Skandapurana 4.51.4.2

4.51.4.2

.. anūruruvāca ..
aṃḍaṃ tṛtīyaṃ mā bhiṃdhi hyaniṣpannaṃ mameva hi ..
asminnaṃḍe bhaviṣyo yaḥ sa te dāsyaṃ hariṣyati .. 15 ..
ityuktvā soruṇogacchaduḍḍīyānaṃdakānanam ..
yatra viśveśvaro dadyādapi paṃgoḥ śubhāṃ gatim.. 16 ..
etatte pṛcchataḥ khyātaṃ vinatā dāsyakāraṇam..
mune prasaṃgato vacmi aruṇādityasaṃbhavam .. 17 ..
anūrutvādanūruryoruṇaḥ krodhāruṇo yataḥ ..
vārāṇasyāṃ tapastaptvā tenārādhi divākaraḥ .. 18 ..
sopi prasanno dattvātha varāṃstasmā anūrave ..
ādityastasya nāmnābhūdaruṇāditya ityapi .. 19 ..
.. arka uvāca ..
tiṣṭhānūro mama rathe sadaiva vinatātmaja ..
jagatāṃ ca hitārthāya dhvāṃtaṃ vidhvaṃsayanpuraḥ .. 4.2.51.20 ..
atra tvatsthāpitāṃ mūrtiṃ ye bhajiṣyaṃti mānavāḥ ..
vārāṇasyāṃ mahādevottare teṣāṃ kuto bhayam .. 21 ..
yercayiṣyaṃti satatamaruṇādityasaṃjñakam ..
māmatra teṣāṃ no duḥkhaṃ na dāridryaṃ na pātakam.. 22 ..
vyādhibhirnābhibhūyaṃte no pasargaiśca kaiścana ..
śokāgninā na dahyaṃte hyaruṇādityasevanāt .. 23 ..
atha syaṃdanamāropya nītavānaruṇaṃ raviḥ ..
adyāpi sa rathe saure prātareva samudyati .. 24 ..
yaḥ kuryātprātarutthāya namaskāraṃ dinedine ..
aruṇāya sasūryāya tasya duḥkhabhayaṃ kutaḥ .. 25 ..
aruṇādityamāhātmyaṃ yaḥ śroṣyati narottamaḥ ..
na tasya duṣkṛtaṃ kiṃcidbhaviṣyati kadācana .. 26 ..
skaṃda uvāca ..
vṛddhādityasya māhātmyaṃ śṛṇu te kathayāmyaham..
yasya śravaṇamātreṇa naro no duṣkṛtaṃ bhajet ..27 ..
purātra vṛddhahārīto vārāṇasyāṃ mahātapāḥ ..
mahātapaḥ samṛddhyarthaṃ samārādhitavānravim .. 28 ..

Anūru said:
“Do not break the third egg, for I am indeed still unformed!
He who will be [born] in this egg shall remove your servitude.”
Having said this, that Aruṇa flew away and went to the Forest of Bliss (Ānandakānana),
where the Lord of the Universe (Viśveśvara) would grant a fortunate destiny even to a lame person.
This cause of Vinatā's servitude has been related to you who asked.
Sage, in connection [with this] I shall tell the origin of Aruṇāditya.
Since he lacked thighs, he is Anūru; because he was red with rage, he is Aruṇa.
Having performed austerity in Vārāṇasī, he worshipped the Maker of the Day (the Sun).
He too, being pleased, then granted boons to that Anūru,
and the sun, after his name, came to be known as Aruṇāditya.
Arka (the Sun) said:
“Stay on my chariot forever, O Anūru, son of Vinatā,
for the welfare of the worlds, destroying the darkness ahead.
Those men who will worship your image installed here
in Vārāṇasī, to the north of Mahādeva—whence could they have any fear?
Those who will constantly worship me here named Aruṇāditya
shall have no sorrow, no poverty, and no sin.
They are not overcome by diseases, nor by any afflictions;
they are not burned by the fire of grief, indeed, through serving Aruṇāditya.”
Then, placing Aruṇa on his chariot, Ravi took him away.
Even today he rises early in the morning on the chariot of the Sun.
Whoever rises early in the morning and bows day after day
to Aruṇa accompanied by Sūrya—whence could he have sorrow or fear?
The best of men who listens to this Aruṇāditya-māhātmya
shall never incur any wrongdoing whatsoever.
Skanda said:
Listen, I shall tell you the māhātmya of Vṛddhāditya,
by merely hearing which a man will not incur wrongdoing.
Long ago here in Vārāṇasī, Vṛddhahārīta, a man of great austerity,
worshipped Ravi for the enhancement of his great austerity.