Pramāṇa · Search · About · API

Vaishnavakhanda 62

Vaiṣṇavakhaṇḍa 62

Language
Sanskrit

Contents

62.1

cha || || nārada uvāca || || tamālokya palāyaṃtaṃ vidhvastadhvajakārmukam || daityāṃśca muditāniṃdraḥ kartavyaṃ nādhyagacchata

62.2

athāyānnikaṭaṃ viṣṇoḥ sureśastvarayānvitaḥ || uvāca cainaṃ madhuramutsāhaparivṛṃhitam

62.3

kimebhiḥ krīḍase deva dānavairduṣṭamānasaiḥ || durjanairlabdha
raṃdhrasya puruṣasya kutaḥ kriyāḥ

62.4

śaktenopekṣito nīco manyate balamātmanaḥ || tasmānna nīcaṃ metimānupekṣeta kathaṃcana

62.5

athāgresarasaṃpattyā
rathino jayamāyuḥ || kaste sakhābhavatpūrvaṃ hiraṇyākṣavadhe vibho

62.6

hiraṇyakaśipurdaityo vīryaśālī madoddhataḥ || prāpya tvāṃ tṛṇavannraṣṭastatra ko'gresarastava

62.7

pūrvaṃ pratibalā daityā madhukaiṭabhasaṃnibhāḥ || niviṣṭāstvāṃ tu saṃprāpya śalabhā iva pāvakam

62.8

yugeyuge ca daityānāṃ tvatto nāśo'bhavaddhare || tathaivādyeha bhītānāṃ tvaṃ hi viṣṇo surāśrayaḥ

62.9

evaṃ saṃnodito viṣṇurvyavardhata mahābhujaḥ || balena tejasā ṛddhyā sarvabhūtāśrayo'
rihā

62.10

athovāca sahasrākṣaṃ keśavaḥ prahasanniva || evametadyathā prāha bhavānasmadgataṃ vacaḥ

62.11

trailokyadānavānsarvāndagdhuṃ śaktaḥ kṣaṇādaham || durjayastārakaḥ kiṃ tu śrutvā saptadinaṃ śiśum

62.12

mahiṣaścaiva śuṃbhaśca ubhau vadhyau ca yoṣitā || jaṃbho durvāsasā śaptaḥ śakravadhyo bhavāniti || tasmāttvaṃ divyavīryeṇa jahi jaṃbhaṃ madotkaṭam

62.13

avadhyaḥ sarvabhūtānāṃ tvāprate sa tu dānavaḥ

62.14

mayā gupto raṇe jaṃbho jagatkaṃṭakamuddhara || tadvaikuṃṭhavacaḥ śrutvā sahasrākṣomarārihā

62.15

samādiśatsurādhyakṣānsainyasya racanāṃ prati || tataścābhyarthito devairviṣṇuḥ sainyamakalpayat

62.16

yatsāraṃ sarvalokasya vīryasya tapaso'pi ca || tadaikādaśa rudrāṃśca cakārāgresarānhariḥ

62.17

vyālīḍhāṃgā mahādevā balino nīlakaṃṭhadharāḥ || caṃdrakhaṃḍatripuṃḍrāśca piṃgākṣāḥ śūlapāṇayaḥ

62.18

piṃgottuṃgajaṭājūṭāḥ siṃhacarmāvasāyinaḥ || bhasmoddhūlitagātrāśca bhujamaṃḍalabhairavāḥ

62.19

kapālīśādayo rudrā vidrāvitā mahāsurāḥ || kapālī piṃgalo bhīmo virūpākṣo vilohitaḥ

62.20

ajakaḥ śāsanaḥ śāstā śaṃbhuścaṃdro bhavastathā || eta ekādaśānaṃtabalā rudrāḥ prabhāvinaḥ

62.21

apālayaṃta tridaśānvigarjata ivāṃbudāḥ || himācalābhe mahati kāṃcanāṃburuhasraji

62.22

pracaṃcalamahāhemaghaṃṭāsaṃhatimaṃḍite || airāvate caturdaṃte mattamātaṃga āsthitaḥ

62.23

mahāmadajalasrāve kāmarūpe śatakratuḥ || tasthau himagireḥ śṛṃge bhānumāniva dīptimān || tasyārakṣatpadaṃ savyaṃ māruto'mitavikramaḥ

62.24

jugopāparamaśviśca jvālāpūritadiṅmukhaḥ || pṛṣṭharakṣo'bhava
viṣṇuḥ samareśaḥ śatakratoḥ

62.25

ādityā vasavo viśve marutaścāśvināvapi || gaṃdharvā rākṣasā yakṣāḥ sakiṃnaramahoragāḥ

62.26

koṭiśaḥkoṭiśaḥ kṛtvā vṛṃdaṃ cihnopalakṣitam || viśrāvayaṃtaḥ svāṃ kīrtiṃ baṃdivṛndaiḥ puraḥsaraiḥ

62.27

celurdaityavadhe hṛṣṭā nānāvarṇāyudhadhvajāḥ

62.28

śatakratoramaranikāyapālitā patākinī yānininādanāditā || sitonnatadhvajapaṭakoṭimaṃḍitā babhūva sā ditisutaśokavardhinī

62.29

āyāṃtīṃ tāṃ vilokyātha surasenāṃ gajāsuraḥ || gajarūpī mahāṃścaiva saṃhārāṃbhodhivikramaḥ

62.30

paraśvadhāyudho daityo daśanauṣṭhakasaṃpuṭaḥ || mamarda caraṇe devāṃścikṣepānyānkareṇa ca

62.31

parānparaśunā jaghne daityeṃdro raudravikramaḥ || tasyaivaṃ nighnataḥ kruddhā devagandharvakiṃnarāḥ

62.32

mumucuḥ saṃhatāḥ sarve citraśastrāstrasaṃhatim || paraśvadhāṃśca cakrāṇi bhiṇḍipālānsamudgarān

62.33

kuntānprāsāñcharāṃstīkṣṇānmudgarāṃścāpi duḥsahān || tānsarvānso'yasadaityo yūthapaḥ kavalāniva

62.34

kopasphuritadaṃṣṭrāgraḥ karasphoṭena nādayan || surāṃstrimaṃścacārājau duṣprekṣyaḥ so'tha dānavaḥ

62.35

yasminyasminnipatati suravṛṃde gajāsuraḥ || tasmiṃstasminmahāśabdo hāhākāro vyajāyata

62.36

atha vidravamānaṃ tadbalaṃ prekṣya samaṃtataḥ || rudrāḥ parasparaṃ proccarahaṃkārotthitā
cipaḥ

62.37

bhobho gṛhṇata daityeṃdraṃ bhidatenaṃ mahābalāḥ || karṇatenaṃ śitaiḥ śūlairbhattenaṃ hi marmasu

62.38

kapālī vākyamākarṇya śūlaṃ sitaśitaṃ
mukhe || saṃmārjya vāmahastena saṃraṃbhādvivṛtekṣaṇaḥ

62.39

protphullāruṇanīlābjasaṃhatiḥ sarvato diśaḥ || athāgādbhukuṭīvakro daityeṃdrābhimukho raṇe

62.40

haṭhena muṣṭibandhena śūlaṃ viṣṭabhya nirmalaḥ || jaghāna kumbhadeśe tu kapālī gajadānavam

62.41

tato daśāpi te rudrā nirmalāyomaye raṇe
jaghnuḥ śūlaistu daityeṃdraṃ śailavaṣmīṇamāhave

62.42

susrāva śoṇitaṃ paścātsarvasrotassu tasya vai || śūlaraktena rudrasya śuśubhe gajadānavaḥ

62.43

protphullāmalanīlābjaṃ śaradīvāmalaṃ saraḥ || bhasmaśubhratanucchāyaiḥ rudrairhaṃsairivāvṛtam

62.44

kuddhaṃ kapālinaṃ daityaḥ pracalatkarṇapallavaḥ || bhavaṃ ca dantaiḥ
bibhide nābhideśe gajāsuraḥ

62.45

hṛṣṭvānuraktaṃ rudrābhyāṃ navarudrāstato drutam || vivyadhurviśikhaiḥ śūlaiḥ śarīramaradviṣaḥ

62.46

tataḥ kapā
linaṃ tyaktvā bhavaṃ cāsurapuṃgavaḥ || vegena kupito daityo nava rudrānupādravat || mamarda caraṇāghātairdantaiścāpi kareṇa ca

62.47

tato'sau śūlayuddhena
śramamāsādito yadā || tadā kapālī jagrāha karamasyāmaradviṣaḥ

62.48

āmayāmāsa cātīva vegena ca gajāsuram || dṛṣṭvā śramāturaṃ daityaṃ
kiṃciccāvitajīvitam

62.49

nirutsāhaṃ raṇe tasmingatayuddhotsavo'bhavat || tato bhramata evāsya carma utkṛtya bhairavam

62.50

sravatsarvāṅgara
ktauvaṃ cakārāṃbaramātmanaḥ || tuṣṭuvustaṃ tadā devā bahudhā bahubhiḥ stavaiḥ

62.51

ūcuścainaṃ ca yo hanyātsa mriyeta tatastvasau || dṛṣṭvā kapālino rūpaṃ
gajacarmāṃbarāvṛtam

62.52

vitresurdudruvurjaghnurnipetuśca sahasraśaḥ || evaṃ vilulite tasmindānavendre mahābale

62.53

gajaṃ mattamathāruhya śatadundu
bhināditam || nimirabhyapatattūrṇaṃ surasainyāni loḍayan

62.54

yāṃyāṃ nimigajo yāti diśaṃ tāṃtāṃ savāhanāḥ || dudruvuścukururdevā bhayenā
kaṃpitā muhuḥ

62.55

gandhena suramātaṃgā dudruvustasya hastinaḥ || palāyiteṣu sainyeṣu surāṇāṃ pākaśāsanaḥ

62.56

tasthau dikpālakaiḥ sārdhaṃ
ṣaṣṭabhiḥ keśavena ca || saṃprāptastasya mātaṃgo yāvacchakragajaṃ prati

62.57

tāvacchakragajo bhīto muktvā nādaṃ subhairavam || mriyamāṇo'pi
yatnena cakora iva tiṣṭhati

62.58

palāyati gaje tasminnārūḍhaḥ pākaśāsanaḥ || viparītamukhaṃ yuddhaṃ dānavendreṇa so'karot

62.59

śatakra
tustu śūlena nirmiṃ vakṣasyatāḍayat || gadayā daṃtinaṃ tasya galladeśehanadbhṛśam

62.60

taṃ prahāramacintyaiva nirmirnirbhayapauruṣaḥ
airāvataṃ kaṭīdeśe mudgareṇābhyatāḍayat

62.61

sa hato mudgareṇātha śakrakuñjara āhave || jagāma paścātpadbhyāṃ ca pṛthivīṃ bhūdharākṛtiḥ

62.62

lāghavātkṣipramutthāya tato'maramahāgajaḥ || raṇādapasasarpātha bhīṣito nimihastinā

62.63

tato vāyurvavau rūkṣo bahuśarkarapāṃsulaḥ
sammukho nimimātaṃgo'kaṃpano'calakaṃpanaḥ || srutarakto babhau śailo dhanadhātuhrado yathā

62.64

dhaneśo'pi gadāṃ gurvīṃ tasya dānavahastinaḥ
mumoca vegātprapatatsā gadā tasya mūrdhani

62.65

majo gadānipātena sa tena parimūrchitaḥ || daṃtairbhitvā dharāṃ vegātpapātācalasannibhaḥ

62.66

patite ca gaje tasminsahanādo mahānabhūt || sarvataḥ surasainyānāṃ gajabṛṃhitabṛṃhitaḥ

62.67

heṣāraveṇa cāśvānāṃ raṇāsphoṭaiśca dhanvinām
gajaṃ taṃ nihataṃ dṛṣṭvā nimiṃ cāpi parāṅmukham

62.68

surāṇāṃ siṃhanādaṃ ca sannāditadigaṃtaram || jaṃbho jjvāla kopena saṃdīpta iva pāvakaḥ

62.69

tataḥ sa koparaktākṣo dhanuṣyāropya sāyakam || tiṣṭheti cābravīttāraṃ sārathiṃ cāpyanaṃdayat

62.70

tamāyātamabhiprekṣya dhanuṣyāhitasāyakam || śatakraturadīnātmā hṛdamādatta kārmukam

62.71

bāṇaṃ ca tailadhautāgramardhacaṃdramajihmagam

62.72

tenāsya saśaraṃ cāpaṃ ciccheda balavṛtrahā || apāsya tadvṛścichannaṃ jaṃbho dānavanaṃdanaḥ

62.73

anyatkārmukamādāya vegavadvārasādhanam || śarāṃścāśīviṣākārāṃstailadhautānajihmagān

62.74

śakraṃ vivyādha daśabhirjudeśe ca patribhiḥ || hṛdaye ca tribhiścaiva dvābhyāṃ ca skandhayordvayoḥ

62.75

śakro'pi dānavendrāya bāṇajālam bhīrayan || aprāptāndānavendrastu śarāṃścakrabhujoritān

62.76

ciccheda śatadhā''kāśe śarairagniśikhopamaiḥ || tataśca śarajālena devendro dānaveśvaram

62.77

ācchādayata yatnena varṣāsviva ghanairnabhaḥ || daityo'pi bāṇajālena vivyādha sāyakaiḥ śitaiḥ

62.78

yathā vāyurghanāṭopaṃ yadvāryaṃ diśāṃ mukhe || śakro'tha krodhasaṃrambhānna viśeṣayate yadā

62.79

dānavendraṃ tadā cakre gaṃdharvāstraṃ mahādbhutam || tato'sya tejasā vyāptamabhūdgaganagocaram

62.80

gandharvanagaraiścāpi nānāprākāratoraṇaiḥ || muṃcadbhiradbhutākārairastravṛṣṭiṃ samaṃtataḥ

62.81

tayāstravṛṣṭyā daityānāṃ hanyamānā mahācamūḥ || jaṃbhaṃ śaraṇamāgacchatrātrīhīti bhārata

62.82

tato jaṃbho mahāvīryo vinadya prahasanmuhuḥ || smaransādhusamācāraṃ daityānāmabhayaṃ dadau

62.83

tato'straṃ mauśalaṃnāma mumoca sumahābhayam || athogramusalaiḥ sarvamabhavatpūritaṃ jagat

62.84

taiśca bhagnāni sarvāṇi gaṃdharvanagarāṇi ca || athoyaika prahāreṇa rathamaśvaṃ gajaṃ suram

62.85

cūrṇayāmāsa tatkṣipraṃ śataśo'tha sahasraśaḥ || tataḥ surādhipaḥ śakrastvāṣṭramastramudairayat

62.87

saṃdhyamāne tataścāgre
niśśreruḥ pāvakārciṣaḥ || tato yantramayā vidyāḥ prādurāsansahasraśaḥ ||86||tairyaṃtrairabhavadyuddhamaṃtarikṣaṃ vitārakam|| tairyaṃtrairmauśalaṃ bhagnaṃ hanyaṃte cāsurāstadā

62.90

śailāścaṃ mumuce jaṃbho yaṃtrasaṃghātacūrṇanam || vyāmapramāṇairupalaistato varṣaḥ pravartata||88||tvāṣṭreṇa nirmitānyāśu yāni yaṃtrāṇi bhārata || tenopala
nipātena gatāni tilaśastataḥ||89||tataḥ śirassu devānāṃ śilāḥ peturmahājavāḥ || dārayaṃtyaśca vasudhāṃ caturaṃgabalaṃ ca tat

62.91

tato vajrāśramakarotsa
hastākṣaḥ puraṃdaraḥ||tataḥ śilāmahāvarṣaṃ vyaśīryata samaṃtataḥ

62.92

tataḥ praśāṃtaiḥ śailāgrairjaṃbho bhūdharasannibhaḥ || aipīkamastramakaroccūrṇitānyaparākramaḥ

62.93

aipīkeṇāgamannāśaṃ vajrāstraṃ giridāraṇam || vijṛṃbhatyatha caiṣīke paramāstre'tidāruṇe

62.94

jajvalurdevasainyāni sasyaṃdanagajāni ca || dahyamāneṣva nīkeṣu tejasāstrasya sarvataḥ

62.95

āgneyamastramakarodvlahā pākaśāsanaḥ || tenāstreṇa ca tatrāśamaiṣīkamagamattadā

62.96

tasminpratihate cāstre pāvakāstraṃ vyajṛṃbhata || jajvāla senā jaṃbhasya rathaḥ sārathireva ca

62.97

tataḥ pratihatāstro'sau daityeṃdraḥ pratibhānavān || vāruṇāstraṃ mumocātha śamanaṃ pāvakārciṣām

62.98

tato jaladharairvyoma sphuradvidyuchatākulaiḥ || gaṃbhīrākṣaisamādhāraiścābhyapūryata medinī

62.99

karīṃdrakaratulyābhirdhārābhiḥ pūritaṃ jagat || śāṃtamāgneyamastraṃ ca vilokyeṃdraścakāra ha

62.100

vāyavyamastramatulaṃ tena meghā yayuḥ kṣayam || vāyavyāstrabalenātha nirdhūte meghamaṃḍale

62.101

babhūvānāvilaṃ vyoma nīlotpaladalaprabham || vāyunā cātirūpeṇa kaṃpitāścaiva dānavāḥ

62.102

na śekustatra te sthātuṃ raṇe'pi balino'pi ye || jaṃbhastato'bhavacchailo daśayojanavistṛtaḥ

62.103

mārutapratighātārthaṃ dānavānāṃ balādhipaḥ || nānāścaryasamāyukto nānādruma latāvṛtaḥ

62.104

tataḥ praśamite vāyau daityeṃdre parvatākṛtau || mahāśaniṃ vajramayīṃ mumocāśu śatakratuḥ

62.105

tayāśanyā patitayā daityasyāca larūpiṇaḥ || kaṃdarāṇi vyaśīryaṃta samaṃtānnirjharāṇi ca

62.106

tataḥ sā dānaveṃdrasya śailamāyā nyavartata || nivṛttaśailamāyo'tha dānaveṃdro madotkaṭaḥ

62.107

babhūva kuṃjaro bhīmo mahāśailamayākṛtiḥ || mamarda ca surānīkaṃ daṃtaiścābhyahanatsurān

62.108

babhaṃja pṛṣṭhataḥ kāṃścitkareṇākṛṣya dānavaḥ || tataḥ kṣapayatastasya surasainyāni vṛtrahā

62.109

astraṃ trailokyadurdharṣaṃ nārasiṃhaṃ mumoca ha || tataḥ siṃhasahasrāṇi niśśrerurmaṃtratejasā

62.110

hṛṣṭadaṃṣṭrāgrahāsāni kakacābhanakhāni ca || tairvipāṭitagātro'sau gajamāyāṃ vyapohayat

62.111

tataścāśīviṣo ghoro'bhavatphaṇasamākulaḥ || viṣaniḥśvāsanirdagdhasurasainyamahārathaḥ

62.112

tato'straṃ gāruḍaṃ cakre śakraḥ saṃpraharatraṇe || tatastasmādrutsaṃtaḥ sahasrāṇi viniryayuḥ

62.113

tergarutmadbhirāsādya jaṃbhaṃ bhujagarūpiṇam || kṛtastu khaṃḍaśo daityaḥ sāsya māyā vyanaśyata

62.114

māyāyāṃ ca pranaṣṭāyāṃ tato jaṃbho mahāsuraḥ
cakāra rūpamatulaṃ caṃdrādityapadānugam

62.115

vivṛttanayano śrastumiyeṣa surapuṃgavān || tato'sya prāviśadvakraṃ samahārathakuṃjarā

62.116

surasenā'bhavadbhīmaṃ pātālottālatālukam || sainyeṣu śrasyamāneṣu dānavena balīyasā

62.117

śakro dīnatvamāpannaḥ śrāṃtavāhanavāhanaḥ || kartavyatāṃ nādhyagacchatprovācedaṃ janārdanam

62.118

kimanaṃtaramevāsti kartavyaṃ no viśeṣataḥ || tadādiśa ghaṭāmo'sya dānavasya yuyutsataḥ

62.119

tato hariruvācedaṃ vajrāyudhamudāradhīḥ || na sāṃprataṃ raṇaṃ tyājyaṃ śatrukātarabhairavam

62.120

mā gaccha mohaṃ mā gaccha kṣipramastraṃ smara prabho || nārāyaṇāstraṃ prayataḥ śutveti mumuce sa ca

62.121

etasminnaṃtare daityo vivṛtāsyo'grasatkṣaṇāt || trīṇitrīṇi ca lakṣāṇi kiṃnaroragarakṣasām

62.122

tato nārāyaṇāstraṃ ca nipapātāsya vakṣasi || mahāstrābhinnahṛdayaḥ susrāva rudhiraṃ ca saḥ

62.123

tataḥ svatejasā rūpaṃ tasya daityasya nāśitam || tataścā tardadhe daityaḥ kṛtvā hāsaṃ mahotkaṭam

62.124

gaganasthaḥ sa daityeṃdraḥ śastrāśanisatīṃdriyaḥ || mumoca surasenyānāṃ saṃhārakaraṇīṃ parām

62.125

tathā paraśvadhāṃścakravajrabāṇānsamudgarān || kuṃtānkhaḍgānbhiṃdipālānayomukhaguḍāṃstathā

62.126

vavarṣa dānavo roṣādavadhyānakṣayānapi || tairadvairdānavonmuktairdevānīkeṣu bhīṣaṇaiḥ

62.127

bāhubhirdharaṇī pūrṇā śirobhiśca sakuṃḍalaiḥ || ūrubhirgajahastābhaiḥ karīṃdraiścācalopamaiḥ

62.128

bhagneṣā daṃḍacakrākṣe rathaiśca rathibhiḥ saha || duḥsaṃcārāvatpṛthvī māṃsaśoṇitakardamā

62.129

rudhiraughahradāvartā gajadehaśiloccayā || kabaṃdhanṛtyabahulā mahā surapravāhinī

62.130

śṛgālagṛdhradhvāṃkṣāṇāṃ paramānaṃdakāriṇī || piśācajātibhiḥ kīrṇaṃ pītvā''miṣaṃ saśoṇitam

62.131

asaṃbhramābhirbhāryābhiḥ saha nṛtyadviruddhatā || kācitpatnī prakupitā gajakuṃbhāṃtamauktikaiḥ

62.132

piśāco yatra cāśvānāṃ khurānekatra cākarot || karṇaṃ pūreṣu modaṃte paśyaṃtyanyāḥ saropataḥ

62.133

prasādayaṃti bahudhā mahākarṇārthakovidāḥ || kecidvadanti bho devā bho daityāḥ prārthayāmahe

62.134

ākalpamevaṃ yoddhavyamasmākaṃ tṛptihetave || kecidcurayaṃ daityo devoyamatimāṃsalaḥ

62.135

mriyate yadi saṃgrāme dhāturdmo'paryācitam || kecidyudhyatsu vīreṣu sṛkkiṇī saṃlihaṃti ca

62.136

etena paṃyasā vipro durjanaḥ sujano yathā || kecidkanadīnāṃ ca tīreṣvāstikyabuddhayaḥ

62.137

pitṝndevāṃstarpayaṃti śoṇitaiścāmiṣaiḥ śubhaiḥ || kecidāmiparāśisthā hṛṣṭvānyasya karāmiṣam

62.138

dehidehīti vām̐śaṃto dhaninaḥ
kṛpaṇā yathā || kecitsvayaṃ pratṛptāśca hṛṣṭvā vai khādataḥ parān

62.139

saroṣamoṣṭhau nirbhujya paśyaṃtyevātyasūyayā || kecitsvamudaraṃ
kuddhā niṃdaṃti tāḍayaṃti ca

62.140

sarvabhakṣamabhīpsaṃtastṛtāḥ paradhanaṃ yathā || kecidāhuraca eva ślāghyā sṛṣṭistu vedhasaḥ

62.141

suprabhātaṃ
sunakṣatraṃ pūrvamāsīdbhṛthaiva tat || evaṃ bahuvidhālāpe palādānāṃ tatastataḥ

62.142

adṛśyaḥ samare jaṃbho devāñchakroracūrṇayat || tataḥ śakro
dhaneśaśca varuṇaḥ pavano'nalaḥ

62.143

yamo'tha nirṛtiścāpi divyāstrāṇi mahābalāḥ || ākāśe mumucuḥ sarve dānavāyābhisaṃdhya tu

62.144

vyarthatāṃ jagmurastrāṇi devānāṃ dānavaṃ prati || yathātikrūracittānāmārye kṛtyaśatānyapi

62.145

gatiṃ na vividuścāpi śrāṃtā daityāśca
devatāḥ || daityāsrābhinnasarvāṃgā gāvaḥ śītārditā iva

62.146

parasparaṃ vyalīyaṃta hāhākiṃbhāvivādinaḥ || tāmavasthāṃ harirdṛṣṭvā devāñchakruvāca
ha

62.147

aghoramaṃtraṃ smara devarāja astraṃ hi yatpāśupataprabhāvam || rudreṇa tuṣṭena tava pradattamavyāhataṃ vīravarābhighāti

62.148

evaṃ sa śakro hari
bodhitastadā praṇamya devaṃ vṛṣaketumīśvaram || samādade bāṇamamitraghātanaṃ saṃpūjitaṃ daivaraṇe'rddhacaṃdram

62.149

dhanuṣyajayye viniyojya buddhimānya
yojayattatra aghoramaṃtram

62.150

tato vadhāyāśu mumoca tasya vā ākṛṣya karṇāṃtamakuṃṭhadīdhitim || athāsuraḥ prekṣya mahāstramāpatadvisṛjya māyāṃ
sahasā vyavasthitaḥ

62.151

pravepamānena mukhena yujyatācalena gātreṇa ca saṃbhramākulaḥ || tatastu tasyāśvavarābhimaṃtritaḥ śaro'rdhacaṃdraḥ prasabhaṃ mahāraṇe

62.152

puraṃdarasyeṣvasanapramukto madhyārkabiṃbaṃ vapuṣā viḍaṃbayan

62.153

kirīṭakūṭasphurakāṃtisaṃkulaṃ sugaṃdhinānākusumādhivāsitam
prakīrṇadhūmajvalanābhamūrdhajaṃ nyapātayacchaṃbhaśiraḥ sakuṃḍalam

62.154

tasminnihate jaṃbhe praśaśaṃsuḥ surā bahu || vāsudevo'pi bhagavānsādhu
sādhiti cābravīt

62.155

tato jaṃbhaṃ hataṃ dṛṣṭvā dānavendrāḥ parāṅmukhāḥ || sarve te bhagnasaṃkalpā dudrubustārakaṃ prati

62.156

tāṃśca
trastānsamālokya śrutvā sa caturo hatān || sārathiṃ prerayāmāsa yāhīṃdraṃ laghu saṃgare

62.157

tathetyuktvā sa ca prāyāttārake rathamāsthite || sāvalepaṃ ca sakrodhaṃ sagarvaṃ saparākramam

62.158

sāviṣkāraṃ sadhikkāraṃ prayāto dānaveśvaraḥ || sa yuktaṃ rathamāsthāya sahasreṇa garutmatām

62.159

sarvāyudhapariṣkāraṃ sarvāstraparirakṣitam || trailokyakruddhisaṃpannaṃ kalpāṃtāṃtakanāditam

62.160

sainyena mahatā yukto nādayanvidiśo diśaḥ
sahasrākṣaśca taṃ dṛṣṭvā tyaktvā vāhanadaṃtinam

62.161

rathaṃ mātalinā yuktaṃ taptahemapariṣkṛtam || caturyojanavistīrṇaṃ siddhasaṃghapariṣkṛtam

62.162

gaṃdharvakiṃnarodgītamapsaronṛtyasaṃkulam

62.163

sarvāyudhamahābādhaṃ mahāratnasamācitam || adhyatiṣṭhattaṃ rathaṃ ca parivārya samaṃtataḥ

62.164

daṃśitā¹
lokapālāśca tasthuḥ sagaruḍadhvajāḥ || tataścāla vasudhā vavau rūkṣo marudgaṇaiḥ²

62.165

celuśca sāgarāḥ sapta tathā'naśyadraveḥ prabhā || tato jajvalur
jvālāni tato'kaṃpata vāhanāḥ

62.166

tataḥ samastamudvṛttaṃ tato'haśyata tārakaḥ || ekatastārako daityaḥ surasaṃghāstathaikataḥ

62.167

lokāvasād
ekatra lokoddharaṇamekataḥ || carācarāṇi bhūtāni bhayavismayavaṃti ca

62.168

praśaśaṃsuḥ surāḥ pārtha tadā tasminsamāgame

62.169

antrāṇi
tejāṃsi dhanāni yodhā yaśo balaṃ vīraparākramāśca || sattvaujasānyaṃga babhūvureṣāṃ devāsurāṇāṃ tapasaḥ paraṃ tu naḥ

62.170

athābhimukhamāyāṃtaṃ
devā vinataparvabhiḥ || bāṇairanalakalpairvivyadhustārakaṃ prati

62.171

sa tānvicitya daityeṃdro devabāṇakṣatānhṛdi || bāṇairvyoma diśaḥ pṛthvīṃ pūrayāmāsa dānavaḥ

62.172

nārāyaṇaṃ ca saptatyā navatyā ca hutāśanam || daśabhirmārutaṃ mūrdhni yamaṃ daśabhireva ca

62.173

dhanadaṃ caiva saptatyā varuṇaṃ
ca tathāṣṭabhiḥ || viṃśatyā nirṛtiṃ daityaḥ punaścāṣṭabhireva ca

62.174

vivyādha punarekaikaṃ daśabhirdaśabhiḥ śaraiḥ || tathā ca mātaliṃ daityo vivyādha tribhirāśugaiḥ

62.175

garuḍaṃ daśabhiścaiva mahiṣaṃ navabhistathā || punardaityeṃ'tha devānāṃ tilaśo nataparvabhiḥ

62.176

cakāra varmajālāni
ciccheda ca dhanūṃṣi ca || tato vikavacā devā vidhanuṣkāḥ prapīḍitāḥ

62.177

cāpānyanyāni saṃgṛhya yāvanmuṃcaṃti sāyakān || tāvadvāṇaṃ samādhāya kālānalasamaprabham

62.178

tāḍayāmāsa śakraṃ sa hṛdi so'pi mumoca ha || tato'ṃtarikṣamālokya dṛṣṭvā sūryaśatākṛtim

62.179

tākrṣyaṃ
viṣṇū samājaghne śarābhyāṃ tāvamuhyatām || pretanāthasya vahneśca varuṇasya śitaiḥ śaraiḥ

62.180

nirṛteścākarotkāyaṃ bhītabhītaṃ vimohayan || nirucchvāsaṃ samāhatya cakre bāṇaiḥ samīraṇam

62.181

tataḥ prāpya hariḥ saṃjñāṃ protsāhya ca diśāṃ patīn || bāṇena sāratheḥ kāyācchiro'hārṣītsakuṇḍalam

62.182

dhūmaketorjvalatkudrastasya cchittvā nyapātayat || daityarājakirīṭaṃ ca ciccheda vāsavastataḥ

62.183

dhaneśaśca dhanuḥ kuddho bibheda bahudhā śaraiḥ || vāyuścake ca tilaśo rathaṃ vā kṣoṇikūbaram

62.184

nirṛtistitalaśo varma cake bāṇaistato raṇe || kṛtvaitadatulaṃ karma tiṣṭhatiṣṭheti cābruvan

62.185

lihaṃtaḥ sṛkkiṇīṃ devā vāsudevādayastadā || dṛṣṭvā tatkarma devānāṃ tārako'tulavikramaḥ

62.186

sumoca mudgaraṃ bhīmaṃ sahasrākṣāya saṃgare || dṛṣṭvā mudgaramāyāṃtamanivāryaṃ raṇājire

62.187

rathādāplutya dharaṇīmagamatpākaśāsanaḥ
mudgaro'pi rathopasthe papāta paruṣasvanaḥ

62.188

sa rathaṃ cūrṇayāmāsa na mamāra ca mātaliḥ || gṛhītvā paṭṭiśaṃ daityo jaghānorasi keśavam

62.189

skandhe garutmataḥ so'pi niṣasāda vicetanaḥ || khaḍgena rākṣasendraṃ ca bhittvā bhūmāvapātayat

62.190

yamaṃ ca pātayāmāsa bhūmau daityo mukhe hatam || vahniṃ ca bhiṇḍipālena cakre hatvā vicetanam

62.191

vāyuṃ padā tadākṣipya pātayāmāsa bhūtale || dhaneśaṃ tadvanuṣkoṭyā kuṭṭayāmāsa kopanaḥ

62.192

tato devanikāyānāmekaikaṃ kṣaṇamātrataḥ || teṣāmeva jaghānāsau śastrairbālānyathā guruḥ

62.193

labdhasaṃjñastato viṣṇuścakraṃ jagrāha durdharam || dānavendravasāmedorudhireṇābhirañjitam

62.194

mumoca dānavendrasya hṛdaṃ vakṣasi keśavaḥ || papāta cakraṃ daityasya patitaṃ bhāskaradyuti

62.195

vyaśīryatātha kāye'sya nīlotpalamivāśmani || tato vajraṃ mahendro'pi pramumocārcitaṃ ciram

62.196

tasminnayāśā śakrasya dānavendrāya saṃyuge || tārakasya ca saṃprāpya śarīraṃ śauryaśālinaḥ

62.197

viśīryata vikīrṇāṃgiḥ śatadhā khaṇḍaśo gatam || tato vāyuradīnātmā vegena mahatā nadan

62.198

jvalitajvalanābhāsamaṃkuśaṃ pramumoca ha || viśīrṇaṃ tasya taccāṅge dṛṣṭvā vāyurmahāruṣā

62.199

tataḥ śailendramutpāṭya puṣpitadrumakaṃdaram || cikṣepa dānavendrāya daśayojanavistṛtam

62.200

mahīdharaṃ tamāyāṃtaṃ sasmitaṃ daityapuṃgavaḥ || jagrāha vāmahastena bālaḥ kandukalīlayā

62.201

tatastenaiva cāhatya pātayāmāsa cāṃtakam || daṇḍaṃ tataḥ samudyamya kṛtāṃtaḥ krodhamūrcchitaḥ

62.202

daityendramūrdhina cikṣepa bhrāmya vegena durjayam || so'surasyāpatanmūrdhina daityastaṃ jagṛhe smayan

62.203

kalpāṃtalokadahano jvalano roṣasaṃjvalan || śaktiṃ cikṣepa durdharṣāṃ dānavendrāya saṃyuge

First 200 of 309 passages. Read on

Linked texts (8)