Kriyayogasara 3.76

3.76

yugakoṭisahasrāṇi yugakoṭiśatāni ca | anubhūtaṃ mahāduḥkhaṃ narakasya nṛpottama !
narakānte tataḥ so'haṃ kāntā ca mama bhūpate ! | gṛdhrapakṣikulejātau mṛtamāṃsāśanau tathā
etāvapi ca tau rājannarakāntagataiṣiṇau | jātau śalabhayorvaṃśe phalaṃ bhoktuṃ svakarmaṇaḥ
yadetābhyāṃ kṛtaṃ karma rājañchalabhajanmani | tadākarṇaya vakṣyāmi śrotṝṇāṃ vismayapradam
ekadā sumahānvāyuḥ samāyāto mahīpate ! | uḍḍīya pātitau tena gaṅgāgarbhe sunirmale
nipatya gaṅgāsalile komalāṅgāvimautathā | jagmatuḥpañcatāṃ sadyaḥ samastakaluṣāpaham
tatonetumimaudūtā āyātāścārucakṣuṣaḥ | āyātāni vimānāni sarvabhogānvitānica
vimuktau sarvapāpebhyastulasīmātyaśobhitau | divyaṃ vimānamāruhya gatau viṣṇūpuraṃ prati
tāvatkālaṃ sthitau rājanbrahmaṇo'vyaktajanmanaḥ | brahmājñayā samāyātau tata indrapuraṃ prati
bhuktavantau sukhaṃtatradurlabhaṃ yatsurairapi | tāvatkālaṃsthitau rājanbhoktuṃ kṛtsnāṃvasundharām
pavitre bhavato vaṃśe jātāvetau mahāśayau | gaṅgāyāṃ tyajato dehaṃ bhūyo janma na vidyate
tathāpi vasudhāṃ bhoktuṃ jātau puṇyatamāvimau
ciraṃ bhuktvā mahīṃ kṛtsnāṃ putrapautrasamanvitau