Skandapurana 3.2.10.3.2

3.2.10.3.2

dāridryaṃ putraśokaṃ ca kīrtināśaṃ tathaiva ca .. 15 ..
rogairnipīḍyate nityaṃ na kvacitsukhamāpnuyuḥ ..
tatheti ca tato devāḥ śakrādyāḥ surasattamāḥ .. 16 ..
stutiṃ kurvaṃti te sarve kāma dhenoḥ puraḥ sthitāḥ ..
kṛtakṛtyāstadā devā brahmaviṣṇumaheśvarāḥ .. 17 ..
tvaṃ mātā sarvadevānāṃ tvaṃ ca yajñasya kāraṇam ..
tvaṃ tīrthaṃ sarvatīrthānāṃ namaste'stu sadānaghe .. 18 ..
śaśisūryāruṇā yasyā lalāṭe vṛṣabhadhvajaḥ ..
sarasvatī ca huṃkāre sarve nāgāśca kaṃbale .. 19 ..
kṣurapṛṣṭhe ca gandharvā vedāścatvāra eva ca ..
mukhāgre sarvatīrthāni sthāvarāṇi carāṇi ca .. 3.2.10.20 ..
evaṃvidhaiśca bahuśo vacanaistoṣitā ca sā ..
suprasannā tadā dhenuḥ kiṃ karomīti cābravīt .. 21 ..
.. devā ūcuḥ .. ..
sṛṣṭāḥ sarve tvayā mātardevyaite'nucarāḥ śubhāḥ ..
tvatprasādānmahābhāge brāhmaṇāḥ sukhino' bhavan .. 22 ..
tato'sau surabhī rājangatā nākaṃ yaśasvinī ..
brahmaviṣṇumaheśādyāstatraivāṃtaradhustataḥ .. 23 ..
.. yudhiṣṭhira uvāca .. ..
abhāryāste mahātejā gojā anucarāstathā ..
udvāhitā kathaṃ brahmantsutāsteṣāṃ kadā'bhavan .. 24 ..
.. vyāsa uvāca .. ..
parigrahārthaṃ ve teṣāṃ rudreṇa ca yamena ca ..
gandharvakanyā āhṛtya dārāstatropakalpitāḥ .. 25 ..
.. yudhiṣṭhira uvāca .. ..
ko vā gandharvarājāsau kiṃnāmā kutra vā sthitaḥ ..
kiyanmātrāstasya kanyāḥ kimācārā bravīhi me .. 26 ..
.. vyāsa uvāca .. ..
viśvāvasuriti khyāto gandharvādhipatirnṛpa ..
ṣaṣṭikanyāsahasrāṇi āsate tasya veśmani .. 27 ..
aṃtarikṣe gṛhaṃ tasya gadharvanagaraṃ śubham ..

poverty, grief for children, and loss of renown likewise;
they will be constantly tormented by diseases and obtain no happiness anywhere."
Saying "So be it," the gods, the best of immortals headed by Indra,
all offered praise, standing before Kāmadhenu.
Having achieved their aim, the gods Brahmā, Viṣṇu, and Maheśvara [said]:
"You are the mother of all the gods, and you are the cause of the sacrifice.
You are the sacred ford of all sacred fords; reverence always to you, O sinless one,
on whose forehead are the Moon, Sun, and Dawn, and the Bull-bannered [Śiva];
and Sarasvatī in your roar, and all the serpents in your dewlap;
and on the hoof-backs the gandharvas and the four Vedas;
at the front of your face are all sacred fords, immobile and moving!"
And when she had been pleased with such words in manifold ways,
the cow, well pleased, said, "What shall I do?"
The gods said:
"All these auspicious attendants have been created by you, O mother goddess!
By your grace, O fortunate one, the brahmins have become happy."
Then that renowned Surabhi went to heaven, O king,
and Brahmā, Viṣṇu, Maheśa, and the others disappeared right there.
Yudhiṣṭhira said:
"Those attendants, born of the cow, possessing great splendor, were wifeless.
How were they wed, O holy one? When were their sons born?"
Vyāsa said:
"For their marriage, wives were brought there and arranged
from the daughters of the gandharvas by Rudra and Yama."
Yudhiṣṭhira said:
"Who was that king of the gandharvas, what was his name, and where did he dwell?
How many were his daughters, and what was their conduct? Tell me!"
Vyāsa said:
"The king of the gandharvas is known as Viśvāvasu, O king.
Sixty thousand daughters dwell in his abode.
His home, the auspicious gandharva city, is in the mid-region.