Skandapurana 13.15.p1

13.15.p1

śrīhatasyasvargasyavarṇanam
daridrāṇāmathaiteṣāmapatyāni tu bhūriśaḥ | teṣāṃ ca vaṃśavistāro maharlokeṣvavarddhata
vidvāṃsastatrayejātāstetudharmaṃ tameva hi | menire mukhyamevā'tha granthāṃścakruścatādṛśān
te paramparayā granthāḥ prāmāṇyaṃ pratipedire | ādye tretāyuge hītthamāsīddharmasyaviplavaḥ
tataḥ prabhṛti lokeṣu yajñādau paśuhiṃsanam | babhūva satye tu yuge dharmaāsītsanātanaḥ
kālena mahatā so'pi saha devaiḥ surādhipaḥ | ārādhya sampadaṃ prāpa vāsudevaṃ prabhummune
tato dharmaniketasya śrīpateḥ kṛpayā hareḥ | yathāpūrvañcasaddharmastrilokyāṃ sampravartata
tatrā'pikecinmunayo nṛpā devāśca mānuṣāḥ
kāmakrodharasāsvādalobhopahatasaddviyaḥ
tamāpaddharmamadyāpi prādhānyenaiva manvate
ekāntinobhāgavatajitākāmādayastuye | āpadyapi nate'gṛhṇastaṃ tadākimutā'nyadā
itthaṃ brahmāhnikalpe hiṃsrayajñapravarttanam | yathāsīttanmayākhyātamapatkālavaśāduvi