Vaishnavakhanda 54

Vaiṣṇavakhaṇḍa 54

Language: Sanskrit

54.218 — 1 part

54.1

cha
nārada uvāca || || iti tasya munīṃdrasya bhūpatiḥ śuśruvānvacaḥ || prāha nāhaṃ gamiṣyāmi tvāṃ vihāya naraṃ kvacit

54.2

liṃgamārādhayiṣye'dya sarvasiddhipradaṃ nṛṇām || tvayaivānugṛhīto'dya yāṃtu sarve yathāgatam

54.3

tadbhūpativacaḥ śrutvā bako gṛdhro'tha kacchapaḥ
ulūkaśca tathaivocuḥ praṇatā lomaśaṃ munim

54.4

sa ca sarvasuhṛdviprastathetyevāha tāṃstadā || praṇodyānpraṇatānsarvānanujayāha śiṣyavat

54.5

śivadīkṣāvidhānena liṃgapūjāṃ samādiśat || teṣāmanugrahaparo muniḥ praṇatavatsalaḥ || tīrthādapyadhikaṃ sthāne satāṃ sādhusamāgamaḥ

54.6

paceliṃmaphalaḥ sadyo duraṃtakaluṣāpahaḥ || apūrvaḥ ko'pi sadgoṣṭhīsahasrakiraṇodayaḥ

54.7

ya ekāṃtatayātyaṃtamaṃtargatatamopahaḥ || sādhugoṣṭhīsa
mudbhūtasukhāmṛtarasormayaḥ

54.8

sarve varāḥ sudhākāraḥ śarkarāmadhuṣaḍrasāḥ || tataste sādhusaṃsargaṃ saṃprāptāḥ śivaśāsanāt

54.9

ārebhire
kriyāyogaṃ mārkaṃḍanṛpapūrvakāḥ || teṣāṃ tapasyatāmevaṃ samājagme kadācana || tīrthayātrānuṣaṃgena lomaśālokanotsukaḥ

54.10

mukhyā puruṣayātrā hi
tīrthayātrānuṣaṃgataḥ || sadbhiḥ samāśrito bhūpa bhūmibhāgastathocyate

54.11

kṛtāhūṇātithyavidhiṃ viśrāṃtaṃ māṃ ca phālguna || praṇamya te'tha
papracchunārḍījaṃghapuraḥsarāḥ

54.12

ta ucuḥ || || śāpaśraṣṭā vayaṃ brahmaṃścatvāro'pi svakarmaṇā || tanmuktisādhanārthāya sthānaṃ kiṃcitsamā
diśa

54.13

iyaṃ hi niṣphalā bhūmiḥ saphalaṃ bhārataṃ mune

54.14

tatrāpi kacidekatra sarvatīrthaphalaṃ vada || iti pṛṣṭastvahaṃ taiśca tānabrava
midaṃ tadā

54.15

saṃvartaṃ paripṛcchadhvaṃ sa vo vakṣyati tattvataḥ || sarvatīrthaphalāvāptikārakaṃ bhūpradeśakam

54.16

ta ucuḥ || || kutrāsau
vidyate yogī nājñāsiṣma vayaṃ ca tam || saṃvartadarśanānmuktiriti cāsmadanugrahaḥ

54.17

yadi jānāsi taṃ brūhi suhṛtsaṃgo na niṣphalaḥ || tato'ha
matravaṃ tāṃśca vicāryedaṃ punaḥpunaḥ

54.18

vārāṇasyāmasāvāste saṃvarto guptaliṃgabhṛt || maladigdho vivasano bhikṣāśī kutapādatu

54.19

karapātrakṛtāhāraḥ sarvathā niṣparigrahaḥ || bhāvayanbrahma paramaṃ praṇavābhidhamīśvaram

54.20

bhuktvā niryāti sāyāhne vanaṃ na jñāyate janaiḥ
yogīśvaro'sau tadrūpāḥ santyanye liṃgadhāriṇaḥ

54.21

vakṣyāmi lakṣaṇaṃ tasya yathā jñāsyatha taṃ munim || pratolyā rājamārge tu niśi bhūmau śavaṃ janaiḥ

54.22

avijñātaṃ sthāpanīyaṃ stheyaṃ tadvidūrataḥ || yastāṃ bhūmimupāgamya akasmādvinivartate

54.23

sa saṃvarto na cākrāmatyeṣa śalyamasaṃśayam || pṛṣṭyo'bhimataṃ cāsāvupāśritya vinītavat

54.24

yadi pṛcchati kenāhamākhyāta iti māṃ tataḥ || nivedya caitadvaktavyaṃ tvāmākhyāyāgnimāviśat

54.25

tacchrutvā te tathā cakruḥ sarve'pi vacanaṃ mama || prāpya vārāṇasīṃ dṛṣṭvā saṃvartaṃ te tathā vyaṃdhuḥ

54.26

śavaṃ dṛṣṭvā ca tairnyastaṃ saṃvarto vai nyavartata || kṣutparīto'pi taṃ jñātvā yayustamanu śīghragam

54.27

tiṣṭha brahmankṣaṇamiti jalpaṃto rājamārgagam || yāti nirbhartsya yatyeṣa nivartadhvamiti bruvan

54.28

samayā māmare bho'dya nāgaṃtavyaṃ na vo hitam || palāyanamasau kṛtvā gatvā dūrataraṃ saraḥ || kupitaḥ prāha tānsa vānkenākhyāto'hamityuta

54.29

nivedayata śīghraṃ me yathā bhasma karomi tam || śāpāgninātha vā yuṣmānyadi satyaṃ na vakṣyatha

54.30

atha prakaṃpitāḥ prāhurnāradeneti taṃ munim || sa tānāha punaryātaḥ piśunaḥ ka nu saṃprati

54.31

lokānāṃ yena śāpāgnau bhasmaśeṣaṃ karomi tam || brahmabaṃdhumahaṃ prāhurbhītāste taṃ punarmunim

54.32

ta ūcuḥ
tvāṃ nivedya sa cāsmākaṃ praviṣṭo havyavāhanam || tatkālameva viprendra na vidma statra kāraṇam

54.33

saṃvarta uvāca
ahamapyevamevāsya kartā tena svayaṃ kṛtam || tadbhūtaṃ kāryaṃ naivātra ciraṃ sthāsyāmi vaḥ kṛte

54.34

arjuna uvāca
yadi nārada devarṣe praviṣṭo'si hutāśanam || jīvitastatkathaṃ bhūya āścaryamiti me vada

54.35

nārada uvāca
na hutāśaḥ samudro vā vāyurvā vṛkṣaparvataḥ || āyudhaṃ vā na me śaktā dehapātāya bhārata

54.36

punaretatkṛtaṃ cāpi saṃvarto manyate yathā || ahaṃ sanmānitaśceti vahniṃ prāpyāpyagāmaham

54.37

yathā puṣpagṛhe kaścitpraviśatyaṃga phālguna || tathāhamagniṃ saṃviśya yātavānuttaraṃ śṛṇu

54.38

saṃvartastānpunaḥ prāha mārkaṇḍeyamukhāniti || viśalyaḥ kriyatāṃ paṃthāḥ kṣudhito'haṃ punaḥ purīm || bhikṣārthaṃ paryaṭiṣyāmi praśnaṃ prabrūta caiva me

54.39

ta ūcuḥ
śāpabhraṣṭā vayaṃ mokṣaṃ prāpsyāmastvadanugrahāt || pratīkāraṃ tadākhyāhi praṇatānāṃ mahāmune

54.40

yatra tīrthe sarvatīrthaphalaṃ prāpnoti mānavaḥ || tattīrthaṃ brūhi saṃvarta tiṣṭhāmo yatra vai vayam

54.41

saṃvarta uvāca
namaskṛtya kumārāya durgābhyaśca naro
ttamāḥ || tīrthaṃ ca saṃpravakṣyāmi mahīsāgarasaṃgamam

54.42

amunā rājasiṃhena iṃdradyumnena dhīmatā || yajanādyaṃgulotsedhā kṛteyaṃ vasudhāyadā

54.43

tadā saṃtāpyamānāyā bhuvaḥ kāṣṭhasya vai yathā || susrāva yo jalaughaśca sarvadevanamaskṛtaḥ

54.44

mahīnāma nadī sā ca pṛthivyāṃ yāni
kānicit || tīrthāni teṣāṃ salilasaṃbhavaṃ tajjalaṃ viduḥ

54.45

mahīnāma samutpannā deśe mālavakābhidhe || dakṣiṇaṃ sāgaraṃ prāptā puṇyobhayataṭā
śivā

54.46

sarvatīrthamayī pūrvaṃ mahīnāma mahānadī || kiṃ punaryaḥ samāyogastasyāśca saritāṃ pateḥ

54.47

vārāṇasī kurukṣetraṃ gaṃgā revā sara
svatī

54.48

tāpī payoṣṇī nirviṃdhyā candrabhāgā irāvatī || kāverī śarayūścaiva gaṃḍakī naimiṣaṃ tathā

54.49

gayā godāvarī caiva aruṇā
varuṇā tathā || etāḥ puṇyāḥ śataśonyā yāḥ kāścitsarito bhuvi

54.50

sahasraviṃśatiścaiva ṣaṭśatāni tathaiva ca || tāsāṃ sārasamuddhṛtaṃ mahītoyaṃ
prakīrtitam

54.51

pṛthivyāṃ sarvatīrtheṣu snātvā yatphalamāpyate || tanmahīsāgare proktaṃ kumārasya vaco yathā

54.52

ekatra sarvatīrthānāṃ yadi saṃyoga
micchatha || tadgacchatha mahāpuṇyaṃ mahīsāgarasaṃgamam

54.53

ahaṃ cāpi ca tatraiva bahūnavarṣagaṇānpurā || avasaṃ cāgataścātra nāradasya bhayāttathā

54.54

sa hi tatra samīpasthaḥ piśunaśca viśeṣataḥ || maruttaḥ kurute yatnaṃ tasmai brūyādidaṃ bhayam

54.55

atra digvāsasāṃ madhye bahūnāṃ tatsamastva
ham || nivasāmyatipracchanno maruttādatibhītavat

54.56

punaratrāpi māṃ nūnaṃ kathayiṣyati nāradaḥ || tathāvidhā hi ceṣṭāsya piśunasya gṛhyate

54.57

bhavadbhiśca na cāpyatra vaktavyaṃ kasyacitkacit || maruttaḥ kurute yatnaṃ bhūpālo yajñasiddhye

54.58

devācāryeṇa saṃtyakto bhrātrā me kāraṇāṃ
tare || guruputraṃ ca māṃ jñātvā yajñārtvijyasya kāraṇāt

54.59

avidyāṃtargatairyajñakarmabhirna prayojanam || mama hiṃsātmakairasti
nigamoktairacetanaiḥ

54.60

samitpuṣpakuśaprāyaiḥ sādhanairyaccetanaiḥ || kriyate tattathā bhāvi kāryaṃ kāraṇavannṛṇām

54.61

tadyūyaṃ
tatra gacchadhvaṃ śīghrameva nṛpānugāḥ || asti vipraḥ svayaṃ brahmā yājñavalkyaśca tatra vai

54.62

sa hi pūrvaṃ mitheḥ puryāṃ vasa
nnāśramamuttamam || āgacchamānaṃ nakulaṃ dṛṣṭvā gārgī vaco'bravīt

54.63

gārgi rakṣa payo bhadre nakulo'yamupeti ca || payaḥ pātuṃ
kṛtimartiṃ nakulaṃ taṃ nirākuru

54.64

ityukto nakulaḥ kuddhaḥ sa hi kuddhaḥ purā'bhavat || jamadagneḥ pūrvajaiśca śaptaḥ provāca taṃ munim

54.65

aho vā dhigdhigityeva bhūyo dhigiti caiva hi || nirlajjatā manuṣyāṇāṃ dṛśyate pāpakāriṇām

54.66

kathaṃ te nāma pāpāni prakurvaṃti
narādhamāḥ || maraṇāṃtaritā yeṣāṃ narake tīvravedanā

54.67

nimeṣo'pi na śakyeta jīvite yasya niścitam || tanmātraparamāyuryaḥ pāpaṃ kuryātkathaṃ
sa ca

54.68

tvaṃ mune manyase cedaṃ kulīno'smīti buddhimān || tataḥ kṣipasi māṃ mūḍha nakulo'yamiti smayan

54.69

kimadhītaṃ yājña
valkya kā yogeśvaratā tava || niraparādhaṃ kṣipasi dhigadhītaṃ hi tattava

54.70

kasminvede smṛtau kasyāṃ proktametadbravīhi me || paruṣairiti vākyairmāṃ
nakuleti bravīṣi yat

54.71

kimidaṃ naiva jānāsi yāvatyaḥ paruṣā giraḥ || paraḥ saṃśrāvyate tāvacchaṃkavaḥ śrotrataḥ purā

54.72

kaṃṭhe yamā
nugāḥ pādaṃ kṛtvā tasya sudurmateḥ || atīva rudato lohaśaṃkūnkṣepsyaṃti karṇayoḥ

54.73

vāvadūkāśca dhvajino muṣṇaṃti kṛpaṇājñanān || svayaṃ
hastasahasreṇa dharmasyaivaṃ bhavadvidhāḥ

54.74

vajrasya digdhaśastrasya kālakūṭasya cāpyuta || samena vacasā tulyaṃ mṛtyoriti samābhavat

54.75

karṇanāsikanārācānnirharaṃti śarīrataḥ || vākchalyastu na nirhartuṃ śakyo hṛdiśayo hi saḥ

54.76

yaṃtrapīḍaiḥ samākramya varameṣa hato naraḥ || na
tu taṃ paruṣairvākyairjivāṃseta kathaṃcana

54.77

tvayā tvahaṃ yājñavalkya nityaṃ paṃḍitamāninā || nakulosīti tīvreṇa vacasā tāḍitaḥ kutaḥ

54.78

saṃvarta uvāca || || iti śrutvā vacastasya bhṛśaṃ vismitamānasaḥ || yājñavalkyo'bravīdetatprabaddhakarasaṃpuṭaḥ

54.79

namo'dharmāya mahate na
vipro yasya vai bhavam || paramāṇumapi vyaktaṃ kotra vidyāmadaḥ satām

54.80

viraṃciviṣṇupramukhāḥ someṃdrapramukhāstathā || sarvajñāste'pi muhyaṃti
gaṇanāsmāhaśāṃ ca kā

54.81

dharmajño'smīti yo mohādātmānaṃ pratipadyate || sa vāyuṃ muṣṭinā baddhumīhate kṛpaṇo naraḥ

54.82

kecidajñānato
naṣṭāḥ kecijjñānamadādapi || jñānaṃ prāpyāpi naṣṭāśca kecidālasyato'dhamāḥ

54.83

vedasmṛtītihāseṣu purāṇeṣu prakalpitam || catuḥpādaṃ tathā
dharmaṃ nācaratyadhamaḥ paśuḥ

54.84

sa purā śocate vyaktaṃ prāpya taccāṃtakaṃ gṛham || tathāhi gṛhyakāreṇa śrutau proktamidaṃ vacaḥ

54.85

nakulaṃ
sakulaṃ brūyānna kaṃcinmarmaṇi spṛśet || prapaṭhannapi caivāhamidaṃ sarvaṃ tathā śukaḥ

54.87

kevalaṃ pāṭha
mātreṇa yaśca saṃtuṣyate naraḥ || tathā paṃḍitamānī ca konyastasmātpaśurmataḥ

54.88

na cchaṃdāṃsi vṛjināttārayaṃti māyāvinaṃ māyayā 'vartamā
nam || nīḍaṃ śakuṃtā iva jātapakṣāśchaṃdāsyenaṃ prajahatyaṃtakāle

54.89

svargāya baddhakakṣo yaḥ pāṭhamātreṇa brāhmaṇaḥ || sa bālo māturaṃka
stho grahītuṃ somicchati

54.90

tadvavānsarvathā mahyamanayaṃ soḍhumarhasi || sarvaḥ ko'pi vadatyevaṃ tanmayaivamudāhṛtam

54.91

nakula
uvāca || || vṛthedaṃ bhāṣitaṃ tubhyaṃ sarvalokena yatsamam || ātmānaṃ manyase naitadrakuṃ yogyaṃ mahātmanām

54.92

vājivāraṇalohānāṃ kāṣṭhapā
ṣāṇavāsasām || nārīpuruṣatoyānāmaṃtaraṃ mahadaṃtaram

54.93

anye cetprākṛtā lokā bahupāpāni kurvate || pradhānapuruṣeṇāpi kāryaṃ tatpṛṣṭhato
nu kim

54.94

sarvārthaṃ nirmitaṃ śāstraṃ manobuddhī tathaiva ca || datte vidhātrā sarveṣāṃ tathāpi yadi pāpinaḥ

54.95

tato vidhātuḥ
ko doṣasta eva khalu durbhagāḥ || brāhmaṇena viśeṣeṇa kiṃ bhāvyaṃ lokavanyataḥ

54.96

yadyadācarati śreṣṭhastattadevetaro janaḥ || sa yatpramāṇaṃ kurute
lokastadanuvartate

54.97

tasmātsadā mahadbhiśca ātmārthaṃ ca parārthataḥ || satāṃ dharmo na saṃtyājyo nyāyyaṃ tacchikṣaṇaṃ tava

54.98

yasmāttvayā
pīḍito'haṃ ghoreṇa vacasā mune || tasmācchīghraṃ tvāṃ śapsyāmi śāpayogyo hi me mataḥ

54.99

nakulo'sīti māmāha bhavāṃstasmātkulādhamaḥ
śīghramutpatsyase mohāttvameva nakulo mune

54.100

saṃvarta uvāca || || iti vācaṃ samākarṇya bhāvyarthakṛtaniścayaḥ || yājñavalkyo marau deśe
viprasyājāyatātmajaḥ

54.101

durācārasya pāpasya nighṛṇasyātivādinaḥ || duṣkulīnasya jāto'sau tadā jātismaraḥ sutaḥ

54.102

so'tha
jñānātsamālokya bhartṛyajña iti dvijaḥ || guptakṣetraṃ samāpanno mahīsāgarasaṃgamam

54.103

tatra pāśupato bhūtvā śivārādhanatatparaḥ || svāyaṃbhuvaṃ
mahākālaṃ pūjayanvartate'dhunā

54.104

yo hi nityaṃ mahākālaṃ śraddhayā pūjayetpumān || sa dauṣkulīnadoṣebhyo mucyate'hiriva tvacaḥ

54.105

yathāyathā śraddhayāsau talliṃgaṃ paripaśyati || tathātathā vimucyeta doṣairjanmaśatodbhavaiḥ

54.106

bhartṛyajñastu tatraiva liṃgasyārādhanātkramāt || bīja
doṣādinirmuktastalliṃgamahimā tvasau

54.107

babhruṃ ca nakulaṃ prāha vimukto duṣṭajanmataḥ || yasmāttasmādidaṃ tīrthaṃ khyātaṃ vai babhru pāvanam

54.108

tasmādvrajadhvaṃ tatraiva mahīsāgarasaṃgamam || paṃca tīrthāni sevanto muktimāpsyatha niścitam

54.109

ityevamuktvā saṃvarto yathābhimataṃ dvijaḥ
bhartṛyajñaṃ muniṃ prāpya te ca tatra sthitābhavan

54.110

tatastānāha sa jñātvā gaṇāñjñānena śāṃbhavān || mahadyo vimalaṃ puṇyaṃ guptakṣetre yadatra vai

54.111

bhavanto'bhyāgatā yatra mahīsāgarasaṃgamaḥ || snānaṃ dānaṃ japo homaḥ piṃḍadānaṃ viśeṣataḥ

54.112

akṣayaṃ jāyate sarvaṃ mahīsāgara
saṃgame || kṛtaṃ tathā'kṣayaṃ sarvaṃ snānadānakriyādikam

54.113

yadātra sthānakaṃ cakre devarṣirnāradaḥ purā || tadā grahairvarā dattāḥ śaninā ca vara
stvasau

54.114

śanaiścareṇa saṃyuktā tvamāvāsyā yadā bhavet || śrāddhaṃ tatra prakurvīta snānadānapuraḥsaram

54.115

yadi śrāvaṇamāsasya śanaiśvara
dine śubhā || kuhūrbhavati tasyāṃ tu saṃkrāṃtiṃ kurute raviḥ

54.116

tasyāmeva tithau yogo vyatīpāto bhavedyadi || puṣkaraṃnāma tatparva sūryaparvaśatā
dhikam

54.117

sarvayogasamāvāpaḥ kathaṃcidapi labhyate || tasmindine śaniṃ lohaṃ kāṃcanaṃ bhāskaraṃ tathā

54.118

mahīsāgarasaṃsarge pūja
yīta yathāvidhi || śanimaṃtraiḥ śaniṃ dhyātvā sūryamaṃtrairdivākaram

54.119

arghyaṃ dadyādvākarasya sarvapāpapraśāṃtaye || prayāgādadhikaṃ snānaṃ dānaṃ kṣetrā
tkurorapi

54.120

piṃḍadānaṃ gayākṣetrādadhikaṃ pāṃḍunaṃdana || idaṃ saṃprāpyate parva mahadbhiḥ puṇyarāśibhiḥ

54.121

pitṝṇāmakṣayā tṛptirjāyate
divi niścitam || yathā gayāśiraḥ puṇyaṃ pitṝṇāṃ tṛptidaṃ param

54.122

tathā samadhikaḥ puṇyo mahīsāgarasaṃgamaḥ

54.123

agniśca reto
mṛḍayā ca dehe retodhā viṣṇuramṛtasya nābhiḥ || evaṃ bruvañchraddhayā satyavākyaṃ tato'vagāheta mahīsamudram

54.124

mukhaṃ ca yaḥ sarvanadīṣu puṇyaḥ pātho
dhiraṃbā pravarā mahī ca || samastatīrthākṛtiretayośca dadāmi cārghyaṃ praṇamāmi naumi

54.125

tāmrā rasyāḥ payovāhāḥ pitṛprītipradāḥ
śubhāḥ || sasyamālā mahāsindhurdāturdātrī pṛthustutā || indradyumnasya kanyā ca kṣitijanmā irāvatī

54.126

mahīparṇā mahīśṛṃgā gaṃgā
paścimavāhinī || nadī rājanadī ceti nāmāṣṭādaśamālikām

54.127

snānakāle ca sarvatra śrāddhakāle paṭhennaraḥ || pṛthunoktāni
nāmāni yajñamūrtipadaṃ vrajet

54.128

mahīdohe mahānaṃdasaṃdohe viśvamohini || jātāsi saritāṃ rāji pāpaṃ hara mahīdrave || ityarghyamaṃtraḥ

54.129

kaṃkaṇaṃ rajatasyāpi yo'tra nikṣipate naraḥ || sa jāyate mahīpṛṣṭhe dhanadhānyayute kule

54.130

mahīṃ ca sāggaraṃ caiva raupyakaṃkaṇa
pūjayā || pūjayāmi bhavenmā me dravyanāśo daridratā

54.131

kaṃkaṇakṣepaṇam || yatphalaṃ sarvatīrtheṣu sarvayajñaiśca yatphalam || tatphalaṃ snānadānena
mahīsāgarasaṃgame

54.132

vivāde ca samutpanne aparādhī ca yo mataḥ || jalahastaḥ sadā vācyo mahīsāgarasaṃgame

54.133

saṃsthāpyāghoramaṃtreṇa
sthāpya nābhipramāṇake || jale karaṃ samuddhatya dakṣiṇaṃ vācayedbutam

54.134

yadi dharmo'tra satyo'sti satyaścetsaṃgamastvasau || satyāścetkatudra
dvāraḥ satyaṃ syānme śubhāśubham

54.135

evamuktā karaṃ kṣipya dakṣiṇaṃ sakalaṃ tataḥ || niḥsṛtaḥ pāpakārī cejjvareṇāpīḍyate kṣaṇāt

54.136

saptāhāddṛśyate cāpi tāvannirdoṣavānmataḥ || atra snātvā ca jagdhvā ca tapastaptvā tathaiva ca

54.137

rudralokaṃ subahavo gatāḥ puṇyena karmaṇā
somavāre viśeṣeṇa snātvā yo tra subhaktitaḥ

54.138

paṃca tīrthāni kurute mucyate paṃcapātakaiḥ || ityādyuktaṃ bahuvidhaṃ tīrthamāhātmyamuttamam

54.139

artayajñaḥ śivasyoṃ'ce teṣāmārādhane kramam || śivāgamoktamādiśya pūjāyogaṃ yathāvidhi

54.140

śivabhaktisamudraikapūritaḥ prāha tānmuniḥ || na
śivātparamo devaḥ satyametacchivavratāḥ

54.141

śivaṃ vihāya yo hyanyadasatkiṃcidupāsate || karasthaṃ so'mṛtaṃ tyaktvā mṛgatṛṣṇāṃ pradhāvati

54.142

śivaśaktimayaṃ hyetatpratyakṣaṃ dṛśyate jagat || liṃgāṃkaṃ ca bhagāṃkaṃ ca nānyadevāṃkitaṃ kvacit

54.143

yaśca taṃ pitaraṃ rudraṃ tyaktvā mātaram
vikām || vartate'sau svapitaraṃ tyaktvodapittṛpiṃḍakaḥ || yasya rudrasya māhātmyaṃ śatarudrīyamuttamam

54.144

śṛṇudhvaṃ yadi pāpānāmicchadhvaṃ kṣālanaṃ
param || brahmā hāṭakaliṃgaṃ ca samārādhya kapardinaḥ

54.145

jagatpradhānamiti ca nāma japtvā virājate || kṛṣṇamūle kṛṣṇaliṃgaṃ nāma cārcitameva
ca

54.146

sanakādyaiśca talliṃgaṃ pūjyārjuyurjagadvṛtim || darbhākuramayaṃ sapta munayo viśvayonikam

54.147

nāradastvaṃtarikṣe ca jagadbījamidaṃ
gṛṇan || vajrasiddho liṃgamevaṃ viśvātmānaṃ ca nāma ca

54.148

sūryastāmraṃ tathā liṃgaṃ nāma viśvasṛjaṃ japan || caṃdraśca mauktikaṃ liṃgaṃ japannāma jaga
tpatim

54.149

iṃdranīlamayaṃ vahnirnāma viśveśvaraṃ japan || puṣparāgaṃ guruliṃgaṃ viśvayoniṃ japanharam

54.150

padmarāgamayaṃ śukro viśvakarmeti nāma
ca || hemaliṃgaṃ ca dhanado japannāmnā tatheśvaram

54.151

raupyajaṃ viśvadevāśca nāmāpi jagatāṃpatim || vāyavo rītijaṃ liṃgaṃ śaṃbhumityeva nāma ca

54.152

kāśajaṃ vasavo liṃgaṃ svayaṃbhumiti nāma ca || trilohaṃ mātaro liṃgaṃ nāma bhūteśameva ca

54.153

lauhaṃ ca rakṣasāṃ nāma bhūtabhavyabhavodbhavam
guhyakāḥ sīsajaṃ liṃgaṃ nāma yogaṃ japaṃti ca

54.154

jaigīṣavyo brahmaraṃdhraṃ nāma yogeśvaraṃ japan || nimirnayanayorliṃge japanśarveti nāma ca

54.155

dhanvaṃtarirgomayaṃ ca sarvalokeśvareśvaram || gaṃdharvā dārujaṃ liṃgaṃ sarvaśreṣṭheti nāma cā

vaiḍūryaṃ rāghavo liṃgaṃ jagajjyeṣṭheti nāma ca || bāṇo
mārakataṃ liṃgaṃ vasiṣṭhamiti nāma ca||156||varuṇaḥ sphāṭikaṃ liṃgaṃ nāmnā ca parameśvaram|| nāgā vidrumaliṃgaṃ ca nāma lokatrayaṃkaram||157||bhāratī tāram̐
liṃgaṃ ca nāma lokatrayāśritam || śaniśca saṃgamāvartaṃ jagannātheti nāma ca

Vaishnavakhanda 54

Contents