Skandapurana 6.2.30.27

6.2.30.27

śrīviśvanātha uvāca..
triṃśattamaṃ vijānīhi tvaṃ devi cyavaneśvaram..
yasya darśanamātreṇa svargabhraṃśo na jāyate..1..
bhṛgormaharṣeḥ putraśca cyavano nāma pārvati..
sthāṇubhūtastapastepe nirāhāro mahāmuniḥ .. 2 ..
vitastāyāstaṭe ramye bahuvarṣagaṇānkila ..
savalmīko'bhavadvipro latābhirabhisaṃvṛtaḥ .. 3 ..
kālena mahatā devi samākīrṇaḥ pipīlakaiḥ ..
tathā sa saṃvṛto dhīmānmṛtpiṃḍa iva sarvaśaḥ .. 4 ..
ājagāma tamuddeśaṃ vihartuṃ vana uttame ..
śaryātirnāma dharmātmā sakuṭuṃbo mudānvitaḥ .. 5 ..
tasya strīṇāṃ sahasrāṇi catvāryāsanparigrahaḥ ..
ekaiva tu sutā subhrūḥ sukanyānāma nāmataḥ .. 6 ..
sā sakhībhiḥ parivṛtā sarvābharaṇabhūṣitā ..
sā bhramyamāṇā valmīke dṛṣṭvā bhārgavacakṣuṣī .. 7 ..
sā kautukātkaṇṭakena buddhimohavatī tadā ..
kiṃ nu khalvidamityuktvā nirbibhedāsya locane .. 8 ..
abhavatsa tayā viddho netrayoḥ paramārtimān ..
tataḥ śaryātisainyasya śakṛnmūtraṃ samāruṇat .. 9 ..
tato ruddhe śakṛnmūtre paryatapyata pārthivaḥ ..
pratyuvāca tataḥ kruddho rājā gadgadayā girā .. 5.2.30.10 ..
kenāpakṛtamadyeha bhārgavasya mahātmanaḥ ..
taponityasya vṛddhasya roṣaṇasya viśeṣataḥ .. 11 ..
jñātaṃ vā yadi vājñātaṃ tadidaṃ brūta mā ciram ..
tamūcuḥ sainikāḥ sarve na vidmo'pakṛtaṃ vayam .. 12 ..
tataḥ sa pṛthivīpālaḥ sāmnā cogreṇa ca svayam ..
paryapṛcchatsvavarga ca bhūyobhūyaḥ suduḥkhitaḥ .. 13 ..
pitaraṃ duḥkhitaṃ dṛṣṭvā sukanyā tamathābravīt ..
mayā kiṃcicca valmīke dṛṣṭaṃ sattvamaticchavi .. 14 ..
khadyotavadabhijñātaṃ tanmayā viddhamaṃtikam ..
etacchrutvā tu śaryātirvalmīkaṃ kṣipramabhyagāt .. 15 ..
tatrāpaśyattapovṛddhaṃ vayovṛddhaṃ ca bhārgavam ..
prārthayāmāsa sainyārthe prāṃjaliḥ sa mahīpatiḥ .. 16 ..
ajñānādbālayā yatte'pakṛtaṃ tu mahīsura ..
imāmeva ca te kanyāṃ dadāmi sudṛḍhavratām .. 17 ..
bhāryārthe tvaṃ gṛhāṇemāṃ prasīda dvijasattama ..
tatobravīmahīpālaṃ cyavano bhārgavastathā .. 18 ..
yadyevaṃ pratigṛhyaitāṃ kṣamiṣyāmi mahīpate ..
dadau duhitaraṃ tasmai cyavanāya mahīpatiḥ .. 19 ..
pratigṛhya ca tāṃ kanyāṃ bhagavānprasasāda ha ..
prāpte prasāde rājātha sasainyo viṣayaṃ gataḥ .. 5.2.30.20 ..
sukanyāpi patiṃ labdhvā tapasvinamaniṃditā ..
nityaṃ paryacaratprītyā tapasā niyamena ca .. 21 ..
kasyacittvatha kālasya nāsatyāvaśvinau priye ..
kṛtābhiṣekāṃ vivṛtāṃ sukanyāṃ tāmapaśyatām .. 22 ..
tāṃ dṛṣṭvā darśanīyāṃgīṃ devarājasutāmiva ..
ūcatuḥ samupadrutya kasya tvamatiśobhane .. 23 ..
sā provāca mahābhāgā pativrataparāyaṇā ..
śaryātitanayāṃ caiva bhāryāṃ ca cyavanasya hi.. 24 ..
tatośvinau prahasyaināmabrūtāṃ punareva tu ..
kasmādevaṃvidhā bhūtvā jarājarjaritaṃ patim ..25..
tvamapāsyeha kalyāṇi kāmabhogabahiṣkṛtā ..
vṛddhaṃ cyavanamutsṛjya varayasvaikamāvayoḥ .. 26 ..
patyarthaṃ devagarbhābhe mā vṛthā yauvanaṃ kṛthāḥ ..
evamuktā sukanyā tu dasrau tāvidamabravīt .. 27 ..
ratāhaṃ cyavane deve maivaṃ mā paryaśaṃkatam ..
tato'brūtāṃ punastvenāmāvāṃ devabhiṣagvarau .. 28 ..
yuvānaṃ rūpasaṃpannaṃ kariṣyāvaḥ patiṃ tava ..
etena samayenāvāmāmaṃtraya sumadhyame ..27.

Śrī Viśvanātha said:
Know the thirtieth [liṅga], O goddess, to be Cyavaneśvara, / by the mere sight of which one does not fall from heaven. (1)
O Pārvatī, the son of the great seer Bhṛgu, named Cyavana, / that great sage, becoming motionless like a pillar, performed austerity without food (2)
on the delightful bank of the Vitastā for many series of years indeed. / That brahmin became an anthill, covered around with creepers. (3)
Over a great span of time, O goddess, crowded with ants, / the wise one was thus enclosed on all sides like a lump of clay. (4)
To that region, to sport in the excellent forest, / came the righteous Śaryāti, joyful, accompanied by his family. (5)
He had four thousand women as his wives; / but he had only one daughter of beautiful brows, named Sukanyā. (6)
Surrounded by her friends and adorned with all ornaments, / wandering about, she saw the two eyes of the descendant of Bhṛgu in the anthill. (7)
Then out of curiosity, with a mind bewildered, with a thorn, / saying, “What indeed is this?”, she pierced his two eyes. (8)
Pierced by her in both eyes, he suffered supreme pain; / then he obstructed the feces and urine of Śaryāti’s army. (9)
Then, with feces and urine obstructed, the king was tormented; / enraged, the king then spoke in a faltering voice: (10)
“Who here today has done harm to the great-souled descendant of Bhṛgu, / who is constant in austerity, aged, and especially wrathful? (11)
Whether it was done wittingly or unwittingly, speak of it without delay!” / All the soldiers said to him: “We do not know of any harm.” (12)
Then the protector of the earth, both gently and sternly, / deeply sorrowful, repeatedly questioned his own people himself. (13)
Seeing her father distressed, Sukanyā then said to him: / “I saw a certain being in the anthill possessing great radiance. (14)
It was perceived like a firefly, and that was pierced by me at close quarters.” / Hearing this, Śaryāti went swiftly to the anthill. (15)
There he saw the descendant of Bhṛgu, advanced in austerity and advanced in age; / with folded hands, that ruler of the earth made an appeal for the sake of his army: (16)
“Whatever harm was done to you by the young girl out of ignorance, O earthly god, / this very maiden of exceedingly firm vows I give to you. (17)
Take her as your wife; be gracious, O best of the twice-born!” / Thereupon the Bhārgava Cyavana said to the ruler of the earth: (18)
“If it is so, having received her, I shall forgive, O ruler of the earth.” / The ruler of the earth gave his daughter to that Cyavana. (19)
And having accepted that maiden, the venerable one became propitiated; / once the grace was obtained, the king with his army went to his realm. (20)
Having obtained the ascetic as her husband, the irreproachable Sukanyā / always served him with affection, austerity, and discipline. (21)
Then, after some time, O beloved, the two Nāsatyas, the Aśvins, / saw that Sukanyā who had bathed and was uncovered. (22)
Seeing her with charming limbs, like the daughter of the king of the gods, / running up, they both said: “Whose [wife] are you, O most beautiful one?” (23)
That highly fortunate one, devoted to her husband, said: / “The daughter of Śaryāti and indeed the wife of Cyavana.” (24)
Then the two Aśvins, laughing, said to her yet again: / “Why, being such as you are, to a husband shattered by old age (25)
[are you devoted], abandoning him here, O auspicious one, excluded from the pleasures of desire? / Leaving the old Cyavana, choose one of us two! (26)
For a husband, O girl resembling an offspring of the gods, do not waste your youth!” / Addressed thus, Sukanyā said to those two Dasras: (27)
“I am devoted to the godlike Cyavana; do not doubt me in this way!” / Then they both said to her again: “We two are the best physicians of the gods. (28)
We shall make your husband young and endowed with beauty; / on this condition, summon us, O slender-waisted one!” (29)