Shivapurana 7.2.34.18
Śivapurāṇa 7.2.34.18
- Language
- Sanskrit
7.2.34.18
/
589b
7.2.34.18.p1
yadṛcchayā gatastatra brahmā lokapitāmahaḥ //
7.2.34.18.p2
dadarśa puṇḍarīkākṣaṃ svapantaṃ tamanākulam //
7.2.34.18.p3
māyayā mohitaḥ śambhorviṣṇumāha pitāmahaḥ //
7.2.34.18.p4
kastvaṃ vadetyamarṣeṇa prahṛtyotthāpya mādhavam //
7.2.34.18.p5
sa tu hastaprahāreṇa tīvreṇābhihataḥ kṣaṇāt //
7.2.34.18.p6
prabuddhotthāya śayanāddadarśa parameṣṭhinam //
7.2.34.18.p7
tamāha cāṃtassaṃkruddhaḥ svayamakruddhavaddhariḥ //
7.2.34.18.p8
kutastvamāgato vatsa kasmāttvaṃ vyākulo vada //
7.2.34.18.p9
iti viṣṇuvacaḥ śrutvā prabhutvaguṇasūcakam //
7.2.34.18.p10
rajasā baddhavairastaṃ brahmā punarabhāṣata //
7.2.34.18.p11
vatseti māṃ kuto brūṣe guruḥ śiṣyamivātmanaḥ //
7.2.34.18.p12
māṃ na jānāsi kiṃ nāthaṃ prapañco yasya me kṛtiḥ //
7.2.34.18.p13
tridhātmānaṃ vibhajyedaṃ sṛṣṭvātha paripālyate //
7.2.34.18.p14
saṃharāmi name kaścitsraṣṭā jagati vidyate //
7.2.34.18.p15
ityukte sati so 'pyāha brahmāṇaṃ viṣṇuravyayaḥ //
7.2.34.18.p16
ahamevādikartāsya hartā ca paripālakaḥ //
7.2.34.18.p17
bhavānapi mamaivāṃgādavatīrṇaḥ purāvyayāt //
7.2.34.18.p18
manniyogāttvamātmānaṃ tridhā kṛtvā jagattrayam //
7.2.34.18.p19
sṛjasyavasi cāṃte tatpunaḥ pratisṛjasyapi //
7.2.34.18.p20
vismṛtosi jagannāthaṃ nārāyaṇamanāmayam //
7.2.34.18.p21
tavāpi janakaṃ sākṣānmāmevamavamanyase //
7.2.34.18.p22
tavāparādho nāstyatra bhrāṃtosi mama māyayā //
7.2.34.18.p23
matprasādādiyaṃ bhrāṃtirapaiṣyati tavācirāt //
7.2.34.18.p24
śṛṇu satyaṃ caturvaktra sarvadeveśvaro hyaham //
7.2.34.18.p25
kartā bhartā ca hartā ca na mayāsti samo vibhuḥ //
7.2.34.18.p26
evameva vivādobhūdbrahmaviṣṇvoḥ parasparam //
7.2.34.18.p27
abhavacca mahāyuddhaṃ bhairavaṃ romaharṣaṇam //
7.2.34.18.p28
muṣṭibhirnnighnatostīvraṃ rajasā baddhavairayoḥ //
7.2.34.18.p29
tayordarpāpahārāya prabodhāya ca devayoḥ //
7.2.34.18.p30
madhye samāvirabhavalliṃgamaiśvaramadbhutam //
7.2.34.18.p31
jvālāmālāsahasrāḍhyamaprameyamanaupamam //
7.2.34.18.p32
kṣayavṛddhivinirmuktamādimadhyāṃtavarjitam //
7.2.34.18.p33
tasya jvālāsahasreṇa brahmaviṣṇū vimohitau //
7.2.34.18.p34
visṛjya yuddhaṃ kiṃ tvetadityaciṃtayatāṃ tadā //
7.2.34.18.p35
na tayostasya yāthātmyaṃ prabuddhamabhavadyadā //
7.2.34.18.p36
tadā samudyatau syātāṃ tasyādyaṃtaṃ parīkṣitum //
7.2.34.18.p37
tatra haṃsākṛtirbrahmā viśvataḥ pakṣasaṃyutaḥ //
7.2.34.18.p38
manonilajavo bhūtvā gatastūrdhvaṃ prayatnataḥ //
7.2.34.18.p39
nārāyaṇopi viśvātmā līlāñjanacayopamam //
7.2.34.18.p40
vārāhamamitaṃ rūpamasthāya gatavānadhaḥ //
7.2.34.18.p41
evaṃ varṣasahasraṃ tu tvaran viṣṇuradhogataḥ //
7.2.34.18.p42
nāpaśyadalpamapyasya mūlaṃ liṃgasya sūkaraḥ //
7.2.34.18.p43
tāvatkālaṃ gataścordhvaṃ tasyāṃtaṃ jñātumicchayā //
7.2.34.18.p44
śrāṃtotyaṃtamadṛṣṭvāṃtaṃ pāpatādhaḥ pitāmahaḥ //
7.2.34.18.p45
590a
7.2.34.18.p46
tathaiva bhagavān viṣṇuḥ śrāṃtaḥ saṃvignalocanaḥ //
7.2.34.18.p47
kleśena mahatā tūrṇamadhastādutthito 'bhavat //
7.2.34.18.p48
samāgatāvathānyonyaṃ vismayasmeravīkṣaṇau //
7.2.34.18.p49
māyayā mohitau śaṃbhoḥ kṛtyākṛtyaṃ na jagmatuḥ //
7.2.34.18.p50
pṛṣṭhataḥ pārśvatastasya cāgrataśca sthitāvubhau //
7.2.34.18.p51
praṇipatya kimātmedamityaciṃtayatāṃ tadā //
7.2.34.18.p52
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe harividhimohavarṇanaṃ nāma catustriṃśo 'dhyāyaḥ
7.2.34.18.p53
Chapter 35
upamanyuruvāca
athāvirabhavattatra sanādaṃ śabdalakṣaṇam //
Other recensions (1)
- Śivapurāṇa (complete text) — Sanskrit
Linked texts (2)
- Kriyāsāra — Śrīkaṇtha, Sanskrit
- Śivadharmaśāstra — Sanskrit