Kriyayogasaara 4.28

4.28

tyajanti mānavāstatra yadicchantaḥ kalevaram | sadyo labhante viprarṣe! tattadeva na saṃśayaḥ
itihāsamihaivā'haṃ kathayāmi niśāmaya | yacchrutvā sarvapāpebhyo mukto bhavati mānavaḥ
praṇidhirnāma tatrā''sīdvaiśyaeko mahādhanī | viprabhaktyekanirato devatātithipūjakaḥ
tasya padmāvatī nāma dharmapatnī pativratā | cārvaṅgī śīlayuktā ca kulajā priyavādinī
strīṇāṃ yogyāguṇā ye ye sṛṣṭāḥśrīparameṣṭhinā | taccharīreguṇāste ne nivasantidvijottama!
athā'sau praṇidhirvaiśyaḥ samādāyadhanaṃbahu | vāṇijyarthe gato vipra! śubhelagneśubhetithau
dhanāddharmaḥ prabhavati dhanācca vipulaṃ yaśaḥ | dhanātkulamavāpnoti bhavetkiṃ vā dhanādṛte
dhanahīnaṃ janaṃ dṛṣṭvā sakhā'pi vā palāyate | meghaḥ śaradyambuhīnaḥ khaṇḍaṃ khaṇḍaṃ nayenmahat
khādituṃ prāpyate yāvattāvadeva hi bāndhavāḥ | dhanaṃyasya kulaṃ tasyabuddhistasya sa paṇḍitaḥ
arthairvihīnaḥ puruṣo jīvannapi mṛtopamaḥ | dharmārthavidyārjanato matiryasya nivartate