Pramāṇa · Search · About · API

Nandipurana 1.5-2

Nandipurāṇa 1.5-2

Language
Sanskrit

Contents

1.5-2.1

vahniruvāca
evamuktaḥ sa dharmajño maitreyo jñānināṃ varaḥ

1.5-2.2

punaḥ provāca viprendraṃ sādhuślakṣṇayā girā
maitreya uvāca
kathitaṃ me tvayā sarvaṃ yatpṛṣṭo'haṃ mahāmune

1.5-2.3

bhṛgusargāt prabhṛtyeṣu sargome kathyatāṃ punaḥ
parāśara uvāca
bhṛgoḥ khyātyāṃ samutpannā lakṣmīrviṣṇuparigrahā

1.5-2.4

tathā dhātāvidhātārau khyātyāṃ jātau sutau bhṛgoḥ
āyatirniyatiścaiva meroḥ kanye nagātmanaḥ

1.5-2.5

dhātṛvidhātroste bhārye tayorjātau sutāvubhau
prāṇaścaiva mṛkaṃḍaśca mārkaṃḍeyomṛkaṃḍataḥ

1.5-2.6

tato vedaśirājajñe prāṇasyāpi sutaṃ śṛṇu
prāṇasya dyutimānputro hyajavāṃśca tato'bhavat

1.5-2.7

tatovaṃśo mahābhāga vistāraṃ bhārgavo gataḥ
patnī varīceḥ saṃbhūtiḥ pūrṇamāsamasūyata

1.5-2.8

virājāḥ sarvagaścaiva tasya putrau mahātmanaḥ
vaṃśasaṃkīrtane putrānpravakṣye'haṃ tato dvija

1.5-2.9

smṛtineścāṃgirasaḥ putraḥ prasūtāḥ kanyakāstathā
sinīvālī kuhūścaiva rākā cānumatistathā

1.5-2.10

anusūyā tathaivātrerjajñai putrānakalmaṣān
somaṃ durvāsasaṃ caiva dattātreyaṃ ca yoginam

1.5-2.11

prītyāṃ pulastyabhāryāyāṃ dattonistatsuto'bhavat
pūrvavanmuniḥ so'gastyaḥ smṛtaḥ svāyaṃbhuveṃtare

1.5-2.12

karmaśaḥ śārvarīvāśca sahiṣṇuśca sutatrayam
kṣemā tu suṣuve bhāryā pulastyasya prajāpateḥ

1.5-2.13

kratośca sannatirbhāryā vālakhilyānasūtasā
ṣaḍtriṃśāni sahasrāṇi ṛṣīṇāmūrdhvaretasām

1.5-2.14

aṃguṣṭhaparvamātrāṇāṃ jvaladbhāskaratejasām
ūrjāyāṃ tu vaśiṣṭhasya saptājāyaṃta vai sutāḥ

1.5-2.15

rājo gātro'rdhabāhuśca vasanaścānavastathā
sutapāḥ śukraityete sarvesaptarṣayo'malāḥ

1.5-2.16

yosāvagnirabhimānī brahmaṇastanayo'grajaḥ
tasmātsvāhā sutānetām̐strīnudāraujasodvija

1.5-2.17

pāvakaṃ pāvamānaṃ ca śuciṃ cāpi jalāśinam
teṣāṃ ca saṃtatāvanye catvāriṃśacca paṃca ca

1.5-2.18

kathyante bahayaścaite pitāputratrayaṃ ca yat
evamekonapaṃśāśat vahnayaḥ parikīrtitāḥ

1.5-2.19

pitaro brahmaṇā sṛṣṭā vyākhyātā ye mayā tava
tebhyaḥ svadhā sute'sūtamainīṃ vaikiriṇīṃ tathā

1.5-2.20

te ubhe brahmavādinyau yoginyauca tathā dvija
uttamajñānasaṃpanne sarvaiḥ samudite guṇaiḥ

1.5-2.21

ityetā dakṣakanyānāṃ kathitāpatyasaṃtatiḥ
śraddhāvānsaṃsmarannityaṃ nānapatyo'bhijāyate

1.5-2.21.p1

iti śrī vahnipurāṇe nāṃdīmukhotpattau maitreyaparāśara saṃvāde sargasthitināmo'dhyāyaḥ 5 saṃpūrṇaḥ

Linked texts (8)