Pramāṇa · Search · About · API

Shivapurana 7.2.4.5

Śivapurāṇa 7.2.4.5

Language
Sanskrit

7.2.4.5

/
547b

7.2.4.5.p1

dvayaṃ śuddhamaśuddhaṃ ca paraṃ cāparameva ca //

7.2.4.5.p2

yatsaṃsarati ciccakramaciccakrasamanvitam //

7.2.4.5.p3

tadevāśuddhamaparamitaraṃ tu paraṃ śubham //

7.2.4.5.p4

aparaṃ ca paraṃ caiva dvayaṃ cidacidātmakam //

7.2.4.5.p5

śivasya ca śivāyāśca svāmyaṃ caitatsvabhāvataḥ //

7.2.4.5.p6

śivayorvai vaśe viśvaṃ na viśvasya vaśe śivau //

7.2.4.5.p7

īśitavyamidaṃ yasmāttasmādviśveśvarau śivau //

7.2.4.5.p8

yathā śivastathā devī yathā devī tathā śivaḥ //

7.2.4.5.p9

nānayoraṃtaraṃ vidyāccaṃdracandrikayoriva //

7.2.4.5.p10

caṃdro na khalu bhātyeṣa yathā caṃdrikayā vinā //

7.2.4.5.p11

na bhāti vidyamāno 'pi tathā śaktyā vinā śivaḥ //

7.2.4.5.p12

prabhayā hi vināyadvadbhānureṣa na vidyate //

7.2.4.5.p13

prabhā ca bhānunā tena sutarāṃ tadupāśrayā //

7.2.4.5.p14

evaṃ parasparāpekṣā śaktiśaktimatoḥ sthitā //

7.2.4.5.p15

na śivena vinā śaktirna śaktyā ca vinā śivaḥ //

7.2.4.5.p16

śaktauyayā śivo nityaṃ bhaktau muktau ca dehinām //

7.2.4.5.p17

ādyā saikā parā śaktiścinmayī śivasaṃśrayā //

7.2.4.5.p18

yāmāhurakhileśasya taistairanuguṇairguṇaiḥ //

7.2.4.5.p19

samānadharmiṇīmeva śivasya paramātmanaḥ //

7.2.4.5.p20

saikā parā ca cidrūpā śaktiḥ prasavadharmiṇī //

7.2.4.5.p21

vibhajya bahudhā viśvaṃ vidadhāti śivecchayā //

7.2.4.5.p22

sā mūlaprakṛtirmāyā triguṇā ca tridhā smṛtā //

7.2.4.5.p23

śivayā ca viparyastaṃ yayā tatamidaṃ jagat //

7.2.4.5.p24

ekadhā ca dvidhā caiva tathā śatasahasradhā //

7.2.4.5.p25

śaktayaḥ khalu bhidyaṃte bahudhā vyavahārataḥ //

7.2.4.5.p26

śivecchayā parāśaktiḥ śivatattvaikatāṃ gatā //

7.2.4.5.p27

tataḥ parisphuratyādau sarge tailaṃ tilādiva //

7.2.4.5.p28

tataḥ kriyākhyayā śaktyā śaktau śaktimadutthayā //

7.2.4.5.p29

tasyāṃ vikṣobhyamāṇāyāmādau nādaḥ samudbabhau //

7.2.4.5.p30

nādādviniḥsṛto biṃdurbiṃdodevassadāśivaḥ //

7.2.4.5.p31

tasmānmaheśvaro jātaḥ śuddhavidyā maheśvarāt //

7.2.4.5.p32

sā vācāmīśvarī śaktirvāgīśākhyā hi śūlinaḥ //

7.2.4.5.p33

yā sā varṇasvarūpeṇa mātṛkepi vijṛmbhate //

7.2.4.5.p34

athānaṃtasamāveśānmāyā kālamavāsṛjat //

7.2.4.5.p35

niyatiñca kalāṃ vidyāṃ kalātorāgapūruṣau //

7.2.4.5.p36

māyātaḥ punarevābhūdavyaktaṃ triguṇātmakam //

7.2.4.5.p37

triguṇācca tato vyaktādvibhaktāḥ syustrayo guṇāḥ //

7.2.4.5.p38

sattvaṃ rajastamaśceti yairvyāptamakhilaṃ jagat //

7.2.4.5.p39

guṇebhyaḥ kṣobhyamāṇebhyo guṇeśākhyāstrimūrtayaḥ //

7.2.4.5.p40

abhavanmahadādīni tattvāni ca yathākramam //

7.2.4.5.p41

tebhyassyuraṇḍapiṇḍāni tvasaṃkhyāni śivājñayā //

7.2.4.5.p42

548a

7.2.4.5.p43

adhiṣṭhitānyanantādyairvidyeśaiścakravartibhiḥ //

7.2.4.5.p44

śarīrāṃtarabhedena śakterbhedāḥ prakīrtitāḥ //

7.2.4.5.p45

nānārūpāstu vijñeyāḥ sthūlasūkṣmavibhedataḥ //

7.2.4.5.p46

rudrasya raudrī sā śaktirviṣṇaurvai vaiṣṇavī matā //

7.2.4.5.p47

brahmāṇī brahmaṇaḥ proktā cendrasyaiṃdrīti kathyate //

7.2.4.5.p48

kimatra bahunoktena yadviśvamiti kīrtitam //

7.2.4.5.p49

śakyātmanaiva tadvyāptaṃ yathā dehe 'ṃtarātmanā //

7.2.4.5.p50

tasmācchaktimayaṃ sarvaṃ jagatsthāvarajaṃgamam //

7.2.4.5.p51

kalā yā paramā śaktiḥ kathitā paramātmanaḥ //

7.2.4.5.p52

evameṣā parā śaktirīśvarecchānuyāyinī //

7.2.4.5.p53

sthiraṃ caraṃ ca yadviśvaṃ sṛjatīti viniścayaḥ //

7.2.4.5.p54

jñānakriyā cikīrṣābhistisṛbhissvātmaśaktibhiḥ //

7.2.4.5.p55

śaktimānīśvaraḥ śaśvadviśvaṃ vyāpyādhitiṣṭhati //

7.2.4.5.p56

idamitthamidaṃ netthaṃ bhavedityevamātmikā //

7.2.4.5.p57

icchāśaktirmaheśasya nityā kāryaniyāmikā //

7.2.4.5.p58

jñānaśaktistu tatkāryaṃ karaṇaṃ kāraṇaṃ tathā //

7.2.4.5.p59

prayojanaṃ ca tattvena buddhirūpādhyavasyati //

7.2.4.5.p60

yathepsitaṃ kriyāśaktiryathādhyavasitaṃ jagat //

7.2.4.5.p61

kalpayatyakhilaṃ kāryaṃ kṣaṇātsaṃkalparūpiṇī //

7.2.4.5.p62

yathā śaktitrayotthānaṃ śaktiprasavadharmiṇī //

7.2.4.5.p63

śaktyā paramayā nunnā prasūte sakalaṃ jagat //

7.2.4.5.p64

evaṃ śaktisamāyogācchaktimānucyate śivaḥ //

7.2.4.5.p65

śaktiśaktimadutthaṃ tu śāktaṃ śaivamidaṃ jagat //

7.2.4.5.p66

yathā na jāyate putraḥ pitaraṃ mātaraṃ vinā //

7.2.4.5.p67

tathā bhavaṃ bhavānīṃ ca vinā naitaccarācaram //

7.2.4.5.p68

strīpuṃsaprabhavaṃ viśvaṃ strīpuṃsātmakameva ca //

7.2.4.5.p69

strīpuṃsayorvibhūtiśca strīpuṃsābhyāmadhiṣṭhitam //

7.2.4.5.p70

paramātmā śivaḥ proktaśśivā sā ca prakīrtitā //

7.2.4.5.p71

śivassadāśivaḥ proktaḥ śivā sā ca manonmanī //

7.2.4.5.p72

śivo maheśvaro jñeyaḥ śivā māyeti kathyate //

7.2.4.5.p73

puruṣaḥ parameśānaḥ prakṛtiḥ parameśvarī //

7.2.4.5.p74

rudro maheśvarassākṣādrudrāṇī rudravallabhā //

7.2.4.5.p75

viṣṇurviśveśvaro devo lakṣmīrviśveśvarapriyā //

7.2.4.5.p76

brahmā śivo yadā sraṣṭā brahmāṇī brahmaṇaḥ priyā //

7.2.4.5.p77

bhāskaro bhagavāñchaṃbhuḥ prabhā bhagavatī śivā //

7.2.4.5.p78

maheṃdro manmathārātiḥ śacī śailendrakanyakā //

7.2.4.5.p79

jātavedā mahādevaḥ svāhā śarvārdhadehinī //

7.2.4.5.p80

yamastriyaṃbako devastatpriyā girikanyakā //

7.2.4.5.p81

nirṛtirbhagavānīśo nairṛtī naganaṃdanī //

7.2.4.5.p82

varuṇo bhagavānrudro vāruṇī bhūdharātmajā //

7.2.4.5.p83

bāleṃduśekharo vāyuḥ śivā śivamanoharā //

7.2.4.5.p84

yakṣo yajñaśirohartā ṛddhirhimagirīndrajā //

7.2.4.5.p85

548b

7.2.4.5.p86

caṃdrārdhaśekharaścaṃdro rohiṇī rudravallabhā //

7.2.4.5.p87

īśānaḥ parameśānastadāryā parameśvarī //

7.2.4.5.p88

anaṃtavalayo 'naṃto hyanaṃtānaṃtavallabhā //

7.2.4.5.p89

kālāgnirudraḥ kālāriḥ kālī kālāṃtakapriyā //

7.2.4.5.p90

puruṣākhyo manuśśaṃbhuḥ śatarūpā śivapriyā //

7.2.4.5.p91

dakṣassākṣānmahādevaḥ prasūtiḥ parameśvarī //

7.2.4.5.p92

rucirbhavo bhavānī ca budhairākūtirucyate //

7.2.4.5.p93

bhṛgurbhagākṣihā devaḥ khyātistrinayanapriyā //

7.2.4.5.p94

marīcibhagavānrudraḥ saṃbhūtiśśarvavallabhā //

7.2.4.5.p95

gaṃgādharo 'ṃgirā jñeyaḥ smṛtiḥ sākṣādumā smṛtā //

7.2.4.5.p96

pulastyaḥ śaśabhṛnmauliḥ prītiḥ kāṃtā pinākinaḥ //

7.2.4.5.p97

pulahastripuradhvaṃsī tatpriyā tu śivapriyā //

7.2.4.5.p98

kratudhvaṃsī kratuḥ proktaḥ saṃnatirdayitā vibhoḥ //

7.2.4.5.p99

trinetro 'trirumā sākṣādanasūyā smṛtā budhaiḥ //

7.2.4.5.p100

kaśyapaḥ kālahā devo devamātā maheśvarī //

7.2.4.5.p101

vasiṣṭho manmathārātirdevī sākṣādaruṃdhatī //

7.2.4.5.p102

śaṃkaraḥ puruṣāssarve striyassarvā maheśvarī //

7.2.4.5.p103

sarve strīpuruṣāstasmāttayoreva vibhūtayaḥ //

7.2.4.5.p104

viṣayī bhagavānīśo viṣayaḥ parameśvarī //

7.2.4.5.p105

śrāvyaṃ sarvamumārūpaṃ śrotā śūlavarāyudhaḥ //

7.2.4.5.p106

praṣṭavyaṃ vastujātaṃ tu dhatte śaṃkaravallabhā //

7.2.4.5.p107

praṣṭā sa eva viśvātmā bālacandrāvataṃsakaḥ //

7.2.4.5.p108

draṣṭavyaṃ vasturūpaṃ tu bibharti vaktavallabhā //

7.2.4.5.p109

draṣṭā viśveśvaro devaḥ śaśikhaṃḍaśikhāmaṇiḥ //

7.2.4.5.p110

rasajātaṃ mahādevī devo rasayitā śivaḥ //

7.2.4.5.p111

preyajātaṃ ca girijā preyāṃścaiva garāśanaḥ //

7.2.4.5.p112

maṃtavyavastutāṃ dhatte sadā devī maheśvarī //

7.2.4.5.p113

maṃtā sa eva viśvātmā mahādevo maheśvaraḥ //

7.2.4.5.p114

boddhavyavasturūpaṃ tu bibharti bhavavallabhā //

7.2.4.5.p115

devassa eva bhagavānboddhā mugdhenduśekharaḥ //

7.2.4.5.p116

prāṇaḥ pinākī sarveṣāṃ prāṇināṃ bhagavānprabhuḥ //

7.2.4.5.p117

prāṇasthitistu sarveṣāmaṃbikā cāṃburūpiṇī //

7.2.4.5.p118

bibharti kṣetratāṃ devī tripurāṃtakavallabhā //

7.2.4.5.p119

kṣetrajñatvaṃ tadā dhatte bhagavānaṃtakāṃtakaḥ //

7.2.4.5.p120

ahaḥ śūlāyudho devaḥ śūlapāṇipriyā niśā //

7.2.4.5.p121

ākāśaḥ śaṃkaro devaḥ pṛthivī śaṃkarapriyā //

7.2.4.5.p122

samudro bhagavānīśo velā śailendrakanyakā //

7.2.4.5.p123

vṛkṣo vṛṣadhvajo devo latā viśveśvarapriyā //

7.2.4.5.p124

puṃlliṃgamakhilaṃ dhatte bhagavānpuraśāsanaḥ //

7.2.4.5.p125

striliṃgaṃ cākhilaṃ dhatte devī devamanoramā //

7.2.4.5.p126

śabdajālamaśeṣaṃ tu dhatte sarvasya vallabhā //

7.2.4.5.p127

arthasvarūpamakhilaṃ dhatte mugdhenduśekharaḥ //

7.2.4.5.p128

yasya yasya padārthasya yā yā śaktirudāhṛtā //

7.2.4.5.p129

sā sā viśveśvarī devī sa sa sarvo maheśvaraḥ //

7.2.4.5.p130

549a

7.2.4.5.p131

yatparaṃ yatpavitraṃ ca yatpuṇyaṃ yacca maṃgalam //

7.2.4.5.p132

tattadāha mahābhāgāstayostejovijṛṃbhitam //

7.2.4.5.p133

yathā dīpasya dīptasya śikhā dīpayate gṛham //

7.2.4.5.p134

tathā tejastayoretadvyāpya dīpayate jagat //

7.2.4.5.p135

tṛṇādiśivamūrtyaṃtaṃ viśvakhyātiśayakramaḥ //

7.2.4.5.p136

sannikarṣakramavaśāttayoriti parā śrutiḥ //

7.2.4.5.p137

sarvākārātmakāvetau sarvaśreyovidhāyinau //

7.2.4.5.p138

pūjanīyau namaskāryau ciṃtanīyau ca sarvadā //

7.2.4.5.p139

yathāprajñamidaṃ kṛṣṇa yāthātmyaṃ parameśayoḥ //

7.2.4.5.p140

kathitaṃ hi mayā te 'dya na tu tāvadiyattayā //

7.2.4.5.p141

tatkathaṃ śakyate vaktuṃ yāthātmyaṃ parameśayoḥ //

7.2.4.5.p142

mahatāmapi sarveṣāṃ manaso 'pi bahirgatam //

7.2.4.5.p143

aṃtargatamananyānāmīśvarārpitacetasām //

7.2.4.5.p144

anyeṣāṃ buddhyanārūḍhamārūḍhaṃ ca yathaiva tat //

7.2.4.5.p145

yeyamuktā vibhūtirvai prākṛtī sā parā matā //

7.2.4.5.p146

aprākṛtāṃ parāmanyāṃ guhyāṃ guhyavido viduḥ //

7.2.4.5.p147

yato vāco nivartaṃte manasā cendriyaissaha //

7.2.4.5.p148

aprākṛtī parā caiṣā vibhūtiḥ pārameśvarī //

7.2.4.5.p149

saiveha paramaṃ dhāma saiveha paramā gatiḥ //

7.2.4.5.p150

saiveha paramā kāṣṭhā vibhūtiḥ parameṣṭhinaḥ //

7.2.4.5.p151

tāṃ prāptuṃ prayataṃte 'tra jitaśvāsā jiteṃdriyāḥ //

7.2.4.5.p152

garbhakārā gṛhadvāraṃ niśchidraṃ ghaṭituṃ yathā //

7.2.4.5.p153

saṃsārāśīviṣālīḍhamṛtasaṃjīvanauṣadham //

7.2.4.5.p154

vibhūtiṃ śivayorvidvānna bibheti kutaścana //

7.2.4.5.p155

yaḥ parāmaparāṃ caiva vibhūtiṃ vetti tattvataḥ //

7.2.4.5.p156

so 'paro bhūtimullaṃghya parāṃ bhūtiṃ samaśnute //

7.2.4.5.p157

etatte kathitaṃ kṛṣṇa yāthātmyaṃ paramātmanoḥ //

7.2.4.5.p158

rahasyamapi yogyo 'si bhargabhakto bhavāniti //

7.2.4.5.p159

nāśiṣyebhyo 'pyaśaivebhyo nābhaktebhyaḥ kadācana //

7.2.4.5.p160

vyāharedīśayorbhūtimiti vedānuśāsanam //

7.2.4.5.p161

tasmāttvamatikalyāṇaparebhyaḥ kathayenna hi //

7.2.4.5.p162

tvādṛśebhyo 'nurūpebhyaḥ kathayaitanna cānyathā //

7.2.4.5.p163

vibhūtimetāṃ śivayoryogyebhyo yaḥ pradāpayet //

7.2.4.5.p164

saṃsārasāgarānmuktaḥ śivasāyujyamāpnuyāt //

7.2.4.5.p165

kīrtanādasya naśyaṃti mahāntyaḥ pāpakoṭayaḥ //

7.2.4.5.p166

triścaturdhāsamabhyastairvinaśyaṃti tato 'dhikāḥ //

7.2.4.5.p167

naśyaṃtyaniṣṭaripavo vardhante suhṛdastathā //

7.2.4.5.p168

vidyā ca vardhate śaivī matissatye pravartate //

7.2.4.5.p169

bhaktiḥ parāḥ śive sāmbe sānuge saparicchide //

7.2.4.5.p170

yadyadiṣṭatamaṃ cānyattattadāpnotyasaṃśayam //

7.2.4.5.p171

antaḥśuciḥ śive bhakto visrabdhaḥ kīrtayedyadi //

7.2.4.5.p172

prabalaiḥ karmabhiḥ pūrvaiḥ phalaṃ cetpratibadhyate //

7.2.4.5.p173

punaḥ punaḥ samabhyasyettasya nāstīha durllabham //

7.2.4.5.p174

549b

7.2.4.5.p175

oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe gaurīśaṃkaravibhūtiyogo nāma caturtho 'dhyāyaḥ

7.2.4.5.p176

Chapter 5
upamanyuruvāca
vigrahaṃ devadevasya viśvametaccarācaram //

Other recensions (1)

Linked texts (1)