Kriyayogasaara 5.167

5.167

hare viṣṇo daityajiṣṇo nārāyaṇa kṛpāmaya !| saṃsārasāgare ghore patitaṃ māṃ samuddhara
tato harṣānmādhavo'sau prakṣālya caraṇau hareḥ | bhūmau nipātyasarvāṅgaṃ jagādamādhavoharim
mādhava uvāca
govinda paramānanda mukunda madhusūdana !| trāhi māṃ pāpinaṃ kṛṣṇa! yatastvaṃ sarvapāpahā
itistotraṃ tasya śrutvā bhagavānbhaktavatsalaḥ| paramāṃ prītimāsādya tamityāhavacaḥsvayam
śrībhagavānuvāca
varaṃ varaya bho vatsa mādhava! kṣatriyarṣabha !| brahmatvaṃ vā śivatvaṃvā śakratvaṃvākimicchasi
mādhava uvāca
sarvameva mayā prāptaṃ jagadīśa! na saṃśayaḥ | daivatairapyadṛśyaṃ tvāṃ paśyāmi varadaṃ prabhum
bhuktiṃ muktiṃ dhaneśvarryaṃ dātuṃsarvaṃ bhavānkṣamaḥ | prabho! na bhaktiyogyo'smibhaktimevaprayacchame
śrībhagavānuvāca
tava bhaktyā'nayā vatsa ! prīto'haṃ nā'trasaṃśayaḥ
kimasti vastu yaddattvā tavā''nṛṇyaṃ bhajāmyaham