1.33.47.p32
naktaṃ yuktāśano nityaṃ bhūśayyānirataḥ śuciḥ //
7.1.33.47.p33
bhasmaśāyī tṛṇeśāyī cīrājinadhṛto 'thavā //
7.1.33.47.p34
brahmacaryavrato nityaṃ vratametatsamācaret //
7.1.33.47.p35
arkavāre tathārdrāyāṃ pañcadaśyāṃ ca pakṣayoḥ //
7.1.33.47.p36
aṣṭamyāṃ ca caturdaśyāṃ śaktastūpavasedapi //
7.1.33.47.p37
pākhaṇḍipatitodakyāssūtakāntyajapūrvakān //
7.1.33.47.p38
varjayetsarvayatnena manasā karmaṇā girā //
7.1.33.47.p39
kṣamadānadayāsatyāhiṃsāśīlaḥ sadā bhavet //
7.1.33.47.p40
saṃtuṣṭaśca praśāntaśca japadhyānaratastathā //
7.1.33.47.p41
kuryāttriṣavaṇasnānaṃ bhasmasnānamathāpi vā //
7.1.33.47.p42
pūjāṃ vaiśeṣikīṃ caiva manasā vacasā girā //
7.1.33.47.p43
bahunātra kimuktena nācaredaśivaṃ vratī //
7.1.33.47.p44
pramādāttu tathācāre nirūpya gurulāghave //
7.1.33.47.p45
540b
7.1.33.47.p46
ucitāṃ niṣkṛtiṃ kuryātpūjāhomajapādibhiḥ //
7.1.33.47.p47
āsamāptervratasyaivamācarenna pramādataḥ //
7.1.33.47.p48
godānaṃ ca vṛṣotsargaṃ kuryātpūjāṃ ca saṃpadā //
7.1.33.47.p49
bhaktaśca śivaprītyarthaṃ sarvakāmavivarjitaḥ //
7.1.33.47.p50
sāmānyametatkathitaṃ vratasyāsya samāsataḥ //
7.1.33.47.p51
pratimāsaṃ viśeṣaṃ ca pravadāmi yathāśrutam //
7.1.33.47.p52
vaiśākhe vajraliṃgaṃ tu jyeṣṭhe mārakataṃ śubham //
7.1.33.47.p53
āṣāḍhe mauktikaṃ vidyācchrāvaṇe nīlanirmitam //
7.1.33.47.p54
māse bhādrapade caiva padmarāgamayaṃ param //
7.1.33.47.p55
āśvine māsi vidyādvai liṃgaṃ gomedakaṃ varam //
7.1.33.47.p56
kārtikyāṃ vaidrumaṃ liṃgaṃ vaidūryaṃ mārgaśīrṣake //
7.1.33.47.p57
puṣparāgamayaṃ pauṣe māghe dyumaṇijantathā //
7.1.33.47.p58
phālguṇe candrakāntotthaṃ caitre tadvyatyayo 'thavā //
7.1.33.47.p59
sarvamāseṣu ratnānāmalābhe haimameva vā //
7.1.33.47.p60
haimābhāve rājataṃ vā tāmrajaṃ śailajantathā //
7.1.33.47.p61
mṛnmayaṃ vā yathālābhaṃ jātuṣaṃ cānyadeva vā //
7.1.33.47.p62
sarvagaṃdhamayaṃ vātha liṃgaṃ kuryādyathāruci //
7.1.33.47.p63
vratāvasānasamaye samācaritanityakaḥ //
7.1.33.47.p64
kṛtvā vaiśeṣikīṃ pūjāṃ hutvā caiva yathā purā //
7.1.33.47.p65
saṃpūjya ca tathācāryaṃ vratinaśca viśeṣataḥ //
7.1.33.47.p66
deśikenāpyanujñātaḥ prāṅmukho vāpyudaṅmukhaḥ //
7.1.33.47.p67
darbhāsano darbhapāṇiḥ prāṇāpānau niyamya ca //
7.1.33.47.p68
japitvā śaktito mūlaṃ dhyātvā sāmbaṃ triyambakam //
7.1.33.47.p69
anujñāpya yathāpūrvaṃ namaskṛtya kṛtāñjaliḥ //
7.1.33.47.p70
samutsṛjāmi bhagavanvratametattvadājñayā //
7.1.33.47.p71
ityuktvā liṃgamūlasthāndarbhānuttaratastyajet //
7.1.33.47.p72
tato daṇḍajaṭācīramekhalā api cotsṛjet //
7.1.33.47.p73
punarācamya vidhivatpañcākṣaramudīrayet //
7.1.33.47.p74
yaḥ kṛtvātyaṃtikīṃ dīkṣāmādehāntamanākulaḥ //
7.1.33.47.p75
vratametatprakurvīta sa tu vai naiṣṭhikaḥ smṛtaḥ //
7.1.33.47.p76
so 'tyāśramī ca vijñeyo mahāpāśupatastathā //
7.1.33.47.p77
sa eva tapatāṃ śreṣṭha sa eva ca mahāvratī //
7.1.33.47.p78
na tena sadṛśaḥ kaścitkṛtakṛtyo mumukṣuṣu //
7.1.33.47.p79
yo yatirnaiṣṭhiko jātastamāhurnaiṣṭhikottamam //
7.1.33.47.p80
yo 'nvahaṃ dvādaśāhaṃ vā vratametatsamācaret //
7.1.33.47.p81
so 'pi naiṣṭhikatulyaḥ syāttīvravratasamanvayāt //
7.1.33.47.p82
ghṛtākto yaścaredetadvrataṃ vrataparāyaṇaḥ //
7.1.33.47.p83
dvitraikadivasaṃ vāpi sa ca kaścana naiṣṭhikaḥ //
7.1.33.47.p84
kṛtyamityeva niṣkāmo yaścaredvratamuttamam //
7.1.33.47.p85
śivārpitātmā satataṃ na tena sadṛśaḥ kvacit //
7.1.33.47.p86
bhasmacchanno dvijo vidvānmahāpātakasaṃbhavaiḥ //
7.1.33.47.p87
pāpaissudāruṇaissadyo mucyate nātra saṃśayaḥ //
7.1.33.47.p88
rudrāgniryatparaṃ vīryantadbhasma parikīrtitam //
7.1.33.47.p89
tasmātsarveṣu kāleṣu vīryavānbhasmasaṃyutaḥ //
7.1.33.47.p90
541a
7.1.33.47.p91
bhasmaniṣṭhasya naśyanti deṣā bhasmāgnisaṃgamāt //
7.1.33.47.p92
bhasmasnānaviśuddhātmā bhasmaniṣṭha iti smṛtaḥ //
7.1.33.47.p93
bhasmanā digdhasarvāṃgo bhasmadīptatripuṃḍrakaḥ //
7.1.33.47.p94
bhasmasnāyī ca puruṣo bhasmaniṣṭha iti smṛtaḥ //
7.1.33.47.p95
bhūtapretapiśāsāśca rogāścātīva dussahāḥ //
7.1.33.47.p96
bhasmaniṣṭhasya sānnidhyādvidravaṃti na saṃśayaḥ //
7.1.33.47.p97
bhāsanādbhāsitaṃ proktaṃ bhasma kalmaṣabhakṣaṇāt //
7.1.33.47.p98
bhūtibhūtikarī caiva rakṣā rakṣākarī param //
7.1.33.47.p99
kimanyadiha vaktavyaṃ bhasmamāhātmyakāraṇam //
7.1.33.47.p100
vratī ca bhasmanā snātassvayaṃ devo maheśvaraḥ //
7.1.33.47.p101
paramāstraṃ ca śaivānāṃ bhasmaitatpārameśvaram //
7.1.33.47.p102
dhaumyāgrajasya tapasi vyāpado yannivāritāḥ //
7.1.33.47.p103
tasmātsarvaprayatnena kṛtvā pāśupatavratam //
7.1.33.47.p104
dhanavadbhasma saṃgṛhya bhasmasnānarato bhavet //
7.1.33.47.p105
iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe paśupativratavidhānavarṇanaṃ nāma trayastriṃśo 'dhyāyaḥ
7.1.33.47.p106
Chapter 34
ṛṣaya ūcuḥ
dhaumyāgrajena śuśunā kṣīrārthaṃ hi tapaḥ kṛtam //
Other recensions (1)
- Śivapurāṇa (complete text) — Sanskrit
Linked texts (2)
- Kriyāsāra — Śrīkaṇtha, Sanskrit
- Viraktotpattikriyālakṣaṇa — Sanskrit