Shivapurana 7.2.23.3
Śivapurāṇa 7.2.23.3
- Language
- Sanskrit
7.2.23.3
/
571b
7.2.23.3.p1
dhyātvā vināyakaṃ devaṃ pūjayitvā vidhānataḥ //
7.2.23.3.p2
dakṣiṇe cottare caiva naṃdīśaṃ suyaśaṃ tathā //
7.2.23.3.p3
ārādhya manasā samyagāsanaṃ kalpayedbudhaḥ //
7.2.23.3.p4
ārādhanādikairyuktassiṃhayogāsanādikam //
7.2.23.3.p5
padmāsanaṃ vā vimalaṃ tattvatrayasamanvitam //
7.2.23.3.p6
tasyopari śivaṃ dhyāyetsāṃbaṃ sarvamanoharam //
7.2.23.3.p7
sarvalakṣaṇasaṃpannaṃ sarvāvayavaśobhanam //
7.2.23.3.p8
sarvātiśayasaṃyuktaṃ sarvābharaṇabhūṣitam //
7.2.23.3.p9
raktāsyapāṇicaraṇaṃ kuṃdacaṃdrasmitānanam //
7.2.23.3.p10
śuddhasphaṭikasaṃkāśaṃ phullapadmatrilocanam //
7.2.23.3.p11
caturbhujamudārāṅgaṃ cārucaṃdrakalādharam //
7.2.23.3.p12
varadābhayahastaṃ ca mṛgaṭaṃkadharaṃ haram //
7.2.23.3.p13
bhujaṃgahāravalayaṃ cārunīlagalāṃtaram //
7.2.23.3.p14
sarvopamānarahitaṃ sānugaṃ saparicchadam //
7.2.23.3.p15
tataḥ saṃciṃtayettasya vāmabhāge maheśvarīm //
7.2.23.3.p16
praphullotpalapatrābhāṃ vistīrṇāyatalocanām //
7.2.23.3.p17
pūrṇacaṃdrābhavadanāṃ nīlakuṃcitamūrdhajām //
7.2.23.3.p18
nīlotpaladalaprakhyāṃ candrārdhakṛtaśekharām //
7.2.23.3.p19
ativṛttaghanottuṃgasnigdhapīnapayodharām //
7.2.23.3.p20
tanumadhyāṃ pṛthuśroṇīṃ pītasūkṣmavarāmbarām //
7.2.23.3.p21
sarvābharaṇasaṃpannāṃ lalāṭatilakojjvalām //
7.2.23.3.p22
vicitrapuṣpasaṃkīrṇakeśapāśopaśobhitām //
7.2.23.3.p23
sarvato 'nuguṇākārāṃ kiṃcillajjānatānanām //
7.2.23.3.p24
hemāraviṃdaṃ vilasaddadhānāṃ dakṣiṇe kare //
7.2.23.3.p25
daṃḍavaccāparaṃ haste nyasyāsīnāṃ mahāsane //
7.2.23.3.p26
pāśavicchedikāṃ sākṣātsaccidānaṃdarūpiṇīm //
7.2.23.3.p27
evaṃ devaṃ ca devīṃ ca dhyātvāsanavare śubhe //
7.2.23.3.p28
sarvopacāravadbhaktyā bhāvapuṣpaissamarcayet //
7.2.23.3.p29
athavā parikalpyaivaṃ mūrtimanyatamāṃ vibhoḥ //
7.2.23.3.p30
śaivīṃ sadāśivākhyāṃ vā tathā māheśvarīṃ parām //
7.2.23.3.p31
ṣaḍviṃśakābhidhānāṃ vā śrīkaṃṭhākhyāmathāpi vā //
7.2.23.3.p32
mantranyāsādikāṃ cāpi kṛtvā svasyāṃ tanau yathā //
7.2.23.3.p33
asyāṃ mūrtau mūrtimaṃtaṃ śivaṃ sadasataḥ param //
7.2.23.3.p34
dhyātvā bāhyakrameṇaiva pūjāṃ nirvartayeddhiyā //
7.2.23.3.p35
samidājyādibhiḥ paścānnābhau homaṃ ca bhāvayet //
7.2.23.3.p36
bhrūmadhye ca śivaṃ dhyāyecchuddhadīpaśikhākṛtim //
7.2.23.3.p37
itthamaṃge svataṃtre vā yoge dhyānamaye śubhe //
7.2.23.3.p38
agnikāryāvasānaṃ ca sarvatraiva samo vidhiḥ //
7.2.23.3.p39
atha ciṃtāmayaṃ sarvaṃ samāpyārādhanakramam //
7.2.23.3.p40
liṃge ca pūjayeddevaṃ sthaṃḍile vānale 'pi vā //
7.2.23.3.p41
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe pūjāvidhānavyākhyānavarṇanaṃ nāma trayoviṃśo 'dhyāyaḥ
572a
7.2.23.3.p42
Chapter 24
upamanyuruvāca
prokṣayenmūlamaṃtreṇa pūjāsthānaṃ viśuddhaye //
Other recensions (1)
- Śivapurāṇa (complete text) — Sanskrit
Linked texts (2)
- Kriyāsāra — Śrīkaṇtha, Sanskrit
- Śivadharma (Nandiprokta) — Sanskrit