Devibhagavatapurana 9.20: viṃśo'dhyāyaḥ | śaṅkhacūḍena saha devānāṃ saṅgrāmodyogavarṇanam

9.20.1

śrīnārāyaṇa uvāca |
brahmā śivaṃ sanniyojya saṃhāre dānavasya ca |
jagāma svālayaṃ tūrṇaṃ yathāsthānaṃ surottamāḥ ||

9.20.2

candrabhāgānadītīre vaṭamūle manohare |
tatra tasthau mahādevo devavistārahetave ||

9.20.3

dūtaṃ kṛtvā citrarathaṃ gandharveśvaramīpsitam |
śīghraṃ prasthāpayāmāsa śaṅkhacūḍāntikaṃ mudā ||

9.20.4

sarveśvarājñayā śīghraṃ yayau tannagaraṃ param |
mahendranagarotkṛṣṭaṃ kuberabhavanādhikam ||

9.20.5

pañcayojanavistīrṇaṃ dairghye tad dviguṇaṃ bhavet |
sphaṭikākāramaṇibhirnirmitaṃ yānaveṣṭitam ||

9.20.6

saptabhiḥ parikhābhiśca durgamābhiḥ samanvitam |
jvaladagninibhaiḥ śaśvatkalpitaṃ ratnakoṭibhiḥ ||

9.20.7

yuktaṃ ca vīthīśatakairmaṇivedivicitritaiḥ |
parito vaṇijāṃ saudhairnānāvastuvirājitaiḥ ||

9.20.8

sindūrākāramaṇibhirnirmitaiśca vicitritaiḥ |
bhūṣitaṃ bhūṣitairdivyairāśramaiḥ śatakoṭibhiḥ ||

9.20.9

gatvā dadarśa tanmadhye śaṅkhacūḍālayaṃ param |
atīva valayākāraṃ yathā pūrṇendumaṇḍalam ||

9.20.10

jvaladagniśikhāktābhiḥ parikhābhiścatasṛbhiḥ |
taddurgamaṃ ca śatrūṇāmanyeṣāṃ sugamaṃ sukham ||

9.20.11

atyuccairgaganasparśimaṇiśṛṅgavirājitam |
rājitaṃ dvādaśadvārairdvārapālasamanvitam ||

9.20.12

maṇīndrasāranirmāṇaiḥ śobhitaṃ lakṣamandiraiḥ |
śobhitaṃ ratnasopānai ratnastambhavirājitam ||

9.20.13

tad dṛṣṭvā puṣpadanto'pi varaṃ dvāraṃ dadarśa saḥ |
dvāre niyuktaṃ puruṣaṃ śūlahastaṃ ca sasmitam ||

9.20.14

tiṣṭhantaṃ piṅgalākṣaṃ ca tāmravarṇaṃ bhayaṅkaram |
kathayāmāsa vṛttāntaṃ jagāma tadanujñayā ||

9.20.15

atikramya ca taddvāraṃ jagāmābhyantaraṃ punaḥ |
na ko'pi rakṣati śrutvā dūtarūpaṃ raṇasya ca ||

9.20.16

gatvā so'bhyantaradvāraṃ dvārapālamuvāca ha |
raṇasya sarvavṛttāntaṃ vijñāpayata māciram ||

9.20.17

sa ca taṃ kathayitvā ca dūto gantumuvāca ha |
sa gatvā śaṅkhacūḍaṃ taṃ dadarśa sumanoharam ||

9.20.18

rājamaṇḍalamadhyasthaṃ svarṇasiṃhāsane sthitam |
maṇīndraracitaṃ divyaṃ ratnadaṇḍasamanvitam ||

9.20.19

ratnakṛtrimapuṣpaiśca praśastaiḥ śobhitaṃ sadā |
bhṛtyena mastakanyastaṃ svarṇacchatraṃ manoharam ||

9.20.20

sevitaṃ pārṣadagaṇai ruciraiḥ śvetacāmaraiḥ |
suveṣaṃ sundaraṃ ramyaṃ ratnabhūṣaṇabhūṣitam ||

9.20.21

mālyena lepanaṃ sūkṣmaṃ suvastraṃ dadhataṃ mune |
dānavendraiḥ parivṛtaṃ suveṣaiśca trikoṭibhiḥ ||

9.20.22

śatakoṭibhiranyaiśca bhramadbhirastrapāṇibhiḥ |
evambhūtañca taṃ dṛṣṭvā puṣpadantaḥ savismayaḥ ||

Puspadanta was thunderstruck when he saw thus the Dânava and he addressed him thus:-- O King! I am a servant of S’iva; My name is Puspadanta; hear what S’iva has commanded me to tell you. You better now give back, to the Devas, the rights that they had before. The Devas went to S’rî Hari and had taken His refuge. S’rî Hari gave over to S’iva one S’ûla weapon and asked the Devas to depart. At present, the three eyed Deva is residing under the shade of a Bata tree on the banks of the Puspabhadrâ river. He told me to speak this to you, “Either give over to the Devas their rights, or fight with me. Please reply and I will speak to Him accordingly.” S’ankhachûda, hearing the messenger’s words laughed and said, “Tomorrow morning I will start, ready for war. Better go away today.” The messenger went back to S’iva and replied to Him accordingly. In the meantime the following personages joined S’iva and remained seated on excellent aerial cars, built of jewels and gems.

The following were the persons:-- Skanda, Vîrabhadra, Nandî, Mahâkâla, Subhadraka, Vis’âlâksa, Bâna, Pingalâksa, Vikampana, Virûpa, Vikriti, Manibhadra, Vâskâla, Kapilâksa, Dîrgha Dangstra, Vikata, Tâmralochana, Kâlâkantha, Balîbhadra, Kâlajîhba, Kutîchara, Balonmatta, Ranas’lâghî, Durjaya, Durgama, (these eight Bhairavas), eleven Rudras, eight Vasus, Indra, the twelve Âdityas, fire, moon, Vis’vakarmâ, the two As’vins, Kuvera, Yama, Jayanta, Nala Kûbara, Vâyu, Varuna, Budha, Mangala, Dharma, S’anî, Is’âna, the powerful Kâmadeva. Ugradamstrâ, Ugrachandâ, Kotarâ, Kaitabhî, and the eight armed terrible Devî Bhadrakâlî. Kâlî wore the bloody red clothings and She smeared red sandal paste all over Her body. Dancing, laughing; singing songs in tune, very jolly, She bids Her devotees discard all fear, and terrifies the enemies. Her lip is terrible, lolling, and extends to one Yojana. On Her eight arms She holds conch, disc, mace, lotus, axe, skin, bow and arrows. She was holding in Her hands, the bowl shaped human skull; that was very deep and one Yojana wide. Her trident reached up to the Heavens; Her weapon called S’akti (dart) extended to one Yojana.

Besides there were Mudgara (mace), Musala (club), Vajra (thunderbolt), Kheta (club), brilliant Phalaka (shield), the Vaisnava weapon, the Varuna weapon, the Âgneyâstra (the fire weapon), Nâgapâs’a (the noose of serpents), the Nârâyanâstra, the Gandharva’s weapons, the Brahmâ’s weapons, the Gadudâstram, the Pârjanayâstram, the Pâs’upatâstram, the Jrimbhañâstram, the Pârvatâstram, the Mahes’varâstram, the Vâyavyâstram, and the Sanmohanam rod and various other infallible divine weapons. Besides hundreds of other divine weapons were with Her. Three Kotis of Yoginîs and three Kotis and a half of terrible Dâkinîs were attending Bhadrakâlî. Bhûtas, (demons) Pretas, Pis’âchas, Kusmândas, Brahma Râksasas, Râkhsasas, Vetâlas, Yaksas and Kinnaras also were there in countless numbers. At this time Kârtikeya came there and bowed down to his father Mahâdeva. He asked him to take his seat on His left side an asked him to help. Then the army remained there in military array. On the other hand, when S’iva’s messenger departed, S’ankhachûda went to the zenana and informed Tulasî of the news of an impending war. No sooner She heard than her throat and lips and palate became dried. She then with a sorrowful heart spoke in sweet words:-- “O my Lord! O my Friend! O the Ruler of My life! Wait for a moment and take your seat on My heart. Instil life in Me for a moment. Satisfy My desire of human birth. Let me behold you fully so that my eyes be satisfled. My breath is now very agitated.

I saw by the end of the night one bad dream. Therefore I feel an internal burning.” Thus at the words of Tulasî, the king S’ankhachûda finished his meals and began to address her, in good and true words, beneficent to her:-- “O My Lady! It is Kâla (the time that brings out these various combinations by which the Karmic fruit is enjoyed; it is Kâla that awards auspicious and inauspicious things; the Kâla is the Sole Master to impart pain, fear, and good and bad things.

9.20.23

uvāca sa ca vṛttāntaṃ yaduktaṃ śaṅkareṇa ca |
puṣpadanta uvāca |
rājendra śivabhṛtyo'haṃ puṣpadantābhidhaḥ prabho ||

9.20.24

yaduktaṃ śaṅkareṇaiva tad bravīmi niśāmaya |
rājyaṃ dehi ca devānāmadhikāraṃ ca sāmpratam ||

9.20.25

devāśca śaraṇāpannā deveśaṃ śrīhariṃ param |
harirdattvāsya śūlaṃ ca tena prasthāpitaḥ śivaḥ ||

9.20.26

puṣpabhadrānadītīre vaṭamūle trilocanaḥ |
viṣayaṃ dehi teṣāṃ ca yuddhaṃ vā kuru niścitam ||

9.20.27

gatvā vakṣyāmi kiṃ śambhumatha tadvada māmapi |
dūtasya vacanaṃ śrutvā śaṅkhacūḍaḥ prahasya ca ||

9.20.28

prabhāte'haṃ gamiṣyāmi tvaṃ ca gacchetyuvāca ha |
sa gatvovāca taṃ tūrṇaṃ vaṭamūlasthamīśvaram ||

9.20.29

śaṅkhacūḍasya vacanaṃ tadīyaṃ tanmukhoditam |
etasminnantare skanda ājagāma śivāntikam ||

9.20.30

vīrabhadraśca nandī ca mahākālaḥ subhadrakaḥ |
viśālākṣaśca bāṇaśca piṅgalākṣo vikampanaḥ ||

9.20.31

virūpo vikṛtiścaiva maṇibhadraśca bāṣkalaḥ |
kapilākhyo dīrghadaṃṣṭro vikaṭastāmralocanaḥ ||

9.20.32

kālakaṇṭho balībhadraḥ kālajihnaḥ kuṭīcaraḥ |
balonmatto raṇaślāghī durjayo durgamastathā ||

9.20.33

aṣṭau ca bhairavā raudrā rudrāścaikādaśa smṛtāḥ |
vasavo'ṣṭau vāsavaśca ādityā dvādaśa smṛtāḥ ||

9.20.34

hutāśanaśca candraśca viśvakarmāśvinau ca tau |
kuberaśca yamaścaiva jayanto nalakūbaraḥ ||

9.20.35

vāyuśca varuṇaścaiva budhaśca maṅgalastathā |
dharmaśca śanirīśānaḥ kāmadevaśca vīryavān ||

9.20.36

ugradaṃṣṭrā cogradaṇḍā koṭarā kaiṭabhī tathā |
svayaṃ cāṣṭabhujā devī bhadrakālī bhayaṅkarī ||

9.20.37

ratnendrasāranirmāṇavimānopari saṃsthitā |
raktavastraparīdhānā raktamālyānulepanā ||

9.20.38

nṛtyantī ca hasantī ca gāyantī susvaraṃ mudā |
abhayaṃ dadāti bhaktebhyo'bhayā sā ca bhayaṃ ripum ||

9.20.39

bibhratī vikaṭāṃ jihvāṃ sulolāṃ yojanāyatām |
śaṅkhacakragadāpadmakhaḍgacarmadhanuḥśarān ||

9.20.40

kharparaṃ vartulākāraṃ gambhīraṃ yojanāyatam |
triśūlaṃ gaganasparśi śaktiṃ ca yojanāyatām ||

9.20.41

mudgaraṃ musalaṃ vajraṃ kheṭaṃ phalakamujjvalam |
vaiṣṇavāstraṃ vāruṇāstraṃ vāhneyaṃ nāgapāśakam ||

9.20.42

nārāyaṇāstraṃ gāndharvaṃ brahmāstraṃ gāruḍaṃ tathā |
parjanyāstraṃ pāśupataṃ jṛmbhaṇāstraṃ ca pārvatam ||

9.20.43

māheśvarāstraṃ vāyavyaṃ daṇḍaṃ sammohanaṃ tathā |
avyarthamastrakaṃ divyaṃ divyāstraśatakaṃ param ||

9.20.44

āgatya tatra tasthau ca yoginīnāṃ trikoṭibhiḥ |
sārdhaṃ ca ḍākinīnāṃ ca vikaṭānāṃ trikoṭibhiḥ ||

9.20.45

bhūtapretapiśācāśca kūṣmāṇḍā brahmarākṣasāḥ |
vetālā rākṣasāścaiva yakṣāścaiva tu kinnarāḥ ||

9.20.46

tābhiścaiva saha skandaḥ praṇamya candraśekharam |
pituḥ pārśve sahāyārthaṃ samuvāsa tadājñayā ||

9.20.47

atha dūte gate tatra śaṅkhacūḍaḥ pratāpavān |
uvāca tulasīṃ vārtāṃ gatvābhyantarameva ca ||

9.20.48

raṇavārtāṃ ca sā śrutvā śuṣkakaṇṭhoṣṭhatālukā |
uvāca madhuraṃ sādhvī hṛdayena vidūyatā ||

9.20.49

tulasyuvāca |
he prāṇabandho he nātha tiṣṭha me vakṣasi kṣaṇam |
he prāṇādhiṣṭhātṛdeva rakṣa me jīvitaṃ kṣaṇam ||

9.20.50

bhuṅkṣva janma samāsādya yanme manasi vāñchitam |
paśyāmi tvāṃ kṣaṇaṃ kiñcillocanābhyāṃ ca sādaram ||

9.20.51

āndolayante prāṇā me mano dagdhaṃ ca santatam |
duḥsvapnaśca mayā dṛṣṭaścādyaiva carame niśi ||

9.20.52

tulasīvacanaṃ śrutvā bhuktvā pītvā nṛpeśvara |
uvāca vacanaṃ prājño hitaṃ satyaṃ yathocitam ||

9.20.53

śaṅkhacūḍa uvāca |
kālena yojitaṃ sarvaṃ karmabhoganibandhanam |
śubhaṃ harṣaḥ sukhaṃ duḥkhaṃ bhayaṃ śokaśca maṅgalam ||

9.20.54

kāle bhavanti vṛkṣāśca skandhavantaśca kālataḥ |
krameṇa puṣpavantaśca phalavantaśca kālataḥ ||

Trees grow up in time; their branches, etc., come out in time; flowers appear in time and fruits come out in time. Fruits are ripen in time and after giving the fruits, they die out also in time. O Fair One! The universe comes into existence in time and dies away in time. The Creator, Preserver, and Destroyer of the universe, are creating, preserving and destroying the worlds with the help of time. Time guides them in every way. But the Highest Prakriti is the God of Brahmâ, Visnu, and Mahes’a (i.e., the Creatrix of Time). This Highest Prakriti, the Highest God is creating, preserving and destroying this universe. She makes the Time dance. By Her mere Will, She has converted Her inseparable Prakriti into Mâyâ and is thus creating all things, moving and unmoving. She is the Ruler of all; the Form of all, and She is the Highest God. By Her is being done this creation of persons by persons, this preservation of persons by persons, and this destruction of persons by persons. So you better now take refuge of the Highest Lord. Know it is by Her command the wind is blowing, by Her command the Sun is giving heat in due time, by Her command Indra is showering rains; by Her command, Death is striding over the beings; by Her command fire is burning all things and by Her command the cooling Moon is revolving. She is the Death of death, the Time of time, Yama of yama (the God of death), the Fire of fire and the Destroyer of the destroyer. So take Her refuge.

You cannot find and fix who is whose friend in the world; so pray to Her, the Highest God, Who is the Friend of All. Oh! Who am I? And who are you either? The Creator is the combiner of us two and so He will dissociate us two by our Karma. When difficulty arises, the ignorant fools become overwhelmed with sorrow; but the intelligent Pundits do not get at all deluded or become distressed. By the Wheel of Time, the beings are led sometimes into happiness; sometimes into pain. You will certainly get Nârâyana for your husband; for which you practised Tapas before, in the hermitage of Vadari (the source of the Ganges, the feet of Visnu). I pleased Brahmâ by my Tapasyâ and have, by his boon, got you as my wife. But the object for which you did your Tapasyâ, that you may get Hari as your husband; will certainly be fulfilled. You will get Gobinda in Vrindâbana and in the region of Goloka. I will also go there when I forsake this, my Demon body. Now I am talking with you here; afterwards we will meet again in the region of Goloka. By the curse of Râdhikâ, I have come to this Bhârata, hard to be attained. You, too, will quit this body and, assuming the divine form will go to S’rî Hari. So, O Beloved! You need not be sorry.” O Muni! Thus these conversations took them the whole day and led them to the evening time.

The king of the demons, S’ankhachûda then slept with Tulasî on a nicely decorated bed, strewn with flowers, and smeared with sandal paste, in the Ratna Mandir (temple built of jewels.) This jewel temple was adorned with various wealth and riches. The jewel lamps were lighted. S’ankhachûda passed the night with his wife in various sports. The thin bellied Tulasî was weeping with a very sorrowful heart, without having taken any food. The king, who knew the reality of existence, took her to his breast and appeased her in various ways. What religious instructions he had received in Bhândîra forest from S’rî Krisna, those Tattvas, capable to destroy all sorrows and delusions, he now spoke carefully to Tulasî. Then Tulasî’s joy knew no bounds. She then began to consider, everything as transient and began to play with a gladdened heart. Both became drowned in the ocean of bliss; and the bodies of both of them were filled with joy and the hairs stood on their ends. Both of them, then, desirous to have amorous sports, joined themselves and became like Ardhanâris’vara and so one body. As Tulasî considered S’ankhachûda, to be her lord, so the Dânava King considered Tulasî the darling of his life. They became senseless with pleasureable feelings arising out of their amorous intercourses. Next moment they regained their tenaciousness and both began to converse on amorous matters.

Thus both spent their time sometimes in sweet conversations, sometimes laughing and joking, sometimes maddened with amorous sentiments. As S’ankhachûda was clever in amorous affairs, so Tulasî was very expert. So none felt satiated with love affairs and no one was defeated by the other. Here ends the Twentieth Chapter of the Ninth Book on the war preparations of S’ankhachûda with the Devas in the Mahâpurânam S’rî Mad Devî Bhâgavatam of 18,000 verses by Maharsi Veda Vyâsa.

9.20.55

teṣāṃ phalāni pakvāni prabhavantyeva kālataḥ |
te sarve phalitāḥ kāle pātaṃ yānti ca kālataḥ ||

9.20.56

kāle bhavanti viśvāni kāle naśyanti sundari |
kālātsraṣṭā ca sṛjati pātā pāti ca kālataḥ ||

9.20.57

saṃhartā saṃharetkāle krameṇa sañcaranti te |
brahmaviṣṇuśivādīnāmīśvaraḥ prakṛtiḥ parā ||

9.20.58

sraṣṭā pātā ca saṃhartā sa cātmā kālanartakaḥ |
kāle sa eva prakṛtiṃ svābhinnāṃ svecchayā prabhuḥ ||

9.20.59

nirmāya kṛtavānsarvānviśvasthāṃśca carācarān |
sarveśaḥ sarvarūpaśca sarvātmā parameśvaraḥ ||

9.20.60

janaṃ janena janitā janaṃ pāti janena yaḥ |
janaṃ janena harate taṃ devaṃ bhaja sāmpratam ||

9.20.61

yasyājñayā vāti vātaḥ śīghragāmī ca sāmpratam |
yasyājñayā ca tapanastapatyeva yathākṣaṇam ||

9.20.62

yathākṣaṇaṃ varṣatīndro mṛtyuścarati jantuṣu |
yathākṣaṇaṃ dahatyagniścandro bhramati śītavān ||

9.20.63

mṛtyormṛtyuṃ kālakālaṃ yamasya ca yamaṃ param |
vibhuṃ sraṣṭuśca sraṣṭāraṃ mātuśca mātṛkaṃ bhave ||

9.20.64

saṃhartāraṃ ca saṃhartustaṃ devaṃ śaraṇaṃ vraja |
ko vā bandhuśca keṣāṃ vā sarvabandhuṃ bhaja priye ||

9.20.65

ahaṃ ko vā ca tvaṃ kā vā vidhinā yojitaḥ purā |
tvayā sārdhaṃ karmaṇā ca punastena viyojitaḥ ||

9.20.66

ajñānī kātaraḥ śoke vipattau na ca paṇḍitaḥ |
sukhe duḥkhe bhramatyeva kālanemikrameṇa ca ||

9.20.67

nārāyaṇaṃ taṃ sarveśaṃ kāntaṃ yāsyasi niścitam |
tapaḥ kṛtaṃ yadarthaṃ ca purā badarikāśrame ||

9.20.68

mayā tvaṃ tapasā labdhā brahmaṇastu vareṇa ca |
haryarthe yattava tapo hariṃ prāpsyasi kāmini ||

9.20.69

vṛndāvane ca govindaṃ goloke tvaṃ labhiṣyasi |
ahaṃ yāsyāmi tallokaṃ tanuṃ tyaktvā ca dānavīm ||

9.20.70

tatra drakṣyasi māṃ tvaṃ ca drakṣyāmi tvāṃ ca sāmpratam |
agamaṃ rādhikāśāpādbhārataṃ ca sudurlabham ||

9.20.71

punaryāsyāmi tatraiva kaḥ śoko me śṛṇu priye |
tvaṃ ca dehaṃ parityajya divyarūpaṃ vidhāya ca ||

9.20.72

tatkālaṃ prāpsyasi hariṃ mā kānte kātarā bhava |
ityuktvā ca dinānte ca tayā sārdhaṃ manoharam ||

9.20.73

suṣvāpa śobhane talpe puṣpacandanacarcite |
nānāprakāravibhavaṃ cakāra ratnamandire ||

9.20.74

ratnapradīpasaṃyukte strīratnaṃ prāpya sundarīm |
nināya rajanīṃ rājā krīḍākautukamaṅgalaiḥ ||

9.20.75

kṛtvā vakṣasi tāṃ kāntāṃ rudatīmatiduḥkhitām |
kṛśodarīṃ nirāhārāṃ nimagnāṃ śokasāgare ||

9.20.76

punastāṃ bodhayāmāsa divyajñānena jñānavit |
purā kṛṣṇena yaddattaṃ bhāṇḍīre tattvamuttamam ||

9.20.77

sa ca tasyai dadau sarvaṃ sarvaśokaharaṃ param |
jñānaṃ samprāpya sā devī prasannavadanekṣaṇā ||

9.20.78

krīḍāṃ cakāra harṣeṇa sarvaṃ matveti naśvaram |
tau dampatī ca krīḍantau nimagnau sukhasāgare ||

9.20.79

pulakāñcitasarvāṅgau mūrcchitau nirjane mune |
aṅgapratyaṅgasaṃyuktau suprītau suratotsuko ||

9.20.80

ekāṅgau ca tathā tau dvau cārdhanārīśvaro yathā |
prāṇeśvaraṃ ca tulasī mene prāṇādhikaṃ param ||

9.20.81

prāṇādhikāṃ ca tāṃ mene rājā prāṇeśvarīṃ satīm |
tau sthitau sukhasuptau ca tandritau sundarau samau ||

9.20.82

suveṣau sukhasambhogādaceṣṭau sumanoharau |
kṣaṇaṃ sucetanau tau ca kathayantau rasāśrayāt ||

9.20.83

kathāṃ manoramāṃ divyāṃ hasantau ca kṣaṇaṃ punaḥ |
kṣaṇaṃ ca kelisaṃyuktau rasabhāvasamanvitau ||

9.20.84

surate viratirnāsti tau tadviṣayapaṇḍitau |
satataṃ jayayuktau dvau kṣaṇaṃ naiva parājitau ||

9.20.84.c1

iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāṃ navamaskandhe nārāyaṇanāradasaṃvāde śaṅkhacūḍena saha devānāṃ saṅgrāmodyogavarṇanaṃ nāma viṃśo'dhyāyaḥ ||