Kriyayogasaara 4.175

4.175

praceṣṭa uvāca
samudrāntaratīrasthāṃ kāñcīṃ nāma purīmimām | paśyasarvatravikhyātāṃ sarvalokasukhapradām
atra mādhavavīrasya tasya vidyādharasya vā | kasyāpicabhayaṃnāsti paśya candranibhānane!
maccittendhanasam̐llagnāṃ kāmānalaśikhāvalim | kucakumbhakaraiḥ siktaṃ nirvāṇaṃ dehi sundari!
tvaccārumukhapadme'sminmanmukhabhramaro'dhunā | icchetpātuṃ madhūnyatrakā''jñānetiṣṭhatipriye!
tvaccārugātrasaṃsparśāccharaistudati māṃ smaraḥ | trāhitrāhipriyetrāhitavā'smi śaraṇaṃgataḥ
itibruvantaṃ taṃ mūḍhamabhivīkṣya varāṅganā | śokāśritaprasarvāṅgī cintayāmāsa cetasā
ayaṃ mūḍho duṣṭaceṣṭaḥ praceṣṭonāmavedhasā | likhitaḥ kiṃ lalāṭe me yanmayāhāhatā'smyaham
kva mātā kva ca me tātaḥ kva ca vidyādharo varaḥ
anenā'haṃ samānītā dhiggastu ghaṭanāṃ vidheḥ