Skandapurana 6.2.6.39

6.2.6.39

.. śrīmahādeva uvāca .. ...
svarṇajvāleśvaraṃ ṣaṣṭhaṃ viddhi cātra yaśasvini ..
yasya darśanamātreṇa dhanavāniha jāyate .. 1 ..
purā sārddhaṃ tvayā devi krīḍato mama maṃdire ..
jātaṃ varṣaśataṃ divyaṃ surataikarasasya ca .. 2 ..
devaiḥ sarvaistato vahniḥ prerito mama saṃnidhau ..
tato vahniḥ samāyātastrailokyārthe yaśasvini.. 3 ..
tato vahnimukhe kṣiptaṃ vīryaṃ svaṃ krīḍatā mayā ..
dahyamānastadā tena gaṃgāṃ vahnirjagāma ha .. 4 ..
tatra gatvā pracikṣepa vīryamagniḥ sudurddharam ..
tathāpi dahyate vahnirvīryaśeṣeṇa pārvati .. 5 ..
jātaṃ ramyaṃ tato divyaṃ vīryaśeṣeṇa kāṃcanam ..
jvalaṃtaṃ cātitāpena duḥsahaṃ durddharaṃ priye .. 6 ..
agnerapatyaṃ prathamaṃ dṛṣṭvotpannaṃ tu pārvati ..
lobhābhibhūtā asurāḥ surā gandharvakinnarāḥ .. .. 7 ..
yakṣāḥ sādhyāḥ piśācāśca manuṣyā rākṣasāḥ khagāḥ ..
abhyadhāvansusaṃrabdhāste suvarṇajighṛkṣavaḥ .. 8 ..
suvarṇārthe mahānnādo mamedamiti jalpatām ..
ajñānātsaṃgaraścaiva saṃjātaḥ prāṇahārakaḥ .. 9 ..
athāvaraṇamukhyāni nānāpraharaṇāni ca ..
pragṛhyābhyanadannādairdevaiḥ sārddhaṃ yaśasvini .. 5.2.6.10 ..
asurā asuraiḥ sārddhaṃ manuṣyā mānuṣaiḥ saha ..
gandharvāḥ saha gandharvaiḥ kiṃnaraiḥ saha kiṃnarāḥ .. .. 11 ..
bhūtaiḥ sārddhaṃ ca bhūtāni rākṣasaiḥ saha rākṣasāḥ ..
vetālaiḥ saha vetālā yuddhaṃ cakruḥ sudāruṇam .. 12 ..
putrastu pitaraṃ dveṣṭi pitā putraṃ tathaiva ca ..
haṃti bhāryā svabhartāraṃ bhartā ca svāṃ priyāṃ tathā .. 13 ..
mātaraṃ svasuto haṃti mātā putraṃ hinasti ca ..
tato vairavinirbaṃdhaḥ saṃjātaḥ svarṇakāraṇāt.. 14 ..
surāṇāmasurāṇāṃ ca sarvaṃ ghorataraṃ mahat ..
prāsāśca vipulāstīkṣṇā nyapataṃta sahasraśaḥ ..
tomarāśca sutīkṣṇāgrāḥ śastrāṇi vividhāni ca .. 15 ..
suvarṇārthe mahādevi vamaṃto rudhiraṃ bahu .. 16 ..
asiśaktigadāṛṣṭyo nipeturdharaṇītale ..
chinnāni paṭṭiśaiścaiva śirāṃsi yudhi dāruṇaiḥ .. 17 ..
rudhireṇāvaliptāṃgā nihatāśca parasparam ..
adrīṇāmiva kūṭāni dhātuyuktāni śerate .. 18 ..
hāhākāraḥ samabhavadbhayakṛcca sahasraśaḥ ..
anyonyaṃ chiṃdatāṃ śastraiḥ suvarṇasya ca kāraṇāt .. 19 ..
parighairāyasaiḥ pāśairvajrakalpaiśca muṣṭibhiḥ ..
nighnatāṃ samare 'nyonyaṃ śabdo divamivāspṛśat .. 5.2.6.20 ..
chiṃdhibhiṃdhi pradhāva tvaṃ pātayādhisareti ca ..
aśrūyanta mahāghorāḥ śabdāstatra samaṃtataḥ .. 21 ..
evaṃ tu tumule yuddhe varttamāne mahābhaye ..
kaṃpitā dharaṇī devi devāstrastāḥ savāsavāḥ .. 22 ..
kṣubhyaṃti sma samudrāśca celuśca dharaṇīdharāḥ ..
tasyārthe pīḍitaṃ sarvaṃ sadevāsuramānuṣam..23..
ṛṣayo vālakhilyādyā devāḥ śakrapurogamāḥ..
bṛhaspatiṃ puraskṛtya brahmalokaṃ gatāḥ striyaḥ..24..
socchvāsā kathayāmāsurjarjarīkṛtamastakāḥ ..
vṛttāṃtaṃ vistarātsarvaṃ lokatrayavināśanam .. 25 ..
tacchrutvā vacanaṃ teṣāṃ brahmā lokapitāmahaḥ ..
ciṃtayitvā ca taiḥ sārddhamājagāma mamāṃtikam .. 26 ..
mayā pṛṣṭāstu te sarve kenaite jarjarīkṛtāḥ ..
śastrāstraiḥ pīḍitāḥ kena kasmādvo bhayamāgatam .. 27 ..
kaścāsau dānavo duṣṭo yena vai pīḍitā bhṛśam ..
tatsarvaṃ kathitaṃ devi mamāgre bhayavihvalaiḥ .. 28 ..
te māmūcustadā devā brahmādyā bhayakāraṇam .. .. 29 ..
lobhātsarve vinaṣṭāḥ sma suvarṇasya ca kāraṇāt ..
pīḍitaṃ ca jagatsarvaṃ sadevāsuramānuṣam .. 5.2.6.30 ..
iti teṣāṃ vacaḥ śrutvā mayā jñātaṃ varānane ..
tasyārthe kalaho ghoraḥ saṃjāto hi parasparam .. 31 ..
lokatrayavināśaśca sahasā yena vai kṛtaḥ ..
yamuddiśya tyajetprāṇāṃstamāhurbrahmaghāta kam .. 32 ..
brahmahā vahniputrastu yamuddiśya mṛto janaḥ ..
śarīraṃ śabalaṃ caiva savikāraṃ bhaviṣyati .. 33 ..
dhātavo hi bhaviṣyaṃti tasya dehe na saṃśayaḥ ..
lakṣyate duḥkhamatulaṃ chedadāhādigharṣaṇam .. 34 ..
etasminnaṃtare vahnirdṛṣṭvā putrasya ceṣṭitam ..
jñātvā krodhaṃ madīyaṃ tu bhīto vai putrakāra ṇāt .. 35 ..
ājagāma suvarṇena sārddhaṃ devi mamāṃtikam ..
prasādito'haṃ putrārthe vahninā hi varānane .. 36 ..
rakṣaṇīyastvayā deva putroyaṃ tava śaṃkara ..
bhāṇḍāgāre svakīye tu kriyatāṃ parameśvara .. 37 ..
tvayi tuṣṭe mahādeva prāpyo'yaṃ nātra saṃśayaḥ ..
icchayā dīyatāṃ devi yasya kasya janasya ca .. 38 ..
iti tasya vacaḥ śrutvā pitṛdevamukhasya ca ..
tatheti ca pratijñātaṃ mayā lobhādyaśasvini .. 39 .

The venerable Mahādeva said: / Know Svarṇajvāleśvara as the sixth here, O glorious lady, / by the mere darśana of which one becomes wealthy in this world. // Formerly, O goddess, while I was sporting with you in my dwelling, / a hundred divine years passed as I relished sole delight in lovemaking. // Then fire was dispatched by all the gods into my presence; / thereupon Fire arrived for the sake of the three worlds, O glorious lady. // Then my semen was cast into the mouth of Fire by me as I sported; / burning from it then, Fire went to the Gaṅgā. // Having gone there, Fire cast forth the semen, so exceedingly difficult to bear; / nevertheless, Fire was still burned by the remainder of the semen, O Pārvatī. // Then, from that remainder of the semen, lovely and divine gold was born, / blazing with excessive heat, unbearable and hard to retain, O dear one. // Seeing that first offspring of Fire born, O Pārvatī, / overcome by greed, the asuras, the suras, the gandharvas and kinnaras, // the yakṣas, sādhyas, and piśācas, humans, rākṣasas, and birds, / rushed forward in great fury, desiring to seize the gold. // For the sake of the gold, a great roar arose from those clamoring, “This is mine!” / And out of ignorance a battle arose that took many lives. // Then, seizing foremost shields and diverse weapons, / they roared with great sounds along with the gods, O glorious lady: // asuras with asuras, humans with humans, / gandharvas with gandharvas, kinnaras with kinnaras, // spirits with spirits, and rākṣasas with rākṣasas, / vetālas with vetālas fought an exceedingly dreadful battle. // Son hated father, and father likewise hated son; / wife struck down her husband, and husband likewise his dear wife. // Son killed his own mother, and mother harmed her son; / then an unyielding hostility arose on account of the gold, // most horrific and great among gods and asuras all alike. / Broad and sharp javelins fell by the thousands, // along with extremely sharp-pointed iron bars and various weapons. // For the sake of the gold, O great goddess, vomiting much blood, // swords, spears, clubs, and rṛṣṭi-daggers fell upon the surface of the earth; / and heads were severed in the terrible battle by battleaxes. // With their limbs smeared with blood and having slain one another, / they lay like peaks of mountains rich in mineral ores. // A cry of “Alas! Alas!” arose by the thousands, causing terror, / as they cut each other down with weapons for the sake of the gold. // With iron bludgeons, nooses, and fists like vajras, / as they struck one another in battle, the sound seemed to touch the sky. // “Cut! Pierce! Run! Knock down! Attack!”— / such exceedingly horrific cries were heard there on every side. // Thus, while this tumultuous and terrifying battle was taking place, / the earth trembled, O goddess, and the gods, along with Indra, were terrified. // The oceans grew agitated and the mountains moved; / for the sake of it, the entire world, with gods, asuras, and humans, was tormented. // The seers, headed by the Vālakhilyas, the gods, with Śakra at their head, / placing Bṛhaspati at the fore, and the women went to Brahmā's realm. // Panting for breath, with their heads battered and shattered, / they recounted in full the entire event that was destroying the three worlds. // Hearing their speech, Brahmā, the grandfather of the worlds, / having reflected, came into my presence along with them. // They were all questioned by me: “By whom have you been battered? / By whom have you been afflicted with weapons and missiles? Whence has fear come upon you? // And who is this wicked dānava by whom you have been so severely tormented?” / Then all was recounted before me, O goddess, by those overwhelmed with fear. // The gods, headed by Brahmā, then told me the cause of their fear: // “We are all ruined out of greed and on account of gold; / and the entire world, with gods, asuras, and humans, is tormented.” // Hearing their words, O fair-faced lady, I understood / that a horrific strife among one another had indeed arisen for its sake, // by which the destruction of the three worlds was swiftly wrought. / One on whose account life is surrendered is called a slayer of a brahmin; // the son of Fire is indeed a slayer of a brahmin, on whose account people died. / His body will become variegated and deformed; // minerals shall indeed arise in his body, there is no doubt. / Incomparable suffering is foreseen—cutting, burning, rubbing, and the like. // In the meantime, Fire, having seen the behavior of his son / and having realized my anger, was terrified on account of his son. // He came into my presence along with the gold, O goddess; / indeed, I was propitiated by Fire for the sake of his son, O fair-faced lady: // “This son of yours, O Śaṃkara, must be protected by you, O god; / place him in your own treasury, O supreme lord! // When you are pleased, O Mahādeva, he can be obtained—of this there is no doubt; / let him be given at your pleasure to whichever person you will, O goddess!” // Hearing this speech of his, who is the mouth of the ancestors and the gods, / “So be it,” was promised by me out of desire, O glorious lady.