Kriyayogasaara 4.63-2

4.63-2

vivekastriṣu lokeṣu sampadāṃ paramaṃ padam | aviveko hi lokānāmāpadāṃ paramaṃ padam
tayoktaṃ vacanaṃ śrutvā mādhavaḥ kāmamohitaḥ | uvāca jaimine ! vācaṃ vinayāvanataḥ punaḥ
tavodvīkṣaṇanārācadhārājarjaramānasam | priye! māṃ trāhi trāhīti tvāmasmi śaraṇaṃ gataḥ
tāvatpriyatamā nārī yāvattiṣṭhati yauvanam | mṛṇālakośāṃ nalinīṃ hemabhṛṅgo na gacchati
prasīda hariṇīnetre! rakṣa māṃ sevakaṃ svakam | tvadvācaṃ nīrasāṃ śrutvā bhidyate hṛdayaṃ mama
candrakalovāca
tyaja duḥkhaṃ mahāvīra ! śṛṇu madvacanaṃ śubham | pravakṣyāmi manoduḥkhaṃ hantuṃ yadbhavataḥkṣamām
samudrapāre vikhyātā purandarapuropamā | plakṣadvīpe'sti dīpyantī vikhyātā sañjñayāpurī
guṇākarāhvayastatra rājā śreṣṭho mahāyaśāḥ | āste sarvaguṇairyuktaḥ pratāpe'gnisamo balī
suśīlā nāma tadbhāryā sarvalakṣaṇasaṃyutā | sevāvaśīkṛtasvāmihṛdayā sadayā janaiḥ
sulocanākhyā tatkanyā vīra ! tatkukṣisambhavā | sadgaharūpairajayatsakalānsundarīgaṇān
tasyā rūpaṃ guṇaughaṃ ca varṇituṃ bhuvi kaḥkṣamaḥ | tadrūpadarśamālokyāsṛjadanyāṃ svagaṃ vidhiḥ
ahamāsaṃ mahāvīra tasyā dāsīnṛpātmaja !| samāgatā'smi daivena tvaddeśaṃ prati sundarī
tatsamā sundarī nāsti tvatsamo nāsti sundaraḥ
gṛhāṇa tāṃ vivāhena svargabhogaṃ yadīcchasi