Shivapurana 7.2.28.2
Śivapurāṇa 7.2.28.2
- Language
- Sanskrit
7.2.28.2
/
578a
7.2.28.2.p1
aṣṭābhyāṃ ca caturdaśyāṃ tathā parvāṇi ca kramāt //
7.2.28.2.p2
ayane viṣuve caiva grahaṇeṣu viśeṣataḥ //
7.2.28.2.p3
kartavyā mahatī pūjā hyadhikā vāpi śaktitaḥ //
7.2.28.2.p4
māsimāsi yathānyāyaṃ brahmakūrcaṃ prasādhya tu //
7.2.28.2.p5
snāpayitvā śivaṃ tena pibeccheṣamupoṣitaḥ //
7.2.28.2.p6
brahmahatyādidoṣāṇāmatīva mahatāmapi //
7.2.28.2.p7
niṣkṛtirbrahmakūrcasya pānānnānyā viśiṣyate //
7.2.28.2.p8
pauṣe puṣyanakṣatre kuryānnīrājanaṃ vibhoḥ //
7.2.28.2.p9
māghe maghākhye nakṣatre pradadyād ghṛtakaṃbalam //
7.2.28.2.p10
phālgune cottarānte vai prārabheta mahotsavam //
7.2.28.2.p11
caitre citrāpaurṇamāsyāṃ dolāṃ kuryādyathāvidhi //
7.2.28.2.p12
vaiśākhyāṃ tu viśākhāyāṃ kuryātpuṣpamahālayam //
7.2.28.2.p13
jyeṣṭhe mūlākhyanakṣatre śītakumbhaṃ pradāpayet //
7.2.28.2.p14
āṣāḍhe cottarāṣāḍhe pavitrāropaṇaṃ tathā //
7.2.28.2.p15
śrāvaṇe prākṛtānyāpi maṇḍalāni prakalpayet //
7.2.28.2.p16
śraviṣṭhākhye tu nakṣatre prauṣṭhapadyāṃ tataḥ param //
7.2.28.2.p17
prokṣayecca jalakrīḍāṃ pūrvāṣāḍhāśraye dine //
7.2.28.2.p18
āśvayujyāṃ tato dadyātpāyasaṃ ca navodanam //
7.2.28.2.p19
agnikāryaṃ ca tenaiva kuryācchatabhiṣagdine //
7.2.28.2.p20
kārtikyāṃ kṛtikāyoge dadyāddīpasahasrakam //
7.2.28.2.p21
mārgaśīrṣe tathārdrāyāṃ ghṛtena snāpayecchivam //
7.2.28.2.p22
aśaktasteṣu kāleṣu kuryādutsavameva vā //
7.2.28.2.p23
āsthānaṃ vā mahāpūjāmadhikaṃ vā samarcanam //
7.2.28.2.p24
āvṛtte 'pi ca kalyāṇe praśasteṣvapi karmasu //
7.2.28.2.p25
daurmanasye durācāre duḥsvapne duṣṭadarśane //
7.2.28.2.p26
utpāte vāśubhenyasminroge vā prabale 'tha vā //
7.2.28.2.p27
snānapūjājapadhyānahomadānādikāḥ kriyaḥ //
7.2.28.2.p28
nirmitānuguṇāḥ kāryāḥ puraścaraṇapūrvikāḥ //
7.2.28.2.p29
śivānale ca vihate punassandhānamācaret //
7.2.28.2.p30
ya evaṃ śarvadharmiṣṭho vartate nityamudyataḥ //
7.2.28.2.p31
tasyaikajanmanā muktiṃ prayacchati maheśvaraḥ //
7.2.28.2.p32
etadyathottaraṃ kuryānnityanaimittikeṣu yaḥ //
7.2.28.2.p33
divyaṃ śrīkaṃṭhanāthasya sthānamādyaṃ sa gacchati //
7.2.28.2.p34
tatra bhuktvā mahābhogānkalpakoṭiśatannaraḥ //
7.2.28.2.p35
kālāṃtarecyutastasmādaumaṃ kaumārameva ca //
7.2.28.2.p36
saṃprāpya vaiṣṇavaṃ brāhmaṃ rudralokaṃ viśeṣataḥ //
7.2.28.2.p37
tatroṣitvā ciraṃ kālaṃ bhuktvā bhogānyathoditān //
7.2.28.2.p38
punaścordhvaṃ gatastasmādatītya sthānapañcakam //
7.2.28.2.p39
śrīkaṇṭhājjñānamāsādya tasmācchaivapuraṃ vrajet //
7.2.28.2.p40
ardhacaryārataścāpi dvirāvṛttyaivameva tu //
7.2.28.2.p41
paścājjñānaṃ samāsādya śivasāyujyamāpnuyāt //
7.2.28.2.p42
ardhārdhacarito yastu dehī dehakṣayātparam //
7.2.28.2.p43
aṃḍāṃtaṃ vordhvamavyaktamatītya bhuvanadvayam //
7.2.28.2.p44
saṃprāpya pauruṣaṃ raudrasthānamadrīndrajāpateḥ //
7.2.28.2.p45
578b
7.2.28.2.p46
anekayugasāhasraṃ bhuktvā bhogānanekadhā //
7.2.28.2.p47
puṇyakṣaye kṣitiṃ prāpya kule mahati jāyate //
7.2.28.2.p48
tatrāpi pūrvasaṃskāravaśena sa mahādyutiḥ //
7.2.28.2.p49
paśudharmānparityajya śivadharmarato bhavet //
7.2.28.2.p50
taddharmagauravādeva dhyātvā śivapuraṃ vrajet //
7.2.28.2.p51
bhogāṃśca vividhānbhuktvā vidyeśvarapadaṃ vrajet //
7.2.28.2.p52
tatra vidyeśvaraissārdhaṃ bhuktvā bhogānbahūnkramāt //
7.2.28.2.p53
aṇḍasyāṃtarbahirvātha sakṛdāvartate punaḥ //
7.2.28.2.p54
tato labdhvā śivajñānaṃ parāṃ bhaktimavāpya ca //
7.2.28.2.p55
śivasādharmyamāsādya na bhūyo vinivartate //
7.2.28.2.p56
yaścātīva śive bhakto viṣayāsaktacittavat //
7.2.28.2.p57
śivadarmānaso kurvannakurvanvāpi mucyate //
7.2.28.2.p58
ekāvṛtto dvirāvṛttastrirāvṛtto nivartakaḥ //
7.2.28.2.p59
na punaścakravartī syācchivadharmādhikāravān //
7.2.28.2.p60
tasmāccchivāśrito bhūtvā yena kenāpi hetunā //
7.2.28.2.p61
śivadharme matiṃ kuryācchreyase cetkṛtodyamaḥ //
7.2.28.2.p62
nātra nirbaṃdhayiṣyāmo vayaṃ kecana kenacit //
7.2.28.2.p63
nirbandhebhyo 'tivādebhyaḥ prakṛtyaitanna rocate //
7.2.28.2.p64
rocate vā parebhyastu puṇyasaṃskāragauravāt //
7.2.28.2.p65
saṃsārakāraṇaṃ yeṣāṃ na praroḍhumalaṃ bhavet //
7.2.28.2.p66
prakṛtyanuguṇaṃ tasmādvimṛśyaitadaśeṣataḥ //
7.2.28.2.p67
śivadharme 'dhikurvīta yadīcchecchivamātmanaḥ //
7.2.28.2.p68
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe nityanaimittikavidhivarṇanaṃ nāmāṣṭāviṃśo 'dhyāyaḥ
7.2.28.2.p69
Chapter 29
śrīkṛṣṇa uvāca
bhagavaṃstvanmukhādeva śrutaṃ śrutisamaṃ mayā //
Other recensions (1)
- Śivapurāṇa (complete text) — Sanskrit
Linked texts (1)
- Kriyāsāra — Śrīkaṇtha, Sanskrit