Shivapurana 7.1.33.6

Śivapurāṇa 7.1.33.6

/
539a

prāṇāyāmatrayaṃ kṛtvā prāṅmukho vāpyudaṅmukhaḥ //

dhyātvā devaṃ ca devīṃ ca tadvijñāpanavartmanā //

vratametatkaromīti bhavetsaṃkalpya dīkṣitaḥ //

yāvaccharīrapātaṃ vā dvādaśābdamathāpi vā //

tadardhaṃ vā tadardhaṃ vā māsadvādaśakaṃ tu vā //

tadardhaṃ vā tadardhaṃ vā māsamekamathāpi vā //

dinadvādaśakaṃ vā 'tha dinaṣaṭkamathāpi vā //

tadardhaṃ dinamekaṃ vā vratasaṃkalpanāvadhi //

agnimādhāya vidhivadvirajāhomakāraṇāt //

hutvājyena samidbhiśca caruṇā ca yathākramam //

pūrṇāmāpūrya tāṃ bhūyastattvānāṃ śuddhimuddiśan //

juhuyānmūlamantreṇa taireva samidādibhiḥ //

tattvānyetāni maddehe śuddhyaṃtām 1ityanusmaran //

Other recensions (1)