Kriyayogasaara 4.38-2

Kriyāyogasaāra 4.38-2

Language: Sanskrit

4.38-2

sundari! tvāmiha śreṣṭhā sarvalakṣaṇasaṃyutā| kathaṃ vahasi pānīyaṃ dāsīva kamalānane !
payodharau śātakumbhau sadā vahasi vakṣasi | kakṣeṇa jalakumbhaṃ ca komalāṅgīdamadbhutam
divākarakarātyantasantapte pathi lohitāḥ| pādāṅgulyantarā bhānti japānāṃ kalikā iva
suśroṇi bhaja māṃ prītyā tyaja kumbhaṃ varānane !| tava duḥkhāvasāno'bhūnmama darśanamātrataḥ
śrīmadvikramabhūrttuḥ putro'haṃ mādhavāhvayaḥ| sarvabhāvairbhaviṣyāmi varāṅgastava sundari !
mama strīgaṇamadhye tu subhagā tvaṃ bhaviṣyasi| supuṣpavallīmadhye tu dvirephasyeva mālatī
athavā mama vākyaṃ tvaṃ garvāllaṅghitumicchasi
na tyakṣyāmi tathāpi tvāṃ yato'haṃ nṛpateḥ sutaḥ

Previous: 4.31
Next: 4.40
Up: 4

Linked texts (2)

Padmapurāṇa — Vyāsa, Sanskrit
Kriyāyogasāra — Sanskrit