Shivapurana 7.2.30
Śivapurāṇa 7.2.30
- Language
- Sanskrit
Contents
- 7.2.30.12 — 189 parts
7.2.30.1
/
gaṃdhādyairarcayetpūrvaṃ devau heraṃbaṣaṇmukhau //
/
tato brahmāṇi parita īśānādi yathākramam //
7.2.30.2
/
saśaktikāni sadyāṃtaṃ prathamāvaraṇe yajet //
/
ṣaḍaṃgānyapi tatraiva hṛdayādīnyanukramāt //
7.2.30.3
/
śivasya ca śivāyāśca vāhneyādi samarcayet //
/
tatra vāmādikānrudrānaṣṭau vāmādiśaktibhiḥ //
7.2.30.4
/
arcayedvā na vā paścātpūrvādiparitaḥ kramāt //
/
prathamāvaraṇaṃ proktaṃ mayā te yadunaṃdana //
7.2.30.5
/
dvitīyāvaraṇaṃ prītyā procyate śraddhayā śṛṇu //
/
anaṃtaṃ pūrvādikpatre tacchaktiṃ tasya vāmataḥ //
7.2.30.6
/
sūkṣmaṃ dakṣiṇadikpatre saha śaktyā samarcayet //
/
tataḥ paścimadikpatre saha śaktyā śivottamam //
7.2.30.7
/
tathaivottaradikpatre caikanetraṃ samarcayet //
/
ekarudraṃ ca tacchaktiṃ paścādīśadale 'rcayet //
7.2.30.8
/
trimūrtiṃ tasya śaktiṃ ca pūjayedagnidigdale //
/
śrīkaṇṭhaṃ nairṛte patre tacchaktiṃ tasya vāmataḥ //
7.2.30.9
/
tathaiva mārute patre śikhaṃḍīśaṃ samarcayet //
/
dvitīyāvaraṇe cejyāssarvartaścakravartinaḥ //
7.2.30.10
/
tṛtīyāvaraṇe pūjyāḥ śaktibhiścāṣṭamūrtayaḥ //
/
aṣṭasu kramaśo dikṣu pūrvādiparitaḥ kramāt //
7.2.30.11
/
bhavaḥ śarvastatheśāno rudraḥ paśupatistataḥ //
/
ugro bhīmo mahādeva ityaṣṭau mūrtayaḥ kramāt //
7.2.30.12
/
anaṃtaraṃ tataścaiva mahādevādayaḥ kramāt //
/
śaktibhissaha saṃpūjyāstatraikādaśamūrtayaḥ //
/
580a
7.2.30.12.p1
mahādevaḥ śivo rudraḥ śaṃkaro nīlalohitaḥ //
7.2.30.12.p2
īśāno vijayo bhīmo devadevo bhavodbhavaḥ //
7.2.30.12.p3
kapardīśaśca kathyaṃte tathaikādaśaśaktayaḥ //
7.2.30.12.p4
tatrāṣṭau prathamaṃ pūjyāḥ vāhneyādi yathākramam //
7.2.30.12.p5
devadevaḥ pūrvapatre īśānaṃ cāgnigocare //
7.2.30.12.p6
bhavodbhavastayormadhye kapālīśastataḥ param //
7.2.30.12.p7
tasminnāvaraṇe bhūyo vṛṣendraṃ purato yajet //
7.2.30.12.p8
naṃdinaṃ dakṣiṇe tasya mahākālaṃ tathottare //
7.2.30.12.p9
śāstāraṃ vahnidikpatre mātḥrdakṣiṇadigdale //
7.2.30.12.p10
gajāsyaṃ nairṛte patre ṣaṇmukhaṃ vāruṇe punaḥ //
7.2.30.12.p11
jyeṣṭhāṃ vāyudale gaurīmuttare caṃḍamaiśvare //
7.2.30.12.p12
śāstṛnandīśayormadhye munīndraṃ vṛṣabhaṃ yajet //
7.2.30.12.p13
mahākālasyottarataḥ piṃgalaṃ tu samarcayet //
7.2.30.12.p14
śāstṛmātṛsamūhasya madhye bhṛṃgīśvaraṃ tataḥ //
7.2.30.12.p15
mātṛvighneśamadhye tu vīrabhadraṃ samarcayet //
7.2.30.12.p16
skandavighneśayormadhye yajeddevīṃ sarasvatīm //
7.2.30.12.p17
jyeṣṭhākumārayormadhye śriyaṃ śivapadārcitām //
7.2.30.12.p18
jyeṣṭhāgaṇāmbayormadhye mahāmoṭīṃ samarcayet //
7.2.30.12.p19
gaṇāmbācaṇḍayormadhye devīṃ durgāṃ prapūjayet //
7.2.30.12.p20
atraivāvaraṇe bhūyaḥ śivānucarasaṃhatim //
7.2.30.12.p21
rudraprathamabhūtākhyāṃ vividhāṃ ca saśaktikām //
7.2.30.12.p22
śivāyāśca sakhīvargaṃ japeddhyātvā samāhitaḥ //
7.2.30.12.p23
evaṃ tṛtīyāvaraṇe vitate pūjite sati //
7.2.30.12.p24
caturthāvaraṇaṃ dhyātvā bahistasya samarcayet //
7.2.30.12.p25
bhānuḥ pūrvadale pūjyo dakṣiṇe caturānanaḥ //
7.2.30.12.p26
rudro varuṇadikpatre viṣṇuruttaradigdale //
7.2.30.12.p27
caturṇāmapi devānāṃ pṛthagāvaraṇānyatha //
7.2.30.12.p28
tasyāṃgāni ṣaḍevādau dīptādyābhiśca śaktibhiḥ //
7.2.30.12.p29
dīptā sūkṣmā jayā bhadrā vibhūtirvimalā kramāt //
7.2.30.12.p30
amoghā vidyutā caiva pūrvādi paritaḥ sthitāḥ //
7.2.30.12.p31
dvitīyāvaraṇe pūjyāścatasro mūrtayaḥ kramāt //
7.2.30.12.p32
pūrvādyuttaraparyaṃtāḥ śaktayaśca tataḥ param //
7.2.30.12.p33
ādityo bhāskaro bhānū raviścetyanupūrvaśaḥ //
7.2.30.12.p34
arko brahmā tathā rudro viṣṇuścaite vivasvataḥ //
7.2.30.12.p35
vistārā pūrvadigbhāge sutarāṃ dakṣiṇe sthitāḥ //
7.2.30.12.p36
bodhanī paścime bhāge āpyāyinyuttare punaḥ //
7.2.30.12.p37
uṣāṃ prabhāṃ tathā prājñāṃ sandhyāmapi tataḥ param //
7.2.30.12.p38
aiśānādiṣu vinyasya dvitīyāvaraṇe yajet //
7.2.30.12.p39
somamaṃgārakaṃ caiva budhaṃ buddhimatāṃ varam //
7.2.30.12.p40
bṛhaspatiṃ bṛhadbuddhiṃ bhārgavaṃ tejasāṃ nidhim //
7.2.30.12.p41
śanaiścaraṃ tathā rāhuṃ ketuṃ dhūmraṃ bhayaṃkaram //
7.2.30.12.p42
samaṃtato yajedetāṃstṛtīyāvaraṇe kramāt //
7.2.30.12.p43
athavā dvādaśādityā dvitīyāvaraṇe yajet //
7.2.30.12.p44
580b
7.2.30.12.p45
tṛtīyāvaraṇe caiva rāśīndvādaśa pūjayet //
7.2.30.12.p46
saptasapta gaṇāṃścaiva bahistasya samaṃtataḥ //
7.2.30.12.p47
ṛṣīndevāṃśca gaṃdharvānpannagānapsarogaṇān //
7.2.30.12.p48
grāmaṇyaśca tathā yakṣānyātudhānāṃstathā hayān //
7.2.30.12.p49
saptacchaṃdomayāṃścaiva vālakhilyāṃśca pūjayet //
7.2.30.12.p50
evaṃ tṛtīyāvaraṇe samabhyarcya divākaram //
7.2.30.12.p51
brahmāṇamarcayetpaścāttribhirāvaraṇaiḥ sahaḥ //
7.2.30.12.p52
hiraṇyagarbhaṃ pūrvasyāṃ virājaṃ dakṣiṇe tataḥ //
7.2.30.12.p53
kālaṃ paścimadigbhāge puruṣaṃ cottare yajet //
7.2.30.12.p54
hiraṇyagarbhaḥ prathamo brahmā kamalasannibhaḥ //
7.2.30.12.p55
kālo jātyaṃjanaprakhyaḥ puruṣaḥ sphaṭikopamaḥ //
7.2.30.12.p56
triguṇo rājasaścaiva tāmasaḥ sāttvikastathā //
7.2.30.12.p57
catvāra ete kramaśaḥ prathamāvaraṇe sthitāḥ //
7.2.30.12.p58
dvitīyāvaraṇe pūjyāḥ pūrvādiparitaḥ kramāt //
7.2.30.12.p59
sanatkumāraḥ sanakaḥ sanaṃdaśca sanātanaḥ //
7.2.30.12.p60
tṛtīyāvaraṇe paścādarcayecca prajāpatīn //
7.2.30.12.p61
aṣṭau pūrvāṃśca pūrvādau trīnprākpaścādanukramāt //
7.2.30.12.p62
dakṣo rucirbhṛguścaiva marīciśca tathāṃgirāḥ //
7.2.30.12.p63
pulastyaḥ pulahaścaiva kraturatriśca kaśyapaḥ //
7.2.30.12.p64
vasiṣṭhaśceti vikhyātāḥ prajānāṃ patayastvime //
7.2.30.12.p65
teṣāṃ bhāryāśca taissārdhaṃ pūjanīyā yathākramam //
7.2.30.12.p66
prasūtiśca tathā ' 'kūtiḥ khyātiḥ sambhūtireva ca //
7.2.30.12.p67
dhṛtiḥ smṛtiḥ kṣamā caiva sannatiścānasūyakā //
7.2.30.12.p68
devamātārundhatī ca sarvāḥ khalu pativratāḥ //
7.2.30.12.p69
śivārcanarato nityaṃ śrīmatyaḥ priyadarśanāḥ //
7.2.30.12.p70
prathamāvaraṇe vedāṃścaturo vā prapūjayet //
7.2.30.12.p71
itihāsapurāṇāni dvitīyāvaraṇe punaḥ //
7.2.30.12.p72
tṛtīyāvaraṇe paścāddharmaśāstrapurassarāḥ //
7.2.30.12.p73
vaidikyo nikhilā vidyāḥ pūjyā eva samaṃtataḥ //
7.2.30.12.p74
pūrvādipurato vedāstadanye tu yathāruci //
7.2.30.12.p75
aṣṭadhā vā caturdhā vā kṛtvā pūjāṃ samaṃtataḥ //
7.2.30.12.p76
evaṃ brahmāṇamabhyarcya tribhirāvaraṇairyutam //
7.2.30.12.p77
dakṣiṇe paścime paścādrudraṃ sāvaraṇaṃ yajet //
7.2.30.12.p78
tasya brahmaṣaḍaṃgāni prathamāvaraṇaṃ smṛtam //
7.2.30.12.p79
dvitīyāvaraṇe caiva vidyeśvaramayaṃ tathā //
7.2.30.12.p80
tṛtīyāvaraṇe bhedo vidyate sa tu kathyate //
7.2.30.12.p81
catasro mūrtayastasya pūjyāḥ pūrvāditaḥ kramāt //
7.2.30.12.p82
triguṇāssakalo devaḥ purastācchivasaṃjñakaḥ //
7.2.30.12.p83
rājaso dakṣiṇe brahmā sṛṣṭikṛtpūjyate bhavaḥ //
7.2.30.12.p84
tāmasaḥ paścime cāgniḥ pūjyassaṃhārako haraḥ //
7.2.30.12.p85
sāttvikassukhakṛtsaumye viṣṇurviśvapatirmṛḍaḥ //
7.2.30.12.p86
evaṃ paścimadigbhāge śambhoḥ ṣaḍviṃśakaṃ śivam //
7.2.30.12.p87
samabhyarcyottare pārśve tato vaikuṃṭhamarcayet //
7.2.30.12.p88
vāsudevaṃ puraskṛtvā prathamāvaraṇe yajet //
7.2.30.12.p89
581a
7.2.30.12.p90
aniruddhaṃ dakṣiṇataḥ pradyumnaṃ paścime tataḥ //
7.2.30.12.p91
saumye saṃkarṣaṇaṃ paścādvyatyastau vā yajedimau //
7.2.30.12.p92
prathamāvaraṇaṃ proktaṃ dvitīyāvaraṇaṃ śubham //
7.2.30.12.p93
matsyaḥ kūrmo varāhaśca narasiṃhotha vāmanaḥ //
7.2.30.12.p94
rāmaścānyatamaḥ kṛṣṇo bhavānaśvamukhopi ca //
7.2.30.12.p95
tṛtīyāvaraṇe cakruḥ pūrvabhāge samarcayet //
7.2.30.12.p96
nārāyaṇākhyāṃ yāmyestraṃ kvacidavyāhataṃ yajet //
7.2.30.12.p97
paścime pāṃcajanyaṃ ca śārṅgaṃdhanurathottare //
7.2.30.12.p98
evaṃ tryāvaraṇaiḥ sākṣādviśvākhyāṃ paramaṃ harim //
7.2.30.12.p99
mahāviṣṇuṃ sadāviṣṇuṃ mūrtīkṛtya samarcayet //
7.2.30.12.p100
itthaṃ viṣṇoścaturvyūhakramānmūrticatuṣṭayam //
7.2.30.12.p101
pūjayitvā ca tacchaktīścatasraḥ pujayetkramāt //
7.2.30.12.p102
prabhāmāgneyadigbhāge nairṛte tu sarasvatīm //
7.2.30.12.p103
gaṇāṃbikā ca vāyavye lakṣmīṃ raudre samarcayet //
7.2.30.12.p104
evaṃ bhānvādimūrtīnāṃ tacchaktīnāmanaṃtaram //
7.2.30.12.p105
pūjāṃ vidhāya lokeśāṃstatraivāvaraṇe yajet //
7.2.30.12.p106
indramagniṃ yamaṃ caiva nirṛtiṃ varuṇaṃ tathā //
7.2.30.12.p107
vāyuṃ somaṃ kuberaṃ ca paścādīśānamarcayet //
7.2.30.12.p108
evaṃ caturthāvaraṇaṃ pūjayitvā vidhānataḥ //
7.2.30.12.p109
āyudhāni maheśasya paścādbāṃhyaṃ samarcayet //
7.2.30.12.p110
śrīmantriśūlamaiśāne vajraṃ māhendradiṅmukhe //
7.2.30.12.p111
paraśuṃ vahnidigbhāge yāmye sāyakamarcayet //
7.2.30.12.p112
nairṛte tu yajetkhaḍgaṃ pāśaṃ vāruṇagocare //
7.2.30.12.p113
aṃkuśaṃ mārute bhāge pinākaṃ cottare yajet //
7.2.30.12.p114
paścimābhimukhaṃ raudraṃ kṣetrapālaṃ samarcayet //
7.2.30.12.p115
pañcamāvaraṇaṃ caiva sampūjyānantaraṃ bahiḥ //
7.2.30.12.p116
sarvāvaraṇadevānāṃ bahirvā pañcame 'thavā //
7.2.30.12.p117
pañcame mātṛbhissārdhaṃ mahokṣa purato yajet //
7.2.30.12.p118
tataḥ samaṃtataḥ pūjyāssarvā vai devayonayaḥ //
7.2.30.12.p119
khecarā ṛṣayassiddhā daityā yakṣāśca rākṣasāḥ //
7.2.30.12.p120
anaṃtādyāśca nāgeṃdrā nāgaistattatkulodbhavaiḥ //
7.2.30.12.p121
ḍākinībhūtavetālapretabhairavanāyakāḥ //
7.2.30.12.p122
pātālavāsinaścānye nānāyonisamudbhavāḥ //
7.2.30.12.p123
nadyassamudrā girayaḥ kānanāni sarāṃsi ca //
7.2.30.12.p124
paśavaḥ pakṣiṇo vṛkṣāḥ kīṭādyāḥ kṣudrayonayaḥ //
7.2.30.12.p125
narāśca vividhākārā mṛgāśca kṣudrayonayaḥ //
7.2.30.12.p126
bhuvanānyantaraṇḍasya tato brahmāṇḍakoṭayaḥ //
7.2.30.12.p127
bahiraṃḍānyasaṃkhyāni bhuvanāni sahādhipaiḥ //
7.2.30.12.p128
brahmāṃḍādhārakā rudrā daśadikṣu vyavasthitāḥ //
7.2.30.12.p129
yadgauḍa yacca māmeyaṃ yadvā śāktaṃ tataḥ param //
7.2.30.12.p130
yatkiñcidasti śabdasya vācyaṃ cidacidātmakam //
7.2.30.12.p131
tatsarvaṃ śivayoḥ pārśve buddhvā sāmānyato yajet //
7.2.30.12.p132
kṛtāṃjalipuṭāḥ sarve 'ciṃtyāḥ smitamukhāstathā //
7.2.30.12.p133
581b
7.2.30.12.p134
prītyā saṃprekṣamāṇāśca devaṃ devīṃ ca sarvadā //
7.2.30.12.p135
itthamāvaraṇābhyarcāṃ kṛtvāvikṣepaśāṃtaye //
7.2.30.12.p136
punarabhyarcya deveśaṃ paktvākṣaramudīrayet //
7.2.30.12.p137
nivedayettataḥ paścācchivayoramṛtopamam //
7.2.30.12.p138
suvyañjanasamāyuktaṃ śuddhaṃ cāru mahācarum //
7.2.30.12.p139
dvātriṃśadāḍhakairmukhyamadhamaṃ tvāḍhakāvaram //
7.2.30.12.p140
sādhayitvā yathāsaṃpacchraddhayā vinivedayet //
7.2.30.12.p141
tato nivedya pānīyaṃ tāṃbūlaṃ copadaṃśakaiḥ //
7.2.30.12.p142
nīrājanādikaṃ kṛtvā pūjāśeṣaṃ samāpayet //
7.2.30.12.p143
bhogopayogyadravyāṇi viśiṣṭānyeva sādhayet //
7.2.30.12.p144
vittaśāṭhyaṃ na kurvīta bhaktimānvibhave sati //
7.2.30.12.p145
śaṭhasyopekṣakasyāpi vyaṃgyaṃ caivānutiṣṭhataḥ //
7.2.30.12.p146
na phalaṃtyeva karmāṇi kāmyānīti satāṃ kathā //
7.2.30.12.p147
tasmātsamyagupekṣāṃ ca tyaktvā sarvāṃgayogataḥ //
7.2.30.12.p148
kuryātkāmyāni karmāṇi phalasiddhiṃ yadīcchati //
7.2.30.12.p149
itthaṃ pūjāṃ samāpyātha devaṃ devīṃ praṇamya ca //
7.2.30.12.p150
bhaktyā manassamādhāya paścātstotramudīrayet //
7.2.30.12.p151
tataḥ stotramupāsyānte tvaṣṭottaraśatāvarām //
7.2.30.12.p152
japetpañcākṣarīṃ vidyāṃ sahasrottaramutsukaḥ //
7.2.30.12.p153
vidyāpūjāṃ guroḥ pūjāṃ kṛtvā paścādyathākramam //
7.2.30.12.p154
yathodayaṃ yathāśrāddhaṃ sadasyānapi pūjayet //
7.2.30.12.p155
tataḥ udvāsya deveśaṃ sarvairāvaraṇaiḥ saha //
7.2.30.12.p156
maṇḍalaṃ gurave dadyādyāgopakaraṇaissaha //
7.2.30.12.p157
śivāśritebhyo vā dadyātsarvamevānupūrvaśaḥ //
7.2.30.12.p158
athavā tacchivāyaiva śivakṣetre samarpayet //
7.2.30.12.p159
śivāgnau vā yajeddevaṃ homadravyaiśca saptabhiḥ //
7.2.30.12.p160
samabhyarcya yathānyāyaṃ sarvāvaraṇadevatāḥ //
7.2.30.12.p161
eṣa yogeśvaro nāma triṣu lokeṣu viśrutaḥ //
7.2.30.12.p162
na tasmādadhikaḥ kaścidyāgo 'sti bhuvane kvacit //
7.2.30.12.p163
na tadasti jagatyasminnasadhyaṃ yadanena tu //
7.2.30.12.p164
aihikaṃ vā phalaṃ kiṃcidāmuṣmikaphalaṃ tu vā //
7.2.30.12.p165
idamasya phalaṃ nedamiti naiva niyamyate //
7.2.30.12.p166
śreyorūpasya kṛtsnasya tadidaṃ śreṣṭasādhanam //
7.2.30.12.p167
idaṃ na śakyate vaktuṃ puruṣeṇa yadarcyate //
7.2.30.12.p168
ciṃtāmaṇerivaitasmāttattena prāpyate phalam //
7.2.30.12.p169
tathāpi kṣudramuddiśya phalaṃ naitatprayojayet //
7.2.30.12.p170
laghvarthī mahato yasmātsvayaṃ laghutaro bhavet //
7.2.30.12.p171
mahadvā phalamalpaṃ vā kṛtaṃ cetkarma sidhyati //
7.2.30.12.p172
mahādevaṃ samuddiśya kṛtaṃ karma prayujyatām //
7.2.30.12.p173
tasmādananyalabhyeṣu śatrumṛtyuṃjayādiṣu //
7.2.30.12.p174
phaleṣu dṛṣṭādṛṣṭeṣu kuryādetadvicakṣaṇaḥ //
7.2.30.12.p175
mahatsvapi ca pāteṣu mahārāgabhayādiṣu //
7.2.30.12.p176
durbhikṣādiṣu śāṃtyarthaṃ śāṃtiṃ kuryādanena tu //
7.2.30.12.p177
bahunā kiṃ pralāpena mahāvyāpannivārakam //
7.2.30.12.p178
ātmīyamastraṃ śaivānāmidamāha maheśvaraḥ //
7.2.30.12.p179
582a
7.2.30.12.p180
tasmāditaḥ paraṃ nāsti paritrāṇamihātmanaḥ //
7.2.30.12.p181
iti matvā prayuṃjānaḥ karmedaṃ śubhamaśnute //
7.2.30.12.p182
stotramātraṃ śucirbhūtvā yaḥ paṭhetsusamāhitaḥ //
7.2.30.12.p183
sopyabhīṣṭatamādarthādaṣṭāṃśaphalamāpnuyāt //
7.2.30.12.p184
arthaṃ tasyānusandhāya parvaṇyanaśanaḥ paṭhet //
7.2.30.12.p185
aṣṭābhyāṃ vā caturdaśyāṃ phalamardhaṃ samāpnuyāt //
7.2.30.12.p186
yastvarthamanusaṃdhāya parvādiṣu tathā vratī //
7.2.30.12.p187
māsamekaṃ japetstotraṃ sa kṛtsnaṃ phalamāpnuyāt //
7.2.30.12.p188
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śaivānāṃ kāmyakavarṇanaṃ nāma triṃśo 'dhyāyaḥ
First 200 of 202 passages. Read on
Other recensions (1)
- Śivapurāṇa (complete text) — Sanskrit
Linked texts (3)
- Kriyāsāra — Śrīkaṇtha, Sanskrit
- Acintyaviśvasādākhyatantra — Sanskrit
- Vīrāgama — Sanskrit